पठ्यमानो ह्य अयं मन्त्रः क्रुद्धः संरक्तलोचनः । मारणे पातने वापि मोहनोच्चाटने भवेत ।।

paṭhyamāno hy ayaṃ mantraḥ kruddhaḥ saṃraktalocanaḥ | māraṇe pātane vāpi mohanoccāṭane bhavet ||

कर्णमोटी महाविद्या सर्ववर्णेषु रक्षिका । पञ्चोदयं प्रवक्ष्यामि स्वरोदयसमश्रितं ।।

karṇamoṭī mahāvidyā sarvavarṇeṣu rakṣikā | pañcodayaṃ pravakṣyāmi svarodayasamaśritaṃ ||

नाभिहृद्यन्तरं यावत्तावच्चरति मारुतः । उच्चाटयेद्रणादौ तु कर्णाक्षीणि प्रभेदयेत ।।

nābhihṛdyantaraṃ yāvattāvaccarati mārutaḥ | uccāṭayedraṇādau tu karṇākṣīṇi prabhedayet ||

करोति साधकः क्रुद्धो जपहोमपरायणः । हृदयात्पायुकं कण्ठं ज्वरदाहारिमारणे ।।

karoti sādhakaḥ kruddho japahomaparāyaṇaḥ | hṛdayātpāyukaṃ kaṇṭhaṃ jvaradāhārimāraṇe ||

कण्ठोद्भवो रसो वायुः शान्तिकं पौष्टिकं रसं । दिव्यं स्तम्भं समाकर्षं गन्धो नासान्तिको भ्रुवः ।।

kaṇṭhodbhavo raso vāyuḥ śāntikaṃ pauṣṭikaṃ rasaṃ | divyaṃ stambhaṃ samākarṣaṃ gandho nāsāntiko bhruvaḥ ||

गन्धलीनं मनः कृत्वा स्तम्भयेन्नात्र संशयः । स्तम्भनं कीलनाद्यञ्च करोत्येव हि साधकः ।।

gandhalīnaṃ manaḥ kṛtvā stambhayennātra saṃśayaḥ | stambhanaṃ kīlanādyañca karotyeva hi sādhakaḥ ||

चण्डघण्टा कराली च सुमुखी दुर्मुखी तथा । रेवती प्रथमा घोरा वायुचक्रेषु ता यजेत ।।

caṇḍaghaṇṭā karālī ca sumukhī durmukhī tathā | revatī prathamā ghorā vāyucakreṣu tā yajet ||

उच्चाटकारिका देव्यः स्थितास्तेजसि संस्थिताः । सौम्या च भीषणी देवी जया च विजया तथा ।।

uccāṭakārikā devyaḥ sthitāstejasi saṃsthitāḥ | saumyā ca bhīṣaṇī devī jayā ca vijayā tathā ||

अजिता चापराजिता महाकोटी च रौद्रया । शुष्ककाया प्राणहरा रसचक्रे स्थिता अमूः ।।

ajitā cāparājitā mahākoṭī ca raudrayā | śuṣkakāyā prāṇaharā rasacakre sthitā amūḥ ||

विरूपाक्षी परा दिव्यास तथा चाकाशमातरः । संहारी जातहारी च दंष्ट्राला शुष्करेवती ।।

virūpākṣī parā divyās tathā cākāśamātaraḥ | saṃhārī jātahārī ca daṃṣṭrālā śuṣkarevatī ||

पिपीलिका पुष्टिहरा महापुष्टिप्रवर्धना । भद्रकाली सुभद्रा च हद्रभीमा सुभद्रिका ।।

pipīlikā puṣṭiharā mahāpuṣṭipravardhanā | bhadrakālī subhadrā ca hadrabhīmā subhadrikā ||

स्थिरा च निष्ठुरा दिव्या निष्कम्पा गदिनी तथा । द्वात्रिंशन्मातरश चक्रे अष्टाष्टक्रमशः स्थिताः ।।

sthirā ca niṣṭhurā divyā niṣkampā gadinī tathā | dvātriṃśanmātaraś cakre aṣṭāṣṭakramaśaḥ sthitāḥ ||

एक एव रविश चन्द्र एकश चैकैकशक्तिका । भूतभेदेन तीर्थानि यथा तोयं महीतले ।।

eka eva raviś candra ekaś caikaikaśaktikā | bhūtabhedena tīrthāni yathā toyaṃ mahītale ||

प्राण एको मण्डलैश च भिद्यते भूतपञ्जरे । वामदक्षिणयोगेन दशधा सम्प्रवर्तते ।।

prāṇa eko maṇḍalaiś ca bhidyate bhūtapañjare | vāmadakṣiṇayogena daśadhā sampravartate ||

विन्दुमुण्डविचित्रञ्च तत्त्ववस्त्रेण वेष्टितं । ब्रह्माण्डेन कपालेन पिवेत परमामृतं ।।

vindumuṇḍavicitrañca tattvavastreṇa veṣṭitaṃ | brahmāṇḍena kapālena piveta paramāmṛtaṃ ||

पञ्चवर्गबलाद्युद्धे जयो भवति तच्छृणु । अ+आकचटतपयाः श आस्यो वर्ग ईरितः ।।

pañcavargabalādyuddhe jayo bhavati tacchṛṇu | a+ākacaṭatapayāḥ śa āsyo varga īritaḥ ||

इ+ईखछठथफराः षो वर्गश च द्वितीयकः । उ+ऊगजडदबलाः सो वर्गश च तृतीयकः ।।

i+īkhachaṭhathapharāḥ ṣo vargaś ca dvitīyakaḥ | u+ūgajaḍadabalāḥ so vargaś ca tṛtīyakaḥ ||

ए+ऐघझढधभवाः सो वर्गश च चतुर्थकः । ओ औ अं अः ङञणना मो वर्गः पञ्चमो भवेत ।।

e+aighajhaḍhadhabhavāḥ so vargaś ca caturthakaḥ | o au aṃ aḥ ṅañaṇanā mo vargaḥ pañcamo bhavet ||

वर्णाश्चाभ्युदये नॄणां चत्वारिंशच्च पञ्च च । बालः कुमारो युवा स्याद्वृद्धो मृत्युश च नामतः । आत्मपीदा शोषकः स्यादुदासीनश च कालकः । कृत्तिका प्रतिपद्भौम आत्मनो लाभदः स्मृतः ।।

varṇāścābhyudaye nṝṇāṃ catvāriṃśacca pañca ca | bālaḥ kumāro yuvā syādvṛddho mṛtyuś ca nāmataḥ | ātmapīdā śoṣakaḥ syādudāsīnaś ca kālakaḥ | kṛttikā pratipadbhauma ātmano lābhadaḥ smṛtaḥ ||

षष्ठी भौमो मघा पीडा आर्द्रा चैकादशी कुजः । मृत्युर्मघा द्वितीया ज्ञो लाभश्चार्द्रा च सप्तमी ।।

ṣaṣṭhī bhaumo maghā pīḍā ārdrā caikādaśī kujaḥ | mṛtyurmaghā dvitīyā jño lābhaścārdrā ca saptamī ||

बुधे हानिर्भरणी ज्ञः श्रवणं काल ईदृशः । जीवो लाभाय च भवेत्तृतीया पूर्वफल्गुनी ।।

budhe hānirbharaṇī jñaḥ śravaṇaṃ kāla īdṛśaḥ | jīvo lābhāya ca bhavettṛtīyā pūrvaphalgunī ||

जीवो ऽष्टमी धनिष्ठार्द्रा जीवो ऽश्लेषा त्रयोदशी । मृत्यौ शुक्रश चतुर्थी स्यात पूर्वभाद्रपदा श्रिये ।।

jīvo 'ṣṭamī dhaniṣṭhārdrā jīvo 'śleṣā trayodaśī | mṛtyau śukraś caturthī syāt pūrvabhādrapadā śriye ||

पूर्वाषाढा च नवमी शुक्रः पीडाकरो भवेत । भरणी भूतजा शुक्रो यमदण्डो हि हानिकृत ।।

pūrvāṣāḍhā ca navamī śukraḥ pīḍākaro bhavet | bharaṇī bhūtajā śukro yamadaṇḍo hi hānikṛt ||

कृत्तिकां पञ्चमी मन्दो लाभाय तिथिरीरिता । अश्लेषा दशमी मन्दो योगः पीडाकरो भवेत ।।

kṛttikāṃ pañcamī mando lābhāya tithirīritā | aśleṣā daśamī mando yogaḥ pīḍākaro bhavet ||

मघा शनिः पूर्णिमा च योगो भृत्युकरः स्मृतः । पूर्वोत्तराग्निनैरृत्यदक्षिणानिलचन्द्रमाः ।।

maghā śaniḥ pūrṇimā ca yogo bhṛtyukaraḥ smṛtaḥ | pūrvottarāgninairṛtyadakṣiṇānilacandramāḥ ||

प्रतिपन्नवमीमुखाः । राशिभिः सहिता दृष्टा ग्रहाद्याः सिद्धये स्मृताः ।।

pratipannavamīmukhāḥ | rāśibhiḥ sahitā dṛṣṭā grahādyāḥ siddhaye smṛtāḥ ||

मेषाद्याश चतुरः कुम्भा जयः पूर्णे ऽन्यथा मृतिः । सूर्यादिरिक्ता पूर्णा च क्रमादेवम्प्रदापयेत ।।

meṣādyāś caturaḥ kumbhā jayaḥ pūrṇe 'nyathā mṛtiḥ | sūryādiriktā pūrṇā ca kramādevampradāpayet ||

रणे सूर्ये फलं नास्ति सोमे भङ्गः प्रशाम्यति । कुजेन कलहं विद्याद्बुधः कामाय वै गुरुः ।।

raṇe sūrye phalaṃ nāsti some bhaṅgaḥ praśāmyati | kujena kalahaṃ vidyādbudhaḥ kāmāya vai guruḥ ||

जयाय मनसे शुक्रो मन्दे भङ्गो रणे भवेत । देयानि पिङ्गलाचक्रे सूर्यगानि च भानि हि ।।

jayāya manase śukro mande bhaṅgo raṇe bhavet | deyāni piṅgalācakre sūryagāni ca bhāni hi ||

मुखे नेत्रे ललाटे ऽथ शिरोहस्तोरुपादके । पादे मृतिस्त्रिऋक्षे स्यान्त्रीणि पक्षे ऽर्थनाशनम ।।

mukhe netre lalāṭe 'tha śirohastorupādake | pāde mṛtistriṛkṣe syāntrīṇi pakṣe 'rthanāśanam ||

मुखस्थे च भवेत्यौडा शिरस्थे कार्यनाशनम । कुक्षिस्थिते फलं स्याच्च राहुचक्रं वदाम्यहम ।।

mukhasthe ca bhavetyauḍā śirasthe kāryanāśanam | kukṣisthite phalaṃ syācca rāhucakraṃ vadāmyaham ||

इन्द्राच्च नैरृतङ्गच्छेत्रैरृतात्सोममेव च । सोमाद्धुताशनं वह्नेराप्यमाप्याच्छिवालयं ।।

indrācca nairṛtaṅgacchetrairṛtātsomameva ca | somāddhutāśanaṃ vahnerāpyamāpyācchivālayaṃ ||

रुद्राद्यमं यमाद्वायुं वायोश चन्द्रं व्रजेत पुनः । भुङ्क्ते चतस्रो नाड्यस्तु राहुपृष्टे जयो रणे ।।

rudrādyamaṃ yamādvāyuṃ vāyoś candraṃ vrajet punaḥ | bhuṅkte catasro nāḍyastu rāhupṛṣṭe jayo raṇe ||

अग्रतो मृत्युमाप्नोति तिथिराहुं वदामि ते । आग्नेयादिशिवान्तं च पूर्णिमामादितः प्रिये ।।

agrato mṛtyumāpnoti tithirāhuṃ vadāmi te | āgneyādiśivāntaṃ ca pūrṇimāmāditaḥ priye ||

पूर्वे कृष्णाष्टमीं यावत राहुदृष्टौ भयो भवेत । ऐशान्याग्नेयनैरृत्यवायव्ये फणिराहुकः ।।

pūrve kṛṣṇāṣṭamīṃ yāvat rāhudṛṣṭau bhayo bhavet | aiśānyāgneyanairṛtyavāyavye phaṇirāhukaḥ ||

मेषाद्या दिशि पूर्वादौ यत्रादित्यो ऽग्रतो मृतिः । तृतीया कृष्णपक्षे तु सप्तमी दशमी तथा ।।

meṣādyā diśi pūrvādau yatrādityo 'grato mṛtiḥ | tṛtīyā kṛṣṇapakṣe tu saptamī daśamī tathā ||

चतुर्दशी तथा शुक्रे चतुर्थ्येकादशी तिथिः । पञ्चदशी विष्टयस्युः पूर्णिमाग्नेयवायवे ।।

caturdaśī tathā śukre caturthyekādaśī tithiḥ | pañcadaśī viṣṭayasyuḥ pūrṇimāgneyavāyave ||

अकचटतपयशा वर्गाः सूर्यादयो ग्रहाः । गृध्रोलुकश्येनकाश च पिङ्गलः कौशिकः क्रमात ।।

akacaṭatapayaśā vargāḥ sūryādayo grahāḥ | gṛdhrolukaśyenakāś ca piṅgalaḥ kauśikaḥ kramāt ||

साससश च मयूरश च गोरङ्कुः पक्षिणः स्मृताः । आदौ साध्यो हुतो मन्त्र उच्चाटे पल्लवः स्मृतः ।।

sāsasaś ca mayūraś ca goraṅkuḥ pakṣiṇaḥ smṛtāḥ | ādau sādhyo huto mantra uccāṭe pallavaḥ smṛtaḥ ||

वश्ये ज्वरे तथाकर्षे प्रयोगः सिद्धिकारकः । शान्तो प्रीतो नमस्कारो वौषट पुष्टो वशादिषु ।।

vaśye jvare tathākarṣe prayogaḥ siddhikārakaḥ | śānto prīto namaskāro vauṣaṭ puṣṭo vaśādiṣu ||

हुं मृत्यौ प्रीतिसन्नाशे विद्वेषोच्चाटने च फट । वषट सुते च दीप्त्यादौ मन्त्राणां जातयश च षट ।।

huṃ mṛtyau prītisannāśe vidveṣoccāṭane ca phaṭ | vaṣaṭ sute ca dīptyādau mantrāṇāṃ jātayaś ca ṣaṭ ||

ओषधीः सम्प्रवक्ष्यामि महारक्षाविधायिनीः । महाकाली तथा चण्डी वाराही चेश्वरी तथा ।।

oṣadhīḥ sampravakṣyāmi mahārakṣāvidhāyinīḥ | mahākālī tathā caṇḍī vārāhī ceśvarī tathā ||

सुदर्शना तथेन्द्राणी गात्रस्था रक्षयन्ति तम । बला चातिबला भीरुर्मुसली सहदेव्यपि ।।

sudarśanā tathendrāṇī gātrasthā rakṣayanti tam | balā cātibalā bhīrurmusalī sahadevyapi ||

जाती च मल्लिका यूथौ गारुडी भृङ्गराजकः । चक्ररूपा महोषध्यो धारिता विजयादिदाः ।।

jātī ca mallikā yūthau gāruḍī bhṛṅgarājakaḥ | cakrarūpā mahoṣadhyo dhāritā vijayādidāḥ ||

ग्रहणे च महादेवि उद्धृताः शुभदायिकाः । मृदा तु कुञ्जरङ्कृत्वा सर्वलक्षणलक्षितम ।।

grahaṇe ca mahādevi uddhṛtāḥ śubhadāyikāḥ | mṛdā tu kuñjaraṅkṛtvā sarvalakṣaṇalakṣitam ||

तस्य पादतले कृत्वा स्तम्भयेच्छत्रुमात्मनः । नगाग्रे चैकवृक्षे च वज्राहतप्रदेशके ।।

tasya pādatale kṛtvā stambhayecchatrumātmanaḥ | nagāgre caikavṛkṣe ca vajrāhatapradeśake ||

वल्मीकमृदामाहृत्य मातरौ योजयेत्ततः । पूजयेत कर्दमं देवि स्तम्भयेच्छस्त्रजालकम ।।

valmīkamṛdāmāhṛtya mātarau yojayettataḥ | pūjayet kardamaṃ devi stambhayecchastrajālakam ||

अग्निकार्यं प्रवक्ष्यामि रणादौ जयवर्धनम । श्मशाने निशि काष्ठाग्नौ नग्नी मुक्तशिखो नरः ।।

agnikāryaṃ pravakṣyāmi raṇādau jayavardhanam | śmaśāne niśi kāṣṭhāgnau nagnī muktaśikho naraḥ ||

दक्षिणास्यस्तु जुहुयान्नृमांसं रुन्धिरं विषं । तुषास्थिखण्डमिश्रन्तु शत्रुनाम्ना शताष्टकम ।।

dakṣiṇāsyastu juhuyānnṛmāṃsaṃ rundhiraṃ viṣaṃ | tuṣāsthikhaṇḍamiśrantu śatrunāmnā śatāṣṭakam ||

अनया विद्यया होमाद्बन्धत्वञ्जायते रिपोः । अष्टत्रिंशच्छतन्देवि हनुमान सर्वकुम्भकृत ।।

anayā vidyayā homādbandhatvañjāyate ripoḥ | aṣṭatriṃśacchatandevi hanumān sarvakumbhakṛt ||

//52 ।।

//52 ||