उत्तरं यत समुद्रस्य हिमाद्रेश चैव दक्षिणं । वर्षं तद भारतं नाम नवसाहस्रविस्तृतं ।।

uttaraṃ yat samudrasya himādreś caiva dakṣiṇaṃ | varṣaṃ tad bhārataṃ nāma navasāhasravistṛtaṃ ||

कर्मभूमिरियं स्वर्गमपवर्गं च गच्छतां । महेन्द्रो मलयः सह्यः शुक्तिमान हेमपर्वतः ।।

karmabhūmiriyaṃ svargamapavargaṃ ca gacchatāṃ | mahendro malayaḥ sahyaḥ śuktimān hemaparvataḥ ||

विन्ध्यश च पारिपात्रश च सप्तात्र कुलपर्वताः । इन्द्रद्वीपः कसेरुश च ताम्रवर्णो गभस्तिमान ।।

vindhyaś ca pāripātraś ca saptātra kulaparvatāḥ | indradvīpaḥ kaseruś ca tāmravarṇo gabhastimān ||

नागद्वीपस तथा सौम्यो गान्धर्वस्त्वथ वारुणः । अयं तु नवमस्तेषु द्वीपः सागरसंवृतः ।।

nāgadvīpas tathā saumyo gāndharvastvatha vāruṇaḥ | ayaṃ tu navamasteṣu dvīpaḥ sāgarasaṃvṛtaḥ ||

योजनानां सहस्राणि द्वीपोयं दक्षिणोत्तरात । नव भेदा भारतस्य मध्यभेदे ऽथ पूर्वतः ।।

yojanānāṃ sahasrāṇi dvīpoyaṃ dakṣiṇottarāt | nava bhedā bhāratasya madhyabhede 'tha pūrvataḥ ||

किराता यवनाश्चापि ब्राह्मणाद्याश च मध्यतः । वेदस्मृतिमुखा नद्यः पारिपात्रोद्भवास तथा ।।

kirātā yavanāścāpi brāhmaṇādyāś ca madhyataḥ | vedasmṛtimukhā nadyaḥ pāripātrodbhavās tathā ||

विन्ध्याच्च नर्मदाद्याः स्युः सह्यात्तापी पयोष्णिका । गोदावरीभीमरथीकृष्णवेणादिकास तथा ।।

vindhyācca narmadādyāḥ syuḥ sahyāttāpī payoṣṇikā | godāvarībhīmarathīkṛṣṇaveṇādikās tathā ||

मलयात कृतमालाद्यास्त्रिसामाद्या महेन्द्रजाः । कुमाराद्याः शुक्तिमतो हिमाद्रेश चन्द्रभागका ।।

malayāt kṛtamālādyāstrisāmādyā mahendrajāḥ | kumārādyāḥ śuktimato himādreś candrabhāgakā ||

//9 ।।

//9 ||