नगरग्रामदुर्गाद्या गृहप्रासादवृद्धये । एकाशीतिपदैर वस्तुं पूजयेत सिद्धये ध्रुवं ।।

nagaragrāmadurgādyā gṛhaprāsādavṛddhaye | ekāśītipadair vastuṃ pūjayet siddhaye dhruvaṃ ||

प्रागास्या दशधा नाड्यास्तासां नामानि च ब्रुवे । शान्ता यशोवती कान्ता विशाला प्राणवाहिनी ।।

prāgāsyā daśadhā nāḍyāstāsāṃ nāmāni ca bruve | śāntā yaśovatī kāntā viśālā prāṇavāhinī ||

सती वसुमती नन्दा सुभद्राथ मनोरमा । उत्तरा द्वादशान्याश च एकाशीत्यङ्घ्रिकारिका ।।

satī vasumatī nandā subhadrātha manoramā | uttarā dvādaśānyāś ca ekāśītyaṅghrikārikā ||

हरिणी सुप्रभा लक्ष्मीर्विभूतिर्विमला प्रिया । जया ज्वाला विशोका च स्मृतास्तत्रपादतः ।।

hariṇī suprabhā lakṣmīrvibhūtirvimalā priyā | jayā jvālā viśokā ca smṛtāstatrapādataḥ ||

ईशाद्यष्टाष्टकं दिक्षु यजेदीशं धनञ्जयं । शक्रमर्कं तथा सत्यं भृशं व्योम च पूर्वतः ।।

īśādyaṣṭāṣṭakaṃ dikṣu yajedīśaṃ dhanañjayaṃ | śakramarkaṃ tathā satyaṃ bhṛśaṃ vyoma ca pūrvataḥ ||

हव्यवाहञ्च पूर्वाणि वितथं भौममेव च । कृतान्तमथ गन्धर्वं भृगं मृगञ्च दक्षिणे ।।

havyavāhañca pūrvāṇi vitathaṃ bhaumameva ca | kṛtāntamatha gandharvaṃ bhṛgaṃ mṛgañca dakṣiṇe ||

पितरं द्वारपालञ्च सुग्रीवं पुष्पदन्तकं । वरुणं दैत्यशेषौ च यक्ष्माणं पश्चिमे सदा ।।

pitaraṃ dvārapālañca sugrīvaṃ puṣpadantakaṃ | varuṇaṃ daityaśeṣau ca yakṣmāṇaṃ paścime sadā ||

रोगाहिमुख्यो भल्लाटः सौभाग्यमदितिर्दितिः । नवान्तः पदगो ब्रह्मा पूज्योर्धे च षडङ्घिगाः ।।

rogāhimukhyo bhallāṭaḥ saubhāgyamaditirditiḥ | navāntaḥ padago brahmā pūjyordhe ca ṣaḍaṅghigāḥ ||

ब्रह्मेशान्तरकोष्ठस्थ मायाख्यान्तु पद्द्वये । तदधश्चापवत्साख्यं केन्द्रन्तरेषु षट्पदे ।।

brahmeśāntarakoṣṭhastha māyākhyāntu paddvaye | tadadhaścāpavatsākhyaṃ kendrantareṣu ṣaṭpade ||

मरीचिकाग्निमध्ये तु सविता द्विपदस्थितः । सावित्री तदधो द्व्यंशे विवस्वान षट्पदे त्वधः ।।

marīcikāgnimadhye tu savitā dvipadasthitaḥ | sāvitrī tadadho dvyaṃśe vivasvān ṣaṭpade tvadhaḥ ||

पितृब्रह्मान्तरे विष्णुमिन्दुमिन्द्रं त्वधो जयं । वरुणब्रह्मणोर्मध्ये मित्राख्यं षट्पदे यजेत ।।

pitṛbrahmāntare viṣṇumindumindraṃ tvadho jayaṃ | varuṇabrahmaṇormadhye mitrākhyaṃ ṣaṭpade yajet ||

रोगब्रह्मान्तरे नित्यं द्विपञ्च रुद्रदासकम । तदधो द्व्यङ्घ्रिगं यक्ष्म षट्सौम्येषु धराधरं ।।

rogabrahmāntare nityaṃ dvipañca rudradāsakam | tadadho dvyaṅghrigaṃ yakṣma ṣaṭsaumyeṣu dharādharaṃ ||

चरकीं स्कन्दविकटं विदारीं पूतनां क्रमात । जम्मं पापं पिलिपिच्छं यजेदीशादिवाह्यतः ।।

carakīṃ skandavikaṭaṃ vidārīṃ pūtanāṃ kramāt | jammaṃ pāpaṃ pilipicchaṃ yajedīśādivāhyataḥ ||

एकाशीपदं वेश्म मण्डपश च शताङ्घ्रिकः । पूर्ववद्देवताः पूज्या ब्रह्मा तु षोडशांशके ।।

ekāśīpadaṃ veśma maṇḍapaś ca śatāṅghrikaḥ | pūrvavaddevatāḥ pūjyā brahmā tu ṣoḍaśāṃśake ||

मरीचिश च विवस्वांश च मित्रं पृथ्वीधरस तथा । दशकोष्ठस्थिता दिक्षु त्वन्ये बेशादिकोणगाः ।।

marīciś ca vivasvāṃś ca mitraṃ pṛthvīdharas tathā | daśakoṣṭhasthitā dikṣu tvanye beśādikoṇagāḥ ||

दैत्यमाता तथेशाग्नी मृगाख्यौ पितरौ तथा । पापयक्ष्मानिलौ देवाः सर्वे सार्धांशके स्थिताः ।।

daityamātā tatheśāgnī mṛgākhyau pitarau tathā | pāpayakṣmānilau devāḥ sarve sārdhāṃśake sthitāḥ ||

यत्पाद्योकः प्रवक्ष्यामि सङ्क्षेपेण क्रमाद गुह । सदिग्विंशत्करैर दैर्घ्यादष्टाविंशति विस्तरात ।।

yatpādyokaḥ pravakṣyāmi saṅkṣepeṇa kramād guha | sadigviṃśatkarair dairghyādaṣṭāviṃśati vistarāt ||

शिशिराश्रयः शिवाख्यश च रुद्रहीनः सदोभयोः । रुद्रद्विगुणिता नाहाः पृथुष्णोभिर्विना त्रिभिः ।।

śiśirāśrayaḥ śivākhyaś ca rudrahīnaḥ sadobhayoḥ | rudradviguṇitā nāhāḥ pṛthuṣṇobhirvinā tribhiḥ ||

स्याद्ग्रहद्विगुणं दैर्घ्यात्तिथिभिश चैव विस्तरात । स्त्रिंशांशतः ।।

syādgrahadviguṇaṃ dairghyāttithibhiś caiva vistarāt | striṃśāṃśataḥ ||

कुड्यपृथुपजङ्घोच्चात कुड्यन्तु त्रिगुणोच्छयं । कुड्यसूत्रसमा पृथ्वी वीथी भेदादनेकधा ।।

kuḍyapṛthupajaṅghoccāt kuḍyantu triguṇocchayaṃ | kuḍyasūtrasamā pṛthvī vīthī bhedādanekadhā ||

भद्रे तुल्यञ्च वीथीभिर्द्वारवीथी विनाग्रतः । श्रीजयं पृष्ठतो हीनं भद्रोयं पार्श चयोर्विना ।।

bhadre tulyañca vīthībhirdvāravīthī vināgrataḥ | śrījayaṃ pṛṣṭhato hīnaṃ bhadroyaṃ pārś cayorvinā ||

गर्भपृथुसमा वीथी तदर्धार्धेन वा क्वचित । वीथ्यर्धेनोपवीथ्याद्यमेकद्वित्रिपुरान्वितम ।।

garbhapṛthusamā vīthī tadardhārdhena vā kvacit | vīthyardhenopavīthyādyamekadvitripurānvitam ||

सामान्यानाथ गृहं वक्ष्ये सर्वेषां सर्वकामदं । एकद्वित्रिचतुःशालमष्टशालं यथाक्रमात ।।

sāmānyānātha gṛhaṃ vakṣye sarveṣāṃ sarvakāmadaṃ | ekadvitricatuḥśālamaṣṭaśālaṃ yathākramāt ||

एकं याम्ये च सौमास्यं द्वे चेत पश्चात पुरोमुखम । चतुःशालन्तु साम्मुख्यात्तयोरिन्द्रेन्द्रमुक्तयोः ।।

ekaṃ yāmye ca saumāsyaṃ dve cet paścāt puromukham | catuḥśālantu sāmmukhyāttayorindrendramuktayoḥ ||

शिवास्यमम्बुपास्यैष इन्द्रास्ये यमसूर्यकं । प्राक्सौम्यस्थे च दण्दाख्यं प्राग्याम्ये वातसञ्ज्ञकं ।।

śivāsyamambupāsyaiṣa indrāsye yamasūryakaṃ | prāksaumyasthe ca daṇdākhyaṃ prāgyāmye vātasañjñakaṃ ||

आप्येन्दौ गृहवल्याख्यं त्रिशूलं तद्विनर्धिकृत । पूर्वशलाविहीनं स्यात सुक्षेत्रं वृद्धिदायकं ।।

āpyendau gṛhavalyākhyaṃ triśūlaṃ tadvinardhikṛt | pūrvaśalāvihīnaṃ syāt sukṣetraṃ vṛddhidāyakaṃ ||

याम्ये हीने भवेच्छूली त्रिशालं वृद्धिकृत परं । यक्षघ्नं जलहीनौकः सुतघ्नं बहुशत्रुकृत ।।

yāmye hīne bhavecchūlī triśālaṃ vṛddhikṛt paraṃ | yakṣaghnaṃ jalahīnaukaḥ sutaghnaṃ bahuśatrukṛt ||

इन्द्रादिक्रमतो वच्मि ध्वजाद्यष्टौ गृहाण्यहं । प्रक्षालानुस्रगावासमग्नौ तस्य महानसं ।।

indrādikramato vacmi dhvajādyaṣṭau gṛhāṇyahaṃ | prakṣālānusragāvāsamagnau tasya mahānasaṃ ||

याम्ये रसक्रिया शय्या धनुःशस्त्राणि रक्षसि । धनमुक्त्यम्वुपेशाख्ये सम्यगन्धौ च मारुते ।।

yāmye rasakriyā śayyā dhanuḥśastrāṇi rakṣasi | dhanamuktyamvupeśākhye samyagandhau ca mārute ||

सौम्ये धनपशू कुर्यादीशे दीक्षावरालयं । स्वामिहस्तमितं वेश्म विस्तारायामपिण्डिकं ।।

saumye dhanapaśū kuryādīśe dīkṣāvarālayaṃ | svāmihastamitaṃ veśma vistārāyāmapiṇḍikaṃ ||

त्रिगुणं हस्तसंयुक्तं कृत्वाष्टांशैहृतं तथा । तच्छेषोयं स्थितस्तेन वायसान्तं ध्वजादिकं ।।

triguṇaṃ hastasaṃyuktaṃ kṛtvāṣṭāṃśaihṛtaṃ tathā | taccheṣoyaṃ sthitastena vāyasāntaṃ dhvajādikaṃ ||

त्रयः पक्षाग्निवेदेषु रसर्षिवसुतो भवेत । सर्वनाशकरं वेश्म मध्ये चान्ते च संस्थितं ।।

trayaḥ pakṣāgnivedeṣu rasarṣivasuto bhavet | sarvanāśakaraṃ veśma madhye cānte ca saṃsthitaṃ ||

तस्माच्च नवमे भागे शुभकृन्निलयो मतः । तन्मधे मण्डपः शस्तः समो वा द्विगुणायतः ।।

tasmācca navame bhāge śubhakṛnnilayo mataḥ | tanmadhe maṇḍapaḥ śastaḥ samo vā dviguṇāyataḥ ||

प्रत्यगाप्ये चेन्दुयमे हट्ट एव गृहावली । एकैकभवनाख्यानि दिक्ष्वष्टाष्टकसङ्ख्यया ।।

pratyagāpye cenduyame haṭṭa eva gṛhāvalī | ekaikabhavanākhyāni dikṣvaṣṭāṣṭakasaṅkhyayā ||

ईशाद्यदितिकान्तानि फलान्येषां यथाक्रमं । भयं नारी चलत्वं च जयो वृद्धिः प्रतापकः ।।

īśādyaditikāntāni phalānyeṣāṃ yathākramaṃ | bhayaṃ nārī calatvaṃ ca jayo vṛddhiḥ pratāpakaḥ ||

धर्मः कलिश च नैस्व्यञ्च प्राग्द्वारेष्वष्टसु ध्रुवं । दाहो ऽसुखं सुहृन्नाशो धननाशो मृतिर्धनं ।।

dharmaḥ kaliś ca naisvyañca prāgdvāreṣvaṣṭasu dhruvaṃ | dāho 'sukhaṃ suhṛnnāśo dhananāśo mṛtirdhanaṃ ||

शिल्पित्वं तनयः स्याच्च याम्यद्वारफलाष्टकम । आयुःप्राव्राज्यशस्यानि धनशान्त्यर्थसङ्क्षयाः ।।

śilpitvaṃ tanayaḥ syācca yāmyadvāraphalāṣṭakam | āyuḥprāvrājyaśasyāni dhanaśāntyarthasaṅkṣayāḥ ||

शोषं भोगं चापत्यञ्च जलद्वारफलानि च । रोगो मदार्तिमुख्यत्वं चार्थायुः कृशता मतिः ।।

śoṣaṃ bhogaṃ cāpatyañca jaladvāraphalāni ca | rogo madārtimukhyatvaṃ cārthāyuḥ kṛśatā matiḥ ||

मानश च द्वारतः पूर्व ऊतरस्यान्दिशि क्रमात ।।

mānaś ca dvārataḥ pūrva ūtarasyāndiśi kramāt ||