द्वाराश्रितप्रतिष्ठाया वक्ष्यामि विधिमप्यथ । द्वाराङ्गानि कषायाद्यैः संस्कृत्य शयने न्यसेत ।।

dvārāśritapratiṣṭhāyā vakṣyāmi vidhimapyatha | dvārāṅgāni kaṣāyādyaiḥ saṃskṛtya śayane nyaset ||

मूलमध्याग्रभागेषु त्रयमात्मादिसेश्वरं । विन्यस्य सन्निवेश्याथ हुत्वा जप्त्वात्र रूपतः ।।

mūlamadhyāgrabhāgeṣu trayamātmādiseśvaraṃ | vinyasya sanniveśyātha hutvā japtvātra rūpataḥ ||

द्वारादथो यजेद्वास्तुन्तत्रैवानन्तमन्त्रितः । रत्नादिपञ्चकं न्यस्य शान्तिहोमं विधाय च ।।

dvārādatho yajedvāstuntatraivānantamantritaḥ | ratnādipañcakaṃ nyasya śāntihomaṃ vidhāya ca ||

यवसिद्धार्थकाक्रान्ता ऋद्धिवृद्धिमहातिलाः । गोमृत्सर्षपरागेन्द्रमोहनीलक्षणामृताः ।।

yavasiddhārthakākrāntā ṛddhivṛddhimahātilāḥ | gomṛtsarṣaparāgendramohanīlakṣaṇāmṛtāḥ ||

रोचना रुग वचो दूर्वा प्रासादधश च पोटलीं । प्रकृत्योदुम्बरे बद्ध्वा रक्षार्थं प्रणवेन तु ।।

rocanā rug vaco dūrvā prāsādadhaś ca poṭalīṃ | prakṛtyodumbare baddhvā rakṣārthaṃ praṇavena tu ||

द्वारमुत्तरतः किञ्चिदाश्रितं सन्निवेशयेत । आत्मतत्त्वमधो न्यस्य विद्यातत्त्वञ्च शाखयोः ।।

dvāramuttarataḥ kiñcidāśritaṃ sanniveśayet | ātmatattvamadho nyasya vidyātattvañca śākhayoḥ ||

शिवमकाशदेशे च व्यापकं सर्वमङ्गले । ततो महेशनाथं च विन्यसेन्मूलमन्त्रतः ।।

śivamakāśadeśe ca vyāpakaṃ sarvamaṅgale | tato maheśanāthaṃ ca vinyasenmūlamantrataḥ ||

द्वाराश्रितांश च तल्पादीन कृतयुक्तैः स्वनामभिः । जुहुयाच्छतमर्धं वा द्विगुणं शक्तितोथवा ।।

dvārāśritāṃś ca talpādīn kṛtayuktaiḥ svanāmabhiḥ | juhuyācchatamardhaṃ vā dviguṇaṃ śaktitothavā ||

न्यूनादिदोषमोषार्थं हेतितो जुहुयाच्च्छतं । दिग्बलिम्पूर्ववद्धुत्वा प्रदद्याद्दक्षिणादिकं ।।

nyūnādidoṣamoṣārthaṃ hetito juhuyāccchataṃ | digbalimpūrvavaddhutvā pradadyāddakṣiṇādikaṃ ||