वक्ष्ये गौरीप्रतिष्ठाञ्च पूजया सहितां शृणु । मण्डपाद्यं पुरो यच्च संस्थाप्य चाधिरोपयेत ।।

vakṣye gaurīpratiṣṭhāñca pūjayā sahitāṃ śṛṇu | maṇḍapādyaṃ puro yacca saṃsthāpya cādhiropayet ||

शय्यायान्तांश च विन्यस्य मन्त्रान्मूर्त्यादिकान गुह । आत्मविद्याशिवान्तञ्च कुर्यादीशनिवेशनं ।।

śayyāyāntāṃś ca vinyasya mantrānmūrtyādikān guha | ātmavidyāśivāntañca kuryādīśaniveśanaṃ ||

शक्तिं परां ततो न्यस्य हुत्वा जप्त्वा च पूर्ववत । सन्धाय च तथा पिण्डीं क्रियाशक्तिस्वरूपिणीं ।।

śaktiṃ parāṃ tato nyasya hutvā japtvā ca pūrvavat | sandhāya ca tathā piṇḍīṃ kriyāśaktisvarūpiṇīṃ ||

सदेशव्यापिकां ध्यात्वा न्यस्तरत्नादिकां तथा । एवं संस्थाप्य तां पश्चाद्देवीन्तस्यान्नियोजयेत ।।

sadeśavyāpikāṃ dhyātvā nyastaratnādikāṃ tathā | evaṃ saṃsthāpya tāṃ paścāddevīntasyānniyojayet ||

परशक्तिस्वरूपान्तां स्वाणुना शक्तियोगतः । ततो न्यसेत क्रियाशक्तिं पीठे ज्ञानञ्च विग्रहे ।।

paraśaktisvarūpāntāṃ svāṇunā śaktiyogataḥ | tato nyaset kriyāśaktiṃ pīṭhe jñānañca vigrahe ||

ततोपि व्यापिनीं शक्तिं समावाह्य नियोजयेत । अम्बिकां शिवनाम्नीञ्च समालभ्य प्रपूजयेत ।।

tatopi vyāpinīṃ śaktiṃ samāvāhya niyojayet | ambikāṃ śivanāmnīñca samālabhya prapūjayet ||