अथैकतात्त्विकी दीक्षा लघुत्वादुपदिश्यते । सूत्रबन्धादि कुर्वीत यथायोगं निजात्मना ।।

athaikatāttvikī dīkṣā laghutvādupadiśyate | sūtrabandhādi kurvīta yathāyogaṃ nijātmanā ||

कालाग्न्यादिशिवान्तानि तत्त्वानि परभावयेत । समतत्त्वे समग्राणि सूत्रे मणिगणानिव ।।

kālāgnyādiśivāntāni tattvāni parabhāvayet | samatattve samagrāṇi sūtre maṇigaṇāniva ||

आवाह्य शिवतत्त्वादि गर्भाधानादि पूर्ववत । मूलेन किन्तु कुर्वीत सर्वशुल्कसमर्पणं ।।

āvāhya śivatattvādi garbhādhānādi pūrvavat | mūlena kintu kurvīta sarvaśulkasamarpaṇaṃ ||

प्रददीत ततः पूर्णां तत्त्ववातोपगर्भितां । एकयैव यया शिष्यो निर्वाणमधिगच्छति ।।

pradadīta tataḥ pūrṇāṃ tattvavātopagarbhitāṃ | ekayaiva yayā śiṣyo nirvāṇamadhigacchati ||

योजनायै शिवे चान्यां स्थिरत्वापादनाय च । दत्वा पूर्णां प्रकुर्वीत शिवकुम्भाभिषेचनं ।।

yojanāyai śive cānyāṃ sthiratvāpādanāya ca | datvā pūrṇāṃ prakurvīta śivakumbhābhiṣecanaṃ ||