अथ प्रातः समुत्थाय कृतस्ननादिको गुरुः । दध्यार्द्रमांसमद्यादेः प्रशस्ताभ्यवहारिता ।।

atha prātaḥ samutthāya kṛtasnanādiko guruḥ | dadhyārdramāṃsamadyādeḥ praśastābhyavahāritā ||

गजाश्वरोहणं स्वप्ने शुभं शुक्लांशुकादिकं । तैलाभ्यङ्गादिकं हीनं होमो घोरेण शान्तये ।।

gajāśvarohaṇaṃ svapne śubhaṃ śuklāṃśukādikaṃ | tailābhyaṅgādikaṃ hīnaṃ homo ghoreṇa śāntaye ||

नित्यकर्मद्वयं कृत्वा प्रविश्य मखमण्डपं । स्वाचान्तो नित्यवत कर्म कुर्यान्नैमित्तिके विधौ ।।

nityakarmadvayaṃ kṛtvā praviśya makhamaṇḍapaṃ | svācānto nityavat karma kuryānnaimittike vidhau ||

ततः संशोध्य चात्मानं शिवहस्तं तथात्मनि । विन्यस्य कुम्भगं प्रार्च्य इन्द्रादीनामनुक्रमात ।।

tataḥ saṃśodhya cātmānaṃ śivahastaṃ tathātmani | vinyasya kumbhagaṃ prārcya indrādīnāmanukramāt ||

मण्डले स्थण्डिले वापि प्रकुर्वीत शिवर्चनं । तर्पणं पूजनं वह्नेः पूर्णान्तं मन्त्रतर्पणं ।।

maṇḍale sthaṇḍile vāpi prakurvīta śivarcanaṃ | tarpaṇaṃ pūjanaṃ vahneḥ pūrṇāntaṃ mantratarpaṇaṃ ||

दुःखप्रदोषमोषाय शस्त्रेणाष्टाधिकं शतं । हुत्वा हूं सम्पुटेनैव विदध्यात मन्त्रदीपनं ।।

duḥkhapradoṣamoṣāya śastreṇāṣṭādhikaṃ śataṃ | hutvā hūṃ sampuṭenaiva vidadhyāt mantradīpanaṃ ||

अन्तर्बलिविधानञ्च मध्ये स्थण्डिलकुम्भयोः । कृत्वा शिष्यप्रवेशाय लब्धानुज्ञो वहिर्व्रजेत ।।

antarbalividhānañca madhye sthaṇḍilakumbhayoḥ | kṛtvā śiṣyapraveśāya labdhānujño vahirvrajet ||

कुर्यात्समयवत्तत्र मण्डलारोपणादिकं । सम्पातहोमं तन्नाडीरूपदर्भकरानुगं ।।

kuryātsamayavattatra maṇḍalāropaṇādikaṃ | sampātahomaṃ tannāḍīrūpadarbhakarānugaṃ ||

तत्सन्निधानाय तिस्त्रो हुत्वा मूलाणुना.अहुतीः । कुम्भस्थं शिवमभ्यर्च्य पाशसूत्रमुपाहरेत ।।

tatsannidhānāya tistro hutvā mūlāṇunā.ahutīḥ | kumbhasthaṃ śivamabhyarcya pāśasūtramupāharet ||

स्वदक्षिणोर्ध्वकायस्य शिष्यस्याभ्यर्चितस्य च । तच्छिखायां निबध्नीयात पादाङ्गुष्ठावलम्बितं ।।

svadakṣiṇordhvakāyasya śiṣyasyābhyarcitasya ca | tacchikhāyāṃ nibadhnīyāt pādāṅguṣṭhāvalambitaṃ ||

तं निवेश्य निवृत्तेस्तु व्याप्तिमालोक्य चेतसा । ज्ञेयानि भुवनान्यस्यां शतमष्टाधिकं ततः ।।

taṃ niveśya nivṛttestu vyāptimālokya cetasā | jñeyāni bhuvanānyasyāṃ śatamaṣṭādhikaṃ tataḥ ||

कपालो ऽजश च बुद्धश च वज्रदेहः प्रमर्दनः । विभूतिरव्ययः शास्ता पिनाकी त्रिदशाधिपः ।।

kapālo 'jaś ca buddhaś ca vajradehaḥ pramardanaḥ | vibhūtiravyayaḥ śāstā pinākī tridaśādhipaḥ ||

अग्नी रुद्रो हुताशो च पिङ्गलः खादको हरः । ज्वलनो दहनो बभ्रुर्भस्मान्तकक्षपान्तकौ ।।

agnī rudro hutāśo ca piṅgalaḥ khādako haraḥ | jvalano dahano babhrurbhasmāntakakṣapāntakau ||

याम्यमृत्युहरो धाता विधाता कार्यरञ्जकः । कालो धर्मो ऽप्यधर्मश च संयोक्ता च वियोगकः ।।

yāmyamṛtyuharo dhātā vidhātā kāryarañjakaḥ | kālo dharmo 'pyadharmaś ca saṃyoktā ca viyogakaḥ ||

नैरृतो मारणो हन्ता क्रूरदृष्टिर्भयानकः । ऊर्ध्वांशको विरूपाक्षो धूम्रलोहितदंष्ट्रवान ।।

nairṛto māraṇo hantā krūradṛṣṭirbhayānakaḥ | ūrdhvāṃśako virūpākṣo dhūmralohitadaṃṣṭravān ||

बलश्चातिबलश चैव पाशहस्तो महाबलः । श्वेतश च जयभद्रश च दीर्घबाहुर्जलान्तकः ।।

balaścātibalaś caiva pāśahasto mahābalaḥ | śvetaś ca jayabhadraś ca dīrghabāhurjalāntakaḥ ||

वडवास्यश च भीमश च दशैते वारुणाः स्मृताः । शीघ्रो लघुर्वायुवेगः सूक्ष्मस्तीक्ष्णः क्षपान्तकः ।।

vaḍavāsyaś ca bhīmaś ca daśaite vāruṇāḥ smṛtāḥ | śīghro laghurvāyuvegaḥ sūkṣmastīkṣṇaḥ kṣapāntakaḥ ||

पञ्चान्तकः पञ्चशिखः कपर्दी मेघवाहनः । जटामुकुटधारी च नानारत्नधरस तथा ।।

pañcāntakaḥ pañcaśikhaḥ kapardī meghavāhanaḥ | jaṭāmukuṭadhārī ca nānāratnadharas tathā ||

निधीशो रूपवान धन्यो सौम्यदेहः प्रसादकृत । प्रकाशो ऽप्यथ लक्ष्मीवान कामरूपो दशोत्तरे ।।

nidhīśo rūpavān dhanyo saumyadehaḥ prasādakṛt | prakāśo 'pyatha lakṣmīvān kāmarūpo daśottare ||

विद्याधरो ज्ञानधरः सर्वज्ञो वेदपारगः । मातृवृत्तश च पिङ्गाक्षो भूतपालो बलिप्रियः ।।

vidyādharo jñānadharaḥ sarvajño vedapāragaḥ | mātṛvṛttaś ca piṅgākṣo bhūtapālo balipriyaḥ ||

सर्वविद्याविधता च सुखदुःखहरा दश । अनन्तः पालको धीरः पातालाधिपतिस तथा ।।

sarvavidyāvidhatā ca sukhaduḥkhaharā daśa | anantaḥ pālako dhīraḥ pātālādhipatis tathā ||

वृषो वृषधरो वीर्यो ग्रसनः सर्वतोमुखः । लोहितश चैव विज्ञेया दश रुद्राः फणिस्थिताः ।।

vṛṣo vṛṣadharo vīryo grasanaḥ sarvatomukhaḥ | lohitaś caiva vijñeyā daśa rudrāḥ phaṇisthitāḥ ||

शम्भुर्विभुर्गणाध्यक्षस्त्र्यक्षस्त्रिदशवन्दितः । संहारश च विहारश च लाभो लिप्सुर्विचक्षणः ।।

śambhurvibhurgaṇādhyakṣastryakṣastridaśavanditaḥ | saṃhāraś ca vihāraś ca lābho lipsurvicakṣaṇaḥ ||

अत्ता कुहककालाग्निरुद्रो हाटक एव च । कुष्माण्डश चैव सत्यश च ब्रह्मा विष्णुश च सप्तमः ।।

attā kuhakakālāgnirudro hāṭaka eva ca | kuṣmāṇḍaś caiva satyaś ca brahmā viṣṇuś ca saptamaḥ ||

रुद्रश्चाष्टाविमे रुद्राः कटाहाभ्यन्तरे स्थिताः । एतेषामेव नामानि भुवनानामपि स्मरेत ।।

rudraścāṣṭāvime rudrāḥ kaṭāhābhyantare sthitāḥ | eteṣāmeva nāmāni bhuvanānāmapi smaret ||

भवोद्भवः सर्वभूतः सर्वभूतसुखप्रदः । सर्वसान्निध्यकृद ब्रह्मविष्णुरुद्रशरार्चितः ।।

bhavodbhavaḥ sarvabhūtaḥ sarvabhūtasukhapradaḥ | sarvasānnidhyakṛd brahmaviṣṇurudraśarārcitaḥ ||

अष्टाविंशति पादानि व्योमव्यापि मनो गुह । सद्योहृदस्त्रनेत्राणि मन्त्रवर्णाष्टको मतः ।।

aṣṭāviṃśati pādāni vyomavyāpi mano guha | sadyohṛdastranetrāṇi mantravarṇāṣṭako mataḥ ||

वीजाकारो मकारश च नाड्याविडापिङ्गलाह्वये । प्राणापानावुभौ वायू घ्राणोपस्थौ तथेन्द्रिये ।।

vījākāro makāraś ca nāḍyāviḍāpiṅgalāhvaye | prāṇāpānāvubhau vāyū ghrāṇopasthau tathendriye ||

गन्धस्तु विषयः प्रोक्तो गन्धादिगुणपञ्चके । पार्थिवं मण्डलं पीतं वज्राङ्गं चतुरस्रकं ।।

gandhastu viṣayaḥ prokto gandhādiguṇapañcake | pārthivaṃ maṇḍalaṃ pītaṃ vajrāṅgaṃ caturasrakaṃ ||

विस्तारो योजनानान्तु कोटिरस्य शताहता । अत्रैवान्तर्गता ज्ञेया योनयो ऽपि चतुर्दश ।।

vistāro yojanānāntu koṭirasya śatāhatā | atraivāntargatā jñeyā yonayo 'pi caturdaśa ||

प्रथमा सर्वदेवानां मन्वाद्या देवयोनयः । मृगपक्षी च पशवश चतुर्धा तु सरीसृपाः ।।

prathamā sarvadevānāṃ manvādyā devayonayaḥ | mṛgapakṣī ca paśavaś caturdhā tu sarīsṛpāḥ ||

स्थावरं पञ्चमं सर्वं योनिः षष्ठी अमानुषी । पैशाचं राक्षसं याक्षं गान्धर्वं चैन्द्रमेव च ।।

sthāvaraṃ pañcamaṃ sarvaṃ yoniḥ ṣaṣṭhī amānuṣī | paiśācaṃ rākṣasaṃ yākṣaṃ gāndharvaṃ caindrameva ca ||

सौम्यं प्राणेश्वरं ब्राह्ममष्टमं परिकीर्तितं । अष्टानां पार्थिवन्तत्त्वमधिकारास्पदं मतं ।।

saumyaṃ prāṇeśvaraṃ brāhmamaṣṭamaṃ parikīrtitaṃ | aṣṭānāṃ pārthivantattvamadhikārāspadaṃ mataṃ ||

लयस्तु प्रकृतौ बुद्धौ भोगो ब्रह्मा च कारणं । ततो जाग्रदवस्थानैः समस्तैर भुवनादिभिः ।।

layastu prakṛtau buddhau bhogo brahmā ca kāraṇaṃ | tato jāgradavasthānaiḥ samastair bhuvanādibhiḥ ||

निवृत्तिं गर्भितां ध्यात्वा स्वमन्त्रेण नियोज्य च । ब्रह्मन तवाधिकारे ऽस्मिन मुमुक्षुं दोक्ष्ययाम्यहं ।।

nivṛttiṃ garbhitāṃ dhyātvā svamantreṇa niyojya ca | brahman tavādhikāre 'smin mumukṣuṃ dokṣyayāmyahaṃ ||

भाव्यं त्वयानुकूलेन विधिं विज्ञापयेदिति । आवाहयेत्ततो देवीं रक्षां वागीश्वरीं हृदा ।।

bhāvyaṃ tvayānukūlena vidhiṃ vijñāpayediti | āvāhayettato devīṃ rakṣāṃ vāgīśvarīṃ hṛdā ||

इच्छाज्ञानक्रियारूपां षड्विधां ह्य एककारणं । पूजयेत्तर्पयेद्देवीं प्रकारेणामुना ततः ।।

icchājñānakriyārūpāṃ ṣaḍvidhāṃ hy ekakāraṇaṃ | pūjayettarpayeddevīṃ prakāreṇāmunā tataḥ ||

वागीश्वरीं विनिःशेषयोनिविक्षोभकारणं । हृत्सम्पुटार्थवीजादिहूं फडन्तशराणुना ।।

vāgīśvarīṃ viniḥśeṣayonivikṣobhakāraṇaṃ | hṛtsampuṭārthavījādihūṃ phaḍantaśarāṇunā ||

ताडयेद्धृदये तस्य प्रविशेत्स विधानवित । ततः शिष्यस्य चैतन्यं हृदि वह्निकणोपमं ।।

tāḍayeddhṛdaye tasya praviśetsa vidhānavit | tataḥ śiṣyasya caitanyaṃ hṛdi vahnikaṇopamaṃ ||

निवृत्तिस्थं युतं पाशैर ज्येष्ठया विभजेद्यथा । ओं हां स्वाहेत्यनेनाथ पूरकेणाङ्कुशमुद्रया ।।

nivṛttisthaṃ yutaṃ pāśair jyeṣṭhayā vibhajedyathā | oṃ hāṃ svāhetyanenātha pūrakeṇāṅkuśamudrayā ||

तदाकृष्य स्वमन्त्रेण गृहीत्वा.अत्मनि योजयेत । पित्रोर्विभाव्य संयोगं चैतन्यं रेचकेन तत ।।

tadākṛṣya svamantreṇa gṛhītvā.atmani yojayet | pitrorvibhāvya saṃyogaṃ caitanyaṃ recakena tat ||

ब्रह्मादिकारणत्यागक्रमान्नीत्वा शिवास्पदं । गर्भाधानार्थमादाय युगपत सर्वयोनिषु ।।

brahmādikāraṇatyāgakramānnītvā śivāspadaṃ | garbhādhānārthamādāya yugapat sarvayoniṣu ||

क्षिपेद्वागीश्वरीयोनौ वामयोद्भवमुद्रया । पूजयेदप्यनेनैव तर्पयेदपि पञ्चधा ।।

kṣipedvāgīśvarīyonau vāmayodbhavamudrayā | pūjayedapyanenaiva tarpayedapi pañcadhā ||

अन्ययोनिषु सर्वासु देहशुद्धिं हृदा चरेत । नात्र पुंसवनं स्त्र्यादिशरीरस्यापि सम्भवात ।।

anyayoniṣu sarvāsu dehaśuddhiṃ hṛdā caret | nātra puṃsavanaṃ stryādiśarīrasyāpi sambhavāt ||

सीमन्तोन्नयनं वापि दैवान्यङ्गानि देहवत । शिरसा जन्म कुर्वीत जुगुप्सन सर्वदेहिनां ।।

sīmantonnayanaṃ vāpi daivānyaṅgāni dehavat | śirasā janma kurvīta jugupsan sarvadehināṃ ||

तथैव भावयेदेषामधिकारं शिवाणुना । भोगं कवचमन्त्रेण शस्त्रेण विषयात्मना ।।

tathaiva bhāvayedeṣāmadhikāraṃ śivāṇunā | bhogaṃ kavacamantreṇa śastreṇa viṣayātmanā ||

मोहरूपमभेदश च लयसज्ञं विभावयेत । शिवेन श्रोतसां शुद्धिं हृदा तत्त्वविशोधनं ।।

moharūpamabhedaś ca layasajñaṃ vibhāvayet | śivena śrotasāṃ śuddhiṃ hṛdā tattvaviśodhanaṃ ||

पञ्च पञ्चाहुतीः कुर्यात गर्भाधानादिषु क्रमात । मायया मलकर्मादिपाशबन्धनिवृत्तये ।।

pañca pañcāhutīḥ kuryāt garbhādhānādiṣu kramāt | māyayā malakarmādipāśabandhanivṛttaye ||

निष्कृत्यैव हृदा पश्चाद यजेत शतमाहुतीः । मलशक्तिनिरोधेन पाशानाञ्च वियोजनं ।।

niṣkṛtyaiva hṛdā paścād yajeta śatamāhutīḥ | malaśaktinirodhena pāśānāñca viyojanaṃ ||

स्वाहान्तायुधमन्त्रेण पञ्चपञ्चाहुतीर्यजेत । मायाद्यन्तस्य पाशस्य सप्तवारास्त्रजप्तया ।।

svāhāntāyudhamantreṇa pañcapañcāhutīryajet | māyādyantasya pāśasya saptavārāstrajaptayā ||

कर्तर्या छेदनं कुर्यात कल्पशस्त्रेण तद्यथा । बन्धकत्वञ्च निर्वर्त्य हस्ताभ्याञ्च शराणुना ।।

kartaryā chedanaṃ kuryāt kalpaśastreṇa tadyathā | bandhakatvañca nirvartya hastābhyāñca śarāṇunā ||

विसृज्य वर्तुलीकृत्य घृतपूर्णे स्रुवे धरेत । दहेदनुकलास्त्रेण केवलास्त्रेण भस्मसात ।।

visṛjya vartulīkṛtya ghṛtapūrṇe sruve dharet | dahedanukalāstreṇa kevalāstreṇa bhasmasāt ||

कुर्यात पञ्चाहुतीर्दत्वा पाशाङ्कुशनिवृत्तये । प्रायश्चित्तं ततः कुर्यादस्त्राहुतिभिरष्टभिः ।।

kuryāt pañcāhutīrdatvā pāśāṅkuśanivṛttaye | prāyaścittaṃ tataḥ kuryādastrāhutibhiraṣṭabhiḥ ||

अथावाह्य विधातारं पूजयेत्तर्पयेत्तथा । दग्धनिःशेषपापस्य ब्रह्मन्नस्य पशोस्त्वया ।।

athāvāhya vidhātāraṃ pūjayettarpayettathā | dagdhaniḥśeṣapāpasya brahmannasya paśostvayā ||

बन्धाय न पुनः स्थेयं शिवाज्ञां श्रावयेदिति । ततो विसृज्य धातारं नाड्या दक्षिणया शनैः ।।

bandhāya na punaḥ stheyaṃ śivājñāṃ śrāvayediti | tato visṛjya dhātāraṃ nāḍyā dakṣiṇayā śanaiḥ ||

संहारमुद्रयात्मानं कुम्भकेन निजात्मना । राहुयुक्तैकदेशेन चन्द्रविम्बेन सन्निभं ।।

saṃhāramudrayātmānaṃ kumbhakena nijātmanā | rāhuyuktaikadeśena candravimbena sannibhaṃ ||

आदाय योजयेत सूत्रे रेचकेनोद्भवाख्यया । पूजयित्वार्घ्यपात्रस्थतोयविन्दुसुधोपमं ।।

ādāya yojayet sūtre recakenodbhavākhyayā | pūjayitvārghyapātrasthatoyavindusudhopamaṃ ||

विसृज्य पितरौ दद्याद्वौषडन्तशिवाणुना । पूरणाय विधिः पूर्णा निवृत्तिरिति शोधिता ।।

visṛjya pitarau dadyādvauṣaḍantaśivāṇunā | pūraṇāya vidhiḥ pūrṇā nivṛttiriti śodhitā ||