जीर्णाद्धारविधिं वक्ष्ये भूषितां स्नपयेद्गुरुः । अचलां विन्यसेद्गेहे अतिजीर्णां परित्यजेत ।।

jīrṇāddhāravidhiṃ vakṣye bhūṣitāṃ snapayedguruḥ | acalāṃ vinyasedgehe atijīrṇāṃ parityajet ||

व्यङ्गां भग्नां च शैलाढ्यां न्यसेदन्यां च पूर्ववत । संहारविधिना तत्र तत्त्वान संहृत्य देशिकः ।।

vyaṅgāṃ bhagnāṃ ca śailāḍhyāṃ nyasedanyāṃ ca pūrvavat | saṃhāravidhinā tatra tattvān saṃhṛtya deśikaḥ ||

सहस्रं नारसिंहेन हुत्वा तामुद्धरेद गुरुः । दारवीं दारयेद्वह्नौ शैलजां प्रक्षिपेज्जले ।।

sahasraṃ nārasiṃhena hutvā tāmuddhared guruḥ | dāravīṃ dārayedvahnau śailajāṃ prakṣipejjale ||

धातुजां रत्नजां वापि अगाधे वा जले ऽम्बुधौ । यानमारोप्य जीर्णाङ्गं छाद्य वस्त्रादिना नयेत ।।

dhātujāṃ ratnajāṃ vāpi agādhe vā jale 'mbudhau | yānamāropya jīrṇāṅgaṃ chādya vastrādinā nayet ||

वादित्रैः प्रक्षिपेत्तोये गुरवे दक्षिणां ददेत । यत्प्रमाणा च यद्द्रव्या तन्मानां स्थापयेद्दिने । कूपवापीतडागादेर्जीर्णोद्धारे महाफलं ।।

vāditraiḥ prakṣipettoye gurave dakṣiṇāṃ dadet | yatpramāṇā ca yaddravyā tanmānāṃ sthāpayeddine | kūpavāpītaḍāgāderjīrṇoddhāre mahāphalaṃ ||