भूमेः परिग्रहं कुर्यात क्षिपेद्ब्रीहींश च सर्षपान । नारसिंहेन रक्षोघ्नान प्रोक्षोघ्नान प्रोक्षयेत पञ्चगव्यतः ।।

bhūmeḥ parigrahaṃ kuryāt kṣipedbrīhīṃś ca sarṣapān | nārasiṃhena rakṣoghnān prokṣoghnān prokṣayet pañcagavyataḥ ||

भूमिं घटे तु सम्पूज्य सरत्ने साङ्गकं हरिं । अस्त्रमन्त्रेण करकं तत्र चाष्टशतं यजेत ।।

bhūmiṃ ghaṭe tu sampūjya saratne sāṅgakaṃ hariṃ | astramantreṇa karakaṃ tatra cāṣṭaśataṃ yajet ||

अच्छिन्नधारया सिञ्चन ब्रीहीन संस्कृत्य धारयेत । प्रदक्षिणं परिभ्राम्य कलशं विकिरोपरि ।।

acchinnadhārayā siñcan brīhīn saṃskṛtya dhārayet | pradakṣiṇaṃ paribhrāmya kalaśaṃ vikiropari ||

सवस्त्रे कलशे भूयः पूजयेदच्युतं श्रियं । योगे योगेति मन्त्रेण न्यसेच्छय्यान्तु मण्डले ।।

savastre kalaśe bhūyaḥ pūjayedacyutaṃ śriyaṃ | yoge yogeti mantreṇa nyasecchayyāntu maṇḍale ||

कुशोपरि तूलिकाञ्च शय्यायां दिग्विदिक्षु च । विद्याधिपान यजेद्विष्णुं मधुघातं त्रिविक्रमं ।।

kuśopari tūlikāñca śayyāyāṃ digvidikṣu ca | vidyādhipān yajedviṣṇuṃ madhughātaṃ trivikramaṃ ||

वामनं दिक्षु वाय्वादौ श्रीधरञ्च हृषीकपं । पद्मनाभं दामोदरमैशान्यां स्नानमण्डपे ।।

vāmanaṃ dikṣu vāyvādau śrīdharañca hṛṣīkapaṃ | padmanābhaṃ dāmodaramaiśānyāṃ snānamaṇḍape ||

अभ्यर्च्य पश्चादैशान्यां चतुष्कुम्भे सवेदिके । स्नानमण्डषके सर्वद्रव्याण्यानीय निक्षिपेत ।।

abhyarcya paścādaiśānyāṃ catuṣkumbhe savedike | snānamaṇḍaṣake sarvadravyāṇyānīya nikṣipet ||

स्नानकुम्भेषु कुम्भांस्तांश चतुर्दिक्ष्वधिवासयेत । कलशाः स्थापनीयास्तु अभिषेकार्थमादरात ।।

snānakumbheṣu kumbhāṃstāṃś caturdikṣvadhivāsayet | kalaśāḥ sthāpanīyāstu abhiṣekārthamādarāt ||

वटोदुम्बरकाश्वत्थांश चम्पकाशोकश्रीद्रुमान । पलाशार्जुनप्लक्षांस्तु कदम्बवकुलाम्रकान ।।

vaṭodumbarakāśvatthāṃś campakāśokaśrīdrumān | palāśārjunaplakṣāṃstu kadambavakulāmrakān ||

पल्लवांस्तु समानीय पूर्वकुम्भे विनिक्षिपेत । पद्मकं रोचनां दूर्वां दर्भपिञ्जलमेव च ।।

pallavāṃstu samānīya pūrvakumbhe vinikṣipet | padmakaṃ rocanāṃ dūrvāṃ darbhapiñjalameva ca ||

जातीपुष्पं कुन्दपुष्पचन्दनं रक्तचन्दनं । सिद्धार्थं तगरञ्चैव तण्डुलं दक्षिणे न्यसेत ।।

jātīpuṣpaṃ kundapuṣpacandanaṃ raktacandanaṃ | siddhārthaṃ tagarañcaiva taṇḍulaṃ dakṣiṇe nyaset ||

सवर्णं रजतञ्चैव कूलद्वयमृदन्तथा । नद्याः समुद्रगामिन्या विशेषात जाह्नवीमृदं ।।

savarṇaṃ rajatañcaiva kūladvayamṛdantathā | nadyāḥ samudragāminyā viśeṣāt jāhnavīmṛdaṃ ||

गोमयञ्च यवान शालींस्तिलांश चैवापरे न्यसेत । विष्णुपर्णीं श्यामलतां भृङ्गराजं शतावरीं ।।

gomayañca yavān śālīṃstilāṃś caivāpare nyaset | viṣṇuparṇīṃ śyāmalatāṃ bhṛṅgarājaṃ śatāvarīṃ ||

सहदेवां महादेवीं बलां व्यघ्रीं सलक्ष्मणां । ऐशान्यामपरे कुम्भे मङ्गल्यान्विनिवेशयेत ।।

sahadevāṃ mahādevīṃ balāṃ vyaghrīṃ salakṣmaṇāṃ | aiśānyāmapare kumbhe maṅgalyānviniveśayet ||

वल्मीकमृत्तिकां सप्तस्थानोत्थामपरे न्यसेत । जाह्नवीवालुकातोयं विन्यसेदपरे घटे ।।

valmīkamṛttikāṃ saptasthānotthāmapare nyaset | jāhnavīvālukātoyaṃ vinyasedapare ghaṭe ||

वराहवृषनागेन्द्रविषाणोद्धृतमृत्तिकां । मृत्तिकां पद्ममूलस्य कुशस्य त्वपरे न्यसेत ।।

varāhavṛṣanāgendraviṣāṇoddhṛtamṛttikāṃ | mṛttikāṃ padmamūlasya kuśasya tvapare nyaset ||

तीर्थपर्वतमृद्भिश च युक्तमप्यपरे न्यसेत । नागकेशरपुष्पञ्च काश्मीरमपरे न्यसेत ।।

tīrthaparvatamṛdbhiś ca yuktamapyapare nyaset | nāgakeśarapuṣpañca kāśmīramapare nyaset ||

चन्दनागुरुकर्पूरैः पुष्पं चैवापरे न्यसेत । वैदूर्यं विद्रुमं मुक्तां स्फटिकं वज्रमेव च ।।

candanāgurukarpūraiḥ puṣpaṃ caivāpare nyaset | vaidūryaṃ vidrumaṃ muktāṃ sphaṭikaṃ vajrameva ca ||

एतान्येकत्र निक्षिप्य स्थापयेद्देवसत्तम । नदीनदतडागानां सलिलैर अपरं न्यसेत ।।

etānyekatra nikṣipya sthāpayeddevasattama | nadīnadataḍāgānāṃ salilair aparaṃ nyaset ||

एकाशीतिपदे चान्यान्मण्डपे कलशान न्यसेत । गन्धोदकाद्यैः सम्पूर्णान श्रीसूक्तेनाभिमन्त्रयेत ।।

ekāśītipade cānyānmaṇḍape kalaśān nyaset | gandhodakādyaiḥ sampūrṇān śrīsūktenābhimantrayet ||

यवं सिद्धार्थकं गन्धं कुशाग्रं चाक्षतं तथा । तिलान फलं तथा पुष्पमर्घ्यार्थं पूर्वतो न्यसेत ।।

yavaṃ siddhārthakaṃ gandhaṃ kuśāgraṃ cākṣataṃ tathā | tilān phalaṃ tathā puṣpamarghyārthaṃ pūrvato nyaset ||

तथा । पाद्यार्थं दक्षिणे भागे मधुपर्कं तु दक्षिणे ।।

tathā | pādyārthaṃ dakṣiṇe bhāge madhuparkaṃ tu dakṣiṇe ||

कक्कोलकं लवङ्गञ्च तथा जातीफलं शुभं । उत्तरे ह्य आचमनाय अग्नौ दूर्वाक्षतान्वितं ।।

kakkolakaṃ lavaṅgañca tathā jātīphalaṃ śubhaṃ | uttare hy ācamanāya agnau dūrvākṣatānvitaṃ ||

पात्रं नीराजनार्थं च तथोद्वर्तनमानिले । गन्धपुष्पान्वितं पात्रमैशान्यां पात्रके न्यसेत ।।

pātraṃ nīrājanārthaṃ ca tathodvartanamānile | gandhapuṣpānvitaṃ pātramaiśānyāṃ pātrake nyaset ||

मुरामांसी चामलकं सहदेवां निशादिकं । षष्टिदीपान्न्यसेदष्टौ न्यसेन्नीराजनाय च ।।

murāmāṃsī cāmalakaṃ sahadevāṃ niśādikaṃ | ṣaṣṭidīpānnyasedaṣṭau nyasennīrājanāya ca ||

शङ्खं चक्रञ्च श्रीवत्सं कुलिशं पङ्कजादिकं । हेमादिपात्रे कृत्वा तु नानावर्णादिपुष्पकं ।।

śaṅkhaṃ cakrañca śrīvatsaṃ kuliśaṃ paṅkajādikaṃ | hemādipātre kṛtvā tu nānāvarṇādipuṣpakaṃ ||