विशेदनेन मन्त्रेण यागस्थानञ्च भूषयेत । नमो ब्रह्मण्यदेवाय श्रीधरायाव्ययात्मने ।।

viśedanena mantreṇa yāgasthānañca bhūṣayet | namo brahmaṇyadevāya śrīdharāyāvyayātmane ||

ऋग्यजुःसामरूपाय शब्ददेहाय । विलिख्य मण्डलं सायं यागद्रव्यादि चाहरेत ।।

ṛgyajuḥsāmarūpāya śabdadehāya | vilikhya maṇḍalaṃ sāyaṃ yāgadravyādi cāharet ||

प्रक्षालितकराङ्घ्रिः सन विन्यस्यार्घ्यकरो नरः । अर्घ्यादिभिस्तु शिरः प्रोक्ष्य द्वारदेशादिकं यथा ।।

prakṣālitakarāṅghriḥ san vinyasyārghyakaro naraḥ | arghyādibhistu śiraḥ prokṣya dvāradeśādikaṃ yathā ||

आरभेद द्वारयागञ्च तोरणेशान प्रपूजयेत । अश्वत्थोदुम्बरवटप्रक्षाः पूर्वादिगा नगाः ।।

ārabhed dvārayāgañca toraṇeśān prapūjayet | aśvatthodumbaravaṭaprakṣāḥ pūrvādigā nagāḥ ||

ऋगिन्द्रशोभनं प्रास्यां युजुर्यमसुभद्रकम । सामापश च सुधन्वाख्यं सोमाथर्वसुहोत्रकम ।।

ṛgindraśobhanaṃ prāsyāṃ yujuryamasubhadrakam | sāmāpaś ca sudhanvākhyaṃ somātharvasuhotrakam ||

तोरणान्तः पताकाश च कुमुदाद्या घटद्वयम । द्वारि द्वारि स्वनाम्नार्च्याः पूर्वे पूर्णश च पुष्करः ।।

toraṇāntaḥ patākāś ca kumudādyā ghaṭadvayam | dvāri dvāri svanāmnārcyāḥ pūrve pūrṇaś ca puṣkaraḥ ||

आनन्दनन्दनौ दक्षे वीरसेनः सुषेणकः । सम्भवप्रभवौ सौम्ये द्वारपांश चैव पूजयेत ।।

ānandanandanau dakṣe vīrasenaḥ suṣeṇakaḥ | sambhavaprabhavau saumye dvārapāṃś caiva pūjayet ||

अस्त्रजप्तपुष्पक्षेपाद्विघ्नानुत्सार्य संविशेत । भूतशुद्धिं विधायाथ विन्यस्य कृतमुद्रवः ।।

astrajaptapuṣpakṣepādvighnānutsārya saṃviśet | bhūtaśuddhiṃ vidhāyātha vinyasya kṛtamudravaḥ ||

फट्कारान्तां शिखां जप्त्वा सर्षपान दिक्षु निक्षिपेत । वासुदेवेन गोमूत्रं सङ्कर्षणेन गोमयम ।।

phaṭkārāntāṃ śikhāṃ japtvā sarṣapān dikṣu nikṣipet | vāsudevena gomūtraṃ saṅkarṣaṇena gomayam ||

प्रद्युम्नेन पयस्तज्जात दधि नारायणाद घृतम । एकद्वित्र्यादिवाराणि घृताद्वै भागतोधिकम ।।

pradyumnena payastajjāt dadhi nārāyaṇād ghṛtam | ekadvitryādivārāṇi ghṛtādvai bhāgatodhikam ||

घृतपात्रे तदेकत्र पञ्चगव्यमुदाहृतम । मण्डपप्रोक्षणायैकञ्चापरम्प्राशनाय च ।।

ghṛtapātre tadekatra pañcagavyamudāhṛtam | maṇḍapaprokṣaṇāyaikañcāparamprāśanāya ca ||

आनीय दशकुम्भेषु इन्द्राद्यान लोकपान यजेत । पूज्याज्ञां श्रावयेत्तांश च स्थातव्यं चाज्ञया हरेः ।।

ānīya daśakumbheṣu indrādyān lokapān yajet | pūjyājñāṃ śrāvayettāṃś ca sthātavyaṃ cājñayā hareḥ ||

यागद्रव्यादि संरक्ष्य विकिरान विकिरेत्ततः । मूलाष्टशतसञ्जप्तान कुशकूर्चान हरेश च तान ।।

yāgadravyādi saṃrakṣya vikirān vikirettataḥ | mūlāṣṭaśatasañjaptān kuśakūrcān hareś ca tān ||

ऐशान्यां दिशि तत्रस्थं स्थाप्यं कुम्भञ्च वर्धनीं । कुम्भे साङ्गं हरिं प्रार्च्य वर्धन्यामस्त्रमर्चयेत ।।

aiśānyāṃ diśi tatrasthaṃ sthāpyaṃ kumbhañca vardhanīṃ | kumbhe sāṅgaṃ hariṃ prārcya vardhanyāmastramarcayet ||

प्रदक्षिणं यागगृहं वर्धन्याच्छिन्नधारया । सिञ्चन्नयेत्ततः कुम्भं पूजयेच्च स्थिरासने ।।

pradakṣiṇaṃ yāgagṛhaṃ vardhanyācchinnadhārayā | siñcannayettataḥ kumbhaṃ pūjayecca sthirāsane ||

सपञ्चरत्नवस्त्राढ्यकुम्भे गन्धादिभिर्हरिम । वर्धन्यां हेमगर्भायां यजेदस्त्रञ्च वामतः ।।

sapañcaratnavastrāḍhyakumbhe gandhādibhirharim | vardhanyāṃ hemagarbhāyāṃ yajedastrañca vāmataḥ ||

तत्समीपे वास्तुलक्ष्मीं भूविनायकमर्चयेत । स्रपनं कल्पयेद्विष्णोः सङ्क्रान्त्यादौ तथैव च ।।

tatsamīpe vāstulakṣmīṃ bhūvināyakamarcayet | srapanaṃ kalpayedviṣṇoḥ saṅkrāntyādau tathaiva ca ||

पूर्णकुम्भान नव स्थाप्य नवकोणेषु निर्ब्रणान ।।

pūrṇakumbhān nava sthāpya navakoṇeṣu nirbraṇān ||

पूर्वादिकलसेग्न्यादौ पञ्चामृतजलादिकम । दधि क्षीरं मधूष्णीदं पाद्यं स्याच्चतुरङ्गकम ।।

pūrvādikalasegnyādau pañcāmṛtajalādikam | dadhi kṣīraṃ madhūṣṇīdaṃ pādyaṃ syāccaturaṅgakam ||

पद्मश्यामाकदूर्वाश च विष्णुपत्नी च पाद्यकम । तथाष्टाङ्गार्घ्यमाख्यातं यवगन्धफलाक्षतम ।।

padmaśyāmākadūrvāś ca viṣṇupatnī ca pādyakam | tathāṣṭāṅgārghyamākhyātaṃ yavagandhaphalākṣatam ||

कुशाः सिद्धार्थपुष्पानि तिला द्रव्याणि चार्हणम । लवङ्गकक्कोलयुते दद्यादाचमनीयकम ।।

kuśāḥ siddhārthapuṣpāni tilā dravyāṇi cārhaṇam | lavaṅgakakkolayute dadyādācamanīyakam ||

स्नापयेन्मूलमन्त्रेण देवं पञ्चामृतैर अपि । शुद्धोदं मध्यकुम्भेन देवमूर्ध्नि विनिःक्षिपेत ।।

snāpayenmūlamantreṇa devaṃ pañcāmṛtair api | śuddhodaṃ madhyakumbhena devamūrdhni viniḥkṣipet ||

कलशान्निःसृतं तोयं कूर्चाग्रं संस्पृशेन्नरः । शुद्धोदकेन पाद्यञ्च अर्घ्यमाचमनन्ददेत ।।

kalaśānniḥsṛtaṃ toyaṃ kūrcāgraṃ saṃspṛśennaraḥ | śuddhodakena pādyañca arghyamācamanandadet ||

परिमृज्य पटेनाङ्गं सवस्त्रं मण्डलं नयेत । तत्राभ्यर्च्याचरेद्धोमं कुण्डादौ प्राणसंयमी ।।

parimṛjya paṭenāṅgaṃ savastraṃ maṇḍalaṃ nayet | tatrābhyarcyācareddhomaṃ kuṇḍādau prāṇasaṃyamī ||

प्रक्षाल्य हस्तौ रेखाश च तिस्रः पूर्वाग्रगामिनीः । दक्षिणादुत्तराश च तिस्रश चैवओत्तराग्रगाः ।।

prakṣālya hastau rekhāś ca tisraḥ pūrvāgragāminīḥ | dakṣiṇāduttarāś ca tisraś caivaottarāgragāḥ ||

अर्घ्योदकेन सम्प्रोक्ष्य योनिमुद्राम्प्रदर्शयेत । ध्यात्वाग्निरूपञ्चाग्निन्तु योन्यां कुण्डे क्षिपेन्नरः ।।

arghyodakena samprokṣya yonimudrāmpradarśayet | dhyātvāgnirūpañcāgnintu yonyāṃ kuṇḍe kṣipennaraḥ ||

पात्राण्यासादयेत पश्चाद्दर्भश्रुक्श्रुवकादिभिः । बाहुमात्राः परिधय इध्मव्रश चनमेव च ।।

pātrāṇyāsādayet paścāddarbhaśrukśruvakādibhiḥ | bāhumātrāḥ paridhaya idhmavraś canameva ca ||

प्रणीता प्रोक्षणीपात्रमाज्यस्थाली घृतादिकम । प्रस्थद्वयं तण्डुलानां युग्मं युग्ममधोमुखम ।।

praṇītā prokṣaṇīpātramājyasthālī ghṛtādikam | prasthadvayaṃ taṇḍulānāṃ yugmaṃ yugmamadhomukham ||

प्रणीताप्रोक्षणीपात्रे न्यसेत प्रागग्रगं कुशम । अद्भिः पूर्यप्रणीतान्तु ध्यात्वा देवं प्रपूज्य च ।।

praṇītāprokṣaṇīpātre nyaset prāgagragaṃ kuśam | adbhiḥ pūryapraṇītāntu dhyātvā devaṃ prapūjya ca ||

प्रणीतां स्थापयेदग्रे द्रव्याणाञ्चैव मध्यतः । प्रोक्षणीमद्भिः सम्पूर्य प्रार्च्य दक्षे तु विन्यसेत ।।

praṇītāṃ sthāpayedagre dravyāṇāñcaiva madhyataḥ | prokṣaṇīmadbhiḥ sampūrya prārcya dakṣe tu vinyaset ||

चरुञ्च श्रपयेदग्नौ ब्रह्माणं दक्षिणे न्यसेत । कुशानास्तीर्य पूर्वादौ परिधीन स्थापयेत्ततः ।।

caruñca śrapayedagnau brahmāṇaṃ dakṣiṇe nyaset | kuśānāstīrya pūrvādau paridhīn sthāpayettataḥ ||

वैष्णवीकरणं कुर्याद गर्भाधानादिना नरः । गर्भाधानं पुंसवनं सीमन्तोन्नयनञ्जनिः ।।

vaiṣṇavīkaraṇaṃ kuryād garbhādhānādinā naraḥ | garbhādhānaṃ puṃsavanaṃ sīmantonnayanañjaniḥ ||

नामादिसमावर्तनान्तं जुहुयादष्ट चाहुतीः । पूर्णाहुतीः प्रतिकर्म श्रुचा स्रुवसुयुक्तया ।।

nāmādisamāvartanāntaṃ juhuyādaṣṭa cāhutīḥ | pūrṇāhutīḥ pratikarma śrucā sruvasuyuktayā ||

कुण्डमध्ये ऋतुमतीं लक्ष्मीं सञ्चिन्त्य होमयेत । कुण्डलक्ष्मीः समाख्याता प्रकृतिस्त्रिगुणात्मका ।।

kuṇḍamadhye ṛtumatīṃ lakṣmīṃ sañcintya homayet | kuṇḍalakṣmīḥ samākhyātā prakṛtistriguṇātmakā ||

सा योनिः सर्वभूतानां विद्यामन्त्रगणस्य च । विमुक्तेः कारणं वह्निः परमात्मा च मुक्तिदः ।।

sā yoniḥ sarvabhūtānāṃ vidyāmantragaṇasya ca | vimukteḥ kāraṇaṃ vahniḥ paramātmā ca muktidaḥ ||

प्राच्यां शिरः समाख्यातं बाहू कोणे व्यवस्थितौ । ईशानाग्नेयकोणे तु जङ्घे वायव्यनैरृते ।।

prācyāṃ śiraḥ samākhyātaṃ bāhū koṇe vyavasthitau | īśānāgneyakoṇe tu jaṅghe vāyavyanairṛte ||

उदरं कुण्डमित्युक्तं योनिर्योनिर्विधीयते । गुणत्रयं मेखलाः स्युर्ध्यात्वैवं समिधो दश ।।

udaraṃ kuṇḍamityuktaṃ yoniryonirvidhīyate | guṇatrayaṃ mekhalāḥ syurdhyātvaivaṃ samidho daśa ||

पञ्चाधिकांस्तु जुहुयात प्रणवान्मुष्टिमुद्रया । पुनराघारौ जुहुयाद्वाय्वग्न्यन्तं ततः श्रपेत ।।

pañcādhikāṃstu juhuyāt praṇavānmuṣṭimudrayā | punarāghārau juhuyādvāyvagnyantaṃ tataḥ śrapet ||

ईशान्तं मूलमन्त्रेण आज्यभागौ तु होमयेत । उत्तरे द्वादशान्तेन दक्षिणे तेन मध्यतः ।।

īśāntaṃ mūlamantreṇa ājyabhāgau tu homayet | uttare dvādaśāntena dakṣiṇe tena madhyataḥ ||

व्याहृत्या पद्ममध्यस्थं ध्यायेद्वह्निन्तु संस्कृतम । वैष्णवं सप्तजिह्वं च सूर्यकोटिसमप्रभम ।।

vyāhṛtyā padmamadhyasthaṃ dhyāyedvahnintu saṃskṛtam | vaiṣṇavaṃ saptajihvaṃ ca sūryakoṭisamaprabham ||

चन्द्रवक्त्रञ्च सूर्याक्षं जुहुयाच्छतमष्ट च । तदर्धञ्चाष्ट मूलेन अङ्गानाञ्च दशांशतः ।।

candravaktrañca sūryākṣaṃ juhuyācchatamaṣṭa ca | tadardhañcāṣṭa mūlena aṅgānāñca daśāṃśataḥ ||