निर्वाणादिषु दीक्षासु चत्त्वारिंशत्तथाष्ट च । संस्कारान कारयेद्धीमान शृणुतान्यैः सुरो भवेत ।।

nirvāṇādiṣu dīkṣāsu cattvāriṃśattathāṣṭa ca | saṃskārān kārayeddhīmān śṛṇutānyaiḥ suro bhavet ||

गर्भाधानन्तु योन्यां वै ततः पुंसवनञ्चरेत । सीमन्तोन्नयनञ्चैव जातकर्म च नाम च ।।

garbhādhānantu yonyāṃ vai tataḥ puṃsavanañcaret | sīmantonnayanañcaiva jātakarma ca nāma ca ||

अन्नाशनं ततश्चूडा ब्रह्मचर्यव्रतानि च । चत्वारि वैष्णवी पार्थी भौतिकी श्रोत्रिकी तथा ।।

annāśanaṃ tataścūḍā brahmacaryavratāni ca | catvāri vaiṣṇavī pārthī bhautikī śrotrikī tathā ||

गोदानं सूतकत्वञ्च पाकयज्ञाश च सप्त ते । अष्टका पार्वणश्राद्धं श्रावण्यग्रायणीति च ।।

godānaṃ sūtakatvañca pākayajñāś ca sapta te | aṣṭakā pārvaṇaśrāddhaṃ śrāvaṇyagrāyaṇīti ca ||

चैत्री चाश्वयुजी सप्त हविर्यज्ञांश च तान शृणु । आधानञ्चाग्निहोत्रञ्च दर्शो वै पौर्णमासकः ।।

caitrī cāśvayujī sapta haviryajñāṃś ca tān śṛṇu | ādhānañcāgnihotrañca darśo vai paurṇamāsakaḥ ||

चातुर्मास्यं पशुबन्धः सौत्रामणिरथापरः । सोमसंस्थाः सप्त शृणु अग्निष्टोमः क्रतूत्तमः ।।

cāturmāsyaṃ paśubandhaḥ sautrāmaṇirathāparaḥ | somasaṃsthāḥ sapta śṛṇu agniṣṭomaḥ kratūttamaḥ ||

अत्यग्निष्टोम उक्थश च षोडशो वाजपेयकः । अतिरात्राप्तोर्यामश च सहस्रेशाः सवा इमे ।।

atyagniṣṭoma ukthaś ca ṣoḍaśo vājapeyakaḥ | atirātrāptoryāmaś ca sahasreśāḥ savā ime ||

हिरण्याङ्घ्रिर्हिरण्याक्षो हिरण्यमित्र इत्य अतः । हिरण्यपाणिर्हेमाक्षो हेमाङ्गो हेमसूत्रकः ।।

hiraṇyāṅghrirhiraṇyākṣo hiraṇyamitra ity ataḥ | hiraṇyapāṇirhemākṣo hemāṅgo hemasūtrakaḥ ||

हिरण्यास्यो हिरण्याङ्गो हेमजिह्वो हिरण्यवान । अश्वमेधो हि सर्वेशो गुणाश्चाष्टाथ तान शृणु ।।

hiraṇyāsyo hiraṇyāṅgo hemajihvo hiraṇyavān | aśvamedho hi sarveśo guṇāścāṣṭātha tān śṛṇu ||

दया च सर्वभूतेषु क्षान्तिश चैव तथार्जवम । शौचं चैवमनायासो मङ्गलं चापरो गुणः ।।

dayā ca sarvabhūteṣu kṣāntiś caiva tathārjavam | śaucaṃ caivamanāyāso maṅgalaṃ cāparo guṇaḥ ||

अकार्पण्यञ्चास्पृहा च मूलेन जुहुयाच्छतम । सौरशाक्तेयविष्ण्वीशदीक्षास्त्वेते समाः स्मृताः ।।

akārpaṇyañcāspṛhā ca mūlena juhuyācchatam | sauraśākteyaviṣṇvīśadīkṣāstvete samāḥ smṛtāḥ ||

संस्कारैः संस्कृतश चैतैर भुक्तिमुक्तिमवाप्नुयात । सर्वरोगाद्विनिर्मुक्तो देववद्वर्तते नरः । जप्याद्धोमात्पूजनाच्च ध्यानाद्देवस्य चेष्टभाक ।।

saṃskāraiḥ saṃskṛtaś caitair bhuktimuktimavāpnuyāt | sarvarogādvinirmukto devavadvartate naraḥ | japyāddhomātpūjanācca dhyānāddevasya ceṣṭabhāk ||