तेषांसुतुमुलंशब्दंवानराणांतरस्विनाम् । नर्दतांराक्षसैस्सार्धंतदाशुश्रावरावणः ।।

tēṣāṅsutumulaṅśabdaṅvānarāṇāṅtarasvinām . nardatāṅrākṣasaissārdhaṅtadāśuśrāvarāvaṇaḥ ।।

स्निग्धगम्भीरनिर्घोषंश्रुत्वासनिनदंभृशम् । सचिवानांततस्तेषांमध्येवचनमब्रवीत् ।।

snigdhagambhīranirghōṣaṅśrutvāsaninadaṅbhṛśam . sacivānāṅtatastēṣāṅmadhyēvacanamabravīt ।।

यथाऽसौसम्प्रहृष्टानांवानराणांसमुत्थितः । बहूनांसुमहान्नादोमेघनामिवगर्जिताम् ।।

yathā.sausamprahṛṣṭānāṅvānarāṇāṅsamutthitaḥ . bahūnāṅsumahānnādōmēghanāmivagarjitām ।।

।। व्यक्तंसुमहतीप्रीतिरेतेषांनात्रसंशयः । तथाहिविपुलैर्नादैश्चुक्षुभेवरुणालयः ।।

।। vyaktaṅsumahatīprītirētēṣāṅnātrasaṅśayaḥ . tathāhivipulairnādaiścukṣubhēvaruṇālayaḥ ।।

तौतुबद्धौशरैस्तीक्ष्णैर्भ्रातरौरामलक्ष्मणौ । अयंचसुमहान्नादशङ्कांजनयतीवमे ।।

tautubaddhauśaraistīkṣṇairbhrātaraurāmalakṣmaṇau . ayaṅcasumahānnādaśaṅkāṅjanayatīvamē ।।

एतत्तुवचनंचोक्त्वामन्त्रिणोराक्षसेश्वरः । उवाचनैरृतांस्तत्रसमीपपरिवर्तिनः ।।

ētattuvacanaṅcōktvāmantriṇōrākṣasēśvaraḥ . uvācanairṛtāṅstatrasamīpaparivartinaḥ ।।

ज्ञायतांतूर्णमेतेषांसर्वेषांचवनचारिणाम् । शोककालेसमुत्पन्नहर्षकारणमुत्थितम् ।।

jñāyatāṅtūrṇamētēṣāṅsarvēṣāṅcavanacāriṇām . śōkakālēsamutpannaharṣakāraṇamutthitam ।।

तथोक्तास्तेनसम्भ्रान्ताःप्राकारमधिरुह्यच । ददृशुःपालितांसेनांसुग्रीवेणमहात्मना ।।

tathōktāstēnasambhrāntāḥprākāramadhiruhyaca . dadṛśuḥpālitāṅsēnāṅsugrīvēṇamahātmanā ।।

।। तौचमुक्तौसुघोरेणशरबन्धेनराघवौ । समुत्थितौमहाभागौविषेदुःप्रेक्ष्यराक्षसाः ।।

।। taucamuktausughōrēṇaśarabandhēnarāghavau . samutthitaumahābhāgauviṣēduḥprēkṣyarākṣasāḥ ।।

सन्त्रस्तहृदयाःसर्वेप्राकारात् वरुह्यते । विषण्णवदनाघोराराक्षसेन्द्रमुपस्थिता ।।

santrastahṛdayāḥsarvēprākārāt varuhyatē . viṣaṇṇavadanāghōrārākṣasēndramupasthitā ।।

तदप्रियंदीनमुखारावणस्यनिशाचराः । कृत्स्नंनिवेदयामासुर्यथावद्वाक्यकोविदाः ।।

tadapriyaṅdīnamukhārāvaṇasyaniśācarāḥ . kṛtsnaṅnivēdayāmāsuryathāvadvākyakōvidāḥ ।।

यौताविन्द्रजितायुद्धेभ्रातरौरामलक्ष्मणौ । निबद्धौशरबन्धेननिष्प्रकम्पभुजौकृतौ ।।

yautāvindrajitāyuddhēbhrātaraurāmalakṣmaṇau . nibaddhauśarabandhēnaniṣprakampabhujaukṛtau ।।

।। विमुक्तौशरबन्धेनदृश्येतेतौरणाजिरे । पाशानिवगजौछित्वागजेन्द्रसमविक्रमौ ।।

।। vimuktauśarabandhēnadṛśyētētauraṇājirē . pāśānivagajauchitvāgajēndrasamavikramau ।।

तच्छ्रुत्वावचनंतेषांराक्षसेन्द्रोमहाबलः । चिन्तारोषसमाक्रान्तोविषण्णवदनोऽभवत् ।।

tacchrutvāvacanaṅtēṣāṅrākṣasēndrōmahābalaḥ . cintārōṣasamākrāntōviṣaṇṇavadanō.bhavat ।।

घोरैर्दत्तवरैर्भद्धौशरैराशीविषोपमैः । अमोघैस्सूर्यसङ्काशैःप्रमथ्येन्द्रजितायुधि ।।

ghōrairdattavarairbhaddhauśarairāśīviṣōpamaiḥ . amōghaissūryasaṅkāśaiḥpramathyēndrajitāyudhi ।।

।। तदस्त्रबन्धमासाद्ययदिमुक्तौरिपूमम । संशयस्थमिदंसर्वमनुपश्याम्यहंबलम् ।।

।। tadastrabandhamāsādyayadimuktauripūmama . saṅśayasthamidaṅsarvamanupaśyāmyahaṅbalam ।।

निष्फलाःखलुसम्वृत्ताश्शराःवासुकितेजसः । अदत्तंयैस्तुसङ्ग्रामेरिपूणांजीवितंमम ।।

niṣphalāḥkhalusamvṛttāśśarāḥvāsukitējasaḥ . adattaṅyaistusaṅgrāmēripūṇāṅjīvitaṅmama ।।

एवमुक्त्वातुसङ्क्रुद्धोनिश्श्वसन्नुरगोयथा । अब्रवीद्रक्षसांमध्येधूम्राक्षंनामराक्षसम् ।।

ēvamuktvātusaṅkruddhōniśśvasannuragōyathā . abravīdrakṣasāṅmadhyēdhūmrākṣaṅnāmarākṣasam ।।

बलेनमहतायुक्तोराक्षसैर्भीमविक्रमः । त्वंवधायाभिनिर्याहिरामस्यसहवानरैः ।।

balēnamahatāyuktōrākṣasairbhīmavikramaḥ . tvaṅvadhāyābhiniryāhirāmasyasahavānaraiḥ ।।

एवमुक्तस्तुधूम्राक्षोराक्षसेन्द्रेणधीमता । कृत्वाप्रणामंसम्हृष्टोनिर्जगामनृपालयत् ।।

ēvamuktastudhūmrākṣōrākṣasēndrēṇadhīmatā . kṛtvāpraṇāmaṅsamhṛṣṭōnirjagāmanṛpālayat ।।

अभिनिष्क्रम्यतदद्वारंबलाध्यक्षमुवाचह । त्वरयस्वबलंतूर्णंकिंचिरेणयुयुत्सतः ।।

abhiniṣkramyatadadvāraṅbalādhyakṣamuvācaha . tvarayasvabalaṅtūrṇaṅkiṅcirēṇayuyutsataḥ ।।

धूम्राक्षवचनंश्रुत्वाबलाध्यक्षोबलानुगः । बलमुद्योजयामासरावणस्याज्ञयाद्रुतम् ।।

dhūmrākṣavacanaṅśrutvābalādhyakṣōbalānugaḥ . balamudyōjayāmāsarāvaṇasyājñayādrutam ।।

तेबद्धघण्टाबलिनोघोररूपानिशाचराः । विगर्जमानास्सम्हृष्टाधूम्राक्षंपर्यवारयन् ।।

tēbaddhaghaṇṭābalinōghōrarūpāniśācarāḥ . vigarjamānāssamhṛṣṭādhūmrākṣaṅparyavārayan ।।

विविधायुधहस्ताश्चशूलमुद्गरपाणयः । गदाभिःपट्टसैर्दण्डैरायसैर्मुसलैर्भृशम् ।।

vividhāyudhahastāścaśūlamudgarapāṇayaḥ . gadābhiḥpaṭṭasairdaṇḍairāyasairmusalairbhṛśam ।।

।। परिघैर्भिण्डिवालैश्चभल्लैप्रासै: परश्वथै: । निर्ययूराक्षसादिभ्योनर्धन्तोजलदायथा ।।

।। parighairbhiṇḍivālaiścabhallaiprāsai: paraśvathai: . niryayūrākṣasādibhyōnardhantōjaladāyathā ।।

रथैःकवचिनस्त्वन्येध्वजैश्चसमलङ्कृतैः । सुवर्णजालविहितैःखरैश्चविविधाननैः ।।

rathaiḥkavacinastvanyēdhvajaiścasamalaṅkṛtaiḥ . suvarṇajālavihitaiḥkharaiścavividhānanaiḥ ।।

।। हयैःपरमशीघ्रैश्चगजैश्चैवमदोत्कटैः । निर्ययुर्नैरृतव्याघ्राव्याघ्राइवदुरासदाः ।।

।। hayaiḥparamaśīghraiścagajaiścaivamadōtkaṭaiḥ . niryayurnairṛtavyāghrāvyāghrāivadurāsadāḥ ।।

वृकसिंहमुखैर्युक्तंखरैःकनकभूषणै: । आरुरोहरथंदिव्यंधूम्राक्षःखरनिस्स्वनः ।।

vṛkasiṅhamukhairyuktaṅkharaiḥkanakabhūṣaṇai: . ārurōharathaṅdivyaṅdhūmrākṣaḥkharanissvanaḥ ।।

सनिर्यातोमहावीर्योधूम्राक्षोराक्षसैर्वृतः । प्रहसन्पश्चिमद्वारंहनुमान्यत्रयूथपः ।।

saniryātōmahāvīryōdhūmrākṣōrākṣasairvṛtaḥ . prahasanpaścimadvāraṅhanumānyatrayūthapaḥ ।।

रथप्रवरमास्थायखरयुक्तंखरस्वनम् । प्रयान्तंतुमहाघोरंराक्षसंभीमदर्शनम् ।।

rathapravaramāsthāyakharayuktaṅkharasvanam . prayāntaṅtumahāghōraṅrākṣasaṅbhīmadarśanam ।।

रथशीर्षेमहान्भीमोगृध्रश्चनिपपातह ।।

rathaśīrṣēmahānbhīmōgṛdhraścanipapātaha ।।

रुधिरार्द्रोमहान् श्वेतःकबन्धःपतितोभुवि ।।

rudhirārdrōmahān śvētaḥkabandhaḥpatitōbhuvi ।।

।। विस्वरंचोत्सृजन्नादंधूम्राक्षस्यसमीपतः । ववर्षरुधिरंदेवस्सञ्चचालचमेदिनी ।।

।। visvaraṅcōtsṛjannādaṅdhūmrākṣasyasamīpataḥ . vavarṣarudhiraṅdēvassañcacālacamēdinī ।।

प्रतिलोमंवनौवायुर्निर्घातसमनिस्वनः । तिमिरौघवृतास्तत्रदिशश्चनचकाशिरे ।।

pratilōmaṅvanauvāyurnirghātasamanisvanaḥ . timiraughavṛtāstatradiśaścanacakāśirē ।।

सतूत्पातांस्तदादृष्टवाराक्षसानांभयावहान् । प्रादुर्भूतान्सुघोरांश्चधूम्राक्षोव्यथितोऽभवत् ।।

satūtpātāṅstadādṛṣṭavārākṣasānāṅbhayāvahān . prādurbhūtānsughōrāṅścadhūmrākṣōvyathitō.bhavat ।।

ततःसुभीमोबहुभिर्निशाचरैर्वृतोऽभिनिष्क्रम्यरणोत्सुकोबली । ददर्शतांराघवबाहुपालितांमहौघकल्पांबहुवानरींचमूम् ।।

tataḥsubhīmōbahubhirniśācarairvṛtō.bhiniṣkramyaraṇōtsukōbalī . dadarśatāṅrāghavabāhupālitāṅmahaughakalpāṅbahuvānarīṅcamūm ।।