रावणेन तु वैदेही तदा पृष्टा जिहीर्षता। परिव्राजकरूपेण शशंसात्मानमात्मना।।

rāvaṇēna tu vaidēhī tadā pṛṣṭā jihīrṣatā. parivrājakarūpēṇa śaśaṅsātmānamātmanā৷৷

ब्राह्मणश्चातिथिश्चायमनुक्तो हि शपेत माम्। इति ध्यात्वा मुहूर्तं तु सीता वचनमब्रवीत्।।

brāhmaṇaścātithiścāyamanuktō hi śapēta mām. iti dhyātvā muhūrtaṅ tu sītā vacanamabravīt৷৷

दुहिता जनकस्याहं मैथिलस्य महात्मनः। सीता नाम्नास्मि भद्रं ते रामभार्या द्विजोत्तम।।

duhitā janakasyāhaṅ maithilasya mahātmanaḥ. sītā nāmnāsmi bhadraṅ tē rāmabhāryā dvijōttama৷৷

उषित्वा द्वादश समा इक्ष्वाकुणां निवेशने। भुञ्जाना मानुषान्भोगान्सर्वकामसमृद्धिनी।।

uṣitvā dvādaśa samā ikṣvākuṇāṅ nivēśanē. bhuñjānā mānuṣānbhōgānsarvakāmasamṛddhinī৷৷

ततस्त्रयोदशे वर्षे राजामन्त्रयत प्रभुः। अभिषेचयितुं रामं समेतो राजमन्त्रिभिः।।

tatastrayōdaśē varṣē rājāmantrayata prabhuḥ. abhiṣēcayituṅ rāmaṅ samētō rājamantribhiḥ৷৷

तस्मिन्सम्भ्रियमाणे तु राघवस्याभिषेचने। कैकेयी नाम भर्तारमार्या सा याचते वरम्।।

tasminsambhriyamāṇē tu rāghavasyābhiṣēcanē. kaikēyī nāma bhartāramāryā sā yācatē varam৷৷

प्रतिगृह्य तु कैकेयी श्वशुरं सुकृतेन मे। मम प्रव्राजनं भर्तुर्भरतस्याभिषेचनम्।।

pratigṛhya tu kaikēyī śvaśuraṅ sukṛtēna mē. mama pravrājanaṅ bharturbharatasyābhiṣēcanam৷৷

नाद्य भोक्ष्ये न च स्वप्स्ये न पास्येच कथञ्चन।।

nādya bhōkṣyē na ca svapsyē na pāsyēca kathañcana৷৷

इति ब्रुवाणां कैकेयीं श्वशुरो मे स मानदः।।

iti bruvāṇāṅ kaikēyīṅ śvaśurō mē sa mānadaḥ৷৷

मम भर्तामहातेजा वयसा पञ्चविंशकः।।

mama bhartāmahātējā vayasā pañcaviṅśakaḥ৷৷

रामेति प्रथितो लोके गुणवान्सत्यवान्शुचिः।।

rāmēti prathitō lōkē guṇavānsatyavānśuciḥ৷৷

कामार्तस्तु महातेजाः पिता दशरथस्स्वयम्।।

kāmārtastu mahātējāḥ pitā daśarathassvayam৷৷

अभिषेकाय तु पितुस्समीपं राममागतम्।।

abhiṣēkāya tu pitussamīpaṅ rāmamāgatam৷৷

तव पित्रा समाज्ञप्तं ममेदं शृणु राघव।।

tava pitrā samājñaptaṅ mamēdaṅ śṛṇu rāghava৷৷

त्वया हि खलु वस्तव्यं नव वर्षाणि पञ्च च।।

tvayā hi khalu vastavyaṅ nava varṣāṇi pañca ca৷৷

तथेत्युक्त्वा च तां रामः कैकेयीमकुतोभयः।।

tathētyuktvā ca tāṅ rāmaḥ kaikēyīmakutōbhayaḥ৷৷

दद्यान्न प्रतिगृह्णीयात्सत्यं ब्रूयान्न चानृतम्।।

dadyānna pratigṛhṇīyātsatyaṅ brūyānna cānṛtam৷৷

तस्य भ्राता तु द्वैमात्रो लक्ष्मणो नाम वीर्यवान्।।

tasya bhrātā tu dvaimātrō lakṣmaṇō nāma vīryavān৷৷

स भ्राता लक्ष्मणो नाम धर्मचारी दृढव्रतः।।

sa bhrātā lakṣmaṇō nāma dharmacārī dṛḍhavrataḥ৷৷

जटी तापसरूपेण मया सह सहानुजः।।

jaṭī tāpasarūpēṇa mayā saha sahānujaḥ৷৷

ते वयं प्रच्युता राज्यात्कैकेय्यास्तु कृते त्रयः।।

tē vayaṅ pracyutā rājyātkaikēyyāstu kṛtē trayaḥ৷৷

समाश्वस मुहूर्तं तु शक्यं वस्तुमिह त्वया।।

samāśvasa muhūrtaṅ tu śakyaṅ vastumiha tvayā৷৷

।। आगमिष्यति मे भर्ता वन्यमादाय पुष्कलम्। रुरून्गोधा न्वराहांश्च हत्वाऽदायाऽमिषान्बहून्।।

৷৷ āgamiṣyati mē bhartā vanyamādāya puṣkalam. rurūngōdhā nvarāhāṅśca hatvā.dāyā.miṣānbahūn৷৷

स त्वं नाम च गोत्रञ्च कुलं चाचक्ष्व तत्त्वतः। एकश्च दण्डकारण्ये किमर्थं चरसि द्विज।।

sa tvaṅ nāma ca gōtrañca kulaṅ cācakṣva tattvataḥ. ēkaśca daṇḍakāraṇyē kimarthaṅ carasi dvija৷৷

एवं बृवन्त्यां सीतायां रामपत्न्यां महाबलः। प्रत्युवाचोत्तरं तीव्रं रावणो राक्षसाधिपः।।

ēvaṅ bṛvantyāṅ sītāyāṅ rāmapatnyāṅ mahābalaḥ. pratyuvācōttaraṅ tīvraṅ rāvaṇō rākṣasādhipaḥ৷৷

येन वित्रासिता लोकास्सदेवासुरपन्नगाः। अहं तु रावणो नाम सीते रक्षोगणेश्वरः।।

yēna vitrāsitā lōkāssadēvāsurapannagāḥ. ahaṅ tu rāvaṇō nāma sītē rakṣōgaṇēśvaraḥ৷৷

त्वां तु काञ्चनवर्णाभां दृष्ट्वा कौशेयवासिनीम्। रतिं स्वकेषु दारेषु नाधिगच्छाम्यनिन्दिते।।

tvāṅ tu kāñcanavarṇābhāṅ dṛṣṭvā kauśēyavāsinīm. ratiṅ svakēṣu dārēṣu nādhigacchāmyaninditē৷৷

बह्वीनामुत्तमस्त्रीणामाहृतानामितस्ततः। सर्वासामेव भद्रं ते ममाग्रमहिषी भव।।

bahvīnāmuttamastrīṇāmāhṛtānāmitastataḥ. sarvāsāmēva bhadraṅ tē mamāgramahiṣī bhava৷৷

लङ्कानाम समुद्रस्य मम मध्ये महापुरी। सागरेण परिक्षिस्ता निविष्टा नगमूर्धनि।।

laṅkānāma samudrasya mama madhyē mahāpurī. sāgarēṇa parikṣistā niviṣṭā nagamūrdhani৷৷

तत्र सीते मया सार्धं वनेषु विहरिष्यसि। न चास्यारण्यवासस्य स्पृहयिष्यसि भामिनि।।

tatra sītē mayā sārdhaṅ vanēṣu vihariṣyasi. na cāsyāraṇyavāsasya spṛhayiṣyasi bhāmini৷৷

पञ्च दास्यस्सहस्राणि सर्वाभरणभूषिताः। सीते परिचरिष्यन्ति भार्या भवसि मे यदि।।

pañca dāsyassahasrāṇi sarvābharaṇabhūṣitāḥ. sītē paricariṣyanti bhāryā bhavasi mē yadi৷৷

रावणेनैवमुक्ता तु कुपिता जनकात्मजा। प्रत्युवाचानवद्याङ्गी तमनादृत्य राक्षसम्।।

rāvaṇēnaivamuktā tu kupitā janakātmajā. pratyuvācānavadyāṅgī tamanādṛtya rākṣasam৷৷

महागिरिमिवाकम्प्यं महेन्द्रसदृशं पतिम्। महोदधिमिवाक्षोभ्यमहं राममनुव्रता।।

mahāgirimivākampyaṅ mahēndrasadṛśaṅ patim. mahōdadhimivākṣōbhyamahaṅ rāmamanuvratā৷৷

सर्वलक्षणसम्पन्नं न्यग्रोधपरिमण्डलम्। सत्यसन्धं महाभागमहं राममनुव्रता।।

sarvalakṣaṇasampannaṅ nyagrōdhaparimaṇḍalam. satyasandhaṅ mahābhāgamahaṅ rāmamanuvratā৷৷

महाबाहुं महोरस्कं सिंहविक्रान्तगामिनम्। नृसिंहं सिंहसङ्काशमहं राममनुव्रता।।

mahābāhuṅ mahōraskaṅ siṅhavikrāntagāminam. nṛsiṅhaṅ siṅhasaṅkāśamahaṅ rāmamanuvratā৷৷

पूर्णचन्द्राननं रामं राजवत्सं जितेन्द्रियम्। पृथुकीर्तिं महात्मानमहं राममनुव्रता।।

pūrṇacandrānanaṅ rāmaṅ rājavatsaṅ jitēndriyam. pṛthukīrtiṅ mahātmānamahaṅ rāmamanuvratā৷৷

त्वं पुनर्जम्बुकस्सिंहीं मामिच्छसि सुदुर्लभाम्। नाहं शक्या त्वया स्प्रष्टुमादित्यस्य प्रभा यथा।।

tvaṅ punarjambukassiṅhīṅ māmicchasi sudurlabhām. nāhaṅ śakyā tvayā spraṣṭumādityasya prabhā yathā৷৷

पादपान्काञ्चनान्नूनं बहून्पश्यसि मन्दभाक्। राघपस्य प्रियां भार्यां यस्त्वमिच्छसि रावण।।

pādapānkāñcanānnūnaṅ bahūnpaśyasi mandabhāk. rāghapasya priyāṅ bhāryāṅ yastvamicchasi rāvaṇa৷৷

क्षुधितस्य हि सिंहस्य मृगशत्रोस्तरस्विनः। आशीविषस्य मुखाद्दंष्ट्रामादातुमिच्छसि।।

kṣudhitasya hi siṅhasya mṛgaśatrōstarasvinaḥ. āśīviṣasya mukhāddaṅṣṭrāmādātumicchasi৷৷

मन्दरं पर्वतश्रेष्ठं पाणिना हर्तुमिच्छसि। कालकूटं विषं पीत्वा स्वस्तिमान्गन्तुमिच्छसि।।

mandaraṅ parvataśrēṣṭhaṅ pāṇinā hartumicchasi. kālakūṭaṅ viṣaṅ pītvā svastimāngantumicchasi৷৷

अक्षि सूच्या प्रमृजसि जिह्वया लेक्षि च क्षुरम्। राघवस्य प्रियां भार्यां योऽधिगन्तुं त्वमिच्छसि।।

akṣi sūcyā pramṛjasi jihvayā lēkṣi ca kṣuram. rāghavasya priyāṅ bhāryāṅ yō.dhigantuṅ tvamicchasi৷৷

अवसज्य शिलां कण्ठे समुद्रं तर्तुमिच्छसि। सूर्याचन्द्रमसौ चोभौ पाणिभ्यां हर्तुमिच्छसि।।

avasajya śilāṅ kaṇṭhē samudraṅ tartumicchasi. sūryācandramasau cōbhau pāṇibhyāṅ hartumicchasi৷৷

अग्निं प्रज्वलितं दृष्ट्वा वस्त्रेणाहर्तुमिच्छसि।।

agniṅ prajvalitaṅ dṛṣṭvā vastrēṇāhartumicchasi৷৷

अयोमुखानां शूलानामग्रे चरितुमिच्छसि।।

ayōmukhānāṅ śūlānāmagrē caritumicchasi৷৷

यदन्तरं सिंहशृगालयोर्वने यदन्तरं स्यन्दिनिका समुद्रयोः। सुराग्र्य सौवीरकयोर्यदन्तरं तदन्तरं वै तव राघवस्य च।।

yadantaraṅ siṅhaśṛgālayōrvanē yadantaraṅ syandinikā samudrayōḥ. surāgrya sauvīrakayōryadantaraṅ tadantaraṅ vai tava rāghavasya ca৷৷

यदन्तरं काञ्चनसीसलोहयोर्यदन्तरं चन्दनवारिपङ्कयोः। यदन्तरं हस्तिबिडालयोर्वने तदन्तरं दाशरथेस्तवैव च।।

yadantaraṅ kāñcanasīsalōhayōryadantaraṅ candanavāripaṅkayōḥ. yadantaraṅ hastibiḍālayōrvanē tadantaraṅ dāśarathēstavaiva ca৷৷

यदन्तरं वायसवैनतेययोर्यदन्तरं मद्गुमयूरयोरपि। यदन्तरं सारसगृध्रयोर्वने तदन्तरं दाशरथेस्तवैव च।।

yadantaraṅ vāyasavainatēyayōryadantaraṅ madgumayūrayōrapi. yadantaraṅ sārasagṛdhrayōrvanē tadantaraṅ dāśarathēstavaiva ca৷৷

तस्मिन्सहस्राक्षसमप्रभावे रामे स्थिते कार्मुकबाणपाणौ। हृतापि तेहं न जरां गमिष्ये वज्रं यथा मक्षिकयावगीर्णम्।।

tasminsahasrākṣasamaprabhāvē rāmē sthitē kārmukabāṇapāṇau. hṛtāpi tēhaṅ na jarāṅ gamiṣyē vajraṅ yathā makṣikayāvagīrṇam৷৷

इतीव तद्वाक्यमदुष्टभावा सुदुष्टमुक्त्वा रजनीचरं तम्। गात्रप्रकम्पाद्व्यथिता बभूव वातोद्धता सा कदलीव तन्वी।।

itīva tadvākyamaduṣṭabhāvā suduṣṭamuktvā rajanīcaraṅ tam. gātraprakampādvyathitā babhūva vātōddhatā sā kadalīva tanvī৷৷

तां वेपमानामुपलक्ष्य सीतां स रावणो मृत्युसमप्रभावः। कुलं बलं नाम च कर्म चात्मनः समाचचक्षे भयकारणार्थम्।।

tāṅ vēpamānāmupalakṣya sītāṅ sa rāvaṇō mṛtyusamaprabhāvaḥ. kulaṅ balaṅ nāma ca karma cātmanaḥ samācacakṣē bhayakāraṇārtham৷৷