ततो निक्षिप्य मातृ़ स्स अयोध्यायां दृढ व्रतः। भरत श्शोकसन्तप्तो गुरूनिदमथाब्रवीत्।।

tatō nikṣipya mātṛ ssa ayōdhyāyāṅ dṛḍha vrataḥ. bharata śśōkasantaptō gurūnidamathābravīt৷৷

नन्दिग्रामं गमिष्यामि सर्वानामन्त्रयेऽद्य वः। तत्र दुःखमिदं सर्वं सहिष्ये राघवं विना।।

nandigrāmaṅ gamiṣyāmi sarvānāmantrayē.dya vaḥ. tatra duḥkhamidaṅ sarvaṅ sahiṣyē rāghavaṅ vinā৷৷

गतश्च वा दिवं राजा वनस्थश्च गुरुर्मम। रामं प्रतीक्षे राज्याय स हि राजा महायशाः।।

gataśca vā divaṅ rājā vanasthaśca gururmama. rāmaṅ pratīkṣē rājyāya sa hi rājā mahāyaśāḥ৷৷

एतच्छ्रुत्वा शुभं वाक्यं भरतस्य महात्मनः। अब्रुवन्मन्त्रिणस्सर्वे वसिष्ठश्च पुरोहितः।।

ētacchrutvā śubhaṅ vākyaṅ bharatasya mahātmanaḥ. abruvanmantriṇassarvē vasiṣṭhaśca purōhitaḥ৷৷

सुभृशं श्लाघनीयं च यदुक्तं भरत त्वया। वचनं भ्रातृवात्सल्यादनुरूपं तवैव तत्।।

subhṛśaṅ ślāghanīyaṅ ca yaduktaṅ bharata tvayā. vacanaṅ bhrātṛvātsalyādanurūpaṅ tavaiva tat৷৷

नित्यं ते बन्धुलुब्धस्य तिष्ठतो भ्रातृसौहृदे। आर्यमार्गं प्रपन्नस्य नानुमन्येत कः पुमान्।।

nityaṅ tē bandhulubdhasya tiṣṭhatō bhrātṛsauhṛdē. āryamārgaṅ prapannasya nānumanyēta kaḥ pumān৷৷

मन्त्रिणां वचनं श्रुत्वा यथाभिलषितं प्रियम्। अब्रवीत्सारथिं वाक्यं रथो मे युज्यतामिति।।

mantriṇāṅ vacanaṅ śrutvā yathābhilaṣitaṅ priyam. abravītsārathiṅ vākyaṅ rathō mē yujyatāmiti৷৷

प्रहृष्टवदन स्सर्वा मातृ़ स्समभिवाद्य सः। आरुरोह रथं श्रीमान् शत्रुघ्नेन समन्वितः।।

prahṛṣṭavadana ssarvā mātṛ ssamabhivādya saḥ. ārurōha rathaṅ śrīmān śatrughnēna samanvitaḥ৷৷

आरुह्य च रथं शीघ्रं शत्रुघ्नभरतावुभौ। ययतुः परमप्रीतौ वृतौ मन्त्रिपुरोहितैः।।

āruhya ca rathaṅ śīghraṅ śatrughnabharatāvubhau. yayatuḥ paramaprītau vṛtau mantripurōhitaiḥ৷৷

अग्रतो गुरव: सर्वे वसिष्ठप्रमुखा द्विजाः। प्रययुः प्राङ्ग्मुखा स्सर्वे नन्दिग्रामो यतोऽभवत्।।

agratō guravastatra vasiṣṭhapramukhā dvijāḥ. prayayuḥ prāṅgmukhā ssarvē nandigrāmō yatō.bhavat৷৷

बलं च तदनाहूतं गजाश्वरथसङ्कुलम्। प्रययौ भरते याते सर्वे च पुरवासिनः।।

balaṅ ca tadanāhūtaṅ gajāśvarathasaṅkulam. prayayau bharatē yātē sarvē ca puravāsinaḥ৷৷

रथस्थः स तु धर्मात्मा भरतो भ्रातृवत्सलः। नन्दिग्रामं ययौ तूर्णं शिरस्यादाय पादुके।।

rathastha ssahi dharmātmā bharatō bhrātṛvatsalaḥ. nandigrāmaṅ yayau tūrṇaṅ śirasyādāya pādukē৷৷

ततस्तु भरतः क्षिप्रं नन्दिग्रामं प्रविश्य सः। अवतीर्य रथात्तूर्णं गुरूनिदमुवाच ह।।

tatastu bharataḥ kṣipraṅ nandigrāmaṅ praviśya saḥ. avatīrya rathāttūrṇaṅ gurūnidamuvāca ha৷৷

एतद्राज्यं मम भ्रात्रा दत्तं सन्नयासवत्स्वयम्। योगक्षेमवहे चेमे पादुके हेमभूषिते।।

ētadrājyaṅ mama bhrātrā dattaṅ sannayāsavatsvayam. yōgakṣēmavahē cēmē pādukē hēmabhūṣitē৷৷

भरत श्शिरसा कृत्वा सन्न्यासं पादुके ततः। अब्रवीद्धुःखसंतप्त स्सर्वं प्रकृतिमण्डलम्।।

bharata śśirasā kṛtvā sannyāsaṅ pādukē tataḥ. abravīddhuḥkhasaṅtapta ssarvaṅ prakṛtimaṇḍalam৷৷

छत्रं धारयत क्षिप्रमार्यपादाविमौ मतौ। आभ्यां राज्ये स्थितो धर्मः पादुकाभ्यां गुरोर्मम।।

chatraṅ dhārayata kṣipramāryapādāvimau matau. ābhyāṅ rājyē sthitō dharmaḥ pādukābhyāṅ gurōrmama৷৷

भ्रात्रा हि मयि संन्यासो निक्षिप्त स्सौहृदादयम्। तमिमं पालयिष्यामि राघवागमनं प्रति।।

bhrātrā hi mayi saṅnyāsō nikṣipta ssauhṛdādayam. tamimaṅ pālayiṣyāmi rāghavāgamanaṅ prati৷৷

क्षिप्रं संयोजयित्वातु राघवस्य पुनस्स्वयम्। चरणौ तौ तु रामस्य द्रक्ष्यामि सहपादुकौ।।

kṣipraṅ saṅyōjayitvātu rāghavasya punassvayam. caraṇau tau tu rāmasya drakṣyāmi sahapādukau৷৷

ततो निक्षिप्तभारोऽहं राघवेण समागतः। निवेद्य गुरवे राज्यं भजिष्ये गुरुवृत्तिताम्।।

tatō nikṣiptabhārō.haṅ rāghavēṇa samāgataḥ. nivēdya guravē rājyaṅ bhajiṣyē guruvṛttitām৷৷

राघवाय च सन्यासं दत्त्वेमे वरपादुके। राज्यं चेदमयोध्यां च धूतपापो भवामि च।।

rāghavāya ca sanyāsaṅ dattvēmē varapādukē. rājyaṅ cēdamayōdhyāṅ ca dhūtapāpō bhavāmi ca৷৷

अभिषिक्ते तु काकुत्स्थे प्रहृष्टमुदिते जने। प्रीतिर्मम यशश्चैव भवेद्राज्याच्चतुर्गुणम्।।

abhiṣiktē tu kākutsthē prahṛṣṭamuditē janē. prītirmama yaśaścaiva bhavēdrājyāccaturguṇam৷৷

एवं तु विलपन्दीनो भरत स्समहायशाः। नन्दिग्रामेऽकरोद्राज्यं दुःखितो मन्त्रिभिस्सह।।

ēvaṅ tu vilapandīnō bharata ssamahāyaśāḥ. nandigrāmē.karōdrājyaṅ duḥkhitō mantribhissaha৷৷

स वल्कलजटाधारी मुनिवेषधरः प्रभुः। नन्दिग्रामेऽवसद्वीर स्ससैन्यो भरतस्तदा।।

sa valkalajaṭādhārī munivēṣadharaḥ prabhuḥ. nandigrāmē.vasadvīra ssasainyō bharatastadā৷৷

रामागमनमाकाङ्क्षन्भरतो भ्रातृवत्सलः। भ्रातुर्वचनकारी च प्रतिज्ञापारगस्तथा।।

rāmāgamanamākāṅkṣanbharatō bhrātṛvatsalaḥ. bhrāturvacanakārī ca pratijñāpāragastathā৷৷

स वालव्यजनं छत्रं धारयामास स स्वयं। भरत श्शासनं सर्वं पादुकाभ्यां निवेदयन्।।

sa vālavyajanaṅ chatraṅ dhārayāmāsa sa svayaṅ. bharata śśāsanaṅ sarvaṅ pādukābhyāṅ nivēdayan৷৷

ततस्तु भरत शश्रीमानभिषिच्याऽऽर्यपादुके। तदधीनस्तदा राज्यं कारयामास सर्वदा।।

tatastu bharata śaśrīmānabhiṣicyā৷৷ryapādukē. tadadhīnastadā rājyaṅ kārayāmāsa sarvadā৷৷

तदा हि यत्कार्यमुपैति किञ्चिदुपायनं चोपहृतं महार्हम्। स पादुकाभ्यां प्रथमं निवेद्य चकार पश्चाद्भरतो यथावत्।।

tadā hi yatkāryamupaiti kiñcidupāyanaṅ cōpahṛtaṅ mahārham. sa pādukābhyāṅ prathamaṅ nivēdya cakāra paścādbharatō yathāvat৷৷