मेथावी तु ततो ध्यात्वा स किञ्चिदिदमुत्तरम्। लब्धसंज्ञस्ततस्तं तु वेदज्ञो नृपमब्रवीत्।।

mēthāvī tu tatō dhyātvā sa kiñcididamuttaram. labdhasaṅjñastatastaṅ tu vēdajñō nṛpamabravīt৷৷

इष्टिं तेऽहं करिष्यामि पुत्रीयां पुत्रकारणात्। अथर्वशिरसि प्रोक्तैर्मन्त्रैस्सिद्धां विधानत:।।

iṣṭiṅ tē.haṅ kariṣyāmi putrīyāṅ putrakāraṇāt. atharvaśirasi prōktairmantraissiddhāṅ vidhānata:৷৷

तत: प्राक्रमदिष्टिं तां पुत्रीयां पुत्रकारणात्। जुहाव चाग्नौ तेजस्वी मन्त्रदृष्टेन कर्मणा।।

tata: prākramadiṣṭiṅ tāṅ putrīyāṅ putrakāraṇāt. juhāva cāgnau tējasvī mantradṛṣṭēna karmaṇā৷৷

ततो देवास्सगन्धर्वास्सिद्धाश्च परमर्षय: । भागप्रतिग्रहार्थं वै समवेता यथाविधि।।

tatō dēvāssagandharvāssiddhāśca paramarṣaya: . bhāgapratigrahārthaṅ vai samavētā yathāvidhi৷৷

तास्समेत्य यथान्यायं तस्मिन्सदसि देवता:। अब्रुवन् लोककर्तारं ब्रह्माणं वचनं महत्।।

tāssamētya yathānyāyaṅ tasminsadasi dēvatā:. abruvan lōkakartāraṅ brahmāṇaṅ vacanaṅ mahat৷৷

भगवन्त्वत्प्रसादेन रावणो नाम राक्षस:। सर्वान्नो बाधते वीर्याच्छासितुं तं न शक्नुम:।।

bhagavantvatprasādēna rāvaṇō nāma rākṣasa:. sarvānnō bādhatē vīryācchāsituṅ taṅ na śaknuma:৷৷

त्वया तस्मै वरो दत्त: प्रीतेन भगवन्पुरा। मानयन्तश्च तं नित्यं सर्वं तस्य क्षमामहे।।

tvayā tasmai varō datta: prītēna bhagavanpurā. mānayantaśca taṅ nityaṅ sarvaṅ tasya kṣamāmahē৷৷

उद्वेजयति लोकान्स्तीनुच्छ्रितान्द्वेष्टि दुर्मति:। शक्रं त्रिदशराजानं प्रधर्षयितुमिच्छति।।

udvējayati lōkānstīnucchritāndvēṣṭi durmati:. śakraṅ tridaśarājānaṅ pradharṣayitumicchati৷৷

ऋषीन्यक्षान्सगन्धर्वानसुरान्ब्राह्मणांस्तथा। अतिक्रामति दुर्धर्षो वरदानेन मोहित:।।

ṛṣīnyakṣānsagandharvānasurānbrāhmaṇāṅstathā. atikrāmati durdharṣō varadānēna mōhita:৷৷

नैनं सूर्य: प्रतपति पार्श्वे वाति न मारुत:। चलोर्मिमाली तं दृष्ट्वा समुद्रोऽपि न कम्पते।।

nainaṅ sūrya: pratapati pārśvē vāti na māruta:. calōrmimālī taṅ dṛṣṭvā samudrō.pi na kampatē৷৷

तन्महन्नो भयं तस्माद्राक्षसाद्घोरदर्शनात्। वधार्थं तस्य भगवन्नुपायं कर्तुमर्हसि।।

tanmahannō bhayaṅ tasmādrākṣasādghōradarśanāt. vadhārthaṅ tasya bhagavannupāyaṅ kartumarhasi৷৷

एवमुक्तस्सुरैस्सर्वैश्चिन्तयित्वा ततोऽब्रवीत्। हन्तायं विदितस्तस्य वधोपायो दुरात्मन:।।

ēvamuktassuraissarvaiścintayitvā tatō.bravīt. hantāyaṅ viditastasya vadhōpāyō durātmana:৷৷

तेन गन्धर्वयक्षाणां देवदानवरक्षसाम्। अवध्योऽस्मीति वागुक्ता तथेत्युक्तं च तन्मया।।

tēna gandharvayakṣāṇāṅ dēvadānavarakṣasām. avadhyō.smīti vāguktā tathētyuktaṅ ca tanmayā৷৷

नाकीर्तयदवज्ञानात्तद्रक्षो मानुषान् प्रति। तस्मात्स मानुषाद्वध्यो मृत्युर्नान्योऽस्य विद्यते।।

nākīrtayadavajñānāttadrakṣō mānuṣān prati. tasmātsa mānuṣādvadhyō mṛtyurnānyō.sya vidyatē৷৷

एतच्छ्रुत्वा प्रियं वाक्यं ब्रह्मणा समुदाहृतम्। सर्वे महर्षयो देवाः प्रहृष्टास्तेऽभवंस्तदा।।

ētacchrutvā priyaṅ vākyaṅ brahmaṇā samudāhṛtam. sarvē maharṣayō dēvāḥ prahṛṣṭāstē.bhavaṅstadā৷৷

एतस्मिन्नन्तरे विष्णुरुपयातो महाद्युति:। शङ्खचक्रगदापाणि: पीतवासा जगत्पति:।।

ētasminnantarē viṣṇurupayātō mahādyuti:. śaṅkhacakragadāpāṇi: pītavāsā jagatpati:৷৷

ब्रह्मणा च समागम्य तत्र तस्थौ समाहित:। 1 तमब्रुवन्सुरास्सर्वे समभिष्टूय सन्नता:।।

brahmaṇā ca samāgamya tatra tasthau samāhita:. 1 tamabruvansurāssarvē samabhiṣṭūya sannatā:৷৷

त्वान्नियोक्ष्यामहे विष्णो लोकानां हितकाम्यया। 1 राज्ञो दशरथस्य त्वमयोध्याधिपते: प्रभो:।।

tvānniyōkṣyāmahē viṣṇō lōkānāṅ hitakāmyayā. 1 rājñō daśarathasya tvamayōdhyādhipatē: prabhō:৷৷

। धर्मज्ञस्य वदान्यस्य महर्षिसमतेजस: । 18 तस्य भार्यासु तिसृषु ह्रीश्रीकीर्त्युपमासु च।।

. dharmajñasya vadānyasya maharṣisamatējasa: . 18 tasya bhāryāsu tisṛṣu hrīśrīkīrtyupamāsu ca৷৷

तत्र त्वं मानुषो भूत्वा प्रवृद्धं लोककण्टकम्। अवध्यं दैवतैर्विष्णो समरे जहि रावणम्।।

tatra tvaṅ mānuṣō bhūtvā pravṛddhaṅ lōkakaṇṭakam. avadhyaṅ daivatairviṣṇō! samarē jahi rāvaṇam৷৷

स हि देवांश्च गन्धर्वान्सिद्धांश्च मुनिसत्तमान्। राक्षसो रावणो मूर्खो वीर्योत्सेकेन बाधते।।

sa hi dēvāṅśca gandharvānsiddhāṅśca munisattamān. rākṣasō rāvaṇō mūrkhō vīryōtsēkēna bādhatē৷৷

ऋषयश्च ततस्तेन गन्धर्वाप्सरसस्तथा। क्रीडन्तो नन्दनवने क्रूरेण किल हिंसिता:।।

ṛṣayaśca tatastēna gandharvāpsarasastathā. krīḍantō nandanavanē krūrēṇa kila hiṅsitā:৷৷

वधार्थं वयमायातास्तस्य वै मुनिभिस्सह। सिद्धगन्धर्वयक्षाश्च ततस्त्वां शरणं गता:।।

vadhārthaṅ vayamāyātāstasya vai munibhissaha. siddhagandharvayakṣāśca tatastvāṅ śaraṇaṅ gatā:৷৷

त्वं गति: परमा देव सर्वेषां न: परन्तप:। वधाय देवशत्रूणां नृणां लोके मन: कुरु।।

tvaṅ gati: paramā dēva sarvēṣāṅ na: parantapa:. vadhāya dēvaśatrūṇāṅ nṛṇāṅ lōkē mana: kuru৷৷

एवमुक्तस्तु देवेशो विष्णुस्त्रिदशपुङ्गव:। पितामहपुरोगांस्तान्सर्वलोकनमस्कृत:।।

ēvamuktastu dēvēśō viṣṇustridaśapuṅgava:. pitāmahapurōgāṅstānsarvalōkanamaskṛta:৷৷

।। अब्रवीत्त्रिदशान्सर्वान्समेतान्धर्मसंहितान् ।।

৷৷ abravīttridaśānsarvānsamētāndharmasaṅhitān ৷৷

भयं त्यजत भद्रं वो हितार्थं युधि रावणम्। सपुत्रपौत्रं सामात्यं समित्रज्ञातिबान्धवम्।।

bhayaṅ tyajata bhadraṅ vō hitārthaṅ yudhi rāvaṇam. saputrapautraṅ sāmātyaṅ samitrajñātibāndhavam৷৷

।। हत्वा क्रूरं दुरात्मानं देवर्षीणां भयावहम्। दशवर्षसहस्राणि दशवर्षशतानि च। वत्स्यामि मानुषे लोके पालयन्पृथिवीमिमाम्।।

৷৷ hatvā krūraṅ durātmānaṅ dēvarṣīṇāṅ bhayāvaham. daśavarṣasahasrāṇi daśavarṣaśatāni ca. vatsyāmi mānuṣē lōkē pālayanpṛthivīmimām৷৷

एवं दत्वा वरं देवो देवानां विष्णुरात्मवान्। मानुषे चिन्तयामास जन्मभूमिमथात्मन:।।

ēvaṅ datvā varaṅ dēvō dēvānāṅ viṣṇurātmavān. mānuṣē cintayāmāsa janmabhūmimathātmana:৷৷

तत: पद्मपलाशाक्ष: कृत्वाऽऽत्मानं चतुर्विधम्। पितरं रोचयामास तथा दशरथन्नृपम्।।

tata: padmapalāśākṣa: kṛtvā৷৷tmānaṅ caturvidham. pitaraṅ rōcayāmāsa tathā daśarathannṛpam৷৷

तदा देवर्षि गन्धर्वास्सरुद्रास्साप्सरोगणा:। स्तुतिभिर्दिव्यरूपाभिस्तुष्टुवुर्मधुसूदनम्।।

tadā dēvarṣi gandharvāssarudrāssāpsarōgaṇā:. stutibhirdivyarūpābhistuṣṭuvurmadhusūdanam৷৷

तमुद्धतं रावणमुग्रतेजसं प्रवृद्धदर्पं त्रिदशेश्वरद्विषम्। विरावणं साधुतपस्विकण्टकं तपस्विनामुद्धर तं भयावहम्।।

tamuddhataṅ rāvaṇamugratējasaṅ pravṛddhadarpaṅ tridaśēśvaradviṣam. virāvaṇaṅ sādhutapasvikaṇṭakaṅ tapasvināmuddhara taṅ bhayāvaham৷৷

तमेव हत्वा सबलं सबान्धवं विरावणं रावणमग्य्रपौरुषम्। स्वर्लोकमागच्छ गतज्वरश्चिरं सुरेन्द्रगुप्तं गतदोषकल्मषम्।।

tamēva hatvā sabalaṅ sabāndhavaṅ virāvaṇaṅ rāvaṇamagyrapauruṣam. svarlōkamāgaccha gatajvaraściraṅ surēndraguptaṅ gatadōṣakalmaṣam৷৷