Sanskrit Original

एक बार बसिष्ट मुनि आए। जहाँ राम सुखधाम सुहाए।। अति आदर रघुनायक कीन्हा। पद पखारि पादोदक लीन्हा।। राम सुनहु मुनि कह कर जोरी। कृपासिंधु बिनती कछु मोरी।। देखि देखि आचरन तुम्हारा। होत मोह मम हृदयँ अपारा।। महिमा अमित बेद नहिं जाना। मैं केहि भाँति कहउँ भगवाना।। उपरोहित्य कर्म अति मंदा। बेद पुरान सुमृति कर निंदा।। जब न लेउँ मैं तब बिधि मोही। कहा लाभ आगें सुत तोही।। परमातमा ब्रह्म नर रूपा। होइहि रघुकुल भूषन भूपा।।

ēka bāra basiṣṭa muni āē. jahāom rāma sukhadhāma suhāē.. ati ādara raghunāyaka kīnhā. pada pakhāri pādōdaka līnhā.. rāma sunahu muni kaha kara jōrī. kṛpāsiṃdhu binatī kachu mōrī.. dēkhi dēkhi ācarana tumhārā. hōta mōha mama hṛdayaom apārā.. mahimā amita bēda nahiṃ jānā. maiṃ kēhi bhāomti kahau bhagavānā.. uparōhitya karma ati maṃdā. bēda purāna sumṛti kara niṃdā.. jaba na lēu maiṃ taba bidhi mōhī. kahā lābha āgēṃ suta tōhī.. paramātamā brahma nara rūpā. hōihi raghukula bhūṣana bhūpā..