Sanskrit Original

अंतरधान भयउ छन एका। पुनि प्रगटे खल रूप अनेका।। रघुपति कटक भालु कपि जेते। जहँ तहँ प्रगट दसानन तेते।। देखे कपिन्ह अमित दससीसा। जहँ तहँ भजे भालु अरु कीसा।। भागे बानर धरहिं न धीरा। त्राहि त्राहि लछिमन रघुबीरा।। दहँ दिसि धावहिं कोटिन्ह रावन। गर्जहिं घोर कठोर भयावन।। डरे सकल सुर चले पराई। जय कै आस तजहु अब भाई।। सब सुर जिते एक दसकंधर। अब बहु भए तकहु गिरि कंदर।। रहे बिरंचि संभु मुनि ग्यानी। जिन्ह जिन्ह प्रभु महिमा कछु जानी।।

aṃtaradhāna bhayau chana ēkā. puni pragaṭē khala rūpa anēkā.. raghupati kaṭaka bhālu kapi jētē. jahaom tahaom pragaṭa dasānana tētē.. dēkhē kapinha amita dasasīsā. jahaom tahaom bhajē bhālu aru kīsā.. bhāgē bānara dharahiṃ na dhīrā. trāhi trāhi lachimana raghubīrā.. dahaom disi dhāvahiṃ kōṭinha rāvana. garjahiṃ ghōra kaṭhōra bhayāvana.. ḍarē sakala sura calē parāī. jaya kai āsa tajahu aba bhāī.. saba sura jitē ēka dasakaṃdhara. aba bahu bhaē takahu giri kaṃdara.. rahē biraṃci saṃbhu muni gyānī. jinha jinha prabhu mahimā kachu jānī..