Sanskrit Original

देव पितर सब तुन्हहि गोसाई। राखहुँ पलक नयन की नाई।। अवधि अंबु प्रिय परिजन मीना। तुम्ह करुनाकर धरम धुरीना।। अस बिचारि सोइ करहु उपाई। सबहि जिअत जेहिं भेंटेहु आई।। जाहु सुखेन बनहि बलि जाऊँ। करि अनाथ जन परिजन गाऊँ।। सब कर आजु सुकृत फल बीता। भयउ कराल कालु बिपरीता।। बहुबिधि बिलपि चरन लपटानी। परम अभागिनि आपुहि जानी।। दारुन दुसह दाहु उर ब्यापा। बरनि न जाहिं बिलाप कलापा।। राम उठाइ मातु उर लाई। कहि मृदु बचन बहुरि समुझाई।।

dēva pitara saba tunhahi gōsāī. rākhahu palaka nayana kī nāī.. avadhi aṃbu priya parijana mīnā. tumha karunākara dharama dhurīnā.. asa bicāri sōi karahu upāī. sabahi jiata jēhiṃ bhēṃṭēhu āī.. jāhu sukhēna banahi bali jāūom. kari anātha jana parijana gāūom.. saba kara āju sukṛta phala bītā. bhayau karāla kālu biparītā.. bahubidhi bilapi carana lapaṭānī. parama abhāgini āpuhi jānī.. dāruna dusaha dāhu ura byāpā. barani na jāhiṃ bilāpa kalāpā.. rāma uṭhāi mātu ura lāī. kahi mṛdu bacana bahuri samujhāī..