Sanskrit Original

हाट बाट नहिं जाइ निहारी। जनु पुर दहँ दिसि लागि दवारी।। आवत सुत सुनि कैकयनंदिनि। हरषी रबिकुल जलरुह चंदिनि।। सजि आरती मुदित उठि धाई। द्वारेहिं भेंटि भवन लेइ आई।। भरत दुखित परिवारु निहारा। मानहुँ तुहिन बनज बनु मारा।। कैकेई हरषित एहि भाँति। मनहुँ मुदित दव लाइ किराती।। सुतहि ससोच देखि मनु मारें। पूँछति नैहर कुसल हमारें।। सकल कुसल कहि भरत सुनाई। पूँछी निज कुल कुसल भलाई।। कहु कहँ तात कहाँ सब माता। कहँ सिय राम लखन प्रिय भ्राता।।

hāṭa bāṭa nahiṃ jāi nihārī. janu pura dahaom disi lāgi davārī.. āvata suta suni kaikayanaṃdini. haraṣī rabikula jalaruha caṃdini.. saji āratī mudita uṭhi dhāī. dvārēhiṃ bhēṃṭi bhavana lēi āī.. bharata dukhita parivāru nihārā. mānahu tuhina banaja banu mārā.. kaikēī haraṣita ēhi bhāomti. manahu mudita dava lāi kirātī.. sutahi sasōca dēkhi manu mārēṃ. pūomchati naihara kusala hamārēṃ.. sakala kusala kahi bharata sunāī. pūomchī nija kula kusala bhalāī.. kahu kahaom tāta kahāom saba mātā. kahaom siya rāma lakhana priya bhrātā..