Sanskrit Original

तेल नाँव भरि नृप तनु राखा। दूत बोलाइ बहुरि अस भाषा।। धावहु बेगि भरत पहिं जाहू। नृप सुधि कतहुँ कहहु जनि काहू।। एतनेइ कहेहु भरत सन जाई। गुर बोलाई पठयउ दोउ भाई।। सुनि मुनि आयसु धावन धाए। चले बेग बर बाजि लजाए।। अनरथु अवध अरंभेउ जब तें। कुसगुन होहिं भरत कहुँ तब तें।। देखहिं राति भयानक सपना। जागि करहिं कटु कोटि कलपना।। बिप्र जेवाँइ देहिं दिन दाना। सिव अभिषेक करहिं बिधि नाना।। मागहिं हृदयँ महेस मनाई। कुसल मातु पितु परिजन भाई।।

tēla nāomva bhari nṛpa tanu rākhā. dūta bōlāi bahuri asa bhāṣā.. dhāvahu bēgi bharata pahiṃ jāhū. nṛpa sudhi katahu kahahu jani kāhū.. ētanēi kahēhu bharata sana jāī. gura bōlāī paṭhayau dōu bhāī.. suni muni āyasu dhāvana dhāē. calē bēga bara bāji lajāē.. anarathu avadha araṃbhēu jaba tēṃ. kusaguna hōhiṃ bharata kahu taba tēṃ.. dēkhahiṃ rāti bhayānaka sapanā. jāgi karahiṃ kaṭu kōṭi kalapanā.. bipra jēvāomi dēhiṃ dina dānā. siva abhiṣēka karahiṃ bidhi nānā.. māgahiṃ hṛdayaom mahēsa manāī. kusala mātu pitu parijana bhāī..