Sanskrit Original

तेहि अवसर रघुबर रूख पाई। केवट पारहि नाव चलाई।। रघुकुलतिलक चले एहि भाँती। देखउँ ठाढ़ कुलिस धरि छाती।। मैं आपन किमि कहौं कलेसू। जिअत फिरेउँ लेइ राम सँदेसू।। अस कहि सचिव बचन रहि गयऊ। हानि गलानि सोच बस भयऊ।। सुत बचन सुनतहिं नरनाहू। परेउ धरनि उर दारुन दाहू।। तलफत बिषम मोह मन मापा। माजा मनहुँ मीन कहुँ ब्यापा।। करि बिलाप सब रोवहिं रानी। महा बिपति किमि जाइ बखानी।। सुनि बिलाप दुखहू दुखु लागा। धीरजहू कर धीरजु भागा।।

tēhi avasara raghubara rūkha pāī. kēvaṭa pārahi nāva calāī.. raghukulatilaka calē ēhi bhāomtī. dēkhau ṭhāḍha kulisa dhari chātī.. maiṃ āpana kimi kahauṃ kalēsū. jiata phirēu lēi rāma saomdēsū.. asa kahi saciva bacana rahi gayaū. hāni galāni sōca basa bhayaū.. suta bacana sunatahiṃ naranāhū. parēu dharani ura dāruna dāhū.. talaphata biṣama mōha mana māpā. mājā manahu mīna kahu byāpā.. kari bilāpa saba rōvahiṃ rānī. mahā bipati kimi jāi bakhānī.. suni bilāpa dukhahū dukhu lāgā. dhīrajahū kara dhīraju bhāgā..