Sanskrit Original

राम बियोग बिकल सब ठाढ़े। जहँ तहँ मनहुँ चित्र लिखि काढ़े।। नगरु सफल बनु गहबर भारी। खग मृग बिपुल सकल नर नारी।। बिधि कैकेई किरातिनि कीन्ही। जेंहि दव दुसह दसहुँ दिसि दीन्ही।। सहि न सके रघुबर बिरहागी। चले लोग सब ब्याकुल भागी।। सबहिं बिचार कीन्ह मन माहीं। राम लखन सिय बिनु सुखु नाहीं।। जहाँ रामु तहँ सबुइ समाजू। बिनु रघुबीर अवध नहिं काजू।। चले साथ अस मंत्रु दृढ़ाई। सुर दुर्लभ सुख सदन बिहाई।। राम चरन पंकज प्रिय जिन्हही। बिषय भोग बस करहिं कि तिन्हही।।

rāma biyōga bikala saba ṭhāḍhaē. jahaom tahaom manahu citra likhi kāḍhaē.. nagaru saphala banu gahabara bhārī. khaga mṛga bipula sakala nara nārī.. bidhi kaikēī kirātini kīnhī. jēṃhi dava dusaha dasahu disi dīnhī.. sahi na sakē raghubara birahāgī. calē lōga saba byākula bhāgī.. sabahiṃ bicāra kīnha mana māhīṃ. rāma lakhana siya binu sukhu nāhīṃ.. jahāom rāmu tahaom sabui samājū. binu raghubīra avadha nahiṃ kājū.. calē sātha asa maṃtru dṛḍhaāī. sura durlabha sukha sadana bihāī.. rāma carana paṃkaja priya jinhahī. biṣaya bhōga basa karahiṃ ki tinhahī..