Sanskrit Original

दूत अवधपुर पठवहु जाई। आनहिं नृप दसरथहि बोलाई।। मुदित राउ कहि भलेहिं कृपाला। पठए दूत बोलि तेहि काला।। बहुरि महाजन सकल बोलाए। आइ सबन्हि सादर सिर नाए।। हाट बाट मंदिर सुरबासा। नगरु सँवारहु चारिहुँ पासा।। हरषि चले निज निज गृह आए। पुनि परिचारक बोलि पठाए।। रचहु बिचित्र बितान बनाई। सिर धरि बचन चले सचु पाई।। पठए बोलि गुनी तिन्ह नाना। जे बितान बिधि कुसल सुजाना।। बिधिहि बंदि तिन्ह कीन्ह अरंभा। बिरचे कनक कदलि के खंभा।।

dūta avadhapura paṭhavahu jāī. ānahiṃ nṛpa dasarathahi bōlāī.. mudita rāu kahi bhalēhiṃ kṛpālā. paṭhaē dūta bōli tēhi kālā.. bahuri mahājana sakala bōlāē. āi sabanhi sādara sira nāē.. hāṭa bāṭa maṃdira surabāsā. nagaru saomvārahu cārihu pāsā.. haraṣi calē nija nija gṛha āē. puni paricāraka bōli paṭhāē.. racahu bicitra bitāna banāī. sira dhari bacana calē sacu pāī.. paṭhaē bōli gunī tinha nānā. jē bitāna bidhi kusala sujānā.. bidhihi baṃdi tinha kīnha araṃbhā. biracē kanaka kadali kē khaṃbhā..