Sanskrit Original

कहहु काहि यहु लाभु न भावा। काहुँ न संकर चाप चढ़ावा।। रहउ चढ़ाउब तोरब भाई। तिलु भरि भूमि न सके छड़ाई।। अब जनि कोउ माखै भट मानी। बीर बिहीन मही मैं जानी।। तजहु आस निज निज गृह जाहू। लिखा न बिधि बैदेहि बिबाहू।। सुकृत जाइ जौं पनु परिहरऊँ। कुअँरि कुआरि रहउ का करऊँ।। जो जनतेउँ बिनु भट भुबि भाई। तौ पनु करि होतेउँ न हँसाई।। जनक बचन सुनि सब नर नारी। देखि जानकिहि भए दुखारी।। माखे लखनु कुटिल भइँ भौंहें। रदपट फरकत नयन रिसौंहें।।

kahahu kāhi yahu lābhu na bhāvā. kāhu na saṃkara cāpa caḍhaāvā.. rahau caḍhaāuba tōraba bhāī. tilu bhari bhūmi na sakē chaḍaāī.. aba jani kōu mākhai bhaṭa mānī. bīra bihīna mahī maiṃ jānī.. tajahu āsa nija nija gṛha jāhū. likhā na bidhi baidēhi bibāhū.. sukṛta jāi jauṃ panu pariharaūom. kuaomri kuāri rahau kā karaūom.. jō janatēu binu bhaṭa bhubi bhāī. tau panu kari hōtēu na haomsāī.. janaka bacana suni saba nara nārī. dēkhi jānakihi bhaē dukhārī.. mākhē lakhanu kuṭila bhaiom bhauṃhēṃ. radapaṭa pharakata nayana risauṃhēṃ..