Sanskrit Original

बैठे सोह कामरिपु कैसें। धरें सरीरु सांतरसु जैसें।। पारबती भल अवसरु जानी। गई संभु पहिं मातु भवानी।। जानि प्रिया आदरु अति कीन्हा। बाम भाग आसनु हर दीन्हा।। बैठीं सिव समीप हरषाई। पूरुब जन्म कथा चित आई।। पति हियँ हेतु अधिक अनुमानी। बिहसि उमा बोलीं प्रिय बानी।। कथा जो सकल लोक हितकारी। सोइ पूछन चह सैलकुमारी।। बिस्वनाथ मम नाथ पुरारी। त्रिभुवन महिमा बिदित तुम्हारी।। चर अरु अचर नाग नर देवा। सकल करहिं पद पंकज सेवा।।

baiṭhē sōha kāmaripu kaisēṃ. dharēṃ sarīru sāṃtarasu jaisēṃ.. pārabatī bhala avasaru jānī. gaī saṃbhu pahiṃ mātu bhavānī.. jāni priyā ādaru ati kīnhā. bāma bhāga āsanu hara dīnhā.. baiṭhīṃ siva samīpa haraṣāī. pūruba janma kathā cita āī.. pati hiyaom hētu adhika anumānī. bihasi umā bōlīṃ priya bānī.. kathā jō sakala lōka hitakārī. sōi pūchana caha sailakumārī.. bisvanātha mama nātha purārī. tribhuvana mahimā bidita tumhārī.. cara aru acara nāga nara dēvā. sakala karahiṃ pada paṃkaja sēvā..