Sanskrit Original

यह उत्सव देखिअ भरि लोचन। सोइ कछु करहु मदन मद मोचन। कामु जारि रति कहुँ बरु दीन्हा। कृपासिंधु यह अति भल कीन्हा।। सासति करि पुनि करहिं पसाऊ। नाथ प्रभुन्ह कर सहज सुभाऊ।। पारबतीं तपु कीन्ह अपारा। करहु तासु अब अंगीकारा।। सुनि बिधि बिनय समुझि प्रभु बानी। ऐसेइ होउ कहा सुखु मानी।। तब देवन्ह दुंदुभीं बजाईं। बरषि सुमन जय जय सुर साई।। अवसरु जानि सप्तरिषि आए। तुरतहिं बिधि गिरिभवन पठाए।। प्रथम गए जहँ रही भवानी। बोले मधुर बचन छल सानी।।

yaha utsava dēkhia bhari lōcana. sōi kachu karahu madana mada mōcana. kāmu jāri rati kahu baru dīnhā. kṛpāsiṃdhu yaha ati bhala kīnhā.. sāsati kari puni karahiṃ pasāū. nātha prabhunha kara sahaja subhāū.. pārabatīṃ tapu kīnha apārā. karahu tāsu aba aṃgīkārā.. suni bidhi binaya samujhi prabhu bānī. aisēi hōu kahā sukhu mānī.. taba dēvanha duṃdubhīṃ bajāīṃ. baraṣi sumana jaya jaya sura sāī.. avasaru jāni saptariṣi āē. turatahiṃ bidhi giribhavana paṭhāē.. prathama gaē jahaom rahī bhavānī. bōlē madhura bacana chala sānī..