Sanskrit Original

अस तपु काहुँ न कीन्ह भवानी। भउ अनेक धीर मुनि ग्यानी।। अब उर धरहु ब्रह्म बर बानी। सत्य सदा संतत सुचि जानी।। आवै पिता बोलावन जबहीं। हठ परिहरि घर जाएहु तबहीं।। मिलहिं तुम्हहि जब सप्त रिषीसा। जानेहु तब प्रमान बागीसा।। सुनत गिरा बिधि गगन बखानी। पुलक गात गिरिजा हरषानी।। उमा चरित सुंदर मैं गावा। सुनहु संभु कर चरित सुहावा।। जब तें सती जाइ तनु त्यागा। तब सें सिव मन भयउ बिरागा।। जपहिं सदा रघुनायक नामा। जहँ तहँ सुनहिं राम गुन ग्रामा।।

asa tapu kāhu na kīnha bhavānī. bhau anēka dhīra muni gyānī.. aba ura dharahu brahma bara bānī. satya sadā saṃtata suci jānī.. āvai pitā bōlāvana jabahīṃ. haṭha parihari ghara jāēhu tabahīṃ.. milahiṃ tumhahi jaba sapta riṣīsā. jānēhu taba pramāna bāgīsā.. sunata girā bidhi gagana bakhānī. pulaka gāta girijā haraṣānī.. umā carita suṃdara maiṃ gāvā. sunahu saṃbhu kara carita suhāvā.. jaba tēṃ satī jāi tanu tyāgā. taba sēṃ siva mana bhayau birāgā.. japahiṃ sadā raghunāyaka nāmā. jahaom tahaom sunahiṃ rāma guna grāmā..