Sanskrit Original

तदपि एक मैं कहउँ उपाई। होइ करै जौं दैउ सहाई।। जस बरु मैं बरनेउँ तुम्ह पाहीं। मिलहि उमहि तस संसय नाहीं।। जे जे बर के दोष बखाने। ते सब सिव पहि मैं अनुमाने।। जौं बिबाहु संकर सन होई। दोषउ गुन सम कह सबु कोई।। जौं अहि सेज सयन हरि करहीं। बुध कछु तिन्ह कर दोषु न धरहीं।। भानु कृसानु सर्ब रस खाहीं। तिन्ह कहँ मंद कहत कोउ नाहीं।। सुभ अरु असुभ सलिल सब बहई। सुरसरि कोउ अपुनीत न कहई।। समरथ कहुँ नहिं दोषु गोसाई। रबि पावक सुरसरि की नाई।।

tadapi ēka maiṃ kahau upāī. hōi karai jauṃ daiu sahāī.. jasa baru maiṃ baranēu tumha pāhīṃ. milahi umahi tasa saṃsaya nāhīṃ.. jē jē bara kē dōṣa bakhānē. tē saba siva pahi maiṃ anumānē.. jauṃ bibāhu saṃkara sana hōī. dōṣau guna sama kaha sabu kōī.. jauṃ ahi sēja sayana hari karahīṃ. budha kachu tinha kara dōṣu na dharahīṃ.. bhānu kṛsānu sarba rasa khāhīṃ. tinha kahaom maṃda kahata kōu nāhīṃ.. subha aru asubha salila saba bahaī. surasari kōu apunīta na kahaī.. samaratha kahu nahiṃ dōṣu gōsāī. rabi pāvaka surasari kī nāī..