Sanskrit Original

एहि बिधि सब संसय करि दूरी। सिर धरि गुर पद पंकज धूरी।। पुनि सबही बिनवउँ कर जोरी। करत कथा जेहिं लाग न खोरी।। सादर सिवहि नाइ अब माथा। बरनउँ बिसद राम गुन गाथा।। संबत सोरह सै एकतीसा। करउँ कथा हरि पद धरि सीसा।। नौमी भौम बार मधु मासा। अवधपुरीं यह चरित प्रकासा।। जेहि दिन राम जनम श्रुति गावहिं। तीरथ सकल तहाँ चलि आवहिं।। असुर नाग खग नर मुनि देवा। आइ करहिं रघुनायक सेवा।। जन्म महोत्सव रचहिं सुजाना। करहिं राम कल कीरति गाना।।

ēhi bidhi saba saṃsaya kari dūrī. sira dhari gura pada paṃkaja dhūrī.. puni sabahī binavau kara jōrī. karata kathā jēhiṃ lāga na khōrī.. sādara sivahi nāi aba māthā. baranau bisada rāma guna gāthā.. saṃbata sōraha sai ēkatīsā. karau kathā hari pada dhari sīsā.. naumī bhauma bāra madhu māsā. avadhapurīṃ yaha carita prakāsā.. jēhi dina rāma janama śruti gāvahiṃ. tīratha sakala tahāom cali āvahiṃ.. asura nāga khaga nara muni dēvā. āi karahiṃ raghunāyaka sēvā.. janma mahōtsava racahiṃ sujānā. karahiṃ rāma kala kīrati gānā..