तद्दृष्टवासुमहत्कर्मकृतंवानरतस्तमैः । क्रोधमाहारयामासयुधितीव्रमकम्पनः ।।

taddṛṣṭavāsumahatkarmakṛtaṅvānaratastamaiḥ . krōdhamāhārayāmāsayudhitīvramakampanaḥ ।।

क्रोधमूर्चितरूपस्तुधून्वन्परमकार्मुकम् । दृष्टवातुकर्मशत्रूणांसारथिंवाक्यमब्रवीत् ।।

krōdhamūrcitarūpastudhūnvanparamakārmukam . dṛṣṭavātukarmaśatrūṇāṅsārathiṅvākyamabravīt ।।

तत्त्त्वैतावत्त्वरितंरथंप्रापयसारथे । यत्रैतेबहवोघ्नन्तिसुबहून्राक्षसान्रणे ।।

tatttvaitāvattvaritaṅrathaṅprāpayasārathē . yatraitēbahavōghnantisubahūnrākṣasānraṇē ।।

एतेऽत्रबलवन्तोहिभीमकोपाश्चवानराः । द्रुमशैलप्रहरणास्तिष्ठन्तिप्रमुखेमम ।।

ētē.trabalavantōhibhīmakōpāścavānarāḥ . drumaśailapraharaṇāstiṣṭhantipramukhēmama ।।

एतान्निहन्तुमिच्छामिसमरश्लाघिनोह्यहम् । एतैःप्रमथितंसर्वंदृश्यतेराक्षसांबलम् ।।

ētānnihantumicchāmisamaraślāghinōhyaham . ētaiḥpramathitaṅsarvaṅdṛśyatērākṣasāṅbalam ।।

ततःप्रजवनाश्वेनरथेनरथिनांवरः । हरीनभ्यहनत्क्रोधाच्छरजालैकम्पनः ।।

tataḥprajavanāśvēnarathēnarathināṅvaraḥ . harīnabhyahanatkrōdhāccharajālaikampanaḥ ।।

नस्थातुंवानराश्शेकुःकिंपुनर्योद्धुमाहवे । अकम्पनशरैर्भग्नास्सर्वएवविदुद्रुवुः ।।

nasthātuṅvānarāśśēkuḥkiṅpunaryōddhumāhavē . akampanaśarairbhagnāssarvaēvavidudruvuḥ ।।

तान्मृत्युवशमापन्नानकम्पनवंशगतान् । समीक्ष्यहनुमान्ज्ञातीनुपतस्थेमहाबलः ।।

tānmṛtyuvaśamāpannānakampanavaṅśagatān . samīkṣyahanumānjñātīnupatasthēmahābalaḥ ।।

तंमहाप्लवगंदृष्टवासर्वेतेप्लवगयूथपा: । समेत्यसमरेवीरास्सहिताःपर्यवारयन् ।।

taṅmahāplavagaṅdṛṣṭavāsarvētēplavagayūthapā: . samētyasamarēvīrāssahitāḥparyavārayan ।।

अवस्थितंहनूमन्तंतेदृष्टवाहरियूथपा: । बभूवुर्बलवन्तोहिबलवन्तंसमाश्रिताः ।।

avasthitaṅhanūmantaṅtēdṛṣṭavāhariyūthapā: . babhūvurbalavantōhibalavantaṅsamāśritāḥ ।।

अकम्पनस्तुशैलाभंहनूमन्तमवस्थितम् । महेन्द्रइवदाराभिश्शरैरभिववर्षह ।।

akampanastuśailābhaṅhanūmantamavasthitam . mahēndraivadārābhiśśarairabhivavarṣaha ।।

अचिन्तयित्वाबाणौघान् शरीरेपतितान्शितान् । अकम्पनवधार्थायमनोदध्रेमहाबलः ।।

acintayitvābāṇaughān śarīrēpatitānśitān . akampanavadhārthāyamanōdadhrēmahābalaḥ ।।

सप्रहस्यमहातेजाहनुमान् मारुतात्मजः । अभिदुद्रावतद्रक्षःकम्पयन्निवमेदिनीम् ।।

saprahasyamahātējāhanumān mārutātmajaḥ . abhidudrāvatadrakṣaḥkampayannivamēdinīm ।।

तस्याभिनर्दमानस्यदीप्यमानस्यतेजसा । बभूवरूपंदुर्धर्षंदीप्तस्येवविभावसोः ।।

tasyābhinardamānasyadīpyamānasyatējasā . babhūvarūpaṅdurdharṣaṅdīptasyēvavibhāvasōḥ ।।

आत्मानंमप्रहरणंज्ञात्वाक्रोधसमन्वितः । शैलमुत्पाटयामासवेगेनहरिपुङ्गवः ।।

ātmānaṅmapraharaṇaṅjñātvākrōdhasamanvitaḥ . śailamutpāṭayāmāsavēgēnaharipuṅgavaḥ ।।

गृहीत्वातंमहाशैलंपाणिनैकेनमारुतिः । सविनद्यमहानादंभ्रामयामासवीर्यवान् ।।

gṛhītvātaṅmahāśailaṅpāṇinaikēnamārutiḥ . savinadyamahānādaṅbhrāmayāmāsavīryavān ।।

ततस्तमभिदुद्रावराक्षसेन्द्रमकम्पनम् । पुराहिनमुचिंसङ् ख्येवज्रेणेवपुरन्दरः ।।

tatastamabhidudrāvarākṣasēndramakampanam . purāhinamuciṅsaṅ khyēvajrēṇēvapurandaraḥ ।।

अकम्पनस्तुतद्दृष्टवागिरिशृङ्गंसमुद्यतम् । दूरादेवमहाबाणैरर्धचन्द्रैर्व्यदारयत् ।।

akampanastutaddṛṣṭavāgiriśṛṅgaṅsamudyatam . dūrādēvamahābāṇairardhacandrairvyadārayat ।।

तत्पर्वताग्रमाकाशेरक्षोबाणविदारितम् । विकीर्णंपतितंदृष्टवाहनुमान्क्रोधमूर्छितः ।।

tatparvatāgramākāśērakṣōbāṇavidāritam . vikīrṇaṅpatitaṅdṛṣṭavāhanumānkrōdhamūrchitaḥ ।।

सोऽश्वकर्णंसमासाद्यरोषदर्पान्वितोहरिः । तूर्णमुत्पाटयामासमहागिरिमिवोच्छ्रितम् ।।

sō.śvakarṇaṅsamāsādyarōṣadarpānvitōhariḥ . tūrṇamutpāṭayāmāsamahāgirimivōcchritam ।।

तंगृहीत्वामहास्कन्धंसोऽश्वकर्णंमहाद्युतिः । प्रहस्यपरयाप्रीत्याभ्रामयामासभूतले ।।

taṅgṛhītvāmahāskandhaṅsō.śvakarṇaṅmahādyutiḥ . prahasyaparayāprītyābhrāmayāmāsabhūtalē ।।

प्रधावन्नूरुवेगेनप्रभञ्जंस्तरसाद्रुमान् । हनूमान्परमक्रुद्धश्चरणैर्दारयत्क्षितम् ।।

pradhāvannūruvēgēnaprabhañjaṅstarasādrumān . hanūmānparamakruddhaścaraṇairdārayatkṣitam ।।

गजांश्चसगजारोहान्सरथान्रथिनस्तथा । जघानहनुमान् भीमान् राक्षसांश्चपदातिगान् ।।

gajāṅścasagajārōhānsarathānrathinastathā . jaghānahanumān bhīmān rākṣasāṅścapadātigān ।।

तमन्तकमिवक्रुद्धंसद्रुमंप्राणहारिणम् । हनूमन्तमभिप्रेक्ष्यराक्षसाविप्रदुद्रुवुः ।।

tamantakamivakruddhaṅsadrumaṅprāṇahāriṇam . hanūmantamabhiprēkṣyarākṣasāvipradudruvuḥ ।।

तमापतन्तंसङ्कृद्धंराक्षसानांभयावहम् । ददर्शाकम्पनोवीरश्चुक्षोधचननादच ।।

tamāpatantaṅsaṅkṛddhaṅrākṣasānāṅbhayāvaham . dadarśākampanōvīraścukṣōdhacananādaca ।।

सचतुर्दशभिर्बाणैश्शितैर्देहविदारणैः । निर्बिभेदहनूमन्तंमहावीर्यमकम्पनः ।।

sacaturdaśabhirbāṇaiśśitairdēhavidāraṇaiḥ . nirbibhēdahanūmantaṅmahāvīryamakampanaḥ ।।

सतदाप्रतिविद्धस्तुबह्वीभिश्शरवृष्टभिः । हनूमान्ददृशेवीरःप्ररूढइवसानुमान् ।।

satadāpratividdhastubahvībhiśśaravṛṣṭabhiḥ . hanūmāndadṛśēvīraḥprarūḍhaivasānumān ।।

विरराजमहाकायोमहावीर्योमहामना: । पुष्पिताशोकसङ्काशोविधूमइवपावकः ।।

virarājamahākāyōmahāvīryōmahāmanā: . puṣpitāśōkasaṅkāśōvidhūmaivapāvakaḥ ।।

ततोऽन्यंवृक्षमुत्पाट्यकृत्वावेगमनुत्तमम् । शिरस्यभिजघानाशुराक्षसेन्द्रमकम्पनम् ।।

tatō.nyaṅvṛkṣamutpāṭyakṛtvāvēgamanuttamam . śirasyabhijaghānāśurākṣasēndramakampanam ।।

सवृक्षेणहतस्तेनसक्रोधेनमहात्मना । राक्षसोवानरेन्द्रेणपपातचममारच ।।

savṛkṣēṇahatastēnasakrōdhēnamahātmanā . rākṣasōvānarēndrēṇapapātacamamāraca ।।

तंदृष्टवानिहतंभूमौराक्षसेन्द्रमकम्पनम् । व्यथिताराक्षसास्सर्वेक्षितिकम्पइवद्रुमाः ।।

taṅdṛṣṭavānihataṅbhūmaurākṣasēndramakampanam . vyathitārākṣasāssarvēkṣitikampaivadrumāḥ ।।

त्यक्तप्रहरणास्सर्वेराक्षसास्तेपराजिताः । लङ्कामभिययुस्त्रस्तावानरास्तैभिद्रुताः ।।

tyaktapraharaṇāssarvērākṣasāstēparājitāḥ . laṅkāmabhiyayustrastāvānarāstaibhidrutāḥ ।।

तेमुक्तकेशाःसम्भ्रान्ताभग्नमानाःपराजिताः । स्रवच्छ्रमजलैरङ्गैश्श्वसन्तोविप्रदुद्रुवुः ।।

tēmuktakēśāḥsambhrāntābhagnamānāḥparājitāḥ . sravacchramajalairaṅgaiśśvasantōvipradudruvuḥ ।।

अन्योन्यंप्रममन्थुस्तेविविशुर्नगरंभयात् । पृष्ठतस्तेतुसम्मूढाःप्रेक्षमाणामुहुर्मुहुः ।।

anyōnyaṅpramamanthustēviviśurnagaraṅbhayāt . pṛṣṭhatastētusammūḍhāḥprēkṣamāṇāmuhurmuhuḥ ।।

तेषुलङ्कांप्रविष्टेषुराक्षसेषुमहाबलाः । समेत्यहरयस्सर्वेहनूमन्तमपूजयन् ।।

tēṣulaṅkāṅpraviṣṭēṣurākṣasēṣumahābalāḥ . samētyaharayassarvēhanūmantamapūjayan ।।

सोऽपिप्रहृष्टस्तान् सर्वान् हरीन् सम्प्रत्यपूजयत् । हनुमान्सत्त्वसम्पन्नोयथार्हमनुकूलतः ।।

sō.piprahṛṣṭastān sarvān harīn sampratyapūjayat . hanumānsattvasampannōyathārhamanukūlataḥ ।।

विनेदुश्चयथाप्राणंहरयोजितकाशिनः । चकर्षुश्चपुनस्तत्रसप्राणानपिराक्षसान् ।।

vinēduścayathāprāṇaṅharayōjitakāśinaḥ . cakarṣuścapunastatrasaprāṇānapirākṣasān ।।

सवीरशोभामभजन्महाकपिःसमेत्यरक्षांसिनिहत्यमारुतिः । महासुरंभीमममित्रनाशनःयथैवविष्णुर्बलिनंचमूमुखे ।।

savīraśōbhāmabhajanmahākapiḥsamētyarakṣāṅsinihatyamārutiḥ . mahāsuraṅbhīmamamitranāśanaḥyathaivaviṣṇurbalinaṅcamūmukhē ।।

अपूजयन्देवगणास्तदाकपिंस्वयंचरामोऽतिबलश्चलक्ष्मणः । तथैवसुग्रीवमुखाःप्लवङ्गमाविभीषणश्चैवमहाबलस्तथा ।।

apūjayandēvagaṇāstadākapiṅsvayaṅcarāmō.tibalaścalakṣmaṇaḥ . tathaivasugrīvamukhāḥplavaṅgamāvibhīṣaṇaścaivamahābalastathā ।।