तत्तुमाल्यवतोवाक्यंहितमुक्तंदशाननः । नमर्षयतिदुष्टात्माकालस्यवशमागतः ।।

tattumālyavatōvākyaṅhitamuktaṅdaśānanaḥ . namarṣayatiduṣṭātmākālasyavaśamāgataḥ ।।

नबद् ध्वाभ्रुकुटींवक्त्रेक्रोधस्यवशमागतः । अमर्षात्परिवृत्ताक्षोमाल्यवन्तमथाब्रवीत् ।।

nabad dhvābhrukuṭīṅvaktrēkrōdhasyavaśamāgataḥ . amarṣātparivṛttākṣōmālyavantamathābravīt ।।

हितबुध्यायदहितंवचःपरुषमुच्यते । परपक्षंप्रनिश्यैवनैतच्च्रोत्रगतंमम ।।

hitabudhyāyadahitaṅvacaḥparuṣamucyatē . parapakṣaṅpraniśyaivanaitaccrōtragataṅmama ।।

मानुषंकृपणंराममेकंशाखामृगाश्रयम् । समर्थंमन्यसेकेनत्यक्तंपित्रावनालयम् ।।

mānuṣaṅkṛpaṇaṅrāmamēkaṅśākhāmṛgāśrayam . samarthaṅmanyasēkēnatyaktaṅpitrāvanālayam ।।

रक्षसामीश्वरंमांचदेवानांचभयङ्करम् । हीनंमांमन्यसेकेनह्यहीनंसर्वविक्रमैः ।।

rakṣasāmīśvaraṅmāṅcadēvānāṅcabhayaṅkaram . hīnaṅmāṅmanyasēkēnahyahīnaṅsarvavikramaiḥ ।।

वीरद्वेषेणवाशङ्केपक्षपातेनवारिपोः । त्वयाहंपरुषाण्युक्तःपरप्रोत्साहनेनवा ।।

vīradvēṣēṇavāśaṅkēpakṣapātēnavāripōḥ . tvayāhaṅparuṣāṇyuktaḥparaprōtsāhanēnavā ।।

प्रभवन्तंपदस्थंहिपरुषंकोऽभिभाषते । पण्डितश्शास्त्रतत्त्वज्ञोविनाप्रोत्साहनाद्रिपोः ।।

prabhavantaṅpadasthaṅhiparuṣaṅkō.bhibhāṣatē . paṇḍitaśśāstratattvajñōvināprōtsāhanādripōḥ ।।

आनीयचवनासतीतांपद्महीनामिवश्रियम् । किमर्थंप्रतिदास्यामिराघवस्यभयादहम् ।।

ānīyacavanāsatītāṅpadmahīnāmivaśriyam . kimarthaṅpratidāsyāmirāghavasyabhayādaham ।।

वृतंवानरकोटीभिस्ससुग्रीवंसलक्ष्मणम् । पश्यकैश्चिदहोभिस्त्वंराघवंनिहतंमया ।।

vṛtaṅvānarakōṭībhissasugrīvaṅsalakṣmaṇam . paśyakaiścidahōbhistvaṅrāghavaṅnihataṅmayā ।।

द्वन्द्वेयस्यनतिष्ठन्तिदैवतान्यपिसंयुगे । सकस्माद्रावणोयुद्धेभयमाहारयिष्यति ।।

dvandvēyasyanatiṣṭhantidaivatānyapisaṅyugē . sakasmādrāvaṇōyuddhēbhayamāhārayiṣyati ।।

द्विधाभज्येयमप्येवंननमेयंतुकस्यचित् । एषमेसहजोदोषस्स्वभावोदुरतिक्रमः ।।

dvidhābhajyēyamapyēvaṅnanamēyaṅtukasyacit . ēṣamēsahajōdōṣassvabhāvōduratikramaḥ ।।

यदितावत्समुद्रेतुसेतुर्बद्धोयदृच्छया । रामेणविस्मयःकोऽत्रयेवमेभयमागतम् ।।

yaditāvatsamudrētusēturbaddhōyadṛcchayā . rāmēṇavismayaḥkō.trayēvamēbhayamāgatam ।।

सतुतीर्त्वार्णवंरामस्सहवानरसेनया । प्रतिजानामितेसत्यंनजीवन्प्रतियास्यति ।।

satutīrtvārṇavaṅrāmassahavānarasēnayā . pratijānāmitēsatyaṅnajīvanpratiyāsyati ।।

एवंब्रुवाणंसंरब्धंरुष्टंविज्ञायरावणम् । व्रीळितोमाल्यवान्वाक्यंनोत्तरंप्रत्यपद्यत ।।

ēvaṅbruvāṇaṅsaṅrabdhaṅruṣṭaṅvijñāyarāvaṇam . vrīḷitōmālyavānvākyaṅnōttaraṅpratyapadyata ।।

जयाशिषाचराजानंवर्धयित्वायथोचितम् । माल्यवानभ्यनुज्ञातोजगामस्वंनिवेशनम् ।।

jayāśiṣācarājānaṅvardhayitvāyathōcitam . mālyavānabhyanujñātōjagāmasvaṅnivēśanam ।।

रावणस्तुसहामात्योमन्त्रयित्वाविमृश्यच । लङ्कायामतुलांगुप्तिंकारयामासराक्षसः ।।

rāvaṇastusahāmātyōmantrayitvāvimṛśyaca . laṅkāyāmatulāṅguptiṅkārayāmāsarākṣasaḥ ।।

व्यादिदेशसपूर्वस्यांप्रहस्तंद्वारिराक्षसम् । दक्षिणस्यांमहावीर्यौमहापार्श्वमहादरौ ।।

vyādidēśasapūrvasyāṅprahastaṅdvārirākṣasam . dakṣiṇasyāṅmahāvīryaumahāpārśvamahādarau ।।

।। पश्चिमायामथोद्वारिपुत्रमिन्द्रजितंतदा । व्यादिदेशमयामायंबहूभीराक्षसैर्भहुभिर्वृतम् ।।

।। paścimāyāmathōdvāriputramindrajitaṅtadā . vyādidēśamayāmāyaṅbahūbhīrākṣasairbhahubhirvṛtam ।।

उतरस्यांपुरद्वारिव्यादिश्यशुकसारणौ । स्वयंचात्रगमिष्यामिमन्त्रिणस्तानुवाचह ।।

utarasyāṅpuradvārivyādiśyaśukasāraṇau . svayaṅcātragamiṣyāmimantriṇastānuvācaha ।।

राक्षसांतुविरूपाक्षंमहावीर्यपराक्रमम् । मध्यमेऽस्थापयद्गुल्मेबहुभिस्सहराक्षसैः ।।

rākṣasāṅtuvirūpākṣaṅmahāvīryaparākramam . madhyamē.sthāpayadgulmēbahubhissaharākṣasaiḥ ।।

एवंविधानंलङ्कायांकृत्वाराक्षसपुङ्गवः । कृतकृत्यमिवात्मानंमन्यतेकालचोदितः ।।

ēvaṅvidhānaṅlaṅkāyāṅkṛtvārākṣasapuṅgavaḥ . kṛtakṛtyamivātmānaṅmanyatēkālacōditaḥ ।।

विसर्जयामासततस्समन्त्रिणोविधानमाज्ञाप्यपुरस्यपुष्कलम् । जयाशिषामन्त्रिगणेनपूजितोविवेशचाऽन्तःपुरमृद्धिमन्महत् ।।

visarjayāmāsatatassamantriṇōvidhānamājñāpyapurasyapuṣkalam . jayāśiṣāmantrigaṇēnapūjitōvivēśacā.ntaḥpuramṛddhimanmahat ।।