ततस्तमक्षोभ्यबलंलङ्काधिपतयेचराः । सुवेलेराघवंशैलेनिविष्टंप्रत्यवेदयन् ।।

tatastamakṣōbhyabalaṅlaṅkādhipatayēcarāḥ . suvēlērāghavaṅśailēniviṣṭaṅpratyavēdayan ।।

चाराणांरावणश्श्रुत्वाप्राप्तंरामंमहाबलम् । जातोद्वेगोऽभवत्किञ्चिच्छार्दूलंवाक्यमब्रवीत् ।।

cārāṇāṅrāvaṇaśśrutvāprāptaṅrāmaṅmahābalam . jātōdvēgō.bhavatkiñcicchārdūlaṅvākyamabravīt ।।

अयथावच्चतेवर्णोदीनश्चासिनिशाचर । नासिकच्चिदमित्राणांक्रुद्धानांवशमागतः ।।

ayathāvaccatēvarṇōdīnaścāsiniśācara . nāsikaccidamitrāṇāṅkruddhānāṅvaśamāgataḥ ।।

इतितेनानुशिष्टस्तुवाचंमन्दमुदीरयत् । तदाराक्षसशार्दूलंशार्दूलोभयविह्वलः ।।

ititēnānuśiṣṭastuvācaṅmandamudīrayat . tadārākṣasaśārdūlaṅśārdūlōbhayavihvalaḥ ।।

नतेचारयितुंशक्याराजन्वानरपुङ्गवाः । विक्रान्ताबलवन्तश्चराघवेणचरक्षिताः ।।

natēcārayituṅśakyārājanvānarapuṅgavāḥ . vikrāntābalavantaścarāghavēṇacarakṣitāḥ ।।

नापिसम्भाषितुंशक्यास्सम्प्रश्नोऽत्रनलभ्यते । सर्वतोरक्ष्यतेपन्थावानरैःपर्वतोपमै ।।

nāpisambhāṣituṅśakyāssampraśnō.tranalabhyatē . sarvatōrakṣyatēpanthāvānaraiḥparvatōpamai ।।

प्रविष्टमात्रेज्ञातोऽहंबलेतस्मिन्नचारिते । बलाद्गृहीतोरक्षोभिर्बहुधाऽस्मिविचालितः ।।

praviṣṭamātrējñātō.haṅbalētasminnacāritē . balādgṛhītōrakṣōbhirbahudhā.smivicālitaḥ ।।

जानुभिर्मुष्टिभिर्दन्तेस्तलैश्चाभिहतोभृशम् । परिणीतोऽस्मिहरिभिर्बलवद्भिरमर्षणैः ।।

jānubhirmuṣṭibhirdantēstalaiścābhihatōbhṛśam . pariṇītō.smiharibhirbalavadbhiramarṣaṇaiḥ ।।

परिणीयचसर्वत्रनीतोऽहंरामसंसदम् । रुधिरादिग्धसर्वाङ्गोविह्वलश्चलितेन्द्रियः ।।

pariṇīyacasarvatranītō.haṅrāmasaṅsadam . rudhirādigdhasarvāṅgōvihvalaścalitēndriyaḥ ।।

हरिभिर्वध्यमानश्चयाचमानःकृताञ्जलिः । राघवेणपरित्रातोजीवामीतियदृच्छया ।।

haribhirvadhyamānaścayācamānaḥkṛtāñjaliḥ . rāghavēṇaparitrātōjīvāmītiyadṛcchayā ।।

एषशैलैश्शिलाभिश्चपूरयित्वामहार्णवम् । द्वारमाश्रित्यलङ्कायारामस्तिष्ठतिसायुधः ।।

ēṣaśailaiśśilābhiścapūrayitvāmahārṇavam . dvāramāśrityalaṅkāyārāmastiṣṭhatisāyudhaḥ ।।

गरुडव्यूहमास्थायसर्वतोहरिभिर्वृतः । मांविसृज्यमहातेजालङ्कामेवाभिवर्तते ।।

garuḍavyūhamāsthāyasarvatōharibhirvṛtaḥ . māṅvisṛjyamahātējālaṅkāmēvābhivartatē ।।

पुराप्राकारमायातिक्षिप्रमेकतरंकुरु । सीतांवास्मैप्रयच्छाशुयुद्धंवाप्रदीयताम् ।।

purāprākāramāyātikṣipramēkataraṅkuru . sītāṅvāsmaiprayacchāśuyuddhaṅvāpradīyatām ।।

मनसातंतदाप्रेक्ष्यतच्छ्रुत्वाराक्षसाधिपः । शार्दूलंसुमहद्वाक्यमथोवाचसरावणः ।।

manasātaṅtadāprēkṣyatacchrutvārākṣasādhipaḥ . śārdūlaṅsumahadvākyamathōvācasarāvaṇaḥ ।।

यदिमांप्रतियुध्येरन्देवगन्धर्वदानवाः । नैवसीतांप्रदास्यामिसर्वलोकभयादपि ।।

yadimāṅpratiyudhyērandēvagandharvadānavāḥ . naivasītāṅpradāsyāmisarvalōkabhayādapi ।।

एवमुक्त्वामहातेजारावणःपुनरब्रवीत् । चरिताभवतासेनाकेऽत्रशूराःप्लवङ्गमाः ।।

ēvamuktvāmahātējārāvaṇaḥpunarabravīt . caritābhavatāsēnākē.traśūrāḥplavaṅgamāḥ ।।

कीदृशा: किंप्रभा: सौम्यवानरायेदुरासदाः । कस्यपुत्राश्चपौत्राश्चतत्त्वमाख्याहिराक्षस:।।

kīdṛśā: kiṅprabhā: saumyavānarāyēdurāsadāḥ . kasyaputrāścapautrāścatattvamākhyāhirākṣasa:।।

तथात्रप्रतिपत्स्यामिज्ञात्वातेषांबलाबलम् । अवश्यंबलसङ् ख्यानंकर्तव्यंयुद्धमिच्छताम् ।।

tathātrapratipatsyāmijñātvātēṣāṅbalābalam . avaśyaṅbalasaṅ khyānaṅkartavyaṅyuddhamicchatām ।।

अथैवमुक्तश्शार्दूलोरावणेनोत्तमश्चरः । इदंवचनमारेभेवक्तुंरावणसन्निधौ ।।

athaivamuktaśśārdūlōrāvaṇēnōttamaścaraḥ . idaṅvacanamārēbhēvaktuṅrāvaṇasannidhau ।।

अथर्क्षरजसःपुत्रोयुधिराजासुदुर्जयः । गद्गदस्याथपुत्त्रोऽत्रजाम्बवानितिविश्रुतः ।।

atharkṣarajasaḥputrōyudhirājāsudurjayaḥ . gadgadasyāthaputtrō.trajāmbavānitiviśrutaḥ ।।

गद्गदस्यैवपुत्त्रोऽन्योगुरुपुत्र: शतक्रतोः । कदनंयस्यपुत्रेणकृतमेकेनरक्षसाम् ।।

gadgadasyaivaputtrō.nyōguruputra: śatakratōḥ . kadanaṅyasyaputrēṇakṛtamēkēnarakṣasām ।।

सुषेणश्चापिधर्मात्मापुत्रोधर्मस्यवीर्यवान् । सौम्यस्सोमात्मजश्चात्रराजन् दधिमुखःकपिः ।।

suṣēṇaścāpidharmātmāputrōdharmasyavīryavān . saumyassōmātmajaścātrarājan dadhimukhaḥkapiḥ ।।

सुमुखोदुर्मुखश्चात्रवेगदर्शीचवानरः । मृत्युर्वानररूपेणनूनंसृष्टस्स्वयम्भुवा ।।

sumukhōdurmukhaścātravēgadarśīcavānaraḥ . mṛtyurvānararūpēṇanūnaṅsṛṣṭassvayambhuvā ।।

पुत्त्रोहुतवहस्याथनीलस्सेनापतिस्स्वयम् । अनिलस्यचपुत्त्रोऽत्रहनूमानितिविश्रुतः ।।

puttrōhutavahasyāthanīlassēnāpatissvayam . anilasyacaputtrō.trahanūmānitiviśrutaḥ ।।

नप्ताशक्रस्यदुर्धर्षोबलवानङ्गदोयुवा । मैन्दश्चद्विविदश्चोभौबलिनावश्विसम्भवौ ।।

naptāśakrasyadurdharṣōbalavānaṅgadōyuvā . maindaścadvividaścōbhaubalināvaśvisambhavau ।।

।। पुत्त्रावैवस्वतस्यात्रपञ्चकालान्तकोपमाः । गजोगवाक्षोगवयश्शरभोगन्धमादनः ।।

।। puttrāvaivasvatasyātrapañcakālāntakōpamāḥ . gajōgavākṣōgavayaśśarabhōgandhamādanaḥ ।।

।। दशवानरकोट्यश्चशूराणांयुद्धकाङ्क्षिणाम् । श्रीमतांदेवपुत्त्राणांशेषंनाख्यातुमुत्सहे ।।

।। daśavānarakōṭyaścaśūrāṇāṅyuddhakāṅkṣiṇām . śrīmatāṅdēvaputtrāṇāṅśēṣaṅnākhyātumutsahē ।।

पुत्त्रोदशरथस्यैषसिंहसंहनोयुवा । दूषणोनिहतोयेनखरश्चत्रिशिरास्तथा ।।

puttrōdaśarathasyaiṣasiṅhasaṅhanōyuvā . dūṣaṇōnihatōyēnakharaścatriśirāstathā ।।

नास्तिरामस्यसदृशोविक्रमेभुविकश्चन । विराधोनिहतोयेनकबन्धश्चान्तकोपमः ।।

nāstirāmasyasadṛśōvikramēbhuvikaścana . virādhōnihatōyēnakabandhaścāntakōpamaḥ ।।

वक्तुंनशक्तोरामस्यनरःकश्चिद्गुणान् क्षितौ । जनस्थानगतायेनयावन्तोराक्षसाहताः ।।

vaktuṅnaśaktōrāmasyanaraḥkaścidguṇān kṣitau . janasthānagatāyēnayāvantōrākṣasāhatāḥ ।।

लक्ष्मणश्चात्रधर्मात्मामातङ्गानामिवर्षभः । यस्यबाणपथंप्राप्यनजीवेदपिवासवः ।।

lakṣmaṇaścātradharmātmāmātaṅgānāmivarṣabhaḥ . yasyabāṇapathaṅprāpyanajīvēdapivāsavaḥ ।।

श्वेतोज्योतिर्मुखश्चात्रभास्करस्यात्मसम्भवौ । वरुणस्यचपुत्त्रोऽन्योःहेमकूटःप्लवङ्गमः ।।

śvētōjyōtirmukhaścātrabhāskarasyātmasambhavau . varuṇasyacaputtrō.nyōḥhēmakūṭaḥplavaṅgamaḥ ।।

।। विश्वकर्मसुतोवीरोनलःप्लवगसत्तमः । विक्रान्तोबलवानत्रवसुपुत्रस्सदुर्धरः ।।

।। viśvakarmasutōvīrōnalaḥplavagasattamaḥ . vikrāntōbalavānatravasuputrassadurdharaḥ ।।

राक्षसानांवरिष्ठश्चतवभ्रातावीभीषणः । प्रतिगृह्यपुरींलङ्कांराघवस्यहितेरतः ।।

rākṣasānāṅvariṣṭhaścatavabhrātāvībhīṣaṇaḥ . pratigṛhyapurīṅlaṅkāṅrāghavasyahitērataḥ ।।

इतिसर्वंसमाख्यातंतवेदंवानरंबलम् । सुवेलेऽधिष्ठितंशैलेशेषकार्येभवान्गतिः ।।

itisarvaṅsamākhyātaṅtavēdaṅvānaraṅbalam . suvēlē.dhiṣṭhitaṅśailēśēṣakāryēbhavāngatiḥ ।।