ततःप्रत्युषसिप्राप्तेप्राप्तधर्मार्थनिश्चयः । राक्षसाधिपतेर्वेश्मभीमकर्माविभीषणः ।।

tataḥpratyuṣasiprāptēprāptadharmārthaniścayaḥ . rākṣasādhipatērvēśmabhīmakarmāvibhīṣaṇaḥ ।।

शैलाग्रचयसङ्काशंशैलशृङ्गमिवोन्नतम् । सुविभक्तमहाकक्षंमहाजनपरिग्रहम् ।।

śailāgracayasaṅkāśaṅśailaśṛṅgamivōnnatam . suvibhaktamahākakṣaṅmahājanaparigraham ।।

मतिमद्भिर्महामात्रैरनुरक्तैरधिष्ठितम् । राक्षसैराप्तपर्याप्तैस्सर्वतःपरिरक्षितम् ।।

matimadbhirmahāmātrairanuraktairadhiṣṭhitam . rākṣasairāptaparyāptaissarvataḥparirakṣitam ।।

मत्तमातङ्गनिश्श्वासैर्व्याकुलीकृतमारुतम् । शङ्खघोषमहाघोषंतूर्यनादानुनादितम् ।।

mattamātaṅganiśśvāsairvyākulīkṛtamārutam . śaṅkhaghōṣamahāghōṣaṅtūryanādānunāditam ।।

प्रमदाजनसम्बाधंप्रजल्पितमहापथम् । तप्तकाञ्चननिर्यूहंभूषणोत्तमभूषितम् ।।

pramadājanasambādhaṅprajalpitamahāpatham . taptakāñcananiryūhaṅbhūṣaṇōttamabhūṣitam ।।

गन्धर्वाणामिवाऽवासमालयंमरुतामिव । रत्नसञ्चयसम्बाधंभवनंभोगिनामिव ।।

gandharvāṇāmivā.vāsamālayaṅmarutāmiva . ratnasañcayasambādhaṅbhavanaṅbhōgināmiva ।।

तंमहाभ्रमिवाऽदित्यस्तेजोविस्तृतरश्मिमान् । अग्रजस्यालयंवीरःप्रविवेशमहाद्युतिः ।।

taṅmahābhramivā.dityastējōvistṛtaraśmimān . agrajasyālayaṅvīraḥpravivēśamahādyutiḥ ।।

पुण्यान्पुण्याहघोषांश्चवेदविद्भिरुदाहृतान् । शुश्रावसुमहातेजाभ्रातुर्विजयसंश्रितान् ।।

puṇyānpuṇyāhaghōṣāṅścavēdavidbhirudāhṛtān . śuśrāvasumahātējābhrāturvijayasaṅśritān ।।

पूजितान् दधिपात्रैश्चसर्पिर्भिस्सुमनोक्षतैः । मन्त्रवेदविदोविप्रान्ददर्शसमहाबलः ।।

pūjitān dadhipātraiścasarpirbhissumanōkṣataiḥ . mantravēdavidōviprāndadarśasamahābalaḥ ।।

सपूज्यमानोरक्षोभिद्दीप्यमानस्स्वतेजसा । आसनस्थंमहाबाहुर्ववन्देधनदानुजम् ।।

sapūjyamānōrakṣōbhiddīpyamānassvatējasā . āsanasthaṅmahābāhurvavandēdhanadānujam ।।

सराजदृष्टिसम्पन्नमासनंहेमभूषितम् । जगामसमुदाचारंप्रयुज्याचारकोविदः ।।

sarājadṛṣṭisampannamāsanaṅhēmabhūṣitam . jagāmasamudācāraṅprayujyācārakōvidaḥ ।।

सरावणंमहात्मानंविजनेमन्त्रिसन्निधौ । उवाचहितमत्यर्थंवचनंहेतुनिश्चितम् ।।

sarāvaṇaṅmahātmānaṅvijanēmantrisannidhau . uvācahitamatyarthaṅvacanaṅhētuniścitam ।।

प्रसाद्यभ्रातरंजेष्ठंसान्त्वेनोपस्थितक्रमः । देशकालार्थसंवादिदृष्टलोकपरावरः ।।

prasādyabhrātaraṅjēṣṭhaṅsāntvēnōpasthitakramaḥ . dēśakālārthasaṅvādidṛṣṭalōkaparāvaraḥ ।।

यदाप्रभृतिवैदेहीसम्प्रास्तेमांपुरींतव । तदाप्रभृतिदृश्यन्तेनिमित्तान्यशुभानिनः ।।

yadāprabhṛtivaidēhīsamprāstēmāṅpurīṅtava . tadāprabhṛtidṛśyantēnimittānyaśubhāninaḥ ।।

सस्फुलिङ्गस्सधूमार्चिस्सधूमकलुषोदयः । मन्त्रसङ्घहुतोऽप्यग्निर्नसम्यगभिवर्थते ।।

sasphuliṅgassadhūmārcissadhūmakaluṣōdayaḥ . mantrasaṅghahutō.pyagnirnasamyagabhivarthatē ।।

अग्निष्ठेष्वग्निशलासुतथाब्रह्मस्थालीषुच । सरीसृपाणिदृश्यन्तेहन्येषुचपिपीलिकाः ।।

agniṣṭhēṣvagniśalāsutathābrahmasthālīṣuca . sarīsṛpāṇidṛśyantēhanyēṣucapipīlikāḥ ।।

गवांसयांसिस्कन्नानिविमदावीरकुञ्जराः । दीनमश्वाःप्रहेषन्तेनचग्रासाभिनन्दिनः ।।

gavāṅsayāṅsiskannānivimadāvīrakuñjarāḥ . dīnamaśvāḥprahēṣantēnacagrāsābhinandinaḥ ।।

खरोष्ट्राश्वतराराजभनभिन्नरोमास्स्रवन्तिच । नस्वभावेऽवतिष्ठन्तिविधानैरपिचिन्तिताः ।।

kharōṣṭrāśvatarārājabhanabhinnarōmāssravantica . nasvabhāvē.vatiṣṭhantividhānairapicintitāḥ ।।

वायसाःसङ्घशःक्रूराव्याहरन्तिसमन्ततः । समवेताश्चदृश्यन्तेविमानाग्रेषुसङ्घशः ।।

vāyasāḥsaṅghaśaḥkrūrāvyāharantisamantataḥ . samavētāścadṛśyantēvimānāgrēṣusaṅghaśaḥ ।।

गृध्राश्चपरिलीयन्तेपुरीमुपरिपिण्डिताः । उपपन्नाश्चस्नध्येद्वेव्याहऱ्नत्यशिवंशिवाः ।।

gṛdhrāścaparilīyantēpurīmuparipiṇḍitāḥ . upapannāścasnadhyēdvēvyāhaṟnatyaśivaṅśivāḥ ।।

क्रव्यादानांमृगाणांचपुरीद्वारेषुसङ्घशः । श्रूयन्तेविपुलाघोषास्सविस्फूर्जितनिस्स्वनाः ।।

kravyādānāṅmṛgāṇāṅcapurīdvārēṣusaṅghaśaḥ . śrūyantēvipulāghōṣāssavisphūrjitanissvanāḥ ।।

तदेवंप्रस्तुतेकार्येप्रायश्चित्तमिदंक्षमम् । रोचतेयदिवैदेहीराघवायप्रदीयताम् ।।

tadēvaṅprastutēkāryēprāyaścittamidaṅkṣamam . rōcatēyadivaidēhīrāghavāyapradīyatām ।।

इदंचयदिवामोहाल्लोभाद्वाव्याहृतंमया । तत्रापिचमहाराज नदोषंकर्तुमर्हसि ।।

idaṅcayadivāmōhāllōbhādvāvyāhṛtaṅmayā . tatrāpicamahārāja nadōṣaṅkartumarhasi ।।

अयंहिदोषस्सर्वस्यजनस्यास्योपलक्ष्यते । रक्षसांराक्षसीनांचपुरस्यान्तःपुरस्यच ।।

ayaṅhidōṣassarvasyajanasyāsyōpalakṣyatē . rakṣasāṅrākṣasīnāṅcapurasyāntaḥpurasyaca ।।

श्रावणेचास्यमन्त्रस्यनिवृत्तास्सर्वमन्त्रिणः । अवश्यंचमयावाच्यंयद्दृष्टमपिवाश्रुतम् ।।

śrāvaṇēcāsyamantrasyanivṛttāssarvamantriṇaḥ . avaśyaṅcamayāvācyaṅyaddṛṣṭamapivāśrutam ।।

इतिस्ममन्त्रिणांमध्येभ्राताभ्रातरमूचिवान् । रावणंराक्षसांश्रेष्ठंपथ्यमेतद्विभीषणः ।।

itismamantriṇāṅmadhyēbhrātābhrātaramūcivān . rāvaṇaṅrākṣasāṅśrēṣṭhaṅpathyamētadvibhīṣaṇaḥ ।।

हितंमहार्थंमृदुहेतुसंहितंव्यतीतकालायतिसम्प्रतिक्षमम् । निशम्यतद्वाक्यमुपस्थितज्वरःप्रसङ्गवानुत्तरमेतदब्रवीत् ।।

hitaṅmahārthaṅmṛduhētusaṅhitaṅvyatītakālāyatisampratikṣamam . niśamyatadvākyamupasthitajvaraḥprasaṅgavānuttaramētadabravīt ।।

भयंनपश्यामिकुतश्चिदप्यहंनराघवःप्राप्स्यतिजातुमैथिलीम् । सुरैस्सहेन्द्रैरपिसङ्गरेकथंममाग्रतस्स्थास्यतिलक्ष्मणाग्रजः ।।

bhayaṅnapaśyāmikutaścidapyahaṅnarāghavaḥprāpsyatijātumaithilīm . suraissahēndrairapisaṅgarēkathaṅmamāgratassthāsyatilakṣmaṇāgrajaḥ ।।

इत्येवमुक्त्वासुरसैन्यनाशनोमहाबलस्संयतिचण्डविक्रमः । दशाननोभ्रातरमाप्तवादिनंविसर्जयामासतदाविभीषणम् ।।

ityēvamuktvāsurasainyanāśanōmahābalassaṅyaticaṇḍavikramaḥ . daśānanōbhrātaramāptavādinaṅvisarjayāmāsatadāvibhīṣaṇam ।।