स तां परिवृतां दीनां निरानन्दां तपस्विनीम्। साकारैर्मधुरैर्वाक्यैर्न्यदर्शयत रावणः।।

sa tāṅ parivṛtāṅ dīnāṅ nirānandāṅ tapasvinīm. sākārairmadhurairvākyairnyadarśayata rāvaṇaḥ৷৷

मां दृष्ट्वा नागनासोरु गूहमाना स्तनोदरम्। अदर्शनमिवात्मानं भयान्नेतुं त्वमिच्छसि।।

māṅ dṛṣṭvā nāganāsōru gūhamānā stanōdaram. adarśanamivātmānaṅ bhayānnētuṅ tvamicchasi৷৷

कामये त्वां विशालाक्षि बहुमन्यस्व मां प्रिये। सर्वाङ्गगुणसम्पन्ने सर्वलोकमनोहरे।।

kāmayē tvāṅ viśālākṣi bahumanyasva māṅ priyē. sarvāṅgaguṇasampannē sarvalōkamanōharē৷৷

नेह केचिन्मनुष्या वा राक्षसाः कामरूपिणः। व्यपसर्पतु ते सीते भयं मत्तः समुत्थितम्।।

nēha kēcinmanuṣyā vā rākṣasāḥ kāmarūpiṇaḥ. vyapasarpatu tē sītē bhayaṅ mattaḥ samutthitam৷৷

स्वधर्मो रक्षसां भीरु सर्वथैव न संशयः। गमनं वा परस्त्रीणां हरणं सम्प्रमथ्य वा।।

svadharmō rakṣasāṅ bhīru sarvathaiva na saṅśayaḥ. gamanaṅ vā parastrīṇāṅ haraṇaṅ sampramathya vā৷৷

एवं चैतदकामां तु न त्वां स्प्रक्ष्यामि मैथिलि। कामं कामः शरीरे मे यथाकामं प्रवर्तताम्।।

ēvaṅ caitadakāmāṅ tu na tvāṅ sprakṣyāmi maithili. kāmaṅ kāmaḥ śarīrē mē yathākāmaṅ pravartatām৷৷

देवि नेह भयं कार्यं मयि विश्वसि हि प्रिये। प्रणयस्व च तत्त्वेन मैवं भूः शोकलालसा।।

dēvi nēha bhayaṅ kāryaṅ mayi viśvasi hi priyē. praṇayasva ca tattvēna maivaṅ bhūḥ śōkalālasā৷৷

एकवेणी धराशय्या ध्यानं मलिनमम्बरम्। अस्थानेऽप्युपवासश्च नैतान्यौपयिकानि ते।।

ēkavēṇī dharāśayyā dhyānaṅ malinamambaram. asthānē.pyupavāsaśca naitānyaupayikāni tē৷৷

विचित्राणि च माल्यानि चन्दनान्यगरूणि च। विविधानि च वासांसि दिव्यान्याभरणानि च।।

vicitrāṇi ca mālyāni candanānyagarūṇi ca. vividhāni ca vāsāṅsi divyānyābharaṇāni ca৷৷

।। महार्हाणि च पानानि शयनान्यासनानि च। गीतं नृत्तं च वाद्यं च लभ मां प्राप्य मैथिलि।।

৷৷ mahārhāṇi ca pānāni śayanānyāsanāni ca. gītaṅ nṛttaṅ ca vādyaṅ ca labha māṅ prāpya maithili৷৷

स्त्रीरत्नमसि मैवं भूः कुरु गात्रेषु भूषणम्। मां प्राप्य हि कथं नु स्वास्त्वमनर्हा सुविग्रहे।।

strīratnamasi maivaṅ bhūḥ kuru gātrēṣu bhūṣaṇam. māṅ prāpya hi kathaṅ nu svāstvamanarhā suvigrahē৷৷

इदं ते चारु सञ्जातं यौवनं व्यतिवर्तते। यदतीतं पुनर्नैति स्रोतः शीघ्रमपामिव।।

idaṅ tē cāru sañjātaṅ yauvanaṅ vyativartatē. yadatītaṅ punarnaiti srōtaḥ śīghramapāmiva৷৷

त्वां कृत्वोपरतो मन्ये रूपकर्ता स विश्वसृक्। न हि रूपोपमा त्वन्या तवास्ति शुभदर्शने।।

tvāṅ kṛtvōparatō manyē rūpakartā sa viśvasṛk. na hi rūpōpamā tvanyā tavāsti śubhadarśanē৷৷

त्वां समासाद्य वैदेहि रूपयौवनशालिनीम्। कः पुमानतिवर्तेत साक्षादपि पितामहः।।

tvāṅ samāsādya vaidēhi rūpayauvanaśālinīm. kaḥ pumānativartēta sākṣādapi pitāmahaḥ৷৷

यद्यत्पश्यामि ते गात्रं शीतांशुसदृशानने। तस्मिंस्तस्मिन् पृथुश्रोणि चक्षुर्मम निबध्यते।।

yadyatpaśyāmi tē gātraṅ śītāṅśusadṛśānanē. tasmiṅstasmin pṛthuśrōṇi cakṣurmama nibadhyatē৷৷

भव मैथिलि भार्या मे मोहमेनं विसर्जय। बह्वीनामुत्तमस्त्रीणामाहृतानामितस्ततः।।

bhava maithili bhāryā mē mōhamēnaṅ visarjaya. bahvīnāmuttamastrīṇāmāhṛtānāmitastataḥ৷৷

लोकेभ्यो यानि रत्नानि सम्प्रमथ्याहृतानि वै।।

lōkēbhyō yāni ratnāni sampramathyāhṛtāni vai৷৷

विजित्य पृथिवीं सर्वां नानानगरमालिनीम्।।

vijitya pṛthivīṅ sarvāṅ nānānagaramālinīm৷৷

नेह पश्यामि लोकेऽन्यं यो मे प्रतिबलो भवेत्। पश्य मे सुमहद्वीर्यमप्रतिद्वन्द्वमाहवे।।

nēha paśyāmi lōkē.nyaṅ yō mē pratibalō bhavēt. paśya mē sumahadvīryamapratidvandvamāhavē৷৷

असकृत्संयुगे भग्ना मया विमृदितध्वजाः।।

asakṛtsaṅyugē bhagnā mayā vimṛditadhvajāḥ৷৷

इच्छ मां क्रियतामद्य प्रतिकर्म तवोत्तमम्।।

iccha māṅ kriyatāmadya pratikarma tavōttamam৷৷

।। सप्रभाण्यवसज्यन्तां तवाङ्गे भूषणानि च। साधु पश्यामि ते रूपं संयुक्तं प्रतिकर्मणा।।

৷৷ saprabhāṇyavasajyantāṅ tavāṅgē bhūṣaṇāni ca. sādhu paśyāmi tē rūpaṅ saṅyuktaṅ pratikarmaṇā৷৷

प्रतिकर्माभिसंयुक्ता दाक्षिण्येन वरानने। भुंक्ष्व भोगान्यथाकामं पिब भीरु रमस्व च।।

pratikarmābhisaṅyuktā dākṣiṇyēna varānanē. bhuṅkṣva bhōgānyathākāmaṅ piba bhīru ramasva ca৷৷

यथेष्टं च प्रयच्छ त्वं पृथिवीं वा धनानि च। ललस्व मयि विस्रब्धा धृष्टमाज्ञापयस्व च।।

yathēṣṭaṅ ca prayaccha tvaṅ pṛthivīṅ vā dhanāni ca. lalasva mayi visrabdhā dhṛṣṭamājñāpayasva ca৷৷

मत्प्रसादाल्ललन्त्याश्च ललन्तां बान्धवास्तव। ऋद्धिं ममानुपश्य त्वं श्रियं भद्रे यशश्च मे।।

matprasādāllalantyāśca lalantāṅ bāndhavāstava. ṛddhiṅ mamānupaśya tvaṅ śriyaṅ bhadrē yaśaśca mē৷৷

किं करिष्यसि रामेण सुभगे चीरवाससा। निक्षिप्तविजयो रामो गतश्रीर्वनगोचरः।।

kiṅ kariṣyasi rāmēṇa subhagē cīravāsasā. nikṣiptavijayō rāmō gataśrīrvanagōcaraḥ৷৷

न हि वैदेहि रामस्त्वां द्रष्टुं वा प्युपलप्स्यते। पुरोबलाकैरसितैर्मेघैर्ज्योत्स्नामिवावृताम्।।

na hi vaidēhi rāmastvāṅ draṣṭuṅ vā pyupalapsyatē. purōbalākairasitairmēghairjyōtsnāmivāvṛtām৷৷

न चापि मम हस्तात्त्वां प्राप्तुमर्हति राघवः।।

na cāpi mama hastāttvāṅ prāptumarhati rāghavaḥ৷৷

चारुस्मिते चारुदति चारुनेत्रे विलासिनि।।

cārusmitē cārudati cārunētrē vilāsini৷৷

क्लिष्टकौशेयवसनां तन्वीमप्यनलङ्कृताम्।।

kliṣṭakauśēyavasanāṅ tanvīmapyanalaṅkṛtām৷৷

अन्तःपुरनिवासिन्यः स्त्रियः सर्वगुणान्विताः।।

antaḥpuranivāsinyaḥ striyaḥ sarvaguṇānvitāḥ৷৷

मम ह्यसितकेशान्ते त्रैलोक्यप्रवराः स्त्रियः।।

mama hyasitakēśāntē trailōkyapravarāḥ striyaḥ৷৷

यानि वैश्रवणे सुभ्रु रत्नानि च धनानि च।।

yāni vaiśravaṇē subhru ratnāni ca dhanāni ca৷৷

न रामस्तपसा देवि न बलेन न विक्रमैः।।

na rāmastapasā dēvi na balēna na vikramaiḥ৷৷

पिब विहर रमस्व भुङ्क्ष्व भोगान् धननिचयं प्रदिशामि मेदिनीं च। मयि लल ललने यथासुखं त्वं त्वयि च समेत्य ललन्तु बान्धवास्ते।।

piba vihara ramasva bhuṅkṣva bhōgān dhananicayaṅ pradiśāmi mēdinīṅ ca. mayi lala lalanē yathāsukhaṅ tvaṅ tvayi ca samētya lalantu bāndhavāstē৷৷

कुसुमिततरुजालसन्ततानि भ्रमरयुतानि समुद्रतीरजानि। कनकविमलहारभूषिताङ्गी विहर मया सह भीरु काननानि।।

kusumitatarujālasantatāni bhramarayutāni samudratīrajāni. kanakavimalahārabhūṣitāṅgī vihara mayā saha bhīru kānanāni৷৷