एवं ब्रुवाणं जनक: प्रत्युवाच कृताञ्जलि:। श्रोतुमर्हसि भद्रं ते कुलं न: परिकीर्तितम्।।

ēvaṅ bruvāṇaṅ janaka: pratyuvāca kṛtāñjali:. śrōtumarhasi bhadraṅ tē kulaṅ na: parikīrtitam৷৷

प्रदाने हि मुनिश्रेष्ठ कुलं निरवशेषत:। वक्तव्यं कुलजातेन तन्निबोध महामुने।।

pradānē hi muniśrēṣṭha kulaṅ niravaśēṣata:. vaktavyaṅ kulajātēna tannibōdha mahāmunē!৷৷

राजाऽभूत् त्रिषु लोकेषु विश्रुत स्स्वेन कर्मणा। निमि: परमधर्मात्मा सर्वसत्त्ववतां वर:।।

rājā.bhūt triṣu lōkēṣu viśruta ssvēna karmaṇā. nimi: paramadharmātmā sarvasattvavatāṅ vara:৷৷

तस्य पुत्रोमिथिर्नाम मिथिला येन निर्मिता। प्रथमो जनको नाम जनकादप्युदावसु:।।

tasya putrōmithirnāma mithilā yēna nirmitā. prathamō janakō nāma janakādapyudāvasu:৷৷

उदावसोस्तु धर्मात्मा जातो वै नन्दिवर्धन:। नन्दिवर्धनपुत्रस्तु सुकेतुर्नाम नामत:।।

udāvasōstu dharmātmā jātō vai nandivardhana:. nandivardhanaputrastu sukēturnāma nāmata:৷৷

सुकेतोरपि धर्मात्मा देवरातो महाबल:। देवरातस्य राजर्षेर्बृहद्रथ इति स्मृत:।।

sukētōrapi dharmātmā dēvarātō mahābala:. dēvarātasya rājarṣērbṛhadratha iti smṛta:৷৷

बृहद्रथस्य शूरोऽभून्महावीर: प्रतापवान्। महावीरस्य धृतिमान् सुधृतिस्सत्यविक्रम:।।

bṛhadrathasya śūrō.bhūnmahāvīra: pratāpavān. mahāvīrasya dhṛtimān sudhṛtissatyavikrama:৷৷

सुधृतेरपि धर्मात्मा दृष्टकेतुस्सुधार्मिक:। दृष्टकेतोस्तु राजर्षेर्हर्यश्व इति विश्रुत:।।

sudhṛtērapi dharmātmā dṛṣṭakētussudhārmika:. dṛṣṭakētōstu rājarṣērharyaśva iti viśruta:৷৷

हर्यश्वस्य मरु: पुत्रो मरो: पुत्र: प्रतिन्धक:। प्रतिंधकस्य धर्मात्मा राजा कीर्तिरथस्सुत:।।

haryaśvasya maru: putrō marō: putra: pratindhaka:. pratiṅdhakasya dharmātmā rājā kīrtirathassuta:৷৷

पुत्र: कीर्तिरथस्यापि देवमीढ इति स्मृत:। देवमीढस्य विबुधो विबुधस्य महीध्रक:।।

putra: kīrtirathasyāpi dēvamīḍha iti smṛta:. dēvamīḍhasya vibudhō vibudhasya mahīdhraka:৷৷

महीध्रकसुतो राजा कीर्तिरातो महाबल:। कीर्तिरातस्य राजर्षेर्महारोमा व्यजायत।।

mahīdhrakasutō rājā kīrtirātō mahābala:. kīrtirātasya rājarṣērmahārōmā vyajāyata৷৷

महारोम्णस्तु धर्मात्मा स्वर्णरोमा व्यजायत। स्वर्णरोम्णस्तु राजर्षेर्ह्रस्वरोमा व्यजायत।।

mahārōmṇastu dharmātmā svarṇarōmā vyajāyata. svarṇarōmṇastu rājarṣērhrasvarōmā vyajāyata৷৷

तस्य पुत्रद्वयं जज्ञे धर्मज्ञस्य महात्मन:। ज्येष्ठोऽहमनुजो भ्राता मम वीर: कुशध्वज:।।

tasya putradvayaṅ jajñē dharmajñasya mahātmana:. jyēṣṭhō.hamanujō bhrātā mama vīra: kuśadhvaja:৷৷

मां तु ज्येष्ठं पिता राज्ये सोऽभिषिच्य नराधिप:। कुशध्वजं समावेश्य भारं मयि वनं गत:।।

māṅ tu jyēṣṭhaṅ pitā rājyē sō.bhiṣicya narādhipa:. kuśadhvajaṅ samāvēśya bhāraṅ mayi vanaṅ gata:৷৷

वृद्धे पितरि स्वर्याते धर्मेण धुरमावहम्। भ्रातरं देवसङ्काशं स्नेहात्पश्यन् कुशध्वजम्।।

vṛddhē pitari svaryātē dharmēṇa dhuramāvaham. bhrātaraṅ dēvasaṅkāśaṅ snēhātpaśyan kuśadhvajam৷৷

कस्य चित्त्वथकालस्य साङ्काश्यादगमत्पुरात्। सुधन्वा वीर्यवान्राजा मिथिलामवरोधक:।।

kasya cittvathakālasya sāṅkāśyādagamatpurāt. sudhanvā vīryavānrājā mithilāmavarōdhaka:৷৷

स च मे प्रेषयामास शैवं धनुरनुत्तमम्। सीता कन्या च पद्माक्षी मह्यं वै दीयतामिति।।

sa ca mē prēṣayāmāsa śaivaṅ dhanuranuttamam. sītā kanyā ca padmākṣī mahyaṅ vai dīyatāmiti৷৷

तस्याप्रदानाद्ब्रह्मर्षे युद्धमासीन्मया सह। स हतोऽभिमुखो राजा सुधन्वा तु मया रणे।।

tasyāpradānādbrahmarṣē! yuddhamāsīnmayā saha. sa hatō.bhimukhō rājā sudhanvā tu mayā raṇē৷৷

निहत्य तं मुनिश्रेष्ठ सुधन्वानं नराधिपम्। साङ्काश्ये भ्रातरं वीरमभ्यषिञ्चं कुशध्वजम्।।

nihatya taṅ muniśrēṣṭha sudhanvānaṅ narādhipam. sāṅkāśyē bhrātaraṅ vīramabhyaṣiñcaṅ kuśadhvajam৷৷

कनीयानेष मे भ्राता अहं ज्येष्ठो महामुने। ददामि परमप्रीतो वध्वौ ते मुनिपुङ्गव।।

kanīyānēṣa mē bhrātā ahaṅ jyēṣṭhō mahāmunē!. dadāmi paramaprītō vadhvau tē munipuṅgava৷৷

वीर्यशुल्कां मम सुतां सीतां सुरसुतोपमाम् ।।

vīryaśulkāṅ mama sutāṅ sītāṅ surasutōpamām ৷৷

ददामि परमप्रीतो वध्वौ ते रघुनन्दन।।

dadāmi paramaprītō vadhvau tē raghunandana৷৷

।। रामलक्ष्मणयो राजन् गोदानं कारयस्व ह। पितृकार्यं च भद्रं ते ततो वैवाहिकं कुरु।।

৷৷ rāmalakṣmaṇayō rājan! gōdānaṅ kārayasva ha. pitṛkāryaṅ ca bhadraṅ tē tatō vaivāhikaṅ kuru৷৷

मखा ह्यद्य महाबाहो तृतीये दिवसे प्रभो। फल्गुन्यामुत्तरे राजंस्तस्मिन्वैवाहिकं कुरु।।

makhā hyadya mahābāhō tṛtīyē divasē prabhō. phalgunyāmuttarē rājaṅstasminvaivāhikaṅ kuru৷৷