शुनश्शेफं नरश्रेष्ठ गृहीत्वा तु महायशा:। व्यश्राम्यत् पुष्करे राजा मध्याह्ने रघुनन्दन।।

śunaśśēphaṅ naraśrēṣṭha gṛhītvā tu mahāyaśā:. vyaśrāmyat puṣkarē rājā madhyāhnē raghunandana!৷৷

तस्य विश्रममाणस्य शुनश्शेफो महायशा:। पुष्करक्षेत्रमागम्य विश्वामित्रं ददर्श ह।।

tasya viśramamāṇasya śunaśśēphō mahāyaśā:. puṣkarakṣētramāgamya viśvāmitraṅ dadarśa ha৷৷

विवर्णवदनो दीनस्तृष्णया च श्रमेण च।।

vivarṇavadanō dīnastṛṣṇayā ca śramēṇa ca৷৷

न मेऽस्ति माता न पिता ज्ञातयो बान्धवा: कुत:।।

na mē.sti mātā na pitā jñātayō bāndhavā: kuta:৷৷

त्राता त्वं हि मुनिश्रेष्ठ सर्वेषां त्वं हि भावन:।।

trātā tvaṅ hi muniśrēṣṭha sarvēṣāṅ tvaṅ hi bhāvana:৷৷

।। राजा च कृतकार्यस्स्यादहं दीर्घायुरव्यय:। स्वर्गलोकमुपाश्नीयां तपस्तप्त्वाह्यनुत्तमम्।।

৷৷ rājā ca kṛtakāryassyādahaṅ dīrghāyuravyaya:. svargalōkamupāśnīyāṅ tapastaptvāhyanuttamam৷৷

त्वं मे नाथो ह्यनाथस्य भव भव्येन चेतसा। पितेव पुत्रं धर्मात्मं स्त्रातुमर्हसि किल्बिषात्।।

tvaṅ mē nāthō hyanāthasya bhava bhavyēna cētasā. pitēva putraṅ dharmātmaṅ strātumarhasi kilbiṣāt৷৷

तस्य तद्वचनं श्रुत्वा विश्वामित्रो महातपा:। सान्त्वयित्वा बहुविधं पुत्रानिदमुवाच ह।।

tasya tadvacanaṅ śrutvā viśvāmitrō mahātapā:. sāntvayitvā bahuvidhaṅ putrānidamuvāca ha৷৷

यत्कृते पितर: पुत्रान् जनयन्ति शुभार्थिन:। परलोकहितार्थाय तस्य कालोऽयमागत:।।

yatkṛtē pitara: putrān janayanti śubhārthina:. paralōkahitārthāya tasya kālō.yamāgata:৷৷

अयं मुनिसुतो बालो मत्तश्शरणमिच्छति। अस्य जीवितमात्रेण प्रियं कुरुत पुत्रका:।।

ayaṅ munisutō bālō mattaśśaraṇamicchati. asya jīvitamātrēṇa priyaṅ kuruta putrakā:৷৷

सर्वे सुकृतकर्माणस्सर्वे धर्मपरायणा: । पशुभूता नरेन्द्रस्य तृप्तिमग्ने: प्रयच्छत ।।

sarvē sukṛtakarmāṇassarvē dharmaparāyaṇā: . paśubhūtā narēndrasya tṛptimagnē: prayacchata ৷৷

नाथवांश्च शुनश्शेफो यज्ञश्चाविघ्नितो भवेत्। देवतास्तर्पिताश्चस्युर्मम चापि कृतं वच:।।

nāthavāṅśca śunaśśēphō yajñaścāvighnitō bhavēt. dēvatāstarpitāścasyurmama cāpi kṛtaṅ vaca:৷৷

मुनेस्तु वचनं श्रुत्वा मधुच्छन्दादय स्सुता:। साभिमानं नरश्रेष्ठ सलीलमिदमब्रुवन्।।

munēstu vacanaṅ śrutvā madhucchandādaya ssutā:. sābhimānaṅ naraśrēṣṭha salīlamidamabruvan৷৷

कथमात्मसुतान् हित्वा त्रायसेऽन्यसुतं विभो। अकार्यमिव पश्याम श्श्वमांस इव भोजने।।

kathamātmasutān hitvā trāyasē.nyasutaṅ vibhō!. akāryamiva paśyāma śśvamāṅsa iva bhōjanē৷৷

तेषां तद्वचनं श्रुत्वा पुत्राणां मुनिपुङ्गव:। क्रोधसंरक्तनयनो व्याहर्तुमुपचक्रमे।।

tēṣāṅ tadvacanaṅ śrutvā putrāṇāṅ munipuṅgava:. krōdhasaṅraktanayanō vyāhartumupacakramē৷৷

निस्साध्वसमिदं प्रोक्तं धर्मादपि विगर्हितम्। अतिक्रम्य तु मद्वाक्यं दारुणं रोमहर्षणम्।।

nissādhvasamidaṅ prōktaṅ dharmādapi vigarhitam. atikramya tu madvākyaṅ dāruṇaṅ rōmaharṣaṇam৷৷

श्वमांसभोजिनस्सर्वे वासिष्ठा इव जातिषु। पूर्णं वर्षसहस्रं तु पृथिव्यामनुवत्स्यथ।।

śvamāṅsabhōjinassarvē vāsiṣṭhā iva jātiṣu. pūrṇaṅ varṣasahasraṅ tu pṛthivyāmanuvatsyatha৷৷

कृत्वा शापसमायुक्तान् पुत्रान् मुनिवरस्तथा। शुनश्शेफमुवाचार्तं कृत्वा रक्षां निरामयम्।।

kṛtvā śāpasamāyuktān putrān munivarastathā. śunaśśēphamuvācārtaṅ kṛtvā rakṣāṅ nirāmayam৷৷

पवित्रपाशैरासक्तो रक्तमाल्यानुलेपन:। वैष्णवं यूपमासाद्य वाग्भिरग्निमुदाहर ।।

pavitrapāśairāsaktō raktamālyānulēpana:. vaiṣṇavaṅ yūpamāsādya vāgbhiragnimudāhara ৷৷

इमे तु गाथे द्वे दिव्ये गायेथा मुनिपुत्रक। अम्बरीषस्य यज्ञेऽस्मिंस्तत स्सिद्धिमवाप्स्यसि।।

imē tu gāthē dvē divyē gāyēthā muniputraka. ambarīṣasya yajñē.smiṅstata ssiddhimavāpsyasi৷৷

शुनश्शेफो गृहीत्वा ते द्वे गाथे सुसमाहित:। त्वरया राजसिंहं तमम्बरीषमुवाच ह।।

śunaśśēphō gṛhītvā tē dvē gāthē susamāhita:. tvarayā rājasiṅhaṅ tamambarīṣamuvāca ha৷৷

राजसिंह महासत्त्व शीघ्रं गच्छावहे सद:। निर्वर्तयस्व राजेन्द्र दीक्षां च समुपाविश।।

rājasiṅha mahāsattva śīghraṅ gacchāvahē sada:. nirvartayasva rājēndra dīkṣāṅ ca samupāviśa৷৷

तद्वाक्यमृषिपुत्रस्य श्रुत्वा हर्षसमुत्सुक: । जगाम नृपति श्शीघ्रं यज्ञवाटमतन्द्रित:।।

tadvākyamṛṣiputrasya śrutvā harṣasamutsuka: . jagāma nṛpati śśīghraṅ yajñavāṭamatandrita:৷৷

सदस्यानुमते राजा पवित्रकृतलक्षणम्। पशुं रक्ताम्बरं कृत्वा यूपे तं समबन्धयत्।।

sadasyānumatē rājā pavitrakṛtalakṣaṇam. paśuṅ raktāmbaraṅ kṛtvā yūpē taṅ samabandhayat৷৷

सबद्धो वाग्भिरग्य्राभिरभितुष्टाव वै सुरौ। इन्द्रमिन्द्रानुजं चैव यथावन्मुनिपुत्रक:।।

sabaddhō vāgbhiragyrābhirabhituṣṭāva vai surau. indramindrānujaṅ caiva yathāvanmuniputraka:৷৷

तत: प्रीत स्सहस्राक्षो रहस्यस्तुतितर्पित:। दीर्घमायुस्तदा प्रादाच्छुनश्शेफाय राघव ।।

tata: prīta ssahasrākṣō rahasyastutitarpita:. dīrghamāyustadā prādācchunaśśēphāya rāghava! ৷৷

स च राजा नरश्रेष्ठ यज्ञस्य च समाप्तवान्। फलं बहुगुणं राम सहस्राक्षप्रसादजम्।।

sa ca rājā naraśrēṣṭha yajñasya ca samāptavān. phalaṅ bahuguṇaṅ rāma sahasrākṣaprasādajam৷৷

विश्वामित्रो ऽपि धर्मात्मा भूयस्तेपे महातपा:। पुष्करेषु नरश्रेष्ठ दशवर्षशतानि च।।

viśvāmitrō .pi dharmātmā bhūyastēpē mahātapā:. puṣkarēṣu naraśrēṣṭha daśavarṣaśatāni ca৷৷