[Origin of marutsVishala constructs the city Diti practises her austerities--Sumati honours Viswamitra.] सप्तधातु कृते गर्भे दिति: परमदु:खिता। सहस्राक्षं दुराधर्षं वाक्यं सानुनयाऽब्रवीत्।।

[Origin of maruts-Vishala constructs the city- Diti practises her austerities--Sumati honours Viswamitra.] saptadhātu kṛtē garbhē diti: paramadu:khitā. sahasrākṣaṅ durādharṣaṅ vākyaṅ sānunayā.bravīt৷৷

ममापराधाद्गर्भोऽयं सप्तधा विफलीकृत:। नापराधोऽस्ति देवेश तवात्र बलसूदन।।

mamāparādhādgarbhō.yaṅ saptadhā viphalīkṛta:. nāparādhō.sti dēvēśa! tavātra balasūdana!৷৷

प्रियं तु कर्तुमिच्छामि मम गर्भविपर्यये। मरुतां सप्तसप्तानां स्थानपाला भवन्त्विमे।।

priyaṅ tu kartumicchāmi mama garbhaviparyayē. marutāṅ saptasaptānāṅ sthānapālā bhavantvimē৷৷

वातस्कन्धा: इमे सप्त चरन्तु दिवि पुत्रक । मारुता इति विख्याता दिव्यरूपा ममात्मजा:।।

vātakandhā imē sapta carantu divi putraka . mārutā iti vikhyātā divyarūpā mamātmajā:৷৷

ब्रह्मलोकं चरत्वेक इन्द्रलोकं तथाऽपर:। दिवि वायुरिति ख्यातस्तृतीयोऽपि महायशा:।।

brahmalōkaṅ caratvēka indralōkaṅ tathā.para:. divi vāyuriti khyātastṛtīyō.pi mahāyaśā:৷৷

चत्वारस्तु सुरश्रेष्ठ दिशो वै तव शासनात्। सञ्चरिष्यन्तु भद्रं ते देवभूता ममात्मजा:।।

catvārastu suraśrēṣṭha diśō vai tava śāsanāt. sañcariṣyantu bhadraṅ tē dēvabhūtā mamātmajā:৷৷

तस्यास्तद्वचनं श्रुत्वा सहस्राक्ष: पुरन्दर:। उवाच प्राञ्जलिर्वाक्यं दितिं बलनिषूदन:।।

tasyāstadvacanaṅ śrutvā sahasrākṣa: purandara:. uvāca prāñjalirvākyaṅ ditiṅ balaniṣūdana:৷৷

सर्वमेतद्यथोक्तं ते भविष्यति न संशय:। विचरिष्यन्ति भद्रं ते देवभूतास्तवात्मजा:।।

sarvamētadyathōktaṅ tē bhaviṣyati na saṅśaya:. vicariṣyanti bhadraṅ tē dēvabhūtāstavātmajā:৷৷

एवं तौ निश्चयं कृत्वा मातापुत्रौ तपोवने। जग्मतुस्त्रिदिवं राम कृतार्थाविति नश्श्रुतम्।।

ēvaṅ tau niścayaṅ kṛtvā mātāputrau tapōvanē. jagmatustridivaṅ rāma kṛtārthāviti naśśrutam৷৷

एष देशस्स काकुत्स्थ महेन्द्राध्युषित: पुरा। दितिं यत्र तपस्सिद्धामेवं परिचचार स:।।

ēṣa dēśassa kākutstha mahēndrādhyuṣita: purā. ditiṅ yatra tapassiddhāmēvaṅ paricacāra sa:৷৷

इक्ष्वाकोऽस्तु नरव्याघ्र पुत्र: परमधार्मिक:।।

ikṣvākō.stu naravyāghra putra: paramadhārmika:৷৷

।। अलम्बुषायामुत्पन्नो विशाल इति विश्रुत:। तेन चासीदिह स्थाने विशालेति पुरी कृता।।

৷৷ alambuṣāyāmutpannō viśāla iti viśruta:. tēna cāsīdiha sthānē viśālēti purī kṛtā৷৷

विशालस्य सुतो राम हेमचन्द्रो महाबल:। सुचन्द्र इति विख्यात: हेमचन्द्रादनन्तर:।।

viśālasya sutō rāma hēmacandrō mahābala:. sucandra iti vikhyāta: hēmacandrādanantara:৷৷

सुचन्द्रतनयो राम धूम्राश्व इति विश्रुत:। धूम्राश्वतनयश्चापि सञ्जयस्समपद्यत।।

sucandratanayō rāma dhūmrāśva iti viśruta:. dhūmrāśvatanayaścāpi sañjayassamapadyata৷৷

सञ्जयस्य सुतश्श्रीमान् सहदेव: प्रतापवान्। कुशाश्वस्सहदेवस्य पुत्र: परमधार्मिक:।।

sañjayasya sutaśśrīmān sahadēva: pratāpavān. kuśāśvassahadēvasya putra: paramadhārmika:৷৷

कुशाश्वस्य महातेजा सोमदत्त: प्रतापवान्। सोमदत्तस्य पुत्रस्तु काकुत्स्थ इति विश्रुत:।।

kuśāśvasya mahātējā sōmadatta: pratāpavān. sōmadattasya putrastu kākutstha iti viśruta:৷৷

तस्य पुत्रो महातेजा: सम्प्रत्येष पुरीमिमाम्। आवसत्यमरप्रख्यस्सुमतिर्नाम दुर्जय:।।

tasya putrō mahātējā: sampratyēṣa purīmimām. āvasatyamaraprakhyassumatirnāma durjaya:৷৷

इक्ष्वाकोस्तु प्रसादेन सर्वे वैशालिका नृपा:। दीर्घायुषो महात्मानो वीर्यवन्तस्सुधार्मिका:।।

ikṣvākōstu prasādēna sarvē vaiśālikā nṛpā:. dīrghāyuṣō mahātmānō vīryavantassudhārmikā:৷৷

इहाद्य रजनीं राम सुखं वत्स्यामहे वयम्। श्व: प्रभाते नरश्रेष्ठ जनकं द्रष्टुमर्हसि।।

ihādya rajanīṅ rāma sukhaṅ vatsyāmahē vayam. śva: prabhātē naraśrēṣṭha janakaṅ draṣṭumarhasi৷৷

सुमतिस्तु महातेजा विश्वामित्रमुपागतम्। श्रुत्वा नरवरश्रेष्ठ: प्रत्युद्गच्छन्महायशा:।।

sumatistu mahātējā viśvāmitramupāgatam. śrutvā naravaraśrēṣṭha: pratyudgacchanmahāyaśā:৷৷

पूजां च परमां कृत्वा सोपाध्यायस्सबान्धव:। प्राञ्जलि: कुशलं पृष्ट्वा विश्वामित्रमथाब्रवीत्।।

pūjāṅ ca paramāṅ kṛtvā sōpādhyāyassabāndhava:. prāñjali: kuśalaṅ pṛṣṭvā viśvāmitramathābravīt৷৷

धन्योऽस्म्यनुगृहीतोऽस्मि यस्य मे विषयं मुनि:। सम्प्राप्तो दर्शनं चैव नास्ति धन्यतरो मम।।

dhanyō.smyanugṛhītō.smi yasya mē viṣayaṅ muni:. samprāptō darśanaṅ caiva nāsti dhanyatarō mama৷৷