[ Anshuman performs penance to bring Ganga to the earth-- Bhagiratha follows --receives boon from Brahma--Brahma informs Anshuman that only lord Siva is capable to hold Ganga.] कालधर्मं गते राम सगरे प्रकृतीजना:। राजानं रोचयामासुरंशुमन्तं सुधार्मिकम्।।

[ Anshuman performs penance to bring Ganga to the earth-- Bhagiratha follows --receives boon from Brahma--Brahma informs Anshuman that only lord Siva is capable to hold Ganga.] kāladharmaṅ gatē rāma sagarē prakṛtījanā:. rājānaṅ rōcayāmāsuraṅśumantaṅ sudhārmikam৷৷

स राजा सुमहानासीदंशुमान् रघुनन्दन । तस्य पुत्रो महानासीद्दिलीप इति विश्रुत:।।

sa rājā sumahānāsīdaṅśumān raghunandana! . tasya putrō mahānāsīddilīpa iti viśruta:৷৷

तस्मिन् राज्यं समावेश्य दिलीपे रघुनन्दन। हिमवच्छिखरे पुण्ये तपस्तेपे सुदारुणम्।।

tasmin rājyaṅ samāvēśya dilīpē raghunandana!. himavacchikharē puṇyē tapastēpē sudāruṇam৷৷

द्वात्रिंशच्च सहस्राणि वर्षाणि सुमहायशा:। तपोवनं गतो राम स्वर्गं लेभे तपोधन:।।

dvātriṅśacca sahasrāṇi varṣāṇi sumahāyaśā:. tapōvanaṅ gatō rāma svargaṅ lēbhē tapōdhana:৷৷

दिलीपस्तु महातेजाश्श्रुत्वा पैतामहं वधम्। दु:खोपहतया बुद्ध्या निश्चयं नाध्यगच्छत।।

dilīpastu mahātējāśśrutvā paitāmahaṅ vadham. du:khōpahatayā buddhyā niścayaṅ nādhyagacchata৷৷

कथं गङ्गावतरणं कथं तेषां जलक्रिया। तारयेयं कथं चैतानिति चिन्तापरोऽभवत्।।

kathaṅ gaṅgāvataraṇaṅ kathaṅ tēṣāṅ jalakriyā. tārayēyaṅ kathaṅ caitāniti cintāparō.bhavat৷৷

तस्य चिन्तयतो नित्यं धर्मेण विदितात्मन:। पुत्रो भगीरथो नाम जज्ञे परमधार्मिक:।।

tasya cintayatō nityaṅ dharmēṇa viditātmana:. putrō bhagīrathō nāma jajñē paramadhārmika:৷৷

दिलीपस्तु महातेजा यज्ञैर्बहुभिरिष्टवान्। त्रिंशद्वर्षसहस्राणि राजा राज्यमकारयत्।।

dilīpastu mahātējā yajñairbahubhiriṣṭavān. triṅśadvarṣasahasrāṇi rājā rājyamakārayat৷৷

अगत्वा निश्चयं राजा तेषामुद्धरणं प्रति । व्याधिना नरशार्दूल कालधर्ममुपेयिवान्।।

agatvā niścayaṅ rājā tēṣāmuddharaṇaṅ prati . vyādhinā naraśārdūla kāladharmamupēyivān৷৷

इन्द्रलोकं गतो राजा स्वार्जितेनैव कर्मणा। राज्ये भगीरथं पुत्रमभिषिच्य नरर्षभ:।।

indralōkaṅ gatō rājā svārjitēnaiva karmaṇā. rājyē bhagīrathaṅ putramabhiṣicya nararṣabha:৷৷

भगीरथस्तु राजर्षिर्धार्मिको रघुनन्दन। अनपत्यो महातेजा: प्रजाकामस्स चाप्रज:।।

bhagīrathastu rājarṣirdhārmikō raghunandana!. anapatyō mahātējā: prajākāmassa cāpraja:৷৷

मन्त्रिष्वाधाय तद्राज्यं गङ्गावतरणे रत:। स तपो दीर्घमातिष्ठद्गोकर्णे रघुनन्दन।।

mantriṣvādhāya tadrājyaṅ gaṅgāvataraṇē rata:. sa tapō dīrghamātiṣṭhadgōkarṇē raghunandana৷৷

तस्य वर्षसहस्राणि घोरे तपसि तिष्ठत:।।

tasya varṣasahasrāṇi ghōrē tapasi tiṣṭhata:৷৷

।। अतीतानि महाबाहो तस्य राज्ञो महात्मन:। सुप्रीतो भगवान् ब्रह्मा प्रजानां पतिरीश्वर:।।

৷৷ atītāni mahābāhō tasya rājñō mahātmana:. suprītō bhagavān brahmā prajānāṅ patirīśvara:৷৷

ततस्सुरगणैस्सार्धमुपागम्य पितामह:। भगीरथं महात्मानं तप्यमानमथाब्रवीत्।।

tatassuragaṇaissārdhamupāgamya pitāmaha:. bhagīrathaṅ mahātmānaṅ tapyamānamathābravīt৷৷

भगीरथ महाभाग प्रीतस्तेऽहं जनेश्वर। तपसा च सुतप्तेन वरं वरय सुव्रत।।

bhagīratha mahābhāga! prītastē.haṅ janēśvara!. tapasā ca sutaptēna varaṅ varaya suvrata!৷৷

तमुवाच महातेजा: सर्वलोकपितामहम्। भगीरथो महाभाग: कृताञ्जलिरुपस्थित:।।

tamuvāca mahātējā: sarvalōkapitāmaham. bhagīrathō mahābhāga: kṛtāñjalirupasthita:৷৷

यदि मे भगवन् प्रीतो यद्यस्ति तपस: फलम्। सगरस्यात्मजास्सर्वे मत्तस्सलिलमाप्नुयु:।।

yadi mē bhagavan prītō yadyasti tapasa: phalam. sagarasyātmajāssarvē mattassalilamāpnuyu:৷৷

गङ्गायास्सलिलक्लिन्ने भस्मन्येषां महात्मनाम्। स्वर्गं गच्छेयुरत्यन्तं सर्वे मे प्रपितामहा:।।

gaṅgāyāssalilaklinnē bhasmanyēṣāṅ mahātmanām. svargaṅ gacchēyuratyantaṅ sarvē mē prapitāmahā:৷৷

देया च सन्ततिर्देव नावसीदेत्कुलं च न:। इक्ष्वाकूणां कुले देव एष मेऽस्तु वर:पर:।।

dēyā ca santatirdēva! nāvasīdētkulaṅ ca na:. ikṣvākūṇāṅ kulē dēva! ēṣa mē.stu vara:para:৷৷

उक्तवाक्यं तु राजानं सर्वलोकपितामह:। प्रत्युवाच शुभां वाणीं मधुरां मधुराक्षराम्।।

uktavākyaṅ tu rājānaṅ sarvalōkapitāmaha:. pratyuvāca śubhāṅ vāṇīṅ madhurāṅ madhurākṣarām৷৷

मनोरथो महानेष भगीरथ महारथ। एवं भवतु भद्रं ते इक्ष्वाकुकुलवर्धन।।

manōrathō mahānēṣa bhagīratha mahāratha!. ēvaṅ bhavatu bhadraṅ tē ikṣvākukulavardhana!৷৷

इयं हैमवती गङ्गा ज्येष्ठा हिमवतस्सुता। तां वै धारयितुं शक्तो हरस्तत्र नियुज्यताम्।।

iyaṅ haimavatī gaṅgā jyēṣṭhā himavatassutā. tāṅ vai dhārayituṅ śaktō harastatra niyujyatām৷৷

गङ्गाया: पतनं राजन् पृथिवी न सहिष्यति। तां वै धारयितुं वीर नान्यं पश्यामि शूलिन:।।

gaṅgāyā: patanaṅ rājan! pṛthivī na sahiṣyati. tāṅ vai dhārayituṅ vīra! nānyaṅ paśyāmi śūlina:৷৷

तमेवमुक्त्वा राजानं गङ्गां चाभाष्य लोककृत्। जगाम त्रिदिवं देवस्सहदेवैर्मरुद्गणै:।।

tamēvamuktvā rājānaṅ gaṅgāṅ cābhāṣya lōkakṛt. jagāma tridivaṅ dēvassahadēvairmarudgaṇai:৷৷