तां कथां कौशिको रामे निवेद्य कुशिकात्मज:। पुनरेवापरं वाक्यं काकुत्स्थ मिदमब्रवीत्।।

tāṅ kathāṅ kauśikō rāmē nivēdya kuśikātmaja:. punarēvāparaṅ vākyaṅ kākutstha midamabravīt৷৷

अयोध्याधिपति श्शूर: पूर्वमासीन्नराधिप:। सगरो नाम धर्मात्मा प्रजाकामस्स चाप्रज:।।

ayōdhyādhipati śśūra: pūrvamāsīnnarādhipa:. sagarō nāma dharmātmā prajākāmassa cāpraja:৷৷

वैदर्भदुहिता राम केशिनी नाम नामत:। ज्येष्ठा सगरपत्नी सा धर्मिष्ठा सत्यवादिनी।।

vaidarbhaduhitā rāma kēśinī nāma nāmata:. jyēṣṭhā sagarapatnī sā dharmiṣṭhā satyavādinī৷৷

अरिष्टनेमेर्दुहिता रूपेणाप्रतिमा भुवि। द्वितीया सगरस्यासीत्पत्नी सुमतिसंज्ञिता ।।

ariṣṭanēmērduhitā rūpēṇāpratimā bhuvi. dvitīyā sagarasyāsītpatnī sumatisaṅjñitā ৷৷

ताभ्यां सह महाराज: पत्नीभ्यां तप्तवांस्तप:। हिमवन्तं समासाद्य भृगुप्रस्रवणे गिरौ।।

tābhyāṅ saha mahārāja: patnībhyāṅ taptavāṅstapa:. himavantaṅ samāsādya bhṛguprasravaṇē girau৷৷

अथ वर्षशते पूर्णे तपसाऽराधितो मुनि:। सगराय वरं प्रादाद्भृगुस्सत्यवतां वर:।।

atha varṣaśatē pūrṇē tapasā.rādhitō muni:. sagarāya varaṅ prādādbhṛgussatyavatāṅ vara:৷৷

अपत्यलाभस्सुमहान् भविष्यति तवानघ। कीर्तिं चाप्रतिमां लोके प्राप्स्यसे पुरुषर्षभ।।

apatyalābhassumahān bhaviṣyati tavānagha!. kīrtiṅ cāpratimāṅ lōkē prāpsyasē puruṣarṣabha!৷৷

एका जनयिता तात पुत्रं वंशकरं तव। षष्ठिं पुत्रसहस्राणि अपरा जनयिष्यति।।

ēkā janayitā tāta! putraṅ vaṅśakaraṅ tava. ṣaṣṭhiṅ putrasahasrāṇi aparā janayiṣyati৷৷

भाषमाणं महात्मानं राजपुत्र्यौ प्रसाद्य तम्। ऊचतु: परमप्रीते कृताञ्जलिपुटे तदा।।

bhāṣamāṇaṅ mahātmānaṅ rājaputryau prasādya tam. ūcatu: paramaprītē kṛtāñjalipuṭē tadā৷৷

एक: कस्यास्सुतो ब्रह्मन् का बहून् जनयिष्यति। श्रोतुमिच्छावहे ब्रह्मन् सत्यमस्तु वचस्तव।।

ēka: kasyāssutō brahman kā bahūn janayiṣyati. śrōtumicchāvahē brahman! satyamastu vacastava৷৷

तयोस्तद्वचनं श्रुत्वा भृगु: परमधार्मिक:। उवाच परमां वाणीं स्वच्छन्दोऽत्र विधीयताम्।।

tayōstadvacanaṅ śrutvā bhṛgu: paramadhārmika:. uvāca paramāṅ vāṇīṅ svacchandō.tra vidhīyatām৷৷

एको वंशकरो वाऽस्तु बहवो वा महाबला:। कीर्तिमन्तो महोत्साहा: का वा कं वरमिच्छति।।

ēkō vaṅśakarō vā.stu bahavō vā mahābalā:. kīrtimantō mahōtsāhā: kā vā kaṅ varamicchati৷৷

मुनेस्तु वचनं श्रुत्वा केशिनी रघुनन्दन। पुत्रं वंशकरं राम जग्राह नृपसन्निधौ।।

munēstu vacanaṅ śrutvā kēśinī raghunandana. putraṅ vaṅśakaraṅ rāma jagrāha nṛpasannidhau৷৷

षष्ठिं पुत्रसहस्राणि सुपर्णभगिनी तदा। महोत्साहान् कीर्तिमतो जग्राह सुमति: सुतान्।।

ṣaṣṭhiṅ putrasahasrāṇi suparṇabhaginī tadā. mahōtsāhān kīrtimatō jagrāha sumati: sutān৷৷

प्रदक्षिणमृषिं कृत्वा शिरसाऽभिप्रणम्य च। जगाम स्वपुरं राजा सभार्यो रघुनन्दन ।।

pradakṣiṇamṛṣiṅ kṛtvā śirasā.bhipraṇamya ca. jagāma svapuraṅ rājā sabhāryō raghunandana! ৷৷

अथ काले गते तस्मिन् ज्येष्ठा पुत्रं व्यजायत। असमञ्ज इति ख्यातं केशिनी सगरात्मजम्।।

atha kālē gatē tasmin jyēṣṭhā putraṅ vyajāyata. asamañja iti khyātaṅ kēśinī sagarātmajam৷৷

सुमतिस्तु नरव्याघ्र गर्भतुम्बं व्यजायत। षष्ठि: पुत्रसहस्राणि तुम्बभेदाद्विनि:सृता:।।

sumatistu naravyāghra garbhatumbaṅ vyajāyata. ṣaṣṭhi: putrasahasrāṇi tumbabhēdādvini:sṛtā:৷৷

घृतपूर्णेषु कुम्भेषु धात्र्यस्तान् समवर्धयन्। कालेन महता सर्वे यौवनं प्रतिपेदिरे।।

ghṛtapūrṇēṣu kumbhēṣu dhātryastān samavardhayan. kālēna mahatā sarvē yauvanaṅ pratipēdirē৷৷

अथ दीर्घेण कालेन रूपयौवनशालिन:। षष्टि: पुत्रसहस्राणि सगरस्याभवंस्तदा।।

atha dīrghēṇa kālēna rūpayauvanaśālina:. ṣaṣṭi: putrasahasrāṇi sagarasyābhavaṅstadā৷৷

स च ज्येष्ठो नरश्रेष्ठ सगरस्यात्मसम्भव:। बालान् गृहीत्वा तु जले सरय्वा रघुनन्दन।।

sa ca jyēṣṭhō naraśrēṣṭha! sagarasyātmasambhava:. bālān gṛhītvā tu jalē sarayvā raghunandana!৷৷

एवं पापसमाचारस्सज्जनप्रतिबाधक:।।

ēvaṅ pāpasamācārassajjanapratibādhaka:৷৷

तस्य पुत्रोंऽशुमान्नाम असमञ्जस्य वीर्यवान्।।

tasya putrōṅ.śumānnāma asamañjasya vīryavān৷৷

तत: कालेन महता मतिस्समभिजायत।।

tata: kālēna mahatā matissamabhijāyata৷৷

स कृत्वा निश्चयं राम सोपाध्यायगणस्तदा।।

sa kṛtvā niścayaṅ rāma sōpādhyāyagaṇastadā৷৷