[Description of the four sons of Brahma and the dynasty of Kusanabha-- enraged Windgod turns the daughters of Kusanabha into humpedback ones. ब्रह्मयोनिर्महानासीत्कुशो नाम महातपा:। अक्लिष्टव्रतधर्मज्ञः सज्जनप्रतिपूजक:।।

[Description of the four sons of Brahma and the dynasty of Kusanabha-- enraged Wind-god turns the daughters of Kusanabha into humped-back ones. brahmayōnirmahānāsītkuśō nāma mahātapā:. akliṣṭavratadharmajñaḥ sajjanapratipūjaka:৷৷

स महात्मा कुलीनायां युक्तायां सुगुणोल्बणान्। वैदर्भ्यां जनयामास चतुरस्सदृशान् सुतान्।।

sa mahātmā kulīnāyāṅ yuktāyāṅ suguṇōlbaṇān. vaidarbhyāṅ janayāmāsa caturassadṛśān sutān৷৷

दीप्तियुक्तान् महोत्साहान् क्षत्रधर्मचिकीर्षया।।

dīptiyuktān mahōtsāhān kṣatradharmacikīrṣayā৷৷

क्रियतां पालनं पुत्रा: धर्मं प्राप्स्यथ पुष्कलम्।।

kriyatāṅ pālanaṅ putrā: dharmaṅ prāpsyatha puṣkalam৷৷

।। ऋषेस्तु वचनं श्रुत्वा चत्वारो लोकसम्मता:। निवेशं चक्रिरे सर्वे पुराणां नृवरास्तदा।।

৷৷ ṛṣēstu vacanaṅ śrutvā catvārō lōkasammatā:. nivēśaṅ cakrirē sarvē purāṇāṅ nṛvarāstadā৷৷

कुशाम्बस्तु महातेजा: कौशाम्बीमकरोत्पुरीम् । कुशनाभस्तु धर्मात्मा पुरं चक्रे महोदयम्।।

kuśāmbastu mahātējā: kauśāmbīmakarōtpurīm . kuśanābhastu dharmātmā puraṅ cakrē mahōdayam৷৷

अधूर्तरजसो राम धर्मारण्यं महीपति:। चक्रे पुरवरं राजा वसुश्चक्रे गिरिव्रजम्।।

adhūrtarajasō rāma! dharmāraṇyaṅ mahīpati:. cakrē puravaraṅ rājā vasuścakrē girivrajam৷৷

एषा वसुमती राम वसोस्तस्य महात्मन:। एते शैलवरा: पञ्च प्रकाशन्ते समन्तत:।।

ēṣā vasumatī rāma! vasōstasya mahātmana:. ētē śailavarā: pañca prakāśantē samantata:৷৷

सुमागधी नदी रम्या मगधान् विश्रुताययौ। पञ्चानां शैलमुख्यानां मध्ये मालेव शोभते।।

sumāgadhī nadī ramyā magadhān viśrutāyayau. pañcānāṅ śailamukhyānāṅ madhyē mālēva śōbhatē৷৷

सैषा हि मागधी राम वसोस्तस्य महात्मन:। पूर्वाभिचरिता राम सुक्षेत्रा सस्यमालिनी।।

saiṣā hi māgadhī rāma vasōstasya mahātmana:. pūrvābhicaritā rāma! sukṣētrā sasyamālinī৷৷

कुशनाभस्तु राजर्षि: कन्याशतमनुत्तमम्। जनयामास धर्मात्मा घृताच्यां रघुनन्दन।।

kuśanābhastu rājarṣi: kanyāśatamanuttamam. janayāmāsa dharmātmā ghṛtācyāṅ raghunandana!৷৷

तास्तु यौवनशालिन्यो रूपवत्य स्स्वलङ्कृता:। उद्यानभूमिमागम्य प्रावृषीव शतह्रदा:।।

tāstu yauvanaśālinyō rūpavatya ssvalaṅkṛtā:. udyānabhūmimāgamya prāvṛṣīva śatahradā:৷৷

।। गायन्त्यो नृत्यमानाश्च वादयन्त्यश्च सर्वश:। आमोदं परमं जग्मुर्वराभरणभूषिता:।।

৷৷ gāyantyō nṛtyamānāśca vādayantyaśca sarvaśa:. āmōdaṅ paramaṅ jagmurvarābharaṇabhūṣitā:৷৷

अथ ताश्चारुसर्वाङ्ग्यो रूपेणाप्रतिमा भुवि। उद्यानभूमिमागम्य तारा इव घनान्तरे।।

atha tāścārusarvāṅgyō rūpēṇāpratimā bhuvi. udyānabhūmimāgamya tārā iva ghanāntarē৷৷

तास्सर्वगुणसम्पन्ना रूपयौवनसंयुता:। दृष्ट्वा सर्वात्मको वायुरिदं वचनमब्रवीत्।।

tāssarvaguṇasampannā rūpayauvanasaṅyutā:. dṛṣṭvā sarvātmakō vāyuridaṅ vacanamabravīt৷৷

अहं व: कामये सर्वा भार्या मम भविष्यथ। मानुषस्त्यज्यतां भावः दीर्घमायुरवाप्स्यथ।।

ahaṅ va: kāmayē sarvā bhāryā mama bhaviṣyatha. mānuṣastyajyatāṅ bhāvaḥ dīrghamāyuravāpsyatha৷৷

चलं हि यौवनं नित्यं मानुषेषु विशेषत:। अक्षय्यं यौवनं प्राप्ताः अमर्यश्च भविष्यथ।।

calaṅ hi yauvanaṅ nityaṅ mānuṣēṣu viśēṣata:. akṣayyaṅ yauvanaṅ prāptāḥ amaryaśca bhaviṣyatha৷৷

तस्य तद्वचनं श्रुत्वा वायोरक्लिष्टकर्मण:। अपहास्य ततो वाक्यं कन्याशतमथाब्रवीत् ।।

tasya tadvacanaṅ śrutvā vāyōrakliṣṭakarmaṇa:. apahāsya tatō vākyaṅ kanyāśatamathābravīt ৷৷

अन्तश्चरसि भूतानां सर्वेषां त्वं सुरोत्तम । प्रभावज्ञा: स्म ते सर्वा: किमस्मानवमन्यसे।।

antaścarasi bhūtānāṅ sarvēṣāṅ tvaṅ surōttama! . prabhāvajñā: sma tē sarvā: kimasmānavamanyasē৷৷

कुशनाभसुतास्सर्वा: समर्थास्त्वां सुरोत्तम। स्थानाच्च्यावयितुं देवं रक्षामस्तु तपो वयम्।।

kuśanābhasutāssarvā: samarthāstvāṅ surōttama!. sthānāccyāvayituṅ dēvaṅ rakṣāmastu tapō vayam৷৷

माभूत्स कालो दुर्मेध: पितरं सत्यवादिनम्। नावमन्यस्व धर्मेण स्वयं वरमुपास्महे।।

mābhūtsa kālō durmēdha: pitaraṅ satyavādinam. nāvamanyasva dharmēṇa svayaṅ varamupāsmahē৷৷

पिता हि प्रभुरस्माकं दैवतं परमं हि न:। यस्य नो दास्यति पिता स नो भर्ता भविष्यति।।

pitā hi prabhurasmākaṅ daivataṅ paramaṅ hi na:. yasya nō dāsyati pitā sa nō bhartā bhaviṣyati৷৷

तासां तद्वचनं श्रुत्वा वायु: परमकोपन:। प्रविश्य सर्वगात्राणि बभञ्ज भगवान् प्रभु:।।

tāsāṅ tadvacanaṅ śrutvā vāyu: paramakōpana:. praviśya sarvagātrāṇi babhañja bhagavān prabhu:৷৷

ता: कन्या वायुना भग्ना विविशुर्नृपतेर्गृहम्। प्रापतन् भुवि सम्भ्रान्तास्सलज्जा स्सास्रलोचना:।।

tā: kanyā vāyunā bhagnā viviśurnṛpatērgṛham. prāpatan bhuvi sambhrāntāssalajjā ssāsralōcanā:৷৷

स च ता दयिता दीना: कन्या: परमशोभना:। दृष्ट्वा भग्नास्तदा राजा सम्भ्रान्त इदमब्रवीत्।।

sa ca tā dayitā dīnā: kanyā: paramaśōbhanā:. dṛṣṭvā bhagnāstadā rājā sambhrānta idamabravīt৷৷

किमिदं कथ्यतां पुत्र्य: को धर्ममवमन्यते। कुब्जा: केन कृता: सर्वा वेष्टन्त्यो नाभिभाषथ। एवं राजा विनिश्श्वस्य समाधिं सन्दधे तत:।।

kimidaṅ kathyatāṅ putrya: kō dharmamavamanyatē. kubjā: kēna kṛtā: sarvā vēṣṭantyō nābhibhāṣatha. ēvaṅ rājā viniśśvasya samādhiṅ sandadhē tata:৷৷