[Sumantra narrates the manner in which Rsyasringa was brought to Anga--Romapada sends courtesans to lure Rsyasringa and to get him to faminestricken Anga--rains follow ending famine Rsyasringa marries Santa, daughter of Romapada.] सुमन्त्रश्चोदितो राज्ञा प्रोवाचेदं वचस्तदा। यथर्श्यशृङ्गस्त्वानीत श्श्रुणु मे मन्त्रिभिस्सह।।

[Sumantra narrates the manner in which Rsyasringa was brought to Anga--Romapada sends courtesans to lure Rsyasringa and to get him to famine-stricken Anga--rains follow ending famine- Rsyasringa marries Santa, daughter of Romapada.] sumantraścōditō rājñā prōvācēdaṅ vacastadā. yatharśyaśṛṅgastvānīta śśruṇu mē mantribhissaha৷৷

रोमपादमुवाचेदं सहामात्य: पुरोहित:। उपायो निरपायोऽयमस्माभिरभिचिन्तित:।।

rōmapādamuvācēdaṅ sahāmātya: purōhita:. upāyō nirapāyō.yamasmābhirabhicintita:৷৷

ऋश्यशृङ्गो वनचरस्तपस्स्वाध्ययने रत:। अनभिज्ञस्स नारीणां विषयाणां सुखस्य च।

ṛśyaśṛṅgō vanacarastapassvādhyayanē rata:. anabhijñassa nārīṇāṅ viṣayāṇāṅ sukhasya ca.

इन्द्रियार्थैरभिमतैर्नरचित्तप्रमाथिभि: । पुरमानाययिष्याम: क्षिप्रं चाध्यवसीयताम्।।

indriyārthairabhimatairnaracittapramāthibhi: . puramānāyayiṣyāma: kṣipraṅ cādhyavasīyatām৷৷

गणिकास्तत्र गच्छन्तु रूपवत्यस्स्वलङ्कृता:। प्रलोभ्य विविधोपायैरानेष्यन्तीह सत्कृता:।।

gaṇikāstatra gacchantu rūpavatyassvalaṅkṛtā:. pralōbhya vividhōpāyairānēṣyantīha satkṛtā:৷৷

श्रुत्वा तथेति राजा च प्रत्युवाच पुरोहितम्। पुरोहितो मन्त्रिणश्च तथा चक्रुश्च ते तदा।।

śrutvā tathēti rājā ca pratyuvāca purōhitam. purōhitō mantriṇaśca tathā cakruśca tē tadā৷৷

वारमुख्याश्च तच्छ्रुत्वा वनं प्रविविशुर्महत्। आश्रमस्याविदूरेऽस्मिन् यत्नं कुर्वन्ति दर्शने।।

vāramukhyāśca tacchrutvā vanaṅ praviviśurmahat. āśramasyāvidūrē.smin yatnaṅ kurvanti darśanē৷৷

पितुस्सनित्यसन्तुष्टो नातिचक्राम चाश्रमात्।।

pitussanityasantuṣṭō nāticakrāma cāśramāt৷৷

।। न तेन जन्मप्रभृति दृष्टपूर्वं तपस्विना। स्त्री वा पुमान्वा यच्चान्यत्सर्वं नगरराष्ट्रजम्।।

৷৷ na tēna janmaprabhṛti dṛṣṭapūrvaṅ tapasvinā. strī vā pumānvā yaccānyatsarvaṅ nagararāṣṭrajam৷৷

तत: कदाचित्तं देशमाजगाम यदृच्छया। विभण्डकसुतस्तत्र ताश्चापश्यद्वराङ्गना:।।

tata: kadācittaṅ dēśamājagāma yadṛcchayā. vibhaṇḍakasutastatra tāścāpaśyadvarāṅganā:৷৷

ताश्चित्रवेषा: प्रमदा गायन्त्यो मधुरस्वरा:। ऋषिपुत्रमुपागम्य सर्वा वचनमब्रुवन्।।

tāścitravēṣā: pramadā gāyantyō madhurasvarā:. ṛṣiputramupāgamya sarvā vacanamabruvan৷৷

कस्त्वं किं वर्तसे ब्रह्मन् ज्ञातुमिच्छामहे वयम्। एकस्त्वं विजने घोरे वने चरसि शंस न:।।

kastvaṅ kiṅ vartasē brahman jñātumicchāmahē vayam. ēkastvaṅ vijanē ghōrē vanē carasi śaṅsa na:৷৷

अदृष्टरूपास्तास्तेन काम्यरूपा वने स्त्रिय:। हार्दात्तस्य मतिर्जाता व्याख्यातुं पितरं स्वकम्।।

adṛṣṭarūpāstāstēna kāmyarūpā vanē striya:. hārdāttasya matirjātā vyākhyātuṅ pitaraṅ svakam৷৷

पिता विभण्डकोऽस्माकं तस्याहं सुत औरस:। ऋश्यशृङ्ग इति ख्यातं नाम कर्म च मे भुवि।।

pitā vibhaṇḍakō.smākaṅ tasyāhaṅ suta aurasa:. ṛśyaśṛṅga iti khyātaṅ nāma karma ca mē bhuvi৷৷

इहाश्रमपदोऽस्माकं समीपे शुभदर्शना:। करिष्ये वोऽत्र पूजां वै सर्वेषां विधिपूर्वकम्।।

ihāśramapadō.smākaṅ samīpē śubhadarśanā:. kariṣyē vō.tra pūjāṅ vai sarvēṣāṅ vidhipūrvakam৷৷

ऋषिपुत्रवचश्श्रुत्वा सर्वासां मतिरास वै। तदाश्रमपदं द्रष्टुं जग्मुस्सर्वाश्च तेन ता:।।

ṛṣiputravacaśśrutvā sarvāsāṅ matirāsa vai. tadāśramapadaṅ draṣṭuṅ jagmussarvāśca tēna tā:৷৷

आगतानां तत: पूजामृषिपुत्रश्चकार ह। इदमर्घ्यमिदं पाद्यमिदं मूलमिदं फलं च न:।।

āgatānāṅ tata: pūjāmṛṣiputraścakāra ha. idamarghyamidaṅ pādyamidaṅ mūlamidaṅ phalaṅ ca na:৷৷

प्रतिगृह्य च तां पूजां सर्वा एव समुत्सुका:। ऋषेर्भीताश्च शीघ्रं ता गमनाय मतिं दधु:।।

pratigṛhya ca tāṅ pūjāṅ sarvā ēva samutsukā:. ṛṣērbhītāśca śīghraṅ tā gamanāya matiṅ dadhu:৷৷

अस्माकमपि मुख्यानि फलानीमानि वै द्विज । गृहाण प्रति भद्रं ते भक्षयस्व च मा चिरम्।।

asmākamapi mukhyāni phalānīmāni vai dvija . gṛhāṇa prati bhadraṅ tē bhakṣayasva ca mā ciram৷৷

ततस्तास्तं समालिङ्ग्य सर्वा हर्षसमन्विता:। मोदकान्प्रददुस्तस्मै भक्ष्यांश्च विविधान् बहून्।।

tatastāstaṅ samāliṅgya sarvā harṣasamanvitā:. mōdakānpradadustasmai bhakṣyāṅśca vividhān bahūn৷৷

तानि चास्वाद्य तेजस्वी फलानीति स्म मन्यते। अनास्वादितपूर्वाणि वने नित्यनिवासिनाम्।।

tāni cāsvādya tējasvī phalānīti sma manyatē. anāsvāditapūrvāṇi vanē nityanivāsinām৷৷

आपृच्छ्य च तदा विप्रं व्रतचर्यां निवेद्य च। गच्छन्ति स्मापदेशात्ता भीतास्तस्य पितुस्स्त्रिय:।।

āpṛcchya ca tadā vipraṅ vratacaryāṅ nivēdya ca. gacchanti smāpadēśāttā bhītāstasya pitusstriya:৷৷

गतासु तासु सर्वासु काश्यपस्यात्मजो द्विज:। अस्वस्थहृदयश्चासीद्दु:खं स्म परिवर्तते।।

gatāsu tāsu sarvāsu kāśyapasyātmajō dvija:. asvasthahṛdayaścāsīddu:khaṅ sma parivartatē৷৷

ततोऽपरेद्युस्तं देशमाजगाम स वीर्यवान्। मनोज्ञा यत्र ता दृष्टा वारमुख्यास्स्वलङ्कृताः।।

tatō.parēdyustaṅ dēśamājagāma sa vīryavān. manōjñā yatra tā dṛṣṭā vāramukhyāssvalaṅkṛtāḥ৷৷

दृष्ट्वैव च तास्तदा विप्रमायान्तं हृष्टमानसा:। उपसृत्य ततस्सर्वास्तास्तमूचुरिदं वच:।।

dṛṣṭvaiva ca tāstadā vipramāyāntaṅ hṛṣṭamānasā:. upasṛtya tatassarvāstāstamūcuridaṅ vaca:৷৷

एह्याश्रमपदं सौम्य ह्यस्माकमिति चाब्रुवन्। तत्राप्येष विधिश्श्रीमान् विशेषेण भविष्यति।।

ēhyāśramapadaṅ saumya! hyasmākamiti cābruvan. tatrāpyēṣa vidhiśśrīmān viśēṣēṇa bhaviṣyati৷৷

श्रुत्वा तु वचनं तासां सर्वासां हृदयङ्गमम्। गमनाय मतिं चक्रे तं च निन्युस्तदा स्त्रिय:।।

śrutvā tu vacanaṅ tāsāṅ sarvāsāṅ hṛdayaṅgamam. gamanāya matiṅ cakrē taṅ ca ninyustadā striya:৷৷

तत्र चानीयमाने तु विप्रे तस्मिन्महात्मनि। ववर्ष सहसा देवो जगत्प्रह्लादयंस्तदा।।

tatra cānīyamānē tu viprē tasminmahātmani. vavarṣa sahasā dēvō jagatprahlādayaṅstadā৷৷

वर्षेणैवागतं विप्रं विषयं स्वं नराधिप:। प्रत्युद्गम्य मुनिं प्रह्वश्शिरसा च महीं गत:।।

varṣēṇaivāgataṅ vipraṅ viṣayaṅ svaṅ narādhipa:. pratyudgamya muniṅ prahvaśśirasā ca mahīṅ gata:৷৷

अर्घ्यं च प्रददौ तस्मै न्यायतस्सुसमाहित:। वव्रे प्रसादं विप्रेन्द्रान्मा विप्रं मन्युराविशेत्।।

arghyaṅ ca pradadau tasmai nyāyatassusamāhita:. vavrē prasādaṅ viprēndrānmā vipraṅ manyurāviśēt৷৷

अन्त:पुरं प्रविश्यास्मै कन्यां दत्त्वा यथाविधि। शान्तां शान्तेन मनसा राजा हर्षमवाप स:।।

anta:puraṅ praviśyāsmai kanyāṅ dattvā yathāvidhi. śāntāṅ śāntēna manasā rājā harṣamavāpa sa:৷৷