पवस्व वृष्टिमा सु नोऽपामूर्मिं दिवस्परि । अयक्ष्मा बृहतीरिषः

pavasva vR^iShTimA su no.apAmUrmiM divaspari | ayakShmA bR^ihatIriShaH

तया पवस्व धारया यया गाव इहागमन । जन्यास उप नो गृहम

tayA pavasva dhArayA yayA gAva ihAgaman | janyAsa upa no gR^iham

घृतं पवस्व धारया यज्ञेषु देववीतमः । अस्मभ्यं वृष्टिमा पव

ghR^itaM pavasva dhArayA yaj~neShu devavItamaH | asmabhyaM vR^iShTimA pava

स न ऊर्जे व्या3व्ययं पवित्रं धाव धारया । देवासः शृणवन्हि कम

sa na Urje vyA3vyayaM pavitraM dhAva dhArayA | devAsaH shR^iNavanhi kam

पवमानो असिष्यदद्रक्षांस्यपजङ्घनत । प्रत्नवद्रोच्हयन्रुच्हः

pavamAno asiShyadadrakShA.Nsyapaja~Nghanat | pratnavadrochayanruchaH

प्रत्यस्मै पिपीषते विश्वानि विदुषे भर । अरङ्गमाय जग्मयेऽपश्च्हादध्वने नरः

pratyasmai pipIShate vishvAni viduShe bhara | ara~NgamAya jagmaye.apashchAdadhvane naraH

एमेनं प्रत्येतन सोमेभिः सोमपातमम । अमत्रेभिरृजीषिणमिन्द्रं सुतेभिरिन्दुभिः

emenaM pratyetana somebhiH somapAtamam | amatrebhirR^ijIShiNamindra.N sutebhirindubhiH

यदी सुतेभिरिन्दुभिः सोमेभिः प्रतिभूषथ । वेदा विश्वस्य मेधिरो धृषत्तन्तमिदेषते

yadI sutebhirindubhiH somebhiH pratibhUShatha | vedA vishvasya medhiro dhR^iShattantamideShate

अस्मास्मा इदन्धसोऽध्वर्यो प्र भरा सुतम । कुवित्समस्य जेन्यस्य शर्धतोऽभिशस्तेरवस्वरत

asmAsmA idandhaso.adhvaryo pra bharA sutam | kuvitsamasya jenyasya shardhato.abhishasteravasvarat

बभ्रवे नु स्वतवसेऽरुणाय दिविस्पृशे । सोमाय गाथमर्च्हत

babhrave nu svatavase.aruNAya divispR^ishe | somAya gAthamarchata

हस्तच्ह्युतेभिरद्रिभिः सुतं सोमं पुनीतन । मधावा धावता मधु

hastachyutebhiradribhiH suta.N somaM punItana | madhAvA dhAvatA madhu

नमसेदुप सीदत दध्नेदभि श्रीणीतन । इन्दुमिन्द्रे दधातन

namasedupa sIdata dadhnedabhi shrINItana | indumindre dadhAtana

अमित्रहा विच्हर्षणिः पवस्व सोम शं गवे । देवेभ्यो अनुकामकृत

amitrahA vicharShaNiH pavasva soma shaM gave | devebhyo anukAmakR^it

इन्द्राय सोम पातवे मदाय परि षिच्ह्यसे । मनश्च्हिन्मनसस्पतिः

indrAya soma pAtave madAya pari Shichyase | manashchinmanasaspatiH

पवमान सुवीर्यं रयिं सोम रिरीहि नः । इन्दविन्द्रेण नो युजा

pavamAna suvIrya.N rayi.N soma rirIhi naH | indavindreNa no yujA

उद्धेदभि श्रुतामघं वृषमं नर्यापसम । अस्तारमेषि सूर्य

uddhedabhi shrutAmaghaM vR^iShamaM naryApasam | astArameShi sUrya

नव यो नवतिं पुरो बिभेद बाह्वोजसा । अहिं च्ह वृत्रहावधीत

nava yo navatiM puro bibheda bAhvojasA | ahiM cha vR^itrahAvadhIt

स न इन्द्रः शिवः सखाश्वावद्गोमद्यवमत । उरुधारेव दोहते

sa na indraH shivaH sakhAshvAvadgomadyavamat | urudhAreva dohate

विभ्राड बृहत्पिबतु सोम्यं मध्वायुर्दधद्यज्ञपतावविह्रुतम । वातजूतो यो अभिरक्षति त्मना प्रजाः पिपर्ति बहुधा वि राजति

vibhrAD bR^ihatpibatu somyaM madhvAyurdadhadyaj~napatAvavihrutam | vAtajUto yo abhirakShati tmanA prajAH piparti bahudhA vi rAjati

विभ्राड बृहत्सुभृतं वाजसातमं धर्मं दिवो धरुणे सत्यमर्पितम । अमित्रहा वृत्रहा दस्युहन्तमं ज्योतिर्जज्ञे असुरहा सपत्नहा

vibhrAD bR^ihatsubhR^itaM vAjasAtamaM dharmaM divo dharuNe satyamarpitam | amitrahA vR^itrahA dasyuhantamaM jyotirjaj~ne asurahA sapatnahA

इदं श्रेष्ठं ज्योतिषां ज्योतिरुत्तमं विश्वजिद्धनजिदुच्ह्यते बृहत । विश्वभ्राड भ्राजो महि सूर्यो दृश उरु पप्रथे सह ओजो अच्ह्युतम

ida.N shreShThaM jyotiShAM jyotiruttamaM vishvajiddhanajiduchyate bR^ihat | vishvabhrAD bhrAjo mahi sUryo dR^isha uru paprathe saha ojo achyutam

इन्द्र क्रतुं न आ भर पिता पुत्रेभ्यो यथा । शिक्षा णो अस्मिन्पुरुहूत यामनि जीव ज्योतिरशीमहि

indra kratuM na A bhara pitA putrebhyo yathA | shikShA No asminpuruhUta yAmani jIva jyotirashImahi

मा नो अज्ञाता वृजना दुराध्यो3 माशिवासोऽव क्रमुः । त्वया वयं प्रवतः शश्वतीरपोऽति शूर तरामसि

mA no aj~nAtA vR^ijanA durAdhyo3 mAshivAso.ava kramuH | tvayA vayaM pravataH shashvatIrapo.ati shUra tarAmasi

अद्याद्या श्वःश्व इन्द्र त्रास्व परे च्ह नः । विश्वा च्ह नो जरितॄन्त्सत्पते अहा दिवा नक्तं च्ह रक्षिषः

adyAdyA shvaHshva indra trAsva pare cha naH | vishvA cha no jaritR^Intsatpate ahA divA naktaM cha rakShiShaH

प्रभङ्गी शूरो मघवा तुवीमघः सम्मिश्लो विर्याय कम । उभा ते बाहू वृषणा शतक्रतो नि या वज्रं मिमिक्षतुः

prabha~NgI shUro maghavA tuvImaghaH sammishlo viryAya kam | ubhA te bAhU vR^iShaNA shatakrato ni yA vajraM mimikShatuH

जनीयन्तो न्वग्रवः पुत्रीयन्तः सुदानवः । सरस्वन्तं हवामहे

janIyanto nvagravaH putrIyantaH sudAnavaH | sarasvanta.N havAmahe

उत नः प्रिया प्रियासु सप्तस्वसा सुजुष्टा । सरस्वती स्तोम्या भूत

uta naH priyA priyAsu saptasvasA sujuShTA | sarasvatI stomyA bhUt

तत्सवितुर्वरेण्यं भर्गो देवस्य धीमहि । धियो यो नः प्रच्होदयात

tatsaviturvareNyaM bhargo devasya dhImahi | dhiyo yo naH prachodayAt

कक्षीवन्तं य औशिजः

kakShIvanta.N ya aushijaH

आरे बाधस्व दुच्ह्छुनाम

Are bAdhasva duchChunAm

ता नः शक्तं पार्थिवस्य महो रायो दिव्यस्य । महि वा क्षत्रं देवेषु

tA naH shaktaM pArthivasya maho rAyo divyasya | mahi vA kShatraM deveShu

ऋतमृतेन सपन्तेषिरं दक्षमाशाते । अद्रुहा देवौ वर्धेते

R^itamR^itena sapanteShiraM dakShamAshAte | adruhA devau vardhete

वृष्टिद्यावा रीत्यापेषस्पती दानुमत्याः । बृहन्तं गर्त्तमाशाते

vR^iShTidyAvA rItyApeShaspatI dAnumatyAH | bR^ihantaM garttamAshAte

युञ्जन्ति ब्रध्नमरुषं च्हरन्तं परि तस्थुषः । रोच्हन्ते रोच्हना दिवि

yu~njanti bradhnamaruShaM charantaM pari tasthuShaH | rochante rochanA divi

युञ्जन्त्यस्य काम्या हरी विपक्षसा रथे । शोणा धृष्णू नृवाहसा

yu~njantyasya kAmyA harI vipakShasA rathe | shoNA dhR^iShNU nR^ivAhasA

केतुं कृण्वन्नकेतवे पेशो मर्या अपेशसे । समुषद्भिरजायथाः

ketuM kR^iNvannaketave pesho maryA apeshase | samuShadbhirajAyathAH

अयं सोम इन्द्र तुभ्यं सुन्वे तुभ्यं पवते त्वमस्य पाहि । त्वं ह यं च्हकृषे त्वं ववृष इन्दुं मदाय युज्याय सोमम

aya.N soma indra tubhya.N sunve tubhyaM pavate tvamasya pAhi | tva.N ha yaM chakR^iShe tvaM vavR^iSha induM madAya yujyAya somam

स ईं रथो न भुरिषाडयोजि महः पुरूणि सातये वसूनि । आदीं विश्वा नहुष्याणि जाता स्वर्षाता वन ऊर्ध्वा नवन्त

sa I.N ratho na bhuriShADayoji mahaH purUNi sAtaye vasUni | AdIM vishvA nahuShyANi jAtA svarShAtA vana UrdhvA navanta

शुष्मी शर्धो न मारुतं पवस्वानभिशस्ता दिव्या यथा विट । आपो न मक्षू सुमतिर्भवा नः सहस्राप्साः पृतनाषाण्न यज्ञः

shuShmI shardho na mArutaM pavasvAnabhishastA divyA yathA viT | Apo na makShU sumatirbhavA naH sahasrApsAH pR^itanAShANna yaj~naH

त्वमग्ने यज्ञानां होता विश्वेषां हितः । देवेभिर्मानुषे जने

tvamagne yaj~nAnA.N hotA vishveShA.N hitaH | devebhirmAnuShe jane

स नो मन्द्राभिरध्वरे जिह्वाभिर्यजा महः । आ देवान्वक्षि यक्षि च्ह

sa no mandrAbhiradhvare jihvAbhiryajA mahaH | A devAnvakShi yakShi cha

वेत्था हि वेधो अध्वनः पथश्च्ह देवाञ्जसा । अग्ने यज्ञेषु सुक्रतो

vetthA hi vedho adhvanaH pathashcha devA~njasA | agne yaj~neShu sukrato

होता देवो अमर्त्यः पुरस्तादेति मायया । विदथानि प्रच्होदयन

hotA devo amartyaH purastAdeti mAyayA | vidathAni prachodayan

वाजी वाजेषु धीयतेऽध्वरेषु प्र णीयते । विप्रो यज्ञस्य साधनः

vAjI vAjeShu dhIyate.adhvareShu pra NIyate | vipro yaj~nasya sAdhanaH

धिया च्हक्रे वरेण्यो भूतानां गर्भमा दधे । दक्षस्य पितरं तना

dhiyA chakre vareNyo bhUtAnAM garbhamA dadhe | dakShasya pitaraM tanA

आ सुते सिञ्च्हत श्रियं रोदस्योरभिश्रियम । रसा दधीत वृषभम

A sute si~nchata shriya.N rodasyorabhishriyam | rasA dadhIta vR^iShabham

ते जानत स्वमोक्या3ं सं वत्सासो न मातृभिः । मिथो नसन्त जामिभिः

te jAnata svamokyA3.N saM vatsAso na mAtR^ibhiH | mitho nasanta jAmibhiH

उप स्रक्वेषु बप्सतः कृण्वते धरुणं दिवि । इन्द्रे अग्ना नमः स्वः

upa srakveShu bapsataH kR^iNvate dharuNaM divi | indre agnA namaH svaH

तदिदास भुवनेषु ज्येष्टं यतो जज्ञा उग्रस्त्वेषनृम्णः । सद्यो जज्ञानो नि रिणाति शत्रूननु यं विश्वे मदन्त्यूमाः

tadidAsa bhuvaneShu jyeShTaM yato jaj~nA ugrastveShanR^imNaH | sadyo jaj~nAno ni riNAti shatrUnanu yaM vishve madantyUmAH

वावृधानः शवसा भूर्योजाः शत्रुर्दासाय भियसं दधाति । अव्यनच्ह्च्ह व्यनच्ह्च्ह सस्नि सं ते नवन्त प्रभृता मदेषु

vAvR^idhAnaH shavasA bhUryojAH shatrurdAsAya bhiyasaM dadhAti | avyanachcha vyanachcha sasni saM te navanta prabhR^itA madeShu

त्वे क्रतुमपि वृञ्जन्ति विश्वे द्विर्यदेते त्रिर्भवन्त्यूमाः । स्वादोः स्वादीयः स्वादुना सृजा समदः सु मधु मधुनाभि योधीः

tve kratumapi vR^i~njanti vishve dviryadete trirbhavantyUmAH | svAdoH svAdIyaH svAdunA sR^ijA samadaH su madhu madhunAbhi yodhIH

त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम । स ईं ममाद महि कर्म कर्तवे महामुरुं सैनं सश्च्हद्देवो देवं सत्य इन्दुः सत्यमिन्द्रम

trikadrukeShu mahiSho yavAshiraM tuvishuShmastR^impatsomamapibadviShNunA sutaM yathAvasham | sa IM mamAda mahi karma kartave mahAmuru.N saina.N sashchaddevo deva.N satya induH satyamindram

साकं जातः क्रतुना साकमोजसा ववक्षिथ साकं वृद्धो वीर्यैः सासहिर्मृधो विच्हर्षणिः । दाता राध स्तुवते काम्यं वसु प्रच्हेतन सैनं सश्च्हद्देवो देवं सत्य इन्दुः सत्यमिन्द्रम

sAkaM jAtaH kratunA sAkamojasA vavakShitha sAkaM vR^iddho vIryaiH sAsahirmR^idho vicharShaNiH | dAtA rAdha stuvate kAmyaM vasu prachetana saina.N sashchaddevo deva.N satya induH satyamindram

अध त्विषीमां अभ्योजसा कृविं युधाभवदा रोदसी अपृणदस्य मज्मना प्र वावृधे । अधत्तान्यं जठरे प्रेमरिच्ह्यत प्र च्हेतय सैनं सश्च्हद्देवो देवं सत्य इन्दुः सत्यमिन्द्रम

adha tviShImA.N abhyojasA kR^iviM yudhAbhavadA rodasI apR^iNadasya majmanA pra vAvR^idhe | adhattAnyaM jaThare premarichyata pra chetaya saina.N sashchaddevo deva.N satya induH satyamindram