सूत उवाच । अथ वैदिकभक्तानां पार्थिवार्चां निगद्यते । वैदिकेनैव मार्गेण भुक्तिमुक्तिप्रदायिनी १ ।

sUta uvAca । atha vaidikabhaktAnAM pArthivArcAM nigadyate । vaidikenaiva mArgeNa bhuktimuktipradAyinI 1 ।

सूत्रोक्तविधिना स्नात्वा संध्यां कृत्वा यथाविधि । ब्रह्मयज्ञं विधायादौ ततस्तर्प्पणमाचरेत् २ ।

sUtroktavidhinA snAtvA saMdhyAM kRtvA yathAvidhi । brahmayajJaM vidhAyAdau tatastarppaNamAcaret 2 ।

नैत्यिकं सकलं कामं विधायानंतरं पुमान् । शिवस्मरणपूर्वं हि भस्मरुद्रा क्षधारकः ३ ।

naityikaM sakalaM kAmaM vidhAyAnaMtaraM pumAn । zivasmaraNapUrvaM hi bhasmarudrA kSadhArakaH 3 ।

वेदोक्ताविधिना सम्यक्संपूर्णफलसिद्धये । पूजयेत्परया भक्त्या पार्थिवं लिंगमुत्तमम् ४ ।

vedoktAvidhinA samyaksaMpUrNaphalasiddhaye । pUjayetparayA bhaktyA pArthivaM liMgamuttamam 4 ।

नदीतीरे तडागे च पर्वते काननेऽपि च । शिवालये शुचौ देशे पार्थिवार्चा विधीयते ५ ।

nadItIre taDAge ca parvate kAnane'pi ca । zivAlaye zucau deze pArthivArcA vidhIyate 5 ।

शुद्धप्रदेशसंभूतां मृदमाहृत्य यत्नतः । शिवलिंगं प्रकल्पेत सावधानतया द्विजाः ६ ।

zuddhapradezasaMbhUtAM mRdamAhRtya yatnataH । zivaliMgaM prakalpeta sAvadhAnatayA dvijAH 6 ।

विप्रे गौरा स्मृता शोणा बाहुजे पीतवर्णका । वैश्ये कृष्णा पादजाते ह्यथवा यत्र या भवेत् ७ ।

vipre gaurA smRtA zoNA bAhuje pItavarNakA । vaizye kRSNA pAdajAte hyathavA yatra yA bhavet 7 ।

संगृह्य मृत्तिकां लिंगनिर्माणार्थं प्रयत्नतः । अतीव शुभदेशे च स्थापयेत्तां मृदं शुभाम् ८ ।

saMgRhya mRttikAM liMganirmANArthaM prayatnataH । atIva zubhadeze ca sthApayettAM mRdaM zubhAm 8 ।

संशोध्य च जलेनापि पिंडीकृत्य शनैः शनैः । विधीयेत शुभं लिंगं पार्थिवं वेदमार्गतः ९ ।

saMzodhya ca jalenApi piMDIkRtya zanaiH zanaiH । vidhIyeta zubhaM liMgaM pArthivaM vedamArgataH 9 ।

ततः संपूजयेद्भक्त्या भुक्तिमुक्तिफलाप्तये । तत्प्रकारमहं वच्मि शृणुध्वं संविधानतः 1-20-१० ।

tataH saMpUjayedbhaktyA bhuktimuktiphalAptaye । tatprakAramahaM vacmi zRNudhvaM saMvidhAnataH 1-20-10 ।

नमः शिवाय मंत्रेणार्चनद्र व्यं च प्रोक्षयेत् । भूरसीति च मंत्रेण क्षेत्रसिद्धिं प्रकारयेत् ११ ।

namaH zivAya maMtreNArcanadra vyaM ca prokSayet । bhUrasIti ca maMtreNa kSetrasiddhiM prakArayet 11 ।

आपोस्मानिति मंत्रेण जलसंस्कारमाचरेत् । नमस्ते रुद्र मंत्रेण फाटिकाबंधमुच्यते १२ ।

AposmAniti maMtreNa jalasaMskAramAcaret । namaste rudra maMtreNa phATikAbaMdhamucyate 12 ।

शंभवायेति मंत्रेण क्षेत्रशुद्धिं प्रकारयेत् । नमः पूर्वेण कुर्यात्पंचामृतस्यापि प्रोक्षणम् १३ ।

zaMbhavAyeti maMtreNa kSetrazuddhiM prakArayet । namaH pUrveNa kuryAtpaMcAmRtasyApi prokSaNam 13 ।

नीलग्रीवाय मंत्रेण नमःपूर्वेण भक्तिमान् । चरेच्छंकरलिंगस्य प्रतिष्ठापनमुत्तमम् १४ ।

nIlagrIvAya maMtreNa namaHpUrveNa bhaktimAn । carecchaMkaraliMgasya pratiSThApanamuttamam 14 ।

भक्तितस्तत एतत्ते रुद्रा येति च मंत्रतः । आसनं रमणीयं वै दद्याद्वैदिकमार्गकृत् १५ ।

bhaktitastata etatte rudrA yeti ca maMtrataH । AsanaM ramaNIyaM vai dadyAdvaidikamArgakRt 15 ।

मानो महन्तमिति च मंत्रेणावाहनं चरेत् । याते रुद्रे ण मंत्रेण संचरेदुपवेशनम् १६ ।

mAno mahantamiti ca maMtreNAvAhanaM caret । yAte rudre Na maMtreNa saMcaredupavezanam 16 ।

मंत्रेण यामिषुमिति न्यासं कुर्य्याच्छिवस्य च । अध्यवोचदिति प्रेम्णाधिवासं मनुनाचरेत् १७ ।

maMtreNa yAmiSumiti nyAsaM kuryyAcchivasya ca । adhyavocaditi premNAdhivAsaM manunAcaret 17 ।

मनुना सौजीव इति देवतान्यासमाचरेत् । असौ योवसर्पतीति चाचरेदपसर्पणम् १८ ।

manunA saujIva iti devatAnyAsamAcaret । asau yovasarpatIti cAcaredapasarpaNam 18 ।

नमोस्तु नीलग्रीवायेति पाद्यं मनुनाहरेत् । अर्घ्यं च रुद्र गायत्र्! याऽचमनं त्र्! यंबकेण च १९ ।

namostu nIlagrIvAyeti pAdyaM manunAharet । arghyaM ca rudra gAyatr! yA'camanaM tr! yaMbakeNa ca 19 ।

पयः पृथिव्यामिति च पयसा स्नानमाचरेत् । दधिक्राव्णेतिमंत्रेण दधिस्नानं च कारयेत् 1-20-२० ।

payaH pRthivyAmiti ca payasA snAnamAcaret । dadhikrAvNetimaMtreNa dadhisnAnaM ca kArayet 1-20-20 ।

घृटं स्नाने खलु घृतं घृतं यावेति मंत्रतः । मधुवाता मधुनक्तं मधुमान्न इति त्र्! यृचा २१ ।

ghRTaM snAne khalu ghRtaM ghRtaM yAveti maMtrataH । madhuvAtA madhunaktaM madhumAnna iti tr! yRcA 21 ।

मधुखंडस्नपनं प्रोक्तमिति पंचामृतं स्मृतम् । अथवा पाद्यमंत्रेण स्नानं पंचामृतेन च २२ ।

madhukhaMDasnapanaM proktamiti paMcAmRtaM smRtam । athavA pAdyamaMtreNa snAnaM paMcAmRtena ca 22 ।

मानस्तोके इति प्रेम्णा मंत्रेण कटिबंधनम् । नमो धृष्णवे इति वा उत्तरीयं च धापयेत् २३ ।

mAnastoke iti premNA maMtreNa kaTibaMdhanam । namo dhRSNave iti vA uttarIyaM ca dhApayet 23 ।

या ते हेतिरिति प्रेम्णा ऋक्चतुष्केण वैदिकः । शिवाय विधिना भक्तश्चरेद्वस्त्रसमर्पणम् २४ ।

yA te hetiriti premNA RkcatuSkeNa vaidikaH । zivAya vidhinA bhaktazcaredvastrasamarpaNam 24 ।

नमः श्वभ्य इति प्रेम्णा गंधं दद्यादृचा सुधीः । नमस्तक्षभ्य इति चाक्षतान्मंत्रेण चार्पयेत् २५ ।

namaH zvabhya iti premNA gaMdhaM dadyAdRcA sudhIH । namastakSabhya iti cAkSatAnmaMtreNa cArpayet 25 ।

नमः पार्याय इति वा पुष्प मंत्रेण चार्पयेत् । नमः पर्ण्याय इति वा बिल्बपत्रसमर्पणम् २६ ।

namaH pAryAya iti vA puSpa maMtreNa cArpayet । namaH parNyAya iti vA bilbapatrasamarpaNam 26 ।

नमः कपर्दिने चेति धूपं दद्याद्यथाविधि । दीपं दद्याद्यथोक्तं तु नम आशव इत्यृचा २७ ।

namaH kapardine ceti dhUpaM dadyAdyathAvidhi । dIpaM dadyAdyathoktaM tu nama Azava ityRcA 27 ।

नमः पार्याय इति वा पुष्प मंत्रेण चार्पयेत् । नमः पर्ण्याय इति वा बिल्बपत्रसमर्पणम् २६ ।

namaH pAryAya iti vA puSpa maMtreNa cArpayet । namaH parNyAya iti vA bilbapatrasamarpaNam 26 ।

इमा रुद्रा येति ऋचा कुर्यात्फलसमर्पणम् । नमो व्रज्यायेति ऋचा सकलं शंभवेर्पयेत् २९ ।

imA rudrA yeti RcA kuryAtphalasamarpaNam । namo vrajyAyeti RcA sakalaM zaMbhaverpayet 29 ।

मानो महांतमिति च मानस्तोके इति ततः । मंत्रद्वयेनैकदशाक्षतै रुद्रा न्प्रपूजयेत् 1-20-३० ।

mAno mahAMtamiti ca mAnastoke iti tataH । maMtradvayenaikadazAkSatai rudrA nprapUjayet 1-20-30 ।

हिरण्यगर्भ इति त्र्! यृचा दक्षिणां हि समर्पयेत् । देवस्य त्वेति मंत्रेण ह्यभिषेकं चरेद्बुधः ३१ ।

hiraNyagarbha iti tr! yRcA dakSiNAM hi samarpayet । devasya tveti maMtreNa hyabhiSekaM caredbudhaH 31 ।

दीपमंत्रेण वा शंभोर्नीराजनविधिं चरेत् । पुष्पांजलिं चरेद्भक्त्या इमा रुद्रा य च त्र्! यृचा ३२ ।

dIpamaMtreNa vA zaMbhornIrAjanavidhiM caret । puSpAMjaliM caredbhaktyA imA rudrA ya ca tr! yRcA 32 ।

मानो महान्तमिति च चरेत्प्राज्ञः प्रदक्षिणाम् । मानस्तोकेति मंत्रेण साष्टाण्गं प्रणमेत्सुधीः ३३ ।

mAno mahAntamiti ca caretprAjJaH pradakSiNAm । mAnastoketi maMtreNa sASTANgaM praNametsudhIH 33 ।

एषते इति मंत्रेण शिवमुद्रा ं! प्रदर्शयेत् । यतोयत इत्यभयां ज्ञानाख्यां त्र्! यंबकेण च ३४ ।

eSate iti maMtreNa zivamudrA M! pradarzayet । yatoyata ityabhayAM jJAnAkhyAM tr! yaMbakeNa ca 34 ।

नमःसेनेति मंत्रेण महामुद्रा ं! प्रदर्शयेत् । दर्शयेद्धेनुमुद्रा ं! च नमो गोभ्य ऋचानया ३५ ।

namaHseneti maMtreNa mahAmudrA M! pradarzayet । darzayeddhenumudrA M! ca namo gobhya RcAnayA 35 ।

पंचमुद्रा ः! प्रदर्श्याथ शिवमंत्रजपं चरेत् । शतरुद्रि यमंत्रेण जपेद्वेदविचक्षणः ३६ ।

paMcamudrA H! pradarzyAtha zivamaMtrajapaM caret । zatarudri yamaMtreNa japedvedavicakSaNaH 36 ।

ततः पंचाण्गपाठं च कुर्य्याद्वेदविचक्षणः । देवागात्विति मंत्रेण कुर्याच्छंभोर्विसर्जनम् ३७ ।

tataH paMcANgapAThaM ca kuryyAdvedavicakSaNaH । devAgAtviti maMtreNa kuryAcchaMbhorvisarjanam 37 ।

पंचमुद्रा ः! प्रदर्श्याथ शिवमंत्रजपं चरेत् । शतरुद्रि यमंत्रेण जपेद्वेदविचक्षणः ३६ ।

paMcamudrA H! pradarzyAtha zivamaMtrajapaM caret । zatarudri yamaMtreNa japedvedavicakSaNaH 36 ।

ऋचा सद्योजातमिति मृदाहरणमाचरेत् । वामदेवाय इति च जलप्रक्षेपमाचरेत् ३९ ।

RcA sadyojAtamiti mRdAharaNamAcaret । vAmadevAya iti ca jalaprakSepamAcaret 39 ।

अघोरेण च मंत्रेण लिंगनिर्माणमाचरेत् । तत्पुरुषाय मंत्रेणाह्वानं कुर्याद्यथाविधि 1-20-४० ।

aghoreNa ca maMtreNa liMganirmANamAcaret । tatpuruSAya maMtreNAhvAnaM kuryAdyathAvidhi 1-20-40 ।

संयोजयेद्वेदिकायामीशानमनुना हरम् । अन्यत्सर्वं विधानं च कुर्य्यात्संक्षेपतः सुधीः ४१ ।

saMyojayedvedikAyAmIzAnamanunA haram । anyatsarvaM vidhAnaM ca kuryyAtsaMkSepataH sudhIH 41 ।

पंचाक्षरेण मंत्रेण गुरुदत्तेन वा तथा । कुर्यात्पूजां षोडशोपचारेण विधिवत्सुधीः ४२ ।

paMcAkSareNa maMtreNa gurudattena vA tathA । kuryAtpUjAM SoDazopacAreNa vidhivatsudhIH 42 ।

भवाय भवनाशाय महादेवाय धीमहि । उग्राय उग्रनाशाय शर्वाय शशिमौलिने ४३ ।

bhavAya bhavanAzAya mahAdevAya dhImahi । ugrAya ugranAzAya zarvAya zazimauline 43 ।

अनेन मनुना वापि पूजयेच्छंकरं सुधीः । सुभक्त्या च भ्रमं त्यक्त्वा भक्त्यैव फलदः शिवः ४४ ।

anena manunA vApi pUjayecchaMkaraM sudhIH । subhaktyA ca bhramaM tyaktvA bhaktyaiva phaladaH zivaH 44 ।

इत्यपि प्रोक्तमादृत्य वैदिकक्रमपूजनम् । प्रोच्यतेन्यविधिः सम्यक्साधारणतया द्विजः ४५ ।

ityapi proktamAdRtya vaidikakramapUjanam । procyatenyavidhiH samyaksAdhAraNatayA dvijaH 45 ।

पूजा पार्थिवलिंगस्य संप्रोक्ता शिवनामभिः । तां शृणुध्वं मुनिश्रेष्ठाः सर्वकामप्रदायिनीम् ४६ ।

pUjA pArthivaliMgasya saMproktA zivanAmabhiH । tAM zRNudhvaM munizreSThAH sarvakAmapradAyinIm 46 ।

हरो महेश्वरः शंभुः शूलपाणिः पिनाकधृक् । शिवः पशुपतिश्चैव महादेव इति क्रमात् ४७ ।

haro mahezvaraH zaMbhuH zUlapANiH pinAkadhRk । zivaH pazupatizcaiva mahAdeva iti kramAt 47 ।

मृदाहरणसंघट्टप्रतिष्ठाह्वानमेव च । स्नपनं पूजनं चैव क्षमस्वेति विसर्जनम् ४८ ।

mRdAharaNasaMghaTTapratiSThAhvAnameva ca । snapanaM pUjanaM caiva kSamasveti visarjanam 48 ।

ॐकारादिचतुर्थ्यंतैर्नमोन्तैर्नामभिः क्रमात् । कर्तव्या च क्रिया सर्वा भक्त्या परमया मुदा ४९ ।

OMkArAdicaturthyaMtairnamontairnAmabhiH kramAt । kartavyA ca kriyA sarvA bhaktyA paramayA mudA 49 ।

कृत्वा न्यासविधिं सम्यक्षडण्गकरयोस्तथा । षडक्षरेण मंत्रेण ततो ध्यानं समाचरेत् 1-20-५० ।

kRtvA nyAsavidhiM samyakSaDaNgakarayostathA । SaDakSareNa maMtreNa tato dhyAnaM samAcaret 1-20-50 ।

कैलासपीठासनमध्यसंस्थं भक्तैः सनंदादिभिरर्च्यमानम् । भक्तार्तिदावानलमप्रमेयं ध्यायेदुमालिंगितविश्वभूषणम् ५१ ।

kailAsapIThAsanamadhyasaMsthaM bhaktaiH sanaMdAdibhirarcyamAnam । bhaktArtidAvAnalamaprameyaM dhyAyedumAliMgitavizvabhUSaNam 51 ।

ध्यायेन्नित्यं महेशं रजतगिरिनिभं चारुचंद्रा वतंसं रत्नाकल्पोज्ज्वलांगं परशुमृगवराभीतिहस्तं प्रसन्नम् । पद्मासीनं समंतात्स्थितममरगणैर्व्याघ्रकृत्तिं वसानं विश्वाद्यं विश्वबीजं निखिलभयहरं पंचवक्त्रं त्रिनेत्रम् ५२ ।

dhyAyennityaM mahezaM rajatagirinibhaM cArucaMdrA vataMsaM ratnAkalpojjvalAMgaM parazumRgavarAbhItihastaM prasannam । padmAsInaM samaMtAtsthitamamaragaNairvyAghrakRttiM vasAnaM vizvAdyaM vizvabIjaM nikhilabhayaharaM paMcavaktraM trinetram 52 ।

इति ध्यात्वा च संपूज्य पार्थिवं लिंगमुत्तमम् । जपेत्पंचाक्षरं मंत्रं गुरुदत्तं यथाविधि ५३ ।

iti dhyAtvA ca saMpUjya pArthivaM liMgamuttamam । japetpaMcAkSaraM maMtraM gurudattaM yathAvidhi 53 ।

स्तुतिभिश्चैव देवेशं स्तुवीत प्रणमन्सुधीः । नानाभिधाभिर्विप्रेन्द्रा ः! पठेद्वै शतरुद्रि यम् ५४ ।

stutibhizcaiva devezaM stuvIta praNamansudhIH । nAnAbhidhAbhirviprendrA H! paThedvai zatarudri yam 54 ।

ततः साक्षतपुष्पाणि गृहीत्वांजलिना मुदा । प्रार्थयेच्छंकरं भक्त्या मंत्रैरेभिः सुभक्तितः ५५ ।

tataH sAkSatapuSpANi gRhItvAMjalinA mudA । prArthayecchaMkaraM bhaktyA maMtrairebhiH subhaktitaH 55 ।

तावकस्त्वद्गुणप्राणस्त्वच्चित्तोहं सदा मृड । कृपानिध इति ज्ञात्वा भूतनाथ प्रसीद मे ५६ ।

tAvakastvadguNaprANastvaccittohaM sadA mRDa । kRpAnidha iti jJAtvA bhUtanAtha prasIda me 56 ।

अज्ञानाद्यदि वा ज्ञानाज्जप पूजादिकं मया । कृतं तदस्तु सफलं कृपया तव शंकर ५७ ।

ajJAnAdyadi vA jJAnAjjapa pUjAdikaM mayA । kRtaM tadastu saphalaM kRpayA tava zaMkara 57 ।

अहं पापी महानद्य पावनश्च भवान्महान् । इति विज्ञाय गौरीश यदिच्छसि तथा कुरु ५८ ।

ahaM pApI mahAnadya pAvanazca bhavAnmahAn । iti vijJAya gaurIza yadicchasi tathA kuru 58 ।

वेदैः पुराणैः सिद्धान्तैरृषिभिर्विविधैरपि । न ज्ञातोसि महादेव कुतोहं त्वं महाशिव ५९ ।

vedaiH purANaiH siddhAntairRSibhirvividhairapi । na jJAtosi mahAdeva kutohaM tvaM mahAziva 59 ।

यथा तथा त्वदीयोस्मि सर्वभावैर्महेश्वर । रक्षणीयस्त्वयाहं वै प्रसीद परमेश्वर 1-20-६० ।

yathA tathA tvadIyosmi sarvabhAvairmahezvara । rakSaNIyastvayAhaM vai prasIda paramezvara 1-20-60 ।

इत्येवं चाक्षतान्पुष्पानारोप्य च शिवोपरि । प्रणमेद्भक्तितश्शंभुं साष्टांगं विधिवन्मुने ६१ ।

ityevaM cAkSatAnpuSpAnAropya ca zivopari । praNamedbhaktitazzaMbhuM sASTAMgaM vidhivanmune 61 ।

ततः प्रदक्षिणां कुर्याद्यथोक्तविधिना सुधीः । पुनः स्तुवीत देवेशं स्तुतिभिः श्रद्धयान्वितः ६२ ।

tataH pradakSiNAM kuryAdyathoktavidhinA sudhIH । punaH stuvIta devezaM stutibhiH zraddhayAnvitaH 62 ।

ततो गलरवं कृत्वा प्रणमेच्छुचिनम्रधीः । कुर्याद्विज्ञप्तिमादृत्य विसर्जनमथाचरेत् ६३ ।

tato galaravaM kRtvA praNamecchucinamradhIH । kuryAdvijJaptimAdRtya visarjanamathAcaret 63 ।

इत्युक्ता मुनिशार्दूलाः पार्थिवार्चा विधानतः । भुक्तिदा मुक्तिदा चैव शिवभक्तिविवर्धिनी ६४ ।

ityuktA munizArdUlAH pArthivArcA vidhAnataH । bhuktidA muktidA caiva zivabhaktivivardhinI 64 ।

इत्यध्यायं सुचित्तेन यः पठेच्छृणुयादपि । सर्वपापविशुद्धात्मासर्वान्कामानवाप्नुयात् ६५ ।

ityadhyAyaM sucittena yaH paThecchRNuyAdapi । sarvapApavizuddhAtmAsarvAnkAmAnavApnuyAt 65 ।

आयुरायोग्यदं चैव यशस्यं स्वर्ग्यमेव च । पुत्रपौत्रादिसुखदमाख्यानमिदमुत्तमम् ६६ ।

AyurAyogyadaM caiva yazasyaM svargyameva ca । putrapautrAdisukhadamAkhyAnamidamuttamam 66 ।