उपमन्युरुवाच ॥ आलस्यं व्याधयस्तीव्राः प्रमादः स्थानसंशयः ॥ अनवस्थितचित्तत्वमश्रद्धा भ्रांतिदर्शनम् ॥ १ ॥

upamanyuruvAca ॥ AlasyaM vyAdhayastIvrAH pramAdaH sthAnasaMzayaH ॥ anavasthitacittatvamazraddhA bhrAMtidarzanam ॥ 1 ॥

दुःखानि दौर्मनस्यं च विषयेषु च लोलता ॥ दशैते युञ्जतां पुंसामन्तरायाः प्रकीर्तिताः ॥ २ ॥

duHkhAni daurmanasyaM ca viSayeSu ca lolatA ॥ dazaite yuJjatAM puMsAmantarAyAH prakIrtitAH ॥ 2 ॥

आलस्यमलसत्त्वं तु योगिनां देहचेतनोः ॥ धातुवैषम्यजा दोषा व्याधयः कर्मदोषजाः ॥ ३ ॥

AlasyamalasattvaM tu yoginAM dehacetanoH ॥ dhAtuvaiSamyajA doSA vyAdhayaH karmadoSajAH ॥ 3 ॥

प्रमादो नाम योगस्य साधना नाम भावना ॥ इदं वेत्युभयाक्रान्तं विज्ञानं स्थानसंशयः ॥ ४ ॥

pramAdo nAma yogasya sAdhanA nAma bhAvanA ॥ idaM vetyubhayAkrAntaM vijJAnaM sthAnasaMzayaH ॥ 4 ॥

अप्रतिष्ठा हि मनसस्त्वनवस्थितिरुच्यते ॥ अश्रद्धा भावरहिता वृत्तिर्वै योगवर्त्मनि ॥ ५ ॥

apratiSThA hi manasastvanavasthitirucyate ॥ azraddhA bhAvarahitA vRttirvai yogavartmani ॥ 5 ॥

विपर्यस्ता मतिर्या सा भ्रांतिरित्यभिधीयते ॥ दुःखमज्ञानजं पुंसां चित्तस्याध्यात्मिकं विदुः ॥ ६ ॥

viparyastA matiryA sA bhrAMtirityabhidhIyate ॥ duHkhamajJAnajaM puMsAM cittasyAdhyAtmikaM viduH ॥ 6 ॥

आधिभौतिकमंगोत्थं यच्च दुःखं पुरा कृतैः ॥ आधिदैविकमाख्यातमशन्यस्त्रविषादिकम् ॥ ७ ॥

AdhibhautikamaMgotthaM yacca duHkhaM purA kRtaiH ॥ AdhidaivikamAkhyAtamazanyastraviSAdikam ॥ 7 ॥

इच्छाविघातजं मोक्षं दौर्मनस्यं प्रचक्षते ॥ विषयेषु विचित्रेषु विभ्रमस्तत्र लोलता ॥ ८ ॥

icchAvighAtajaM mokSaM daurmanasyaM pracakSate ॥ viSayeSu vicitreSu vibhramastatra lolatA ॥ 8 ॥

शान्तेष्वेतेषु विघ्नेषु योगासक्तस्य योगिनः ॥ उपसर्गाः प्रवर्तंते दिव्यास्ते सिद्धिसूचकाः ॥ ९ ॥

zAnteSveteSu vighneSu yogAsaktasya yoginaH ॥ upasargAH pravartaMte divyAste siddhisUcakAH ॥ 9 ॥

प्रतिभा श्रवणं वार्ता दर्शनास्वादवेदनाः ॥ उपसर्गाः षडित्येते व्यये योगस्य सिद्धयः ॥ १० ॥

pratibhA zravaNaM vArtA darzanAsvAdavedanAH ॥ upasargAH SaDityete vyaye yogasya siddhayaH ॥ 10 ॥

सूक्ष्मे व्यवहिते ऽतीते विप्रकृष्टे त्वनागते ॥ प्रतिभा कथ्यते यो ऽर्थे प्रतिभासो यथातथम् ॥ ११ ॥

sUkSme vyavahite 'tIte viprakRSTe tvanAgate ॥ pratibhA kathyate yo 'rthe pratibhAso yathAtatham ॥ 11 ॥

श्रवणं सर्वशब्दानां श्रवणे चाप्रयत्नतः ॥ वार्त्ता वार्त्तासु विज्ञानं सर्वेषामेव देहिनाम् ॥ १२ ॥

zravaNaM sarvazabdAnAM zravaNe cAprayatnataH ॥ vArttA vArttAsu vijJAnaM sarveSAmeva dehinAm ॥ 12 ॥

दर्शनं नाम दिव्यानां दर्शनं चाप्रयत्नतः ॥ तथास्वादश्च दिव्येषु रसेष्वास्वाद उच्यते ॥ १३ ॥

darzanaM nAma divyAnAM darzanaM cAprayatnataH ॥ tathAsvAdazca divyeSu raseSvAsvAda ucyate ॥ 13 ॥

स्पर्शनाधिगमस्तद्वद्वेदना नाम विश्रुता ॥ गन्धादीनां च दिव्यानामाब्रह्मभुवनाधिपाः ॥ १४ ॥

sparzanAdhigamastadvadvedanA nAma vizrutA ॥ gandhAdInAM ca divyAnAmAbrahmabhuvanAdhipAH ॥ 14 ॥

संतिष्ठन्ते च रत्नानि प्रयच्छंति बहूनि च ॥ स्वच्छन्दमधुरा वाणी विविधास्यात्प्रवर्तते ॥ १५ ॥

saMtiSThante ca ratnAni prayacchaMti bahUni ca ॥ svacchandamadhurA vANI vividhAsyAtpravartate ॥ 15 ॥

रसायनानि सर्वाणि दिव्याश्चौषधयस्तथा ॥ सिध्यंति प्रणिपत्यैनं दिशंति सुरयोषितः ॥ १६ ॥

rasAyanAni sarvANi divyAzcauSadhayastathA ॥ sidhyaMti praNipatyainaM dizaMti surayoSitaH ॥ 16 ॥

योगसिद्ध्यैकदेशे ऽपि दृष्टे मोक्षे भवेन्मतिः ॥ दृष्टमेतन्मया यद्वत्तद्वन्मोक्षो भवेदिति ॥ १७ ॥

yogasiddhyaikadeze 'pi dRSTe mokSe bhavenmatiH ॥ dRSTametanmayA yadvattadvanmokSo bhavediti ॥ 17 ॥

कृशता स्थूलता बाल्यं वार्धक्यं चैव यौवनम् ॥ नानाचातिस्वरूपं च चतुर्णां देहधारणम् ॥ १८ ॥

kRzatA sthUlatA bAlyaM vArdhakyaM caiva yauvanam ॥ nAnAcAtisvarUpaM ca caturNAM dehadhAraNam ॥ 18 ॥

पार्थिवांशं विना नित्यं सुरभिर्गन्धसंग्रहः ॥ एवमष्टगुणं प्राहुः पैशाचं पार्थिवं पदम् ॥ १९ ॥

pArthivAMzaM vinA nityaM surabhirgandhasaMgrahaH ॥ evamaSTaguNaM prAhuH paizAcaM pArthivaM padam ॥ 19 ॥

जले निवसनं चैव भूम्यामेवं विनिर्गमः ॥ इच्छेच्छक्तः स्वयं पातुं समुद्रमपि नातुरः ॥ २० ॥

jale nivasanaM caiva bhUmyAmevaM vinirgamaH ॥ icchecchaktaH svayaM pAtuM samudramapi nAturaH ॥ 20 ॥

यत्रेच्छति जगत्यस्मिंस्तत्रैव जलदर्शनम् ॥ विना कुम्भादिकं पाणौ जलसञ्चयधारणम् ॥ २१ ॥

yatrecchati jagatyasmiMstatraiva jaladarzanam ॥ vinA kumbhAdikaM pANau jalasaJcayadhAraNam ॥ 21 ॥

यद्वस्तु विरसञ्चापि भोक्तुमिच्छति तत्क्षणात् ॥ रसादिकं भवेच्चान्यत्त्रयाणां देहधारणम् ॥ २२ ॥

yadvastu virasaJcApi bhoktumicchati tatkSaNAt ॥ rasAdikaM bhaveccAnyattrayANAM dehadhAraNam ॥ 22 ॥

निर्व्रणत्वं शरीरस्य पार्थिवैश्च समन्वितम् ॥ तदिदं षोडशगुणमाप्यमैश्वर्यमद्भुतम् ॥ २३ ॥

nirvraNatvaM zarIrasya pArthivaizca samanvitam ॥ tadidaM SoDazaguNamApyamaizvaryamadbhutam ॥ 23 ॥

शरीरादग्निनिर्माणं तत्तापभयवर्जनम् ॥ शक्तिर्जगदिदं दग्धुं यदीच्छेदप्रयत्नतः ॥ २४ ॥

zarIrAdagninirmANaM tattApabhayavarjanam ॥ zaktirjagadidaM dagdhuM yadIcchedaprayatnataH ॥ 24 ॥

स्थापनं वानलस्या ऽप्सु पाणौ पावकधारणम् ॥ दग्धे सर्गे यथापूर्वं मुखे चान्नादिपाचनम् ॥ द्वाभ्यां देहविनिर्माणमाप्यैश्वर्यसमन्वितम् ॥ २५ ॥

sthApanaM vAnalasyA 'psu pANau pAvakadhAraNam ॥ dagdhe sarge yathApUrvaM mukhe cAnnAdipAcanam ॥ dvAbhyAM dehavinirmANamApyaizvaryasamanvitam ॥ 25 ॥

एतच्चतुर्विंशतिधा तैजसं परिचक्षते ॥ मनोजवत्वं भूतानां क्षणादन्तःप्रवेशनम् ॥ २६ ॥

etaccaturviMzatidhA taijasaM paricakSate ॥ manojavatvaM bhUtAnAM kSaNAdantaHpravezanam ॥ 26 ॥

पर्वतादिमहाभारधारणञ्चाप्रयत्नतः ॥ गुरुत्वञ्च लघुत्वञ्च पाणावनिलधारणम् ॥ २७ ॥

parvatAdimahAbhAradhAraNaJcAprayatnataH ॥ gurutvaJca laghutvaJca pANAvaniladhAraNam ॥ 27 ॥

अंगुल्यग्रनिपाताद्यैर्भूमेरपि च कम्पनम् ॥ एकेन देहनिष्पत्तिर्युक्तं भोगैश्च तैजसैः ॥ २८ ॥

aMgulyagranipAtAdyairbhUmerapi ca kampanam ॥ ekena dehaniSpattiryuktaM bhogaizca taijasaiH ॥ 28 ॥

द्वात्रिंशद्गुणमैश्वर्यं मारुतं कवयो विदुः ॥ छायाहीनविनिष्पत्तिरिन्द्रियाणामदर्शनम् ॥ २९ ॥

dvAtriMzadguNamaizvaryaM mArutaM kavayo viduH ॥ chAyAhInaviniSpattirindriyANAmadarzanam ॥ 29 ॥

खेचरत्वं यथाकाममिन्द्रियार्थसमन्वयः ॥ आकाशलंघनं चैव स्वदेहे तन्निवेशनम् ॥ ३० ॥

khecaratvaM yathAkAmamindriyArthasamanvayaH ॥ AkAzalaMghanaM caiva svadehe tannivezanam ॥ 30 ॥

आकाशपिण्डीकरणमशरीरत्वमेव च ॥ अनिलैश्वर्यसंयुक्तं चत्वारिंशद्गुणं महत् ॥ ३१ ॥

AkAzapiNDIkaraNamazarIratvameva ca ॥ anilaizvaryasaMyuktaM catvAriMzadguNaM mahat ॥ 31 ॥

ऐन्द्रमैश्वर्यमाख्यातमाम्बरं तत्प्रचक्षते ॥ यथाकामोपलब्धिश्च यथाकामविनिर्गमः ॥ ३२ ॥

aindramaizvaryamAkhyAtamAmbaraM tatpracakSate ॥ yathAkAmopalabdhizca yathAkAmavinirgamaH ॥ 32 ॥

सर्वस्याभिभवश्चैव सर्वगुह्यार्थदर्शनम् ॥ कर्मानुरूपनिर्माणं वशित्वं प्रियदर्शनम् ॥ ३३ ॥

sarvasyAbhibhavazcaiva sarvaguhyArthadarzanam ॥ karmAnurUpanirmANaM vazitvaM priyadarzanam ॥ 33 ॥

संसारदर्शनं चैव भोगैरैन्द्रैस्समन्वितम् ॥ एतच्चांद्रमसैश्वर्यं मानसं गुणतो ऽधिकम् ॥ ३४ ॥

saMsAradarzanaM caiva bhogairaindraissamanvitam ॥ etaccAMdramasaizvaryaM mAnasaM guNato 'dhikam ॥ 34 ॥

छेदनं ताडनं चैव बंधनं मोचनं तथा ॥ ग्रहणं सर्वभूतानां संसारवशवर्तिनाम् ॥ ३५ ॥

chedanaM tADanaM caiva baMdhanaM mocanaM tathA ॥ grahaNaM sarvabhUtAnAM saMsAravazavartinAm ॥ 35 ॥

प्रसादश्चापि सर्वेषां मृत्युकालजयस्तथा ॥ आभिमानिकमैश्वर्यं प्राजापत्यं प्रचक्षते ॥ ३६ ॥

prasAdazcApi sarveSAM mRtyukAlajayastathA ॥ AbhimAnikamaizvaryaM prAjApatyaM pracakSate ॥ 36 ॥

एतच्चान्द्रमसैर्भोगैः षट्पञ्चाशद्गुणं महत् ॥ सर्गः संकल्पमात्रेण त्राणं संहरणं तथा ॥ ३७॥

etaccAndramasairbhogaiH SaTpaJcAzadguNaM mahat ॥ sargaH saMkalpamAtreNa trANaM saMharaNaM tathA ॥ 37॥

स्वाधिकारश्च सर्वेषां भूतचित्तप्रवर्तनम् ॥ असादृश्यं च सर्वस्य निर्माणं जगतः पृथक् ॥ ३८ ॥

svAdhikArazca sarveSAM bhUtacittapravartanam ॥ asAdRzyaM ca sarvasya nirmANaM jagataH pRthak ॥ 38 ॥

शुभाशुभस्य करणं प्राजापत्यैश्च संयुतम् ॥ चतुष्षष्ठिगुणं ब्राह्ममैश्वर्यं च प्रचक्षते ॥ ३९ ॥

zubhAzubhasya karaNaM prAjApatyaizca saMyutam ॥ catuSSaSThiguNaM brAhmamaizvaryaM ca pracakSate ॥ 39 ॥

बौद्धादस्मात्परं गौणमैश्वर्यं प्राकृतं विदुः ॥ वैष्णवं तत्समाख्यातं तस्यैव भुवनस्थितिः ॥ ब्रह्मणा तत्पदं सर्वं वक्तुमन्यैर्न शक्यते ॥ ४० ॥

bauddhAdasmAtparaM gauNamaizvaryaM prAkRtaM viduH ॥ vaiSNavaM tatsamAkhyAtaM tasyaiva bhuvanasthitiH ॥ brahmaNA tatpadaM sarvaM vaktumanyairna zakyate ॥ 40 ॥

तत्पौरुषं च गौणं च गणेशं पदमैश्वरम् ॥ विष्णुना तत्पदं किंचिज्ज्ञातुमन्यैर्न शक्यते ॥ ४१ ॥

tatpauruSaM ca gauNaM ca gaNezaM padamaizvaram ॥ viSNunA tatpadaM kiMcijjJAtumanyairna zakyate ॥ 41 ॥

विज्ञानसिद्धयश्चैव सर्वा एवौपसर्गिकाः ॥ निरोद्धव्या प्रयत्नेन वैराग्येण परेण तु ॥ ४२ ॥

vijJAnasiddhayazcaiva sarvA evaupasargikAH ॥ niroddhavyA prayatnena vairAgyeNa pareNa tu ॥ 42 ॥

प्रतिभासेष्वशुद्धेषु गुणेष्वासक्तचेतसः ॥ न सिध्येत्परमैश्वर्यमभयं सार्वकामिकम् ॥ ४३ ॥

pratibhAseSvazuddheSu guNeSvAsaktacetasaH ॥ na sidhyetparamaizvaryamabhayaM sArvakAmikam ॥ 43 ॥

तस्माद्गुणांश्च भोगांश्च देवासुरमहीभृताम् ॥ तृणवद्यस्त्यजेत्तस्य योगसिद्धिः परा भवेत् ॥ ४४ ॥

tasmAdguNAMzca bhogAMzca devAsuramahIbhRtAm ॥ tRNavadyastyajettasya yogasiddhiH parA bhavet ॥ 44 ॥

अथवानुग्रहेच्छायां जगतो विचरेन्मुनिः ॥ यथाकामंगुणान्भोगान्भुक्त्वा मुक्तिं प्रयास्यति ॥ ४५ ॥

athavAnugrahecchAyAM jagato vicarenmuniH ॥ yathAkAmaMguNAnbhogAnbhuktvA muktiM prayAsyati ॥ 45 ॥

अथ प्रयोगं योगस्य वक्ष्ये शृणु समाहितः ॥ शुभे काले शुभे देशे शिवक्षेत्रादिके पुनः ॥ विजने जंतुरहिते निःशब्दे बाधवर्जिते ॥ ४६ ॥

atha prayogaM yogasya vakSye zRNu samAhitaH ॥ zubhe kAle zubhe deze zivakSetrAdike punaH ॥ vijane jaMturahite niHzabde bAdhavarjite ॥ 46 ॥

सुप्रलिप्ते स्थले सौम्ये गन्धधूपादिवासिते ॥ मुक्तपुष्पसमाकीर्णे वितानादि विचित्रिते ॥ ४७ ॥

supralipte sthale saumye gandhadhUpAdivAsite ॥ muktapuSpasamAkIrNe vitAnAdi vicitrite ॥ 47 ॥

कुशपुष्पसमित्तोयफलमूलसमन्विते ॥ नाग्न्यभ्याशे जलाभ्याशे शुष्कपर्णचये ऽपि वा ॥ ४८ ॥

kuzapuSpasamittoyaphalamUlasamanvite ॥ nAgnyabhyAze jalAbhyAze zuSkaparNacaye 'pi vA ॥ 48 ॥

न दंशमशकाकीर्णे सर्पश्वापदसंकुले ॥ न च दुष्टमृगाकीर्णे न भये दुर्जनावृते ॥ ४९ ॥

na daMzamazakAkIrNe sarpazvApadasaMkule ॥ na ca duSTamRgAkIrNe na bhaye durjanAvRte ॥ 49 ॥

श्मशाने चैत्यवल्मीके जीर्णागारे चतुष्पथे ॥ नदीनदसमुद्राणां तीरे रथ्यांतरे ऽपि वा ॥ ५० ॥

zmazAne caityavalmIke jIrNAgAre catuSpathe ॥ nadInadasamudrANAM tIre rathyAMtare 'pi vA ॥ 50 ॥

न जीर्णोद्यानगोष्ठादौ नानिष्टे न च निंदिते ॥ नाजीर्णाम्लरसोद्गारे न च विण्मूत्रदूषिते ॥ ५१ ॥

na jIrNodyAnagoSThAdau nAniSTe na ca niMdite ॥ nAjIrNAmlarasodgAre na ca viNmUtradUSite ॥ 51 ॥

नच्छर्द्यामातिसारे वा नातिभुक्तौ श्रमान्विते ॥ न चातिचिंताकुलितो न चातिक्षुत्पिपासितः ॥ ५२ ॥

nacchardyAmAtisAre vA nAtibhuktau zramAnvite ॥ na cAticiMtAkulito na cAtikSutpipAsitaH ॥ 52 ॥

नापि स्वगुरुकर्मादौ प्रसक्तो योगमाचरेत् ॥ युक्ताहारविहारश्च युक्तचेष्टश्च कर्मसु ॥ ५३ ॥

nApi svagurukarmAdau prasakto yogamAcaret ॥ yuktAhAravihArazca yuktaceSTazca karmasu ॥ 53 ॥

युक्तनिद्राप्रबोधश्च सर्वायासविवर्जितः ॥ आसनं मृदुलं रम्यं विपुलं सुसमं शुचि ॥ ५४ ॥

yuktanidrAprabodhazca sarvAyAsavivarjitaH ॥ AsanaM mRdulaM ramyaM vipulaM susamaM zuci ॥ 54 ॥

पद्मकस्वस्तिकादीनामभ्यसेदासनेषु च ॥ अभिवंद्य स्वगुर्वंतानभिवाद्याननुक्रमात् ॥ ५५ ॥

padmakasvastikAdInAmabhyasedAsaneSu ca ॥ abhivaMdya svagurvaMtAnabhivAdyAnanukramAt ॥ 55 ॥

ऋजुग्रीवशिरोवक्षा नातिष्ठेच्छिष्टलोचनः ॥ किंचिदुन्नामितशिरा दंतैर्दंतान्न संस्पृशेत् ॥ ५६ ॥

RjugrIvazirovakSA nAtiSThecchiSTalocanaH ॥ kiMcidunnAmitazirA daMtairdaMtAnna saMspRzet ॥ 56 ॥

दंताग्रसंस्थिता जिह्वामचलां सन्निवेश्य च ॥ पार्ष्णिभ्यां वृषणौ रक्षंस्तथा प्रजननं पुनः ॥ ५७ ॥

daMtAgrasaMsthitA jihvAmacalAM sannivezya ca ॥ pArSNibhyAM vRSaNau rakSaMstathA prajananaM punaH ॥ 57 ॥

ऊर्वोरुपरि संस्थाप्य बाहू तिर्यगयत्नतः ॥ दक्षिणं करपृष्ठं तु न्यस्य वामतलोपरि ॥ ५८ ॥

Urvorupari saMsthApya bAhU tiryagayatnataH ॥ dakSiNaM karapRSThaM tu nyasya vAmatalopari ॥ 58 ॥

उन्नाम्य शनकैः पृष्ठमुरो विष्टभ्य चाग्रतः ॥ संप्रेक्ष्य नासिकाग्रं स्वं दिशश्चानवलोकयन् ॥ ५९ ॥

unnAmya zanakaiH pRSThamuro viSTabhya cAgrataH ॥ saMprekSya nAsikAgraM svaM dizazcAnavalokayan ॥ 59 ॥

संभृतप्राणसंचारः पाषाण इव निश्चलः ॥ स्वदेहायतनस्यांतर्विचिंत्य शिवमंबया ॥ ६० ॥

saMbhRtaprANasaMcAraH pASANa iva nizcalaH ॥ svadehAyatanasyAMtarviciMtya zivamaMbayA ॥ 60 ॥

हृत्पद्मपीठिकामध्ये ध्यानयज्ञेन पूजयेत् ॥ मूले नासाग्रतो नाभौ कंठे वा तालुरंध्रयोः ॥ ६१ ॥

hRtpadmapIThikAmadhye dhyAnayajJena pUjayet ॥ mUle nAsAgrato nAbhau kaMThe vA tAluraMdhrayoH ॥ 61 ॥

भ्रूमध्ये द्वारदेशे वा ललाटे मूर्ध्नि वा स्मरेत् ॥ परिकल्प्य यथान्यायं शिवयोः परमासनम् ॥ ६२ ॥

bhrUmadhye dvAradeze vA lalATe mUrdhni vA smaret ॥ parikalpya yathAnyAyaM zivayoH paramAsanam ॥ 62 ॥

तत्र सावरणं वापि निरावरणमेव वा ॥ द्विदले षोडशारे वा द्वादशारे यथाविधि ॥ ६३ ॥

tatra sAvaraNaM vApi nirAvaraNameva vA ॥ dvidale SoDazAre vA dvAdazAre yathAvidhi ॥ 63 ॥

दशारे वा षडस्रे वा चतुरस्रे शिवं स्मरेत् ॥ भ्रुवोरंतरतः पद्मं द्विदलं तडिदुज्ज्वलम् ॥ ६४ ॥

dazAre vA SaDasre vA caturasre zivaM smaret ॥ bhruvoraMtarataH padmaM dvidalaM taDidujjvalam ॥ 64 ॥

भ्रूमध्यस्थारविन्दस्य क्रमाद्वै दक्षिणोत्तरे ॥ विद्युत्समानवर्णे च पर्णे वर्णावसानके ॥ ६५ ॥

bhrUmadhyasthAravindasya kramAdvai dakSiNottare ॥ vidyutsamAnavarNe ca parNe varNAvasAnake ॥ 65 ॥

षोडशारस्य पत्राणि स्वराः षोडश तानि वै ॥ पूर्वादीनि क्रमादेतत्पद्मं कन्दस्य मूलतः ॥ ६६ ॥

SoDazArasya patrANi svarAH SoDaza tAni vai ॥ pUrvAdIni kramAdetatpadmaM kandasya mUlataH ॥ 66 ॥

ककारादिटकारांता वर्णाः पर्णान्यनुक्रमात् ॥ भानुवर्णस्य पद्मस्य ध्येयं तद्१ हृदयान्तरे ॥ ६७ ॥

kakArAdiTakArAMtA varNAH parNAnyanukramAt ॥ bhAnuvarNasya padmasya dhyeyaM tad1 hRdayAntare ॥ 67 ॥

गोक्षीरधवलस्योक्ता डादिफान्ता यथाक्रमम् ॥ अधो दलस्याम्बुजस्य एतस्य २ च दलानि षट् ॥ ६८ ॥

gokSIradhavalasyoktA DAdiphAntA yathAkramam ॥ adho dalasyAmbujasya etasya 2 ca dalAni SaT ॥ 68 ॥

विधूमांगारवर्णस्य वर्णा वाद्याश्च लान्तिमाः ॥ मूलाधारारविंदस्य हेमाभस्य यथाक्रमम् ॥ वकारादिसकारान्ता वर्णाः पर्णमयाः स्थिताः ॥ ६९ ॥

vidhUmAMgAravarNasya varNA vAdyAzca lAntimAH ॥ mUlAdhArAraviMdasya hemAbhasya yathAkramam ॥ vakArAdisakArAntA varNAH parNamayAH sthitAH ॥ 69 ॥

एतेष्वथारविंदेषु यत्रैवाभिरतं मनः ॥ तत्रैव देवं देवीं च चिंतयेद्धीरया धिया ॥ ७० ॥

eteSvathAraviMdeSu yatraivAbhirataM manaH ॥ tatraiva devaM devIM ca ciMtayeddhIrayA dhiyA ॥ 70 ॥

अंगुष्ठमात्रममलं दीप्यमानं समंततः ॥ शुद्धदीपशिखाकारं स्वशक्त्या पूर्णमण्डितम् ॥ ७१ ॥

aMguSThamAtramamalaM dIpyamAnaM samaMtataH ॥ zuddhadIpazikhAkAraM svazaktyA pUrNamaNDitam ॥ 71 ॥

इन्दुरेखासमाकारं तारारूपमथापि वा ॥ नीवारशूकस्सदृशं बिससुत्राभमेव वा ॥ ७२ ॥

indurekhAsamAkAraM tArArUpamathApi vA ॥ nIvArazUkassadRzaM bisasutrAbhameva vA ॥ 72 ॥

कदम्बगोलकाकारं तुषारकणिकोपमम् ॥ क्षित्यादितत्त्वविजयं ध्याता यद्यपि वाञ्छति ॥ ७३ ॥

kadambagolakAkAraM tuSArakaNikopamam ॥ kSityAditattvavijayaM dhyAtA yadyapi vAJchati ॥ 73 ॥

तत्तत्तत्त्वाधिपामेव मूर्तिं स्थूलां विचिंतयेत् ॥ सदाशिवांता ब्रह्माद्यभवाद्याश्चाष्टमूर्तयः ॥ ७४ ॥

tattattattvAdhipAmeva mUrtiM sthUlAM viciMtayet ॥ sadAzivAMtA brahmAdyabhavAdyAzcASTamUrtayaH ॥ 74 ॥

शिवस्य मूर्तयः स्थूलाः शिवशास्त्रे विनिश्चिताः ॥ घोरा मिश्रा प्रशान्ताश्च मूर्तयस्ता मुनीश्वरैः ॥ ७५ ॥

zivasya mUrtayaH sthUlAH zivazAstre vinizcitAH ॥ ghorA mizrA prazAntAzca mUrtayastA munIzvaraiH ॥ 75 ॥

फलाभिलाषरहितैश्चिन्त्याश्चिन्ताविशारदैः ॥ घोराश्चेच्चिंतिताः कुर्युः पापरोगपरिक्षयम् ॥ ७६ ॥

phalAbhilASarahitaizcintyAzcintAvizAradaiH ॥ ghorAzcecciMtitAH kuryuH pAparogaparikSayam ॥ 76 ॥

चिरेण मिश्रे सौम्ये तु न सद्यो न चिरादपि ॥ सौम्ये मुक्तिर्विशेषेण शांतिः प्रज्ञा प्रसिध्यति ॥ ७७ ॥

cireNa mizre saumye tu na sadyo na cirAdapi ॥ saumye muktirvizeSeNa zAMtiH prajJA prasidhyati ॥ 77 ॥

सिध्यंति सिद्धयश्चात्र क्रमशो नात्र संशयः ॥ ७८ ॥

sidhyaMti siddhayazcAtra kramazo nAtra saMzayaH ॥ 78 ॥