उपमन्युरुवाच ॥ स्तोत्रं वक्ष्यामि ते कृष्ण पञ्चावरणमार्गतः ॥ योगेश्वरमिदं पुण्यं कर्म येन समाप्यते ॥ १ ॥

upamanyuruvAca ॥ stotraM vakSyAmi te kRSNa paJcAvaraNamArgataH ॥ yogezvaramidaM puNyaM karma yena samApyate ॥ 1 ॥

जय जय जगदेकनाथ शंभो प्रकृतिमनोहर नित्यचित्स्वभाव ॥ अतिगतकलुषप्रपञ्चवाचामपि मनसां पदवीमतीततत्त्वम् ॥ २ ॥

jaya jaya jagadekanAtha zaMbho prakRtimanohara nityacitsvabhAva ॥ atigatakaluSaprapaJcavAcAmapi manasAM padavImatItatattvam ॥ 2 ॥

स्वभावनिर्मलाभोग जय सुन्दरचेष्टित ॥ स्वात्मतुल्यमहाशक्ते जय शुद्धगुणार्णव ॥ ३ ॥

svabhAvanirmalAbhoga jaya sundaraceSTita ॥ svAtmatulyamahAzakte jaya zuddhaguNArNava ॥ 3 ॥

अनन्तकांतिसंपन्न जयासदृशविग्रह ॥ अतर्क्यमहिमाधार जयानाकुलमंगल ॥ ४ ॥

anantakAMtisaMpanna jayAsadRzavigraha ॥ atarkyamahimAdhAra jayAnAkulamaMgala ॥ 4 ॥

निरंजन निराधार जय निष्कारणोदय ॥ निरन्तरपरानन्द जय निर्वृतिकारण ॥ ५ ॥

niraMjana nirAdhAra jaya niSkAraNodaya ॥ nirantaraparAnanda jaya nirvRtikAraNa ॥ 5 ॥

जयातिपरमैश्वर्य जयातिकरुणास्पद ॥ जय स्वतंत्रसर्वस्व जयासदृशवैभव ॥ ६ ॥

jayAtiparamaizvarya jayAtikaruNAspada ॥ jaya svataMtrasarvasva jayAsadRzavaibhava ॥ 6 ॥

जयावृतमहाविश्व जयानावृत केनचित् ॥ जयोत्तर समस्तस्य जयात्यन्तनिरुत्तर ॥ ७ ॥

jayAvRtamahAvizva jayAnAvRta kenacit ॥ jayottara samastasya jayAtyantaniruttara ॥ 7 ॥

जयाद्भुत जयाक्षुद्र जयाक्षत जयाव्यय ॥ जयामेय जयामाय जयाभाव जयामल ॥ ८ ॥

jayAdbhuta jayAkSudra jayAkSata jayAvyaya ॥ jayAmeya jayAmAya jayAbhAva jayAmala ॥ 8 ॥

महाभुज महासार महागुण महाकथ ॥ महाबल महामाय महारस महारथ ॥ ९ ॥

mahAbhuja mahAsAra mahAguNa mahAkatha ॥ mahAbala mahAmAya mahArasa mahAratha ॥ 9 ॥

नमः परमदेवाय नमः परमहेतवे ॥ नमश्शिवाय शांताय नमश्शिवतराय ते ॥ १० ॥

namaH paramadevAya namaH paramahetave ॥ namazzivAya zAMtAya namazzivatarAya te ॥ 10 ॥

त्वदधीनमिदं कृत्स्नं जगद्धि ससुरासुरम् ॥ ११ ॥

tvadadhInamidaM kRtsnaM jagaddhi sasurAsuram ॥ 11 ॥

अतस्त्वद्विहितामाज्ञां क्षमते को ऽतिवर्तितुम् ॥ १२ ॥

atastvadvihitAmAjJAM kSamate ko 'tivartitum ॥ 12 ॥

अयं पुनर्जनो नित्यं भवदेकसमाश्रयः ॥ भवानतो ऽनुगृह्यास्मै प्रार्थितं संप्रयच्छतु ॥ १३ ॥

ayaM punarjano nityaM bhavadekasamAzrayaH ॥ bhavAnato 'nugRhyAsmai prArthitaM saMprayacchatu ॥ 13 ॥

जयांबिके जगन्मातर्जय सर्वजगन्मयि ॥ जयानवधिकैश्वर्ये जयानुपमविग्रहे ॥ १४ ॥

jayAMbike jaganmAtarjaya sarvajaganmayi ॥ jayAnavadhikaizvarye jayAnupamavigrahe ॥ 14 ॥

जय वाङ्मनसातीते जयाचिद्ध्वांतभंजिके ॥ जय जन्मजराहीने जय कालोत्तरोत्तरे ॥ १५ ॥

jaya vAGmanasAtIte jayAciddhvAMtabhaMjike ॥ jaya janmajarAhIne jaya kAlottarottare ॥ 15 ॥

जयानेकविधानस्थे जय विश्वेश्वरप्रिये ॥ जय विश्वसुराराध्ये जय विश्वविजृंभिणि ॥ १६ ॥

jayAnekavidhAnasthe jaya vizvezvarapriye ॥ jaya vizvasurArAdhye jaya vizvavijRMbhiNi ॥ 16 ॥

जय मंगलदिव्यांगि जय मंगलदीपिके ॥ जय मंगलचारित्रे जय मंगलदायिनि ॥ १७ ॥

jaya maMgaladivyAMgi jaya maMgaladIpike ॥ jaya maMgalacAritre jaya maMgaladAyini ॥ 17 ॥

नमः परमकल्याणगुणसंचयमूर्तये ॥ त्वत्तः खलु समुत्पन्नं जगत्त्वय्येव लीयते ॥ १८ ॥

namaH paramakalyANaguNasaMcayamUrtaye ॥ tvattaH khalu samutpannaM jagattvayyeva lIyate ॥ 18 ॥

त्वद्विनातः फलं दातुमीश्वरोपि न शक्नुयात् ॥ जन्मप्रभृति देवेशि जनोयं त्वदुपाश्रितः ॥ १९ ॥

tvadvinAtaH phalaM dAtumIzvaropi na zaknuyAt ॥ janmaprabhRti devezi janoyaM tvadupAzritaH ॥ 19 ॥

अतो ऽस्य तव भक्तस्य निर्वर्तय मनोरथम् ॥ पञ्चवक्त्रो दशभुजः शुद्धस्फटिकसन्निभः ॥ २० ॥

ato 'sya tava bhaktasya nirvartaya manoratham ॥ paJcavaktro dazabhujaH zuddhasphaTikasannibhaH ॥ 20 ॥

वर्णब्रह्मकलादेहो देवस्सकलनिष्कलः ॥ शिवभक्तिसमारूढः शांत्यतीतस्सदाशिवः ॥ भक्त्या मयार्चितो मह्यं प्रार्थितं शं प्रयच्छतु ॥ २१ ॥

varNabrahmakalAdeho devassakalaniSkalaH ॥ zivabhaktisamArUDhaH zAMtyatItassadAzivaH ॥ bhaktyA mayArcito mahyaM prArthitaM zaM prayacchatu ॥ 21 ॥

सदाशिवांकमारूढा शक्तिरिच्छा शिवाह्वया ॥ जननी सर्वलोकानां प्रयच्छतु मनोरथम् ॥ २२ ॥

sadAzivAMkamArUDhA zaktiricchA zivAhvayA ॥ jananI sarvalokAnAM prayacchatu manoratham ॥ 22 ॥

शिवयोर्दयिता पुत्रौ देवौ हेरंबषण्मुखौ ॥ शिवानुभावौ सर्वज्ञौ शिवज्ञानामृताशिनौ ॥ २३ ॥

zivayordayitA putrau devau heraMbaSaNmukhau ॥ zivAnubhAvau sarvajJau zivajJAnAmRtAzinau ॥ 23 ॥

तृप्तौ परस्परं स्निग्धौ शिवाभ्यां नित्यसत्कृतौ ॥ सत्कृतौ च सदा देवौ ब्रह्माद्यैस्त्रिदशैरपि ॥ २४ ॥

tRptau parasparaM snigdhau zivAbhyAM nityasatkRtau ॥ satkRtau ca sadA devau brahmAdyaistridazairapi ॥ 24 ॥

सर्वलोकपरित्राणं कर्तुमभ्युदितौ सदा ॥ स्वेच्छावतारं कुर्वंतौ स्वांशभेदैरनेकशः ॥ २५ ॥

sarvalokaparitrANaM kartumabhyuditau sadA ॥ svecchAvatAraM kurvaMtau svAMzabhedairanekazaH ॥ 25 ॥

ताविमौ शिवयोः पार्श्वे नित्यमित्थं मयार्चितौ ॥ तयोराज्ञां पुरस्कृत्य प्रार्थितं मे प्रयच्छताम् ॥ २६ ॥

tAvimau zivayoH pArzve nityamitthaM mayArcitau ॥ tayorAjJAM puraskRtya prArthitaM me prayacchatAm ॥ 26 ॥

शुद्धस्फटिकसंकाशमीशानाख्यं सदाशिवम् ॥ मूर्धाभिमानिनी मूर्तिः शिवस्य परमात्मनः ॥ २७ ॥

zuddhasphaTikasaMkAzamIzAnAkhyaM sadAzivam ॥ mUrdhAbhimAninI mUrtiH zivasya paramAtmanaH ॥ 27 ॥

शिवार्चनरतं शांतं शांत्यतीतं मखास्थितम् ॥ पञ्चाक्षरांतिमं बीजं कलाभिः पञ्चभिर्युतम् ॥ २८ ॥

zivArcanarataM zAMtaM zAMtyatItaM makhAsthitam ॥ paJcAkSarAMtimaM bIjaM kalAbhiH paJcabhiryutam ॥ 28 ॥

प्रथमावरणे पूर्वं शक्त्या सह समर्चितम् ॥ पवित्रं परमं ब्रह्म प्रार्थितं मे प्रयच्छतु ॥ २९ ॥

prathamAvaraNe pUrvaM zaktyA saha samarcitam ॥ pavitraM paramaM brahma prArthitaM me prayacchatu ॥ 29 ॥

बालसूर्यप्रतीकाशं पुरुषाख्यं पुरातनम् ॥ पूर्ववक्त्राभिमानं च शिवस्य परमेष्ठिनः ॥ ३० ॥

bAlasUryapratIkAzaM puruSAkhyaM purAtanam ॥ pUrvavaktrAbhimAnaM ca zivasya parameSThinaH ॥ 30 ॥

शांत्यात्मकं मरुत्संस्थं शम्भोः पादार्चने रतम् ॥ प्रथमं शिवबीजेषु कलासु च चतुष्कलम् ॥ ३१ ॥

zAMtyAtmakaM marutsaMsthaM zambhoH pAdArcane ratam ॥ prathamaM zivabIjeSu kalAsu ca catuSkalam ॥ 31 ॥

पूर्वभागे मया भक्त्या शक्त्या सह समर्चितम् ॥ पवित्रं परमं ब्रह्म प्रार्थितं मे प्रयच्छतु ॥ ३२ ॥

pUrvabhAge mayA bhaktyA zaktyA saha samarcitam ॥ pavitraM paramaM brahma prArthitaM me prayacchatu ॥ 32 ॥

अञ्जनादिप्रतीकाशमघोरं घोरविग्रहम् ॥ देवस्य दक्षिणं वक्त्रं देवदेवपदार्चकम् ॥ ३३ ॥

aJjanAdipratIkAzamaghoraM ghoravigraham ॥ devasya dakSiNaM vaktraM devadevapadArcakam ॥ 33 ॥

विद्यापादं समारूढं वह्निमण्डलमध्यगम् ॥ द्वितीयं शिवबीजेषु कलास्वष्टकलान्वितम् ॥ ३४ ॥

vidyApAdaM samArUDhaM vahnimaNDalamadhyagam ॥ dvitIyaM zivabIjeSu kalAsvaSTakalAnvitam ॥ 34 ॥

शंभोर्दक्षिणदिग्भागे शक्त्या सह समर्चितम् ॥ पवित्रं मध्यमं ब्रह्म प्रार्थितं मे प्रयच्छतु ॥ ३५ ॥

zaMbhordakSiNadigbhAge zaktyA saha samarcitam ॥ pavitraM madhyamaM brahma prArthitaM me prayacchatu ॥ 35 ॥

कुंकुमक्षोदसंकाशं वामाख्यं वरवेषधृक् ॥ वक्त्रमुत्तरमीशस्य प्रतिष्ठायां प्रतिष्ठितम् ॥ ३६ ॥

kuMkumakSodasaMkAzaM vAmAkhyaM varaveSadhRk ॥ vaktramuttaramIzasya pratiSThAyAM pratiSThitam ॥ 36 ॥

वारिमंडलमध्यस्थं महादेवार्चने रतम् ॥ तुरीयं शिवबीजेषु त्रयोदशकलान्वितम् ॥ ३७ ॥

vArimaMDalamadhyasthaM mahAdevArcane ratam ॥ turIyaM zivabIjeSu trayodazakalAnvitam ॥ 37 ॥

देवस्योत्तरदिग्भागे शक्त्या सह समर्चितम् ॥ पवित्रं परमं ब्रह्म प्रार्थितं मे प्रयच्छतु ॥ ३८ ॥

devasyottaradigbhAge zaktyA saha samarcitam ॥ pavitraM paramaM brahma prArthitaM me prayacchatu ॥ 38 ॥

शंखकुंदेंदुधवलं संध्याख्यं सौम्यलक्षणम् ॥ शिवस्य पश्चिमं वक्त्रं शिवपादार्चने रतम् ॥ ३९ ॥

zaMkhakuMdeMdudhavalaM saMdhyAkhyaM saumyalakSaNam ॥ zivasya pazcimaM vaktraM zivapAdArcane ratam ॥ 39 ॥

निवृत्तिपदनिष्ठं च पृथिव्यां समवस्थितम् ॥ तृतीयं शिवबीजेषु कलाभिश्चाष्टभिर्युतम् ॥ ४० ॥

nivRttipadaniSThaM ca pRthivyAM samavasthitam ॥ tRtIyaM zivabIjeSu kalAbhizcASTabhiryutam ॥ 40 ॥

देवस्य पश्चिमे भागे शक्त्या सह समर्चितम् ॥ पवित्रं परमं ब्रह्म प्रार्थितं मे प्रयच्छतु ॥ ४१ ॥

devasya pazcime bhAge zaktyA saha samarcitam ॥ pavitraM paramaM brahma prArthitaM me prayacchatu ॥ 41 ॥

शिवस्य तु शिवायाश्च हृन्मूर्तिशिवभाविते ॥ तयोराज्ञां पुरस्कृत्य ते मे कामं प्रयच्छताम् ॥ ४२ ॥

zivasya tu zivAyAzca hRnmUrtizivabhAvite ॥ tayorAjJAM puraskRtya te me kAmaM prayacchatAm ॥ 42 ॥

शिवस्य च शिवायाश्च शिखामूर्तिशिवाश्रिते ॥ सत्कृत्य शिवयोराज्ञां ते मे कामं प्रयच्छताम् ॥ ४३ ॥

zivasya ca zivAyAzca zikhAmUrtizivAzrite ॥ satkRtya zivayorAjJAM te me kAmaM prayacchatAm ॥ 43 ॥

शिवस्य च शिवायाश्च वर्मणा शिवभाविते ॥ सत्कृत्य शिवयोराज्ञां ते मे कामं प्रयच्छताम् ॥ ४४ ॥

zivasya ca zivAyAzca varmaNA zivabhAvite ॥ satkRtya zivayorAjJAM te me kAmaM prayacchatAm ॥ 44 ॥

शिवस्य च शिवायाश्च नेत्रमूर्तिशिवाश्रिते ॥ सत्कृत्य शिवयोराज्ञां ते मे कामं प्रयच्छताम् ॥ ४५ ॥

zivasya ca zivAyAzca netramUrtizivAzrite ॥ satkRtya zivayorAjJAM te me kAmaM prayacchatAm ॥ 45 ॥

अस्त्रमूर्ती च शिवयोर्नित्यमर्चनतत्परे ॥ सत्कृत्य शिवयोराज्ञां ते मे कामं प्रयच्छताम् ॥ ४६ ॥

astramUrtI ca zivayornityamarcanatatpare ॥ satkRtya zivayorAjJAM te me kAmaM prayacchatAm ॥ 46 ॥

वामौ ज्येष्ठस्तथा रुद्रः कालो विकरणस्तथा ॥ बलो विकरणश्चैव बलप्रमथनः परः ॥ ४७ ॥

vAmau jyeSThastathA rudraH kAlo vikaraNastathA ॥ balo vikaraNazcaiva balapramathanaH paraH ॥ 47 ॥

सर्वभूतस्य दमनस्तादृशाश्चाष्टशक्तयः ॥ प्रार्थितं मे प्रयच्छंतु शिवयोरेव शासनात् ॥ ४८ ॥

sarvabhUtasya damanastAdRzAzcASTazaktayaH ॥ prArthitaM me prayacchaMtu zivayoreva zAsanAt ॥ 48 ॥

अथानंतश्च सूक्ष्मश्च शिवश्चाप्येकनेत्रकः ॥ एक रुद्राख्यमर्तिश्च श्रीकण्ठश्च शिखंडकः ॥ ४९ ॥

athAnaMtazca sUkSmazca zivazcApyekanetrakaH ॥ eka rudrAkhyamartizca zrIkaNThazca zikhaMDakaH ॥ 49 ॥

तथाष्टौ शक्तयस्तेषां द्वितीयावरणे ऽर्चिताः ॥ ते मे कामं प्रयच्छंतु शिवयोरेव शासनात् ॥ ५० ॥

tathASTau zaktayasteSAM dvitIyAvaraNe 'rcitAH ॥ te me kAmaM prayacchaMtu zivayoreva zAsanAt ॥ 50 ॥

भवाद्या मूर्तयश्चाष्टौ तासामपि च शक्तयः ॥ महादेवादयश्चान्ये तथैकादशमूर्तयः ॥ ५१ ॥

bhavAdyA mUrtayazcASTau tAsAmapi ca zaktayaH ॥ mahAdevAdayazcAnye tathaikAdazamUrtayaH ॥ 51 ॥

शक्तिभिस्सहितास्सर्वे तृतीयावरणे स्थिताः ॥ सत्कृत्य शिवयोराज्ञां दिशंतु फलमीप्सितम् ॥ ५२ ॥

zaktibhissahitAssarve tRtIyAvaraNe sthitAH ॥ satkRtya zivayorAjJAM dizaMtu phalamIpsitam ॥ 52 ॥

वृक्षराजो महातेजा महामेघसमस्वनः ॥ मेरुमंदरकैलासहिमाद्रिशिखरोपमः ॥ ५३ ॥

vRkSarAjo mahAtejA mahAmeghasamasvanaH ॥ merumaMdarakailAsahimAdrizikharopamaH ॥ 53 ॥

सिताभ्रशिखराकारः ककुदा परिशोभितः ॥ महाभोगींद्रकल्पेन वालेन च विराजितः ॥ ५४ ॥

sitAbhrazikharAkAraH kakudA parizobhitaH ॥ mahAbhogIMdrakalpena vAlena ca virAjitaH ॥ 54 ॥

रक्तास्यशृंगचरणौ रक्तप्रायविलोचनः ॥ पीवरोन्नतसर्वांगस्सुचारुगमनोज्ज्वलः ॥ ५५ ॥

raktAsyazRMgacaraNau raktaprAyavilocanaH ॥ pIvaronnatasarvAMgassucArugamanojjvalaH ॥ 55 ॥

प्रशस्तलक्षणः श्रीमान्प्रज्वलन्मणिभूषणः ॥ शिवप्रियः शिवासक्तः शिवयोर्ध्वजवाहनः ॥ ५६ ॥

prazastalakSaNaH zrImAnprajvalanmaNibhUSaNaH ॥ zivapriyaH zivAsaktaH zivayordhvajavAhanaH ॥ 56 ॥

तथा तच्चरणन्यासपावितापरविग्रहः ॥ गोराजपुरुषः श्रीमाञ्छ्रीमच्छूलवरायुधः ॥ तयोराज्ञां पुरस्कृत्य स मे कामं प्रयच्छतु ॥ ५७ ॥

tathA taccaraNanyAsapAvitAparavigrahaH ॥ gorAjapuruSaH zrImAJchrImacchUlavarAyudhaH ॥ tayorAjJAM puraskRtya sa me kAmaM prayacchatu ॥ 57 ॥

नन्दीश्वरो महातेजा नगेन्द्रतनयात्मजः ॥ सनारायणकैर्देवैर्नित्यमभ्यर्च्य वंदितः ॥ ५८ ॥

nandIzvaro mahAtejA nagendratanayAtmajaH ॥ sanArAyaNakairdevairnityamabhyarcya vaMditaH ॥ 58 ॥

शर्वस्यांतःपुरद्वारि सार्धं परिजनैः स्थितः ॥ सर्वेश्वरसमप्रख्यस्सर्वासुरविमर्दनः ॥ ५९ ॥

zarvasyAMtaHpuradvAri sArdhaM parijanaiH sthitaH ॥ sarvezvarasamaprakhyassarvAsuravimardanaH ॥ 59 ॥

सर्वेषां शिवधर्माणामध्यक्षत्वे ऽभिषेचितः ॥ शिवप्रियश्शिवासक्तश्श्रीमच्छूलवरायुधः ॥ ६० ॥

sarveSAM zivadharmANAmadhyakSatve 'bhiSecitaH ॥ zivapriyazzivAsaktazzrImacchUlavarAyudhaH ॥ 60 ॥

शिवाश्रितेषु संसक्तस्त्वनुरक्तश्च तैरपि ॥ सत्कृत्य शिवयोराज्ञां स मे कामं प्रयच्छतु ॥ ६१ ॥

zivAzriteSu saMsaktastvanuraktazca tairapi ॥ satkRtya zivayorAjJAM sa me kAmaM prayacchatu ॥ 61 ॥

महाकालो महाबाहुर्महादेव इवापरः ॥ महादेवाश्रितानां १ तु नित्यमेवाभिरक्षतु ॥ ६२ ॥

mahAkAlo mahAbAhurmahAdeva ivAparaH ॥ mahAdevAzritAnAM 1 tu nityamevAbhirakSatu ॥ 62 ॥

शिवप्रियः शिवासक्तश्शिवयोरर्चकस्सदा ॥ सत्कृत्य शिवयोराज्ञां स मे दिशतु कांक्षितम् ॥ ६३ ॥

zivapriyaH zivAsaktazzivayorarcakassadA ॥ satkRtya zivayorAjJAM sa me dizatu kAMkSitam ॥ 63 ॥

सर्वशास्त्रार्थतत्त्वज्ञः शास्ता विष्नोः परा तनुः ॥ महामोहात्मतनयो मधुमांसासवप्रियः ॥ तयोराज्ञां पुरस्कृत्य स मे कामं प्रयच्छतु ॥ ६४ ॥

sarvazAstrArthatattvajJaH zAstA viSnoH parA tanuH ॥ mahAmohAtmatanayo madhumAMsAsavapriyaH ॥ tayorAjJAM puraskRtya sa me kAmaM prayacchatu ॥ 64 ॥

ब्रह्माणी चैव माहेशी कौमारी वैष्णवी तथा ॥ वाराही चैव माहेंद्री चामुंडा चंडविक्रमा ॥ ६५ ॥

brahmANI caiva mAhezI kaumArI vaiSNavI tathA ॥ vArAhI caiva mAheMdrI cAmuMDA caMDavikramA ॥ 65 ॥

एता वै मातरः सप्त सर्वलोकस्य मातरः ॥ प्रार्थितं मे प्रयच्छंतु परमेश्वरशासनात् ॥ ६६ ॥

etA vai mAtaraH sapta sarvalokasya mAtaraH ॥ prArthitaM me prayacchaMtu paramezvarazAsanAt ॥ 66 ॥

मत्तमातंगवदनो गंगोमाशंकरात्मजः ॥ आकाशदेहो दिग्बाहुस्सोमसूर्याग्निलोचनः ॥ ६७ ॥

mattamAtaMgavadano gaMgomAzaMkarAtmajaH ॥ AkAzadeho digbAhussomasUryAgnilocanaH ॥ 67 ॥

ऐरावतादिभिर्दिव्यैर्दिग्गजैर्नित्यमर्चितः ॥ शिवज्ञानमदोद्भिन्नर्स्त्रिदशानामविघ्नकृत् ॥ ६८ ॥

airAvatAdibhirdivyairdiggajairnityamarcitaH ॥ zivajJAnamadodbhinnarstridazAnAmavighnakRt ॥ 68 ॥

विघ्नकृच्चासुरादीनां विघ्नेशः शिवभावितः ॥ सत्कृत्य शिवयोराज्ञां स मे दिशतु कांक्षितम् ॥ ६९ ॥

vighnakRccAsurAdInAM vighnezaH zivabhAvitaH ॥ satkRtya zivayorAjJAM sa me dizatu kAMkSitam ॥ 69 ॥

षण्मुखश्शिवसम्भूतः शक्तिवज्रधरः प्रभुः ॥ अग्नेश्च तनयो देवो ह्यपर्णातनयः पुनः ॥ ७० ॥

SaNmukhazzivasambhUtaH zaktivajradharaH prabhuH ॥ agnezca tanayo devo hyaparNAtanayaH punaH ॥ 70 ॥

गंगायाश्च गणांबायाः कृत्तिकानां तथैव च ॥ विशाखेन च शाखेन नैगमेयेन चावृतः ॥ ७१ ॥

gaMgAyAzca gaNAMbAyAH kRttikAnAM tathaiva ca ॥ vizAkhena ca zAkhena naigameyena cAvRtaH ॥ 71 ॥

इंद्रजिच्चंद्रसेनानीस्तारकासुरजित्तथा ॥ शैलानां मेरुमुख्यानां वेधकश्च स्वतेजसा ॥ ७२ ॥

iMdrajiccaMdrasenAnIstArakAsurajittathA ॥ zailAnAM merumukhyAnAM vedhakazca svatejasA ॥ 72 ॥

तप्तचामीकरप्रख्यः शतपत्रदलेक्षणः ॥ कुमारस्सुकुमाराणां रूपोदाहरणं महत् ॥ ७३ ॥

taptacAmIkaraprakhyaH zatapatradalekSaNaH ॥ kumArassukumArANAM rUpodAharaNaM mahat ॥ 73 ॥

शिवप्रियः शिवासक्तः शिवपदार्चकस्सदा ॥ सत्कृत्य शिवयोराज्ञां स मे दिशतु कांक्षितम् ॥ ७४ ॥

zivapriyaH zivAsaktaH zivapadArcakassadA ॥ satkRtya zivayorAjJAM sa me dizatu kAMkSitam ॥ 74 ॥

ज्येष्ठा वरिष्ठा वरदा शिवयोर्यजनेरता ॥ तयोराज्ञां पुरस्कृत्य सा मे दिशतु कांक्षितम् ॥ ७५ ॥

jyeSThA variSThA varadA zivayoryajaneratA ॥ tayorAjJAM puraskRtya sA me dizatu kAMkSitam ॥ 75 ॥

त्रैलोक्यवंदिता साक्षादुल्काकारा गणांबिका ॥ जगत्सृष्टिविवृद्ध्यर्थं ब्रह्मणा ऽभ्यर्थिता शिवात् ॥ ७६ ॥

trailokyavaMditA sAkSAdulkAkArA gaNAMbikA ॥ jagatsRSTivivRddhyarthaM brahmaNA 'bhyarthitA zivAt ॥ 76 ॥

शिवायाः प्रविभक्ताया भ्रुवोरन्तरनिस्सृताः ॥ दक्षायणी सती मेना तथा हैमवती ह्युमा ॥ ७७ ॥

zivAyAH pravibhaktAyA bhruvorantaranissRtAH ॥ dakSAyaNI satI menA tathA haimavatI hyumA ॥ 77 ॥

कौशिक्याश्चैव जननी भद्रकाल्यास्तथैव च ॥ अपर्णायाश्च जननी पाटलायास्तथैव च ॥ ७८ ॥

kauzikyAzcaiva jananI bhadrakAlyAstathaiva ca ॥ aparNAyAzca jananI pATalAyAstathaiva ca ॥ 78 ॥

शिवार्चनरता नित्यं रुद्राणी रुद्रवल्लभा ॥ सत्कृट्य शिवयोराज्ञां सा मे दिशतु कांक्षितम् ॥ ७९ ॥

zivArcanaratA nityaM rudrANI rudravallabhA ॥ satkRTya zivayorAjJAM sA me dizatu kAMkSitam ॥ 79 ॥

चंडः सर्वगणेशानः शंभोर्वदनसंभवः ॥ सत्कृत्य शिवयोराज्ञां स मे दिशतु कांक्षितम् ॥ ८० ॥

caMDaH sarvagaNezAnaH zaMbhorvadanasaMbhavaH ॥ satkRtya zivayorAjJAM sa me dizatu kAMkSitam ॥ 80 ॥

पिंगलो गणपः श्रीमाञ्छिवासक्तः शिवप्रियः ॥ आज्ञया शिवयोरेव स मे कामं प्रयच्छतु ॥ ८१ ॥

piMgalo gaNapaH zrImAJchivAsaktaH zivapriyaH ॥ AjJayA zivayoreva sa me kAmaM prayacchatu ॥ 81 ॥

भृंगीशो नाम गणपः शिवराधनतत्परः ॥ सम्बन्धसामान्यविवक्षया कर्मणि पष्ठी प्रयच्छतु स मे कामं पत्युराज्ञा पुरःसरम् ॥ ८२ ॥

bhRMgIzo nAma gaNapaH zivarAdhanatatparaH ॥ sambandhasAmAnyavivakSayA karmaNi paSThI prayacchatu sa me kAmaM patyurAjJA puraHsaram ॥ 82 ॥

वीरभद्रो महातेजा हिमकुंदेंदुसन्निभः ॥ भद्रकालीप्रियो नित्यं मात्ःणां चाभिरक्षिता ॥ ८३ ॥

vIrabhadro mahAtejA himakuMdeMdusannibhaH ॥ bhadrakAlIpriyo nityaM mAtHNAM cAbhirakSitA ॥ 83 ॥

यज्ञस्य च शिरोहर्ता दक्षस्य च दुरात्मनः ॥ उपेंद्रेंद्रयमादीनां देवानामंगतक्षकः ॥ ८४ ॥

yajJasya ca zirohartA dakSasya ca durAtmanaH ॥ upeMdreMdrayamAdInAM devAnAmaMgatakSakaH ॥ 84 ॥

शिवस्यानुचरः श्रीमाञ्छिवशासनपालकः ॥ शिवयोः शासनादेव स मे दिशतु कांक्षितम् ॥ ८५ ॥

zivasyAnucaraH zrImAJchivazAsanapAlakaH ॥ zivayoH zAsanAdeva sa me dizatu kAMkSitam ॥ 85 ॥

सरस्वती महेशस्य वाक्सरोजसमुद्भवा ॥ शिवयोः पूजने सक्ता स मे दिशतु कांक्षितम् ॥ ८६ ॥

sarasvatI mahezasya vAksarojasamudbhavA ॥ zivayoH pUjane saktA sa me dizatu kAMkSitam ॥ 86 ॥

विष्णोर्वक्षःस्थिता लक्ष्मीः शिवयोः पूजने रता ॥ शिवयोः शासनादेव सा मे दिशतु कांक्षितम् ॥ ८७ ॥

viSNorvakSaHsthitA lakSmIH zivayoH pUjane ratA ॥ zivayoH zAsanAdeva sA me dizatu kAMkSitam ॥ 87 ॥

महामोटी महादेव्याः पादपूजापरायणा ॥ तस्या एव नियोगेन सा मे दिशतु कांक्षितम् ॥ ८८ ॥

mahAmoTI mahAdevyAH pAdapUjAparAyaNA ॥ tasyA eva niyogena sA me dizatu kAMkSitam ॥ 88 ॥

कौशिकी सिंहमारूढा पार्वत्याः परमा सुता ॥ विष्णोर्निद्रामहामाया महामहिषमर्दिनी ॥ ८९ ॥

kauzikI siMhamArUDhA pArvatyAH paramA sutA ॥ viSNornidrAmahAmAyA mahAmahiSamardinI ॥ 89 ॥

निशंभशुंभसंहत्री मधुमांसासवप्रिया ॥ सत्कृत्य शासनं मातुस्सा मे दिशतु कांक्षितम् ॥ ९० ॥

nizaMbhazuMbhasaMhatrI madhumAMsAsavapriyA ॥ satkRtya zAsanaM mAtussA me dizatu kAMkSitam ॥ 90 ॥

रुद्रा रुद्रसमप्रख्याः प्रथमाः प्रथितौजसः ॥ भूताख्याश्च महावीर्या महादेवसमप्रभाः ॥ ९१ ॥

rudrA rudrasamaprakhyAH prathamAH prathitaujasaH ॥ bhUtAkhyAzca mahAvIryA mahAdevasamaprabhAH ॥ 91 ॥

नित्यमुक्ता निरुपमा निर्द्वन्द्वा निरुपप्लवाः ॥ सशक्तयस्सानुचरास्सर्वलोकनमस्कृताः ॥ ९२ ॥

nityamuktA nirupamA nirdvandvA nirupaplavAH ॥ sazaktayassAnucarAssarvalokanamaskRtAH ॥ 92 ॥

सर्वेषामेव लोकानां सृष्टिसंहरणक्षमाः ॥ परस्परानुरक्ताश्च परस्परमनुव्रताः ॥ ९३ ॥

sarveSAmeva lokAnAM sRSTisaMharaNakSamAH ॥ parasparAnuraktAzca parasparamanuvratAH ॥ 93 ॥

परस्परमतिस्निग्धाः परस्परनमस्कृताः ॥ शिवप्रियतमा नित्यं शिवलक्षणलक्षिताः ॥ ९४ ॥

parasparamatisnigdhAH parasparanamaskRtAH ॥ zivapriyatamA nityaM zivalakSaNalakSitAH ॥ 94 ॥

सौम्याधारास्तथा मिश्राश्चांतरालद्वयात्मिकाः ॥ विरूपाश्च सुरूपाश्च नानारूपधरास्तथा ॥ ९५ ॥

saumyAdhArAstathA mizrAzcAMtarAladvayAtmikAH ॥ virUpAzca surUpAzca nAnArUpadharAstathA ॥ 95 ॥

सत्कृत्य शिवयोराज्ञां ते मे कामं दिशंतु वै ॥ देव्या प्रियसखीवर्गो देवीलक्षणलक्षितः ॥ ९६ ॥

satkRtya zivayorAjJAM te me kAmaM dizaMtu vai ॥ devyA priyasakhIvargo devIlakSaNalakSitaH ॥ 96 ॥

सहितो रुद्रकन्याभिः शक्तिभिश्चाप्यनेकशः ॥ तृतीयावरणे शंभोर्भक्त्या नित्यं समर्चितः ॥ ९७ ॥

sahito rudrakanyAbhiH zaktibhizcApyanekazaH ॥ tRtIyAvaraNe zaMbhorbhaktyA nityaM samarcitaH ॥ 97 ॥

सत्कृत्य शिवयोराज्ञां स मे दिशतु मंगलम् ॥ दिवाकरो महेशस्य मूर्तिर्दीप्तिसुमंडलः ॥ ९८ ॥

satkRtya zivayorAjJAM sa me dizatu maMgalam ॥ divAkaro mahezasya mUrtirdIptisumaMDalaH ॥ 98 ॥

निर्गुणो गुणसंकीर्णस्तथैव गुणकेवलः ॥ अविकारात्मकश्चाद्य एकस्सामान्यविक्रियः ॥ ९९ ॥

nirguNo guNasaMkIrNastathaiva guNakevalaH ॥ avikArAtmakazcAdya ekassAmAnyavikriyaH ॥ 99 ॥

असाधारणकर्मा च सृष्टिस्थितिलयक्रमात् ॥ एवं त्रिधा चतुर्धा च विभक्ताः पञ्चधा पुनः ॥ १०० ॥

asAdhAraNakarmA ca sRSTisthitilayakramAt ॥ evaM tridhA caturdhA ca vibhaktAH paJcadhA punaH ॥ 100 ॥

चतुर्थावरणे शंभोः पूजितश्चानुगैः सह ॥ शिवप्रियः शिवासक्तः शिवपादार्चने रतः ॥ १०१ ॥

caturthAvaraNe zaMbhoH pUjitazcAnugaiH saha ॥ zivapriyaH zivAsaktaH zivapAdArcane rataH ॥ 101 ॥

सत्कृत्य शिवयोराज्ञां स मे दिशतु मंगलम् ॥ दिवाकरषडंगानि दीप्ताद्याश्चाष्टशक्तयः ॥ १०२ ॥

satkRtya zivayorAjJAM sa me dizatu maMgalam ॥ divAkaraSaDaMgAni dIptAdyAzcASTazaktayaH ॥ 102 ॥

आदित्यो भास्करो भानू रविश्चेत्यनुपूर्वशः ॥ अर्को ब्रह्मा तथा रुद्रो विष्नुश्चादित्यमूर्तयः ॥ १०३ ॥

Adityo bhAskaro bhAnU ravizcetyanupUrvazaH ॥ arko brahmA tathA rudro viSnuzcAdityamUrtayaH ॥ 103 ॥

विस्तरासुतराबोधिन्याप्यायिन्यपराः पुनः ॥ उषा प्रभा तथा प्राज्ञा संध्या चेत्यपि शक्तयः ॥ १०४ ॥

vistarAsutarAbodhinyApyAyinyaparAH punaH ॥ uSA prabhA tathA prAjJA saMdhyA cetyapi zaktayaH ॥ 104 ॥

सोमादिकेतुपर्यंता ग्रहाश्च शिवभाविताः ॥ शिवयोराज्ञयानुन्ना मंगलं प्रदिशंतु मे ॥ १०५ ॥

somAdiketuparyaMtA grahAzca zivabhAvitAH ॥ zivayorAjJayAnunnA maMgalaM pradizaMtu me ॥ 105 ॥

अथवा द्वादशादित्यास्तथा द्वादश शक्तयः ॥ ऋषयो देवगंधर्वाः पन्नगाप्सरसां गणाः ॥ १०६ ॥

athavA dvAdazAdityAstathA dvAdaza zaktayaH ॥ RSayo devagaMdharvAH pannagApsarasAM gaNAH ॥ 106 ॥

ग्रामण्यश्च तथा यक्षा राक्षसाश्चासुरास्तथा ॥ सप्तसप्तगणाश्चैते सप्तच्छंदोमया हयाः ॥ १०७ ॥

grAmaNyazca tathA yakSA rAkSasAzcAsurAstathA ॥ saptasaptagaNAzcaite saptacchaMdomayA hayAH ॥ 107 ॥

वालखिल्या दयश्चैव सर्वे शिवपदार्चकाः ॥ सत्कृत्यशिवयोराज्ञां मंगलं प्रदिशंतु मे ॥ १०८ ॥

vAlakhilyA dayazcaiva sarve zivapadArcakAH ॥ satkRtyazivayorAjJAM maMgalaM pradizaMtu me ॥ 108 ॥

ब्रह्माथ देवदेवस्य मूर्तिर्भूमण्डलाधिपः ॥ चतुःषष्टिगुणैश्वर्यो बुद्धितत्त्वे प्रतिष्ठितः ॥ १०९ ॥

brahmAtha devadevasya mUrtirbhUmaNDalAdhipaH ॥ catuHSaSTiguNaizvaryo buddhitattve pratiSThitaH ॥ 109 ॥

निर्गुणो गुणसंकीर्णस्तथैव गुणकेवलः ॥ अविकारात्मको देवस्ततस्साधारणः पुरः ॥ ११० ॥

nirguNo guNasaMkIrNastathaiva guNakevalaH ॥ avikArAtmako devastatassAdhAraNaH puraH ॥ 110 ॥

असाधारणकर्मा च सृष्टिस्थितिलयक्रमात् ॥ भुवं त्रिधा चतुर्धा च विभक्तः पञ्चधा पुनः ॥ १११ ॥

asAdhAraNakarmA ca sRSTisthitilayakramAt ॥ bhuvaM tridhA caturdhA ca vibhaktaH paJcadhA punaH ॥ 111 ॥

चतुर्थावरणे शंभो पूजितश्च सहानुगैः ॥ शिवप्रियः शिवासक्तश्शिवपादार्चने रतः ॥ ११२ ॥

caturthAvaraNe zaMbho pUjitazca sahAnugaiH ॥ zivapriyaH zivAsaktazzivapAdArcane rataH ॥ 112 ॥

सत्कृत्य शिवयोराज्ञां स मे दिशतु मंगलम् ॥ हिरण्यगर्भो लोकेशो विराट्कालश्च पूरुषः ॥ ११३ ॥

satkRtya zivayorAjJAM sa me dizatu maMgalam ॥ hiraNyagarbho lokezo virATkAlazca pUruSaH ॥ 113 ॥

सनत्कुमारः सनकः सनंदश्च सनातनः ॥ प्रजानां पतयश्चैव दक्षाद्या ब्रह्मसूनवः ॥ ११४ ॥

sanatkumAraH sanakaH sanaMdazca sanAtanaH ॥ prajAnAM patayazcaiva dakSAdyA brahmasUnavaH ॥ 114 ॥

एकादश सपत्नीका धर्मस्संकल्प एव च ॥ शिवार्चनरताश्चैते शिवभक्तिपरायणाः ॥ ११५ ॥

ekAdaza sapatnIkA dharmassaMkalpa eva ca ॥ zivArcanaratAzcaite zivabhaktiparAyaNAH ॥ 115 ॥

शिवाज्ञावशगास्सर्वे दिशंतु मम मंगलम् ॥ चत्वारश्च तथा वेदास्सेतिहासपुराणकाः ॥ ११६ ॥

zivAjJAvazagAssarve dizaMtu mama maMgalam ॥ catvArazca tathA vedAssetihAsapurANakAH ॥ 116 ॥

धर्मशास्त्राणि विद्याभिर्वैदिकीभिस्समन्विताः ॥ परस्परविरुद्धार्थाः शिवप्रकृतिपादकाः ॥ ११७ ॥

dharmazAstrANi vidyAbhirvaidikIbhissamanvitAH ॥ parasparaviruddhArthAH zivaprakRtipAdakAH ॥ 117 ॥

सत्कृत्य शिवयोराज्ञां मंगलं प्रदिशंतु मे ॥ अथ रुद्रो महादेवः शंभोर्मूर्तिर्गरीयसी ॥ ११८ ॥

satkRtya zivayorAjJAM maMgalaM pradizaMtu me ॥ atha rudro mahAdevaH zaMbhormUrtirgarIyasI ॥ 118 ॥

वाह्नेयमण्डलाधीशः पौरुषैश्वर्यवान्प्रभुः ॥ शिवाभिमानसंपन्नो निर्गुणस्त्रिगुणात्मकः ॥ ११९ ॥

vAhneyamaNDalAdhIzaH pauruSaizvaryavAnprabhuH ॥ zivAbhimAnasaMpanno nirguNastriguNAtmakaH ॥ 119 ॥

केवलं सात्त्विकश्चापि राजसश्चैव तामसः ॥ अविकाररतः पूर्वं ततस्तु समविक्रियः ॥ १२० ॥

kevalaM sAttvikazcApi rAjasazcaiva tAmasaH ॥ avikArarataH pUrvaM tatastu samavikriyaH ॥ 120 ॥

असाधारणकर्मा च सृष्ट्यादिकरणात्पृथक् ॥ ब्रह्मणोपि शिरश्छेत्ता जनकस्तस्य तत्सुतः ॥ १२१ ॥

asAdhAraNakarmA ca sRSTyAdikaraNAtpRthak ॥ brahmaNopi zirazchettA janakastasya tatsutaH ॥ 121 ॥

जनकस्तनयश्चापि विष्णोरपि नियामकः ॥ बोधकश्च तयोर्नित्यमनुग्रहकरः प्रभुः ॥ १२२ ॥

janakastanayazcApi viSNorapi niyAmakaH ॥ bodhakazca tayornityamanugrahakaraH prabhuH ॥ 122 ॥

अंडस्यांतर्बहिर्वर्ती रुद्रो लोकद्वयाधिपः ॥ शिवप्रियः शिवासक्तः शिवपादार्चने रतः ॥ १२३ ॥

aMDasyAMtarbahirvartI rudro lokadvayAdhipaH ॥ zivapriyaH zivAsaktaH zivapAdArcane rataH ॥ 123 ॥

शिवस्याज्ञां पुरस्कृत्य स मे दिशतु मंगलम् ॥ तस्य ब्रह्म षडंगानि विद्येशांतं तथाष्टकम् ॥ १२४ ॥

zivasyAjJAM puraskRtya sa me dizatu maMgalam ॥ tasya brahma SaDaMgAni vidyezAMtaM tathASTakam ॥ 124 ॥

चत्वारो मूर्तिभेदाश्च शिवपूर्वाः शिवार्चकाः ॥ शिवो भवो हरश्चैव मृडश्चैव तथापरः ॥ शिवस्याज्ञां पुरस्कृत्य मंगलं प्रदिशंतु मे ॥ १२५ ॥

catvAro mUrtibhedAzca zivapUrvAH zivArcakAH ॥ zivo bhavo harazcaiva mRDazcaiva tathAparaH ॥ zivasyAjJAM puraskRtya maMgalaM pradizaMtu me ॥ 125 ॥

अथ विष्णुर्महेशस्य शिवस्यैव परा तनुः ॥ वारितत्त्वाधिपः साक्षादव्यक्तपदसंस्थितः ॥ १२६ ॥

atha viSNurmahezasya zivasyaiva parA tanuH ॥ vAritattvAdhipaH sAkSAdavyaktapadasaMsthitaH ॥ 126 ॥

निर्गुणस्सत्त्वबहुलस्तथैव गुणकेवलः ॥ अविकाराभिमानी च त्रिसाधारणविक्रियः ॥ १२७ ॥

nirguNassattvabahulastathaiva guNakevalaH ॥ avikArAbhimAnI ca trisAdhAraNavikriyaH ॥ 127 ॥

असाधारणकर्मा च सृष्ट्यादिकरणात्पृथक् ॥ दक्षिणांगभवेनापि स्पर्धमानः स्वयंभुवा ॥ १२८ ॥

asAdhAraNakarmA ca sRSTyAdikaraNAtpRthak ॥ dakSiNAMgabhavenApi spardhamAnaH svayaMbhuvA ॥ 128 ॥

आद्येन ब्रह्मणा साक्षात्सृष्टः स्रष्टा च तस्य तु ॥ अंडस्यांतर्बहिर्वर्ती विष्णुर्लोकद्वयाधिपः ॥ १२९ ॥

Adyena brahmaNA sAkSAtsRSTaH sraSTA ca tasya tu ॥ aMDasyAMtarbahirvartI viSNurlokadvayAdhipaH ॥ 129 ॥

असुरांतकरश्चक्री शक्रस्यापि तथानुजः ॥ प्रादुर्भूतश्च दशधा भृगुशापच्छलादिह ॥ १३० ॥

asurAMtakarazcakrI zakrasyApi tathAnujaH ॥ prAdurbhUtazca dazadhA bhRguzApacchalAdiha ॥ 130 ॥

भूभारनिग्रहार्थाय स्वेच्छयावातरक्षितौ ॥ अप्रमेयबलो मायी मायया मोहयञ्जगत् ॥ १३१ ॥

bhUbhAranigrahArthAya svecchayAvAtarakSitau ॥ aprameyabalo mAyI mAyayA mohayaJjagat ॥ 131 ॥

मूर्तिं कृत्वा महाविष्णुं सदाशिष्णुमथापि वा ॥ वैष्णवैः पूजितो नित्यं मूर्तित्रयमयासने ॥ १३२ ॥

mUrtiM kRtvA mahAviSNuM sadAziSNumathApi vA ॥ vaiSNavaiH pUjito nityaM mUrtitrayamayAsane ॥ 132 ॥

शिवप्रियः शिवासक्तः शिवपादार्चने रतः ॥ शिवस्याज्ञां पुरस्कृत्य स मे दिशतु मंगलम् ॥ १३३ ॥

zivapriyaH zivAsaktaH zivapAdArcane rataH ॥ zivasyAjJAM puraskRtya sa me dizatu maMgalam ॥ 133 ॥

वासुदेवो ऽनिरुद्धश्च प्रद्युम्नश्च ततः परः ॥ संकर्षणस्समाख्याताश्चतस्रो मूर्तयो हरेः ॥ १३४ ॥

vAsudevo 'niruddhazca pradyumnazca tataH paraH ॥ saMkarSaNassamAkhyAtAzcatasro mUrtayo hareH ॥ 134 ॥

मत्स्यः कूर्मो वराहश्च नारसिंहो ऽथ वामनः ॥ रामत्रयं तथा कृष्णो विष्णुस्तुरगवक्त्रकः ॥ १३५ ॥

matsyaH kUrmo varAhazca nArasiMho 'tha vAmanaH ॥ rAmatrayaM tathA kRSNo viSNusturagavaktrakaH ॥ 135 ॥

चक्रं नारायणस्यास्त्रं पांचजन्यं च शार्ङ्गकम् ॥ सत्कृत्य शिवयोराज्ञां मंगलं प्रदिशंतु मे ॥ १३६ ॥

cakraM nArAyaNasyAstraM pAMcajanyaM ca zArGgakam ॥ satkRtya zivayorAjJAM maMgalaM pradizaMtu me ॥ 136 ॥

प्रभा सरस्वती गौरी लक्ष्मीश्च शिवभाविता ॥ शिवयोः शासनादेता मंगलं प्रदिशंतु मे ॥ १३७ ॥

prabhA sarasvatI gaurI lakSmIzca zivabhAvitA ॥ zivayoH zAsanAdetA maMgalaM pradizaMtu me ॥ 137 ॥

इन्द्रो ऽग्निश्च यमश्चैव निरृतिर्वरुणस्तथा ॥ वायुः सोमः कुबेरश्च तथेशानस्त्रिशूलधृक् ॥ १३८ ॥

indro 'gnizca yamazcaiva nirRtirvaruNastathA ॥ vAyuH somaH kuberazca tathezAnastrizUladhRk ॥ 138 ॥

सर्वे शिवार्चनरताः शिवसद्भावभाविताः ॥ सत्कृत्य शिवयोराज्ञां मंगलं प्रदिशंतु मे ॥ १३९ ॥

sarve zivArcanaratAH zivasadbhAvabhAvitAH ॥ satkRtya zivayorAjJAM maMgalaM pradizaMtu me ॥ 139 ॥

त्रिशूलमथ वज्रं च तथा परशुसायकौ ॥ खड्गपाशांकुशाश्चैव पिनाकश्चायुधोत्तमः ॥ १४० ॥

trizUlamatha vajraM ca tathA parazusAyakau ॥ khaDgapAzAMkuzAzcaiva pinAkazcAyudhottamaH ॥ 140 ॥

दिव्यायुधानि देवस्य देव्याश्चैतानि नित्यशः ॥ सत्कृत्य शिवयोराज्ञां रक्षां कुर्वंतु मे सदा ॥ १४१ ॥

divyAyudhAni devasya devyAzcaitAni nityazaH ॥ satkRtya zivayorAjJAM rakSAM kurvaMtu me sadA ॥ 141 ॥

वृषरूपधरो देवः सौरभेयो महाबलः ॥ वडवाख्यानलस्पर्धां पञ्चगोमातृभिर्वृतः ॥ १४२ ॥

vRSarUpadharo devaH saurabheyo mahAbalaH ॥ vaDavAkhyAnalaspardhAM paJcagomAtRbhirvRtaH ॥ 142 ॥

वाहनत्वमनुप्राप्तस्तपसा परमेशयोः ॥ तयोराज्ञां पुरस्कृत्य स मे कामं प्रयच्छतु ॥ १४३ ॥

vAhanatvamanuprAptastapasA paramezayoH ॥ tayorAjJAM puraskRtya sa me kAmaM prayacchatu ॥ 143 ॥

नंदा सुनंदा सुरभिः सुशीला सुमनास्तथा ॥ पञ्चगोमातरस्त्वेताश्शिवलोके व्यवस्थिताः ॥ १४४ ॥

naMdA sunaMdA surabhiH suzIlA sumanAstathA ॥ paJcagomAtarastvetAzzivaloke vyavasthitAH ॥ 144 ॥

शिवभक्तिपरा नित्यं शिवार्चनपरायणाः ॥ शिवयोः शासनादेव दिशंतु मम वांछितम् ॥ १४५ ॥

zivabhaktiparA nityaM zivArcanaparAyaNAH ॥ zivayoH zAsanAdeva dizaMtu mama vAMchitam ॥ 145 ॥

क्षेत्रपालो महातेजा नील जीमूतसन्निभः ॥ दंष्ट्राकरालवदनः स्फुरद्रक्ताधरोज्ज्वलः ॥ १४६ ॥

kSetrapAlo mahAtejA nIla jImUtasannibhaH ॥ daMSTrAkarAlavadanaH sphuradraktAdharojjvalaH ॥ 146 ॥

रक्तोर्ध्वमूर्धजः श्रीमान्भ्रुकुटीकुटिलेक्षणः ॥ रक्तवृत्तत्रिनयनः शशिपन्नगभूषणः ॥ १४७ ॥

raktordhvamUrdhajaH zrImAnbhrukuTIkuTilekSaNaH ॥ raktavRttatrinayanaH zazipannagabhUSaNaH ॥ 147 ॥

नग्नस्त्रिशूलपाशासिकपालोद्यतपाणिकः ॥ भैरवो भैरवैः सिद्धैर्योगिनीभिश्च संवृतः ॥ १४८ ॥

nagnastrizUlapAzAsikapAlodyatapANikaH ॥ bhairavo bhairavaiH siddhairyoginIbhizca saMvRtaH ॥ 148 ॥

क्षेत्रेक्षेत्रे समासीनः स्थितो यो रक्षकस्सताम् ॥ शिवप्रणामपरमः शिवसद्भावभावितः ॥ १४९ ॥

kSetrekSetre samAsInaH sthito yo rakSakassatAm ॥ zivapraNAmaparamaH zivasadbhAvabhAvitaH ॥ 149 ॥

शिवश्रितान्विशेषेण रक्षन्पुत्रानिवौरसान् ॥ सत्कृत्य शिवयोराज्ञां स मे दिशतु मङ्गलम् ॥ १५० ॥

zivazritAnvizeSeNa rakSanputrAnivaurasAn ॥ satkRtya zivayorAjJAM sa me dizatu maGgalam ॥ 150 ॥

तालजङ्घादयस्तस्य प्रथमावरणेर्चिताः ॥ सत्कृत्य शिवयोराज्ञां चत्वारः समवन्तु माम् ॥ १५१ ॥

tAlajaGghAdayastasya prathamAvaraNercitAH ॥ satkRtya zivayorAjJAM catvAraH samavantu mAm ॥ 151 ॥

भैरवाद्याश्च ये चान्ये समंतात्तस्य वेष्टिताः ॥ ते ऽपि मामनुगृह्णंतु शिवशासनगौरवात् ॥ १५२ ॥

bhairavAdyAzca ye cAnye samaMtAttasya veSTitAH ॥ te 'pi mAmanugRhNaMtu zivazAsanagauravAt ॥ 152 ॥

नारदाद्याश्च मुनयो दिव्या देवैश्च पूजिताः ॥ साध्या मागाश्च ये देवा जनलोकनिवासिनः ॥ १५३ ॥

nAradAdyAzca munayo divyA devaizca pUjitAH ॥ sAdhyA mAgAzca ye devA janalokanivAsinaH ॥ 153 ॥

विनिवृत्ताधिकाराश्च महर्लोकनिवासिनः ॥ सप्तर्षयस्तथान्ये वै वैमानिकगुणैस्सह ॥ १५४ ॥

vinivRttAdhikArAzca maharlokanivAsinaH ॥ saptarSayastathAnye vai vaimAnikaguNaissaha ॥ 154 ॥

सर्वे शिवार्चनरताः शिवाज्ञावशवर्तिनः ॥ शिवयोराज्ञया मह्यं दिशंतु मम कांक्षितम् १ ॥ १५५ ॥

sarve zivArcanaratAH zivAjJAvazavartinaH ॥ zivayorAjJayA mahyaM dizaMtu mama kAMkSitam 1 ॥ 155 ॥

गंधर्वाद्याः पिशाचांताश्चतस्रो देवयोनयः ॥ सिद्धा विद्याधराद्याश्च ये ऽपि चान्ये नभश्चराः ॥ १५६ ॥

gaMdharvAdyAH pizAcAMtAzcatasro devayonayaH ॥ siddhA vidyAdharAdyAzca ye 'pi cAnye nabhazcarAH ॥ 156 ॥

असुरा राक्षसाश्चैव पातालतलवासिनः ॥ अनंताद्याश्च नागेन्द्रा वैनतेयादयो द्विजाः ॥ १५७ ॥

asurA rAkSasAzcaiva pAtAlatalavAsinaH ॥ anaMtAdyAzca nAgendrA vainateyAdayo dvijAH ॥ 157 ॥

कूष्मांडाः प्रेतवेताला ग्रहा भूतगणाः परे ॥ डाकिन्यश्चापि योगिन्यः शाकिन्यश्चापि तादृशाः ॥ १५८ ॥

kUSmAMDAH pretavetAlA grahA bhUtagaNAH pare ॥ DAkinyazcApi yoginyaH zAkinyazcApi tAdRzAH ॥ 158 ॥

क्षेत्रारामगृहादीनि तीर्थान्यायतनानि च ॥ द्वीपाः समुद्रा नद्यश्च नदाश्चान्ये सरांसि च ॥ १५९ ॥

kSetrArAmagRhAdIni tIrthAnyAyatanAni ca ॥ dvIpAH samudrA nadyazca nadAzcAnye sarAMsi ca ॥ 159 ॥

गिरयश्च सुमेर्वाद्याः कननानि समंततः ॥ पशवः पक्षिणो वृक्षाः कृमिकीटादयो मृगाः ॥ १६० ॥

girayazca sumervAdyAH kananAni samaMtataH ॥ pazavaH pakSiNo vRkSAH kRmikITAdayo mRgAH ॥ 160 ॥

भुवनान्यपि सर्वाणि भुवनानामधीश्वरः ॥ अण्डान्यावरणैस्सार्धं मासाश्च दश दिग्गजाः ॥ १६१ ॥

bhuvanAnyapi sarvANi bhuvanAnAmadhIzvaraH ॥ aNDAnyAvaraNaissArdhaM mAsAzca daza diggajAH ॥ 161 ॥

वर्णाः पदानि मंत्राश्च तत्त्वान्यपि सहाधिपैः ॥ ब्रह्मांडधारका रुद्रा रुद्राश्चान्ये सशक्तिकाः ॥ १६२ ॥

varNAH padAni maMtrAzca tattvAnyapi sahAdhipaiH ॥ brahmAMDadhArakA rudrA rudrAzcAnye sazaktikAH ॥ 162 ॥

यच्च किंचिज्जगत्यस्मिन्दृष्टं चानुमितं श्रुतम् ॥ सर्वे कामं प्रयच्छन्तु शिवयोरेव शासनात् ॥ १६३ ॥

yacca kiMcijjagatyasmindRSTaM cAnumitaM zrutam ॥ sarve kAmaM prayacchantu zivayoreva zAsanAt ॥ 163 ॥

अथ विद्या परा शैवी पशुपाशविमोचिनी ॥ पञ्चार्थसंज्ञिता दिव्या पशुविद्याबहिष्कृता ॥ १६४ ॥

atha vidyA parA zaivI pazupAzavimocinI ॥ paJcArthasaMjJitA divyA pazuvidyAbahiSkRtA ॥ 164 ॥

शास्त्रं च शिवधर्माख्यं धर्माख्यं च तदुत्तरम् ॥ शैवाख्यं शिवधर्माख्यं पुराणं श्रुतिसंमितम् ॥ १६५ ॥

zAstraM ca zivadharmAkhyaM dharmAkhyaM ca taduttaram ॥ zaivAkhyaM zivadharmAkhyaM purANaM zrutisaMmitam ॥ 165 ॥

शैवागमाश्च ये चान्ये कामिकाद्याश्चतुर्विधाः ॥ शिवाभ्यामविशेषेण सत्कृत्येह समर्चिताः ॥ १६६ ॥

zaivAgamAzca ye cAnye kAmikAdyAzcaturvidhAH ॥ zivAbhyAmavizeSeNa satkRtyeha samarcitAH ॥ 166 ॥

ताभ्यामेव समाज्ञाता ममाभिप्रेतसिद्धये ॥ कर्मेदमनुमन्यंतां सफलं साध्वनुष्ठितम् ॥ १६७ ॥

tAbhyAmeva samAjJAtA mamAbhipretasiddhaye ॥ karmedamanumanyaMtAM saphalaM sAdhvanuSThitam ॥ 167 ॥

श्वेताद्या नकुलीशांताः सशिष्याश्चापि देशिकाः ॥ तत्संततीया गुरवो विशेषाद्गुरवो मम ॥ १६८ ॥

zvetAdyA nakulIzAMtAH saziSyAzcApi dezikAH ॥ tatsaMtatIyA guravo vizeSAdguravo mama ॥ 168 ॥

शैवा माहेश्वराश्चैव ज्ञानकर्मपरायणाः ॥ कर्मेदमनुमन्यंतां सफलं साध्वनुष्ठितम् ॥ १६९ ॥

zaivA mAhezvarAzcaiva jJAnakarmaparAyaNAH ॥ karmedamanumanyaMtAM saphalaM sAdhvanuSThitam ॥ 169 ॥

लौकिका ब्राह्मणास्सर्वे क्षत्रियाश्च विशः क्रमात् ॥ वेदवेदांगतत्त्वज्ञाः सर्वशास्त्रविशारदाः ॥ १७० ॥

laukikA brAhmaNAssarve kSatriyAzca vizaH kramAt ॥ vedavedAMgatattvajJAH sarvazAstravizAradAH ॥ 170 ॥

सांख्या वैशेषिकाश्चैव यौगा नैयायिका नराः ॥ सौरा ब्रह्मास्तथा रौद्रा वैष्णवाश्चापरे नराः ॥ १७१ ॥

sAMkhyA vaizeSikAzcaiva yaugA naiyAyikA narAH ॥ saurA brahmAstathA raudrA vaiSNavAzcApare narAH ॥ 171 ॥

शिष्टाः सर्वे विशिष्टा च शिवशासनयंत्रिताः ॥ कर्मेदमनुमन्यंतां ममाभिप्रेतसाधकम् ॥ १७२ ॥

ziSTAH sarve viziSTA ca zivazAsanayaMtritAH ॥ karmedamanumanyaMtAM mamAbhipretasAdhakam ॥ 172 ॥

शैवाः सिद्धांतमार्गस्थाः शैवाः पाशुपतास्तथा ॥ शैवा महाव्रतधराः शैवाः कापालिकाः परे ॥ १७३ ॥

zaivAH siddhAMtamArgasthAH zaivAH pAzupatAstathA ॥ zaivA mahAvratadharAH zaivAH kApAlikAH pare ॥ 173 ॥

शिवाज्ञापालकाः पूज्या ममापि शिवशासनात् ॥ सर्वे ममानुगृह्णंतु शंसंतु सफलक्रियाम् ॥ १७४ ॥

zivAjJApAlakAH pUjyA mamApi zivazAsanAt ॥ sarve mamAnugRhNaMtu zaMsaMtu saphalakriyAm ॥ 174 ॥

दक्षिणज्ञाननिष्ठाश्च दक्षिणोत्तरमार्गगाः ॥ अविरोधेन वर्तंतां मंत्रश्रेयो ऽर्थिनो मम ॥ १७५ ॥

dakSiNajJAnaniSThAzca dakSiNottaramArgagAH ॥ avirodhena vartaMtAM maMtrazreyo 'rthino mama ॥ 175 ॥

नास्तिकाश्च शठाश्चैव कृतघ्नाश्चैव तामसाः ॥ पाषंडाश्चातिपापाश्च वर्तंतां दूरतो मम ॥ १७६ ॥

nAstikAzca zaThAzcaiva kRtaghnAzcaiva tAmasAH ॥ pASaMDAzcAtipApAzca vartaMtAM dUrato mama ॥ 176 ॥

बहुभिः किं स्तुतैरत्र ये ऽपि के ऽपिचिदास्तिकाः ॥ सर्वे मामनुगृह्णंतु संतः शंसंतु मंगलम् ॥ १७७ ॥

bahubhiH kiM stutairatra ye 'pi ke 'picidAstikAH ॥ sarve mAmanugRhNaMtu saMtaH zaMsaMtu maMgalam ॥ 177 ॥

नमश्शिवाय सांबाय ससुतायादिहेतवे ॥ पञ्चावरणरूपेण प्रपञ्चेनावृताय ते ॥ १७८ ॥

namazzivAya sAMbAya sasutAyAdihetave ॥ paJcAvaraNarUpeNa prapaJcenAvRtAya te ॥ 178 ॥

इत्युक्त्वा दंडवद्भूमौ प्रणिपत्य शिवं शिवाम् ॥ जपेत्पञ्चाक्षरीं विद्यामष्टोत्तरशतावराम् ॥ १७९ ॥

ityuktvA daMDavadbhUmau praNipatya zivaM zivAm ॥ japetpaJcAkSarIM vidyAmaSTottarazatAvarAm ॥ 179 ॥

तथैव शक्तिविद्यां च जपित्वा तत्समर्पणम् ॥ कृत्वा तं क्षमयित्वेशं पूजाशेषं समापयेत् ॥ १८० ॥

tathaiva zaktividyAM ca japitvA tatsamarpaNam ॥ kRtvA taM kSamayitvezaM pUjAzeSaM samApayet ॥ 180 ॥

एतत्पुण्यतमं स्तोत्रं शिवयोर्हृदयंगमम् ॥ सर्वाभीष्टप्रदं साक्षाद्भुक्तिमुक्त्यैकसाधनम् ॥ १८१ ॥

etatpuNyatamaM stotraM zivayorhRdayaMgamam ॥ sarvAbhISTapradaM sAkSAdbhuktimuktyaikasAdhanam ॥ 181 ॥

य इदं कीर्तयेन्नित्यं शृणुयाद्वा समाहितः ॥ स विधूयाशु पापानि शिवसायुज्यमाप्नुयात् ॥ १८२ ॥

ya idaM kIrtayennityaM zRNuyAdvA samAhitaH ॥ sa vidhUyAzu pApAni zivasAyujyamApnuyAt ॥ 182 ॥

गोघ्नश्चैव कृतघ्नश्च वीरहा भ्रूणहापि वा ॥ शरणागतघाती च मित्रविश्रंभघातकः ॥ १८३ ॥

goghnazcaiva kRtaghnazca vIrahA bhrUNahApi vA ॥ zaraNAgataghAtI ca mitravizraMbhaghAtakaH ॥ 183 ॥

दुष्टपापसमाचारो मातृहा पितृहापि वा ॥ स्तवेनानेन जप्तेन तत्तत्पापात्प्रमुच्यते ॥ १८४ ॥

duSTapApasamAcAro mAtRhA pitRhApi vA ॥ stavenAnena japtena tattatpApAtpramucyate ॥ 184 ॥

दुःस्वप्नादिमहानर्थसूचकेषु भयेषु च ॥ यदि संकीर्तयेदेतन्न ततो नार्थभाग्भवेत् ॥ १८५ ॥

duHsvapnAdimahAnarthasUcakeSu bhayeSu ca ॥ yadi saMkIrtayedetanna tato nArthabhAgbhavet ॥ 185 ॥

आयुरारोग्यमैश्वर्यं यच्चान्यदपि वाञ्छितम् ॥ स्तोत्रस्यास्य जपे तिष्ठंस्तत्सर्वं लभते नरः ॥ १८६ ॥

AyurArogyamaizvaryaM yaccAnyadapi vAJchitam ॥ stotrasyAsya jape tiSThaMstatsarvaM labhate naraH ॥ 186 ॥

असंपूज्य शिवस्तोत्रं जपात्फलमुदाहृतम् ॥ संपूज्य च जपे तस्य फलं वक्तुं न शक्यते ॥ १८७ ॥

asaMpUjya zivastotraM japAtphalamudAhRtam ॥ saMpUjya ca jape tasya phalaM vaktuM na zakyate ॥ 187 ॥

आस्तामियं फलावाप्तिरस्मिन्संकीर्तिते सति ॥ सार्धमंबिकया देवः श्रुत्यैवं दिवि तिष्ठति ॥ १८८ ॥

AstAmiyaM phalAvAptirasminsaMkIrtite sati ॥ sArdhamaMbikayA devaH zrutyaivaM divi tiSThati ॥ 188 ॥

तस्मान्नभसि संपूज्य देवं देवं सहोमया ॥ कृतांजलिपुटस्तिष्ठंस्तोत्रमेतदुदीरयेत् ॥ १८९ ॥

tasmAnnabhasi saMpUjya devaM devaM sahomayA ॥ kRtAMjalipuTastiSThaMstotrametadudIrayet ॥ 189 ॥