उपमन्युरुवाच ॥ ब्रह्मघ्नो वा सुरापो वा स्तेयीवा गुरुतल्पगः ॥ मातृहा पितृहा वापि वीरहा भ्रूणहापि वा ॥ १ ॥

upamanyuruvAca ॥ brahmaghno vA surApo vA steyIvA gurutalpagaH ॥ mAtRhA pitRhA vApi vIrahA bhrUNahApi vA ॥ 1 ॥

संपूज्यामन्त्रकं भक्त्या शिवं परमकारणम् ॥ तैस्तैः पापैः प्रमुच्येत वर्षैर्द्वादशभिः क्रमात् ॥ २ ॥

saMpUjyAmantrakaM bhaktyA zivaM paramakAraNam ॥ taistaiH pApaiH pramucyeta varSairdvAdazabhiH kramAt ॥ 2 ॥

तस्मात्सर्वप्रयत्नेन पतितो ऽपि यजेच्छिवम् ॥ भक्तश्चेन्नापरः कश्चिद्भिक्षाहारो जितेंद्रियः ॥ ३ ॥

tasmAtsarvaprayatnena patito 'pi yajecchivam ॥ bhaktazcennAparaH kazcidbhikSAhAro jiteMdriyaH ॥ 3 ॥

कृत्वापि सुमहत्पापं भक्त्या पञ्चाक्षरेण तु ॥ पूजयेद्यदि देवेशं तस्मात्पापात्प्रमुच्यते ॥ ४ ॥

kRtvApi sumahatpApaM bhaktyA paJcAkSareNa tu ॥ pUjayedyadi devezaM tasmAtpApAtpramucyate ॥ 4 ॥

अब्भक्षा वायुभक्षाश्च ये चान्ये व्रतकर्शिताः ॥ तेषामेतैर्व्रतैर्नास्ति शिवलोकसमागमः ॥ ५ ॥

abbhakSA vAyubhakSAzca ye cAnye vratakarzitAH ॥ teSAmetairvratairnAsti zivalokasamAgamaH ॥ 5 ॥

भक्त्या पञ्चाक्षरेणैव यः शिवं सकृदर्चयेत् ॥ सोपि गच्छेच्छिवस्थानं शिवमन्त्रस्य गौरवात् ॥ ६ ॥

bhaktyA paJcAkSareNaiva yaH zivaM sakRdarcayet ॥ sopi gacchecchivasthAnaM zivamantrasya gauravAt ॥ 6 ॥

तस्मात्तपांसि यज्ञांश्च सर्वे सर्वस्वदक्षिणाः ॥ शिवमूर्त्यर्चनस्यैते कोट्यंशेनापि नो समाः ॥ ७ ॥

tasmAttapAMsi yajJAMzca sarve sarvasvadakSiNAH ॥ zivamUrtyarcanasyaite koTyaMzenApi no samAH ॥ 7 ॥

बद्धो वाप्यथ मुक्तो वा पश्चात्पञ्चाक्षरेण चेत् ॥ पूजयन्मुच्यते भक्तो नात्र कार्या विचारणा ॥ ८ ॥

baddho vApyatha mukto vA pazcAtpaJcAkSareNa cet ॥ pUjayanmucyate bhakto nAtra kAryA vicAraNA ॥ 8 ॥

अरुद्रो वा सरुद्रो वा सूक्तेन शिवमर्चयेत् ॥ यः सकृत्पतितो वापिमूढो वा मुच्यते नरः ॥ ९ ॥

arudro vA sarudro vA sUktena zivamarcayet ॥ yaH sakRtpatito vApimUDho vA mucyate naraH ॥ 9 ॥

षडक्षरेण वा देवं सूक्तमन्त्रेण पूजयेत् ॥ शिवभक्तो जितक्रोधो ह्यलब्धो लब्ध एव च ॥ १० ॥

SaDakSareNa vA devaM sUktamantreNa pUjayet ॥ zivabhakto jitakrodho hyalabdho labdha eva ca ॥ 10 ॥

अलब्धाल्लब्ध एवात्र विशिष्टो नात्र संशयः ॥ स ब्रह्मांगेन वा तेन सहंसेन विमुच्यते ॥ ११ ॥

alabdhAllabdha evAtra viziSTo nAtra saMzayaH ॥ sa brahmAMgena vA tena sahaMsena vimucyate ॥ 11 ॥

तस्मान्नित्यं शिवं भक्त्या सूक्तमन्त्रेण पूजयेत् ॥ एककालं द्विकालं वा त्रिकालं नित्यमेव वा ॥ १२ ॥

tasmAnnityaM zivaM bhaktyA sUktamantreNa pUjayet ॥ ekakAlaM dvikAlaM vA trikAlaM nityameva vA ॥ 12 ॥

ये ऽर्चयंति महादेवं विज्ञेयास्ते महेश्वराः ॥ ज्ञानेनात्मसहायेन नार्चितो भगवाञ्छिवः ॥ १३ ॥

ye 'rcayaMti mahAdevaM vijJeyAste mahezvarAH ॥ jJAnenAtmasahAyena nArcito bhagavAJchivaH ॥ 13 ॥

स चिरं संसरत्यस्मिन्संसारे दुःखसागरे ॥ दुर्ल्लभं प्राप्य मानुष्यं मूढो नार्चयते शिवम् ॥ १४ ॥

sa ciraM saMsaratyasminsaMsAre duHkhasAgare ॥ durllabhaM prApya mAnuSyaM mUDho nArcayate zivam ॥ 14 ॥

निष्फलं तस्य तज्जन्म मोक्षाय न भवेद्यतः ॥ दुर्ल्लभं प्राप्य मानुष्यं ये ऽर्चयन्ति पिनाकिनम् ॥ १५ ॥

niSphalaM tasya tajjanma mokSAya na bhavedyataH ॥ durllabhaM prApya mAnuSyaM ye 'rcayanti pinAkinam ॥ 15 ॥

तेषां हि सफलं जन्म कृतार्थास्ते नरोत्तमाः ॥ भवभक्तिपरा ये च भवप्रणतचेतसः ॥ १६ ॥

teSAM hi saphalaM janma kRtArthAste narottamAH ॥ bhavabhaktiparA ye ca bhavapraNatacetasaH ॥ 16 ॥

भवसंस्मरणोद्युक्ता न ते दुःखस्य भागिनः ॥ भवनानि मनोज्ञानि विभ्रमाभरणाः स्त्रियः ॥ १७ ॥

bhavasaMsmaraNodyuktA na te duHkhasya bhAginaH ॥ bhavanAni manojJAni vibhramAbharaNAH striyaH ॥ 17 ॥

धनं चातृप्तिपर्यन्तं शिवपूजाविधेः फलम् ॥ ये वाञ्छन्ति महाभोगान्राज्यं च त्रिदशालये ॥ १८ ॥

dhanaM cAtRptiparyantaM zivapUjAvidheH phalam ॥ ye vAJchanti mahAbhogAnrAjyaM ca tridazAlaye ॥ 18 ॥

ते वाञ्छन्ति सदाकालं हरस्य चरणाम्बुजम् ॥ सौभाग्यं कान्तिमद्रूपं सत्त्वं त्यागार्द्रभावता ॥ १९ ॥

te vAJchanti sadAkAlaM harasya caraNAmbujam ॥ saubhAgyaM kAntimadrUpaM sattvaM tyAgArdrabhAvatA ॥ 19 ॥

शौर्यं वै जगति ख्यातिश्शिवमर्चयतो भवेत् ॥ तस्मात्सर्वं परित्यज्य शिवैकाहितमानसः ॥ २० ॥

zauryaM vai jagati khyAtizzivamarcayato bhavet ॥ tasmAtsarvaM parityajya zivaikAhitamAnasaH ॥ 20 ॥

शिवपूजाविधिं कुर्याद्यदीच्छेच्छिवमात्मनः ॥ त्वरितं जीवितं याति त्वरितं याति यौवनम् ॥ २१ ॥

zivapUjAvidhiM kuryAdyadIcchecchivamAtmanaH ॥ tvaritaM jIvitaM yAti tvaritaM yAti yauvanam ॥ 21 ॥

त्वरितं व्याधिरभ्येति तस्मात्पूज्यः पिनाकधृक् ॥ यावन्नायाति मरणं यावन्नाक्रमते जरा ॥ २२ ॥

tvaritaM vyAdhirabhyeti tasmAtpUjyaH pinAkadhRk ॥ yAvannAyAti maraNaM yAvannAkramate jarA ॥ 22 ॥

यावन्नेन्द्रियवैकल्यं तावत्पूजय शंकरम् ॥ न शिवार्चनतुल्यो ऽस्ति धर्मो ऽन्यो भुवनत्रये ॥ २३ ॥

yAvannendriyavaikalyaM tAvatpUjaya zaMkaram ॥ na zivArcanatulyo 'sti dharmo 'nyo bhuvanatraye ॥ 23 ॥

इति विज्ञाय यत्नेन पूजनीयस्सदाशिवः ॥ द्वारयागं जवनिकां परिवारबलिक्रियाम् ॥ २४ ॥

iti vijJAya yatnena pUjanIyassadAzivaH ॥ dvArayAgaM javanikAM parivArabalikriyAm ॥ 24 ॥

नित्योत्सवं च कुर्वीत प्रसादे यदि पूजयेत् ॥ हविर्निवेदनादूर्ध्वं स्वयं चानुचरो ऽपि वा ॥ २५ ॥

nityotsavaM ca kurvIta prasAde yadi pUjayet ॥ havirnivedanAdUrdhvaM svayaM cAnucaro 'pi vA ॥ 25 ॥

प्रसादपरिवारेभ्यो बलिं दद्याद्यथाक्रमम् ॥ निर्गम्य सह वादित्रैस्तदाशाभिमुखः स्थितः ॥ २६ ॥

prasAdaparivArebhyo baliM dadyAdyathAkramam ॥ nirgamya saha vAditraistadAzAbhimukhaH sthitaH ॥ 26 ॥

पुष्पं धूपं च दीपञ्च दद्यादन्नं जलैः सह ॥ ततो दद्यान्महापीठे तिष्ठन्बलिमुदङ्मुखः ॥ २७ ॥

puSpaM dhUpaM ca dIpaJca dadyAdannaM jalaiH saha ॥ tato dadyAnmahApIThe tiSThanbalimudaGmukhaH ॥ 27 ॥

ततो निवेदितं देवे यत्तदन्नादिकं पुरा ॥ तत्सर्वं सावशेषं वा चण्डाय विनिवेदयेत् ॥ २८ ॥

tato niveditaM deve yattadannAdikaM purA ॥ tatsarvaM sAvazeSaM vA caNDAya vinivedayet ॥ 28 ॥

हुत्वा च विधिवत्पश्चात्पूजाशेषं समापयेत् ॥ कृत्वा प्रयोगं विधिवद्यावन्मन्त्रं जपं ततः ॥ २९ ॥

hutvA ca vidhivatpazcAtpUjAzeSaM samApayet ॥ kRtvA prayogaM vidhivadyAvanmantraM japaM tataH ॥ 29 ॥

नित्योत्सवं प्रकुर्वीत यथोक्तं शिवशासने ॥ विपुले तैजसे पात्रे रक्तपद्मोपशोभिते ॥ ३० ॥

nityotsavaM prakurvIta yathoktaM zivazAsane ॥ vipule taijase pAtre raktapadmopazobhite ॥ 30 ॥

अस्त्रं पाशुपतं दिव्यं तत्रावाह्य समर्चयेत् ॥ शिवस्यारोप्यः तत्पात्रं द्विजस्यालंकृतस्य च ॥ ३१ ॥

astraM pAzupataM divyaM tatrAvAhya samarcayet ॥ zivasyAropyaH tatpAtraM dvijasyAlaMkRtasya ca ॥ 31 ॥

न्यस्तास्त्रवपुषा तेन दीप्तयष्टिधरस्य च ॥ प्रासादपरिवारेभ्यो बहिर्मंगलनिःस्वनैः ॥ ३२ ॥

nyastAstravapuSA tena dIptayaSTidharasya ca ॥ prAsAdaparivArebhyo bahirmaMgalaniHsvanaiH ॥ 32 ॥

नृत्यगेयादिभिश्चैव सह दीपध्वजादिभिः ॥ प्रदक्षिणत्रयं कृत्वा न द्रुतं चाविलम्बितम् ॥ ३३ ॥

nRtyageyAdibhizcaiva saha dIpadhvajAdibhiH ॥ pradakSiNatrayaM kRtvA na drutaM cAvilambitam ॥ 33 ॥

महापीठं समावृत्य त्रिःप्रदक्षिणयोगतः ॥ पुनः प्रविष्टो द्वारस्थो यजमानः कृताञ्जलिः ॥ आदायाभ्यंतरं नीत्वा ह्यस्त्रमुद्वासयेत्ततः ॥ ३४ ॥

mahApIThaM samAvRtya triHpradakSiNayogataH ॥ punaH praviSTo dvArastho yajamAnaH kRtAJjaliH ॥ AdAyAbhyaMtaraM nItvA hyastramudvAsayettataH ॥ 34 ॥

प्रदक्षिणादिकं कृत्वा यथापूर्वोदितं क्रमात् ॥ आदाय चाष्टपुष्पाणि पूजामथ समापयेत् ॥ ३५ ॥

pradakSiNAdikaM kRtvA yathApUrvoditaM kramAt ॥ AdAya cASTapuSpANi pUjAmatha samApayet ॥ 35 ॥