सनत्कुमार उवाच ॥ तस्य तद्वाक्यमाकर्ण्य सुरराट् ततः ॥ सक्रोधः प्राह गिरिशो वीरभद्रादिकान्गणान् ॥ १ ॥

sanatkumAra uvAca ॥ tasya tadvAkyamAkarNya surarAT tataH ॥ sakrodhaH prAha girizo vIrabhadrAdikAngaNAn ॥ 1 ॥

रुद्र उवाच ॥ हे वीरभद्र हे नंदिन्क्षेत्रपालष्टभैरवाः ॥ सर्वे गणाश्च सन्नद्धास्सायुधा बलशालिनः ॥ २ ॥

rudra uvAca ॥ he vIrabhadra he naMdinkSetrapAlaSTabhairavAH ॥ sarve gaNAzca sannaddhAssAyudhA balazAlinaH ॥ 2 ॥

कुमाराभ्यां सहैवाद्य निर्गच्छंतु ममाज्ञया॥ स्वसेनया भद्रकाली निर्गच्छतु रणाय च॥ शंखचूडवधार्थाय निर्गच्छाम्यद्य सत्वरम् ॥ ३ ॥

kumArAbhyAM sahaivAdya nirgacchaMtu mamAjJayA॥ svasenayA bhadrakAlI nirgacchatu raNAya ca॥ zaMkhacUDavadhArthAya nirgacchAmyadya satvaram ॥ 3 ॥

सनत्कुमार उवाच ॥ इत्याज्ञाप्य महेशानो निर्ययौ सैन्यसंयुतः ॥ सर्वे वीरगणास्तस्यानु ययुस्संप्रहर्षिताः ॥ ४ ॥

sanatkumAra uvAca ॥ ityAjJApya mahezAno niryayau sainyasaMyutaH ॥ sarve vIragaNAstasyAnu yayussaMpraharSitAH ॥ 4 ॥

एतस्मिन्नंतरे स्कंदगणेशौ सर्वसैन्यपौ ॥ यततुर्मुदितौ नद्धौ सायुधौ च शिवांतिके ॥५॥

etasminnaMtare skaMdagaNezau sarvasainyapau ॥ yataturmuditau naddhau sAyudhau ca zivAMtike ॥5॥

वीरभद्रश्च नन्दी च महाकालस्सुभद्रकः ॥ विशालाक्षश्च बाणश्च पिंगलाक्षो विकंपनः ॥ ६ ॥

vIrabhadrazca nandI ca mahAkAlassubhadrakaH ॥ vizAlAkSazca bANazca piMgalAkSo vikaMpanaH ॥ 6 ॥

विरूपो विकृतिश्चैव मणिभद्रश्च बाष्कलः ॥ कपिलाख्यो दीर्घदंष्द्रो विकरस्ताम्रलोचनः ॥ ७ ॥

virUpo vikRtizcaiva maNibhadrazca bASkalaH ॥ kapilAkhyo dIrghadaMSdro vikarastAmralocanaH ॥ 7 ॥

कालंकरो बलीभद्रः कालजिह्वः कुटीचरः ॥ बलोन्मत्तो रणश्लाघ्यो दुर्जयो दुर्गमस्तथा ॥८॥

kAlaMkaro balIbhadraH kAlajihvaH kuTIcaraH ॥ balonmatto raNazlAghyo durjayo durgamastathA ॥8॥

इत्यादयो गणेशानास्सैन्यानां पतयो वराः ॥ तेषां च गणनां वच्मि सावधानतया शृणु ॥ ९ ॥

ityAdayo gaNezAnAssainyAnAM patayo varAH ॥ teSAM ca gaNanAM vacmi sAvadhAnatayA zRNu ॥ 9 ॥

शंखकर्णः कोटिगणैर्युतः परविमर्दकः ॥ दशभिः केकराक्षश्च विकृतोऽष्टाभिरेव च ॥ 2-5-33-१० ॥

zaMkhakarNaH koTigaNairyutaH paravimardakaH ॥ dazabhiH kekarAkSazca vikRto'STAbhireva ca ॥ 2-5-33-10 ॥

चतुष्षष्ट्या विशाखश्च नवभिः पारियात्रिकः ॥ षड्भिस्सर्वान्तकः श्रीमांस्त थैव विकृताननः ॥ ११ ॥

catuSSaSTyA vizAkhazca navabhiH pAriyAtrikaH ॥ SaDbhissarvAntakaH zrImAMsta thaiva vikRtAnanaH ॥ 11 ॥

जालको हि द्वादशभिः कोटिभिर्गणपुंगवः ॥ सप्तभिस्समदः श्रीमान्दुन्दुभोऽष्टाभिरेव च ॥ १२ ॥

jAlako hi dvAdazabhiH koTibhirgaNapuMgavaH ॥ saptabhissamadaH zrImAndundubho'STAbhireva ca ॥ 12 ॥

पंचभिश्च करालाक्षः षड्भिस्संदारको वरः ॥ कोटिकोटिभिरेवेह कंदुकः कुंडकस्तथा ॥ १३ ॥

paMcabhizca karAlAkSaH SaDbhissaMdArako varaH ॥ koTikoTibhireveha kaMdukaH kuMDakastathA ॥ 13 ॥

विष्टंभोऽष्टाभिरेवेह गणपस्सर्वस त्तमः ॥ पिप्पलश्च सहस्रेण संनादश्च तथाविधः ॥१४॥

viSTaMbho'STAbhireveha gaNapassarvasa ttamaH ॥ pippalazca sahasreNa saMnAdazca tathAvidhaH ॥14॥

आवेशनस्तथाष्टाभिस्त्वष्टभिश्चन्द्रतापनः ॥ महाकेशः सहस्रेण कोटीनां गणपो वृतः ॥ १५ ॥

AvezanastathASTAbhistvaSTabhizcandratApanaH ॥ mahAkezaH sahasreNa koTInAM gaNapo vRtaH ॥ 15 ॥

कुंडी द्वादशभिर्वीरस्तथा पर्वतकश्शुभः ॥ कालश्च कालकश्चैव महाकालश्शतेन वै ॥ १६ ॥

kuMDI dvAdazabhirvIrastathA parvatakazzubhaH ॥ kAlazca kAlakazcaiva mahAkAlazzatena vai ॥ 16 ॥

अग्निकश्शत कोट्या च कोट्याग्निमुख एव च ॥ आदित्यो ह्यर्द्धकोट्या च तथा चैवं घनावहः ॥ १७ ॥

agnikazzata koTyA ca koTyAgnimukha eva ca ॥ Adityo hyarddhakoTyA ca tathA caivaM ghanAvahaH ॥ 17 ॥

सनाहश्च शतेनैव कुमुदः कोटिभिस्तथा ॥ अमोघः कोकिलश्चैव शतकोट्या सुमंत्रकः ॥ १८ ॥

sanAhazca zatenaiva kumudaH koTibhistathA ॥ amoghaH kokilazcaiva zatakoTyA sumaMtrakaH ॥ 18 ॥

काकपादः कोटिषष्ट्या षष्ट्या संतानकस्तथा ॥ महाबलश्च नवभिः पञ्चभिर्मधुपिंगल ॥ १९ ॥

kAkapAdaH koTiSaSTyA SaSTyA saMtAnakastathA ॥ mahAbalazca navabhiH paJcabhirmadhupiMgala ॥ 19 ॥

नीलो नवत्या देवेशः पूर्णभद्रस्तथैव च ॥ कोटीनां चैव सप्तानां चतुर्वक्त्रो महाबलः ॥ 2-5-33-२० ॥

nIlo navatyA devezaH pUrNabhadrastathaiva ca ॥ koTInAM caiva saptAnAM caturvaktro mahAbalaH ॥ 2-5-33-20 ॥

कोटिकोटिसहस्राणां शतैर्विंशतिभिस्तथा ॥ तत्राजग्मुस्तथा वीरास्ते सर्वे संगरोत्सवे ॥ २१ ॥

koTikoTisahasrANAM zatairviMzatibhistathA ॥ tatrAjagmustathA vIrAste sarve saMgarotsave ॥ 21 ॥

भूतकोटिसहस्रेण प्रमथैर्कोटिभि स्त्रिभिः ॥ वीरभद्रश्चतुष्षष्ट्या लोमजानां त्रिकोटिभिः ॥२२॥

bhUtakoTisahasreNa pramathairkoTibhi stribhiH ॥ vIrabhadrazcatuSSaSTyA lomajAnAM trikoTibhiH ॥22॥

काष्ठारूढश्चतुःषष्ट्या सुकेशो वृषभस्तथा ॥ विरूपाक्षश्च भगवांश्चतुष्षष्ट्या सनातनः ॥ २३ ॥

kASThArUDhazcatuHSaSTyA sukezo vRSabhastathA ॥ virUpAkSazca bhagavAMzcatuSSaSTyA sanAtanaH ॥ 23 ॥

तालकेतुः षडास्यश्च पंचास्यश्च प्रतापवान् ॥ संवर्तकस्तथा चैत्रो लंकुलीशस्स्वयं प्रभुः ॥ २४ ॥

tAlaketuH SaDAsyazca paMcAsyazca pratApavAn ॥ saMvartakastathA caitro laMkulIzassvayaM prabhuH ॥ 24 ॥

लोकांतकश्च दीप्तात्मा तथा दैत्यांतकः प्रभुः ॥ देवो भृङ्गीरिटिः श्रीमान्देवदेवप्रियस्तथा ॥२५॥

lokAMtakazca dIptAtmA tathA daityAMtakaH prabhuH ॥ devo bhRGgIriTiH zrImAndevadevapriyastathA ॥25॥

अशनिर्भानुकश्चैव चतुः षष्ट्या सहस्रशः ॥ कंकालः कालकः कालो नन्दी सर्वान्तकस्तथा ॥२६॥

azanirbhAnukazcaiva catuH SaSTyA sahasrazaH ॥ kaMkAlaH kAlakaH kAlo nandI sarvAntakastathA ॥26॥

एते चान्ये च गणपा असंख्याता महाबलाः॥ युद्धार्थं निर्ययुः प्रीत्या शंखचूडेन निर्भयाः ॥ २७ ॥

ete cAnye ca gaNapA asaMkhyAtA mahAbalAH॥ yuddhArthaM niryayuH prItyA zaMkhacUDena nirbhayAH ॥ 27 ॥

सर्वे सहस्रहस्ताश्च जटामुकुटधारिणः ॥ चन्द्ररेखावतंसाश्च नीलकंठास्त्रिलोचनाः ॥२८॥

sarve sahasrahastAzca jaTAmukuTadhAriNaH ॥ candrarekhAvataMsAzca nIlakaMThAstrilocanAH ॥28॥

रुद्राक्षाभरणास्सर्वे तथा सद्भस्मधारिणः ॥ हारकुंडलकेयूरमुकुटाद्यैरलंकृताः ॥ २९ ॥

rudrAkSAbharaNAssarve tathA sadbhasmadhAriNaH ॥ hArakuMDalakeyUramukuTAdyairalaMkRtAH ॥ 29 ॥

ब्रह्मेन्द्रविष्णुसंकाशा अणिमादिगुणैर्वृताः ॥ सूर्यकोटिप्रतीकाशाः प्रवीणा युद्धकर्मणि ॥2-5-33-३०॥

brahmendraviSNusaMkAzA aNimAdiguNairvRtAH ॥ sUryakoTipratIkAzAH pravINA yuddhakarmaNi ॥2-5-33-30॥

पृथिवीचारिणः केचित्केचित्पातालचारिणः ॥ केचिद्व्योमचराः केचित्सप्तस्वर्गचरा मुने ॥ ३१ ॥

pRthivIcAriNaH kecitkecitpAtAlacAriNaH ॥ kecidvyomacarAH kecitsaptasvargacarA mune ॥ 31 ॥

किं बहूक्तेन देवर्षे सर्वलोकनिवासिनः ॥ ययुश्शिवगणास्सर्वे युद्धार्थं दानवैस्सह ॥३२॥

kiM bahUktena devarSe sarvalokanivAsinaH ॥ yayuzzivagaNAssarve yuddhArthaM dAnavaissaha ॥32॥

अष्टौ च भैरवा रौद्रा रुद्रा श्चैकादशाशु ये॥ वसवोऽष्टौ वासवश्चादित्या द्वादश ते द्रुतम्॥३३॥

aSTau ca bhairavA raudrA rudrA zcaikAdazAzu ye॥ vasavo'STau vAsavazcAdityA dvAdaza te drutam॥33॥

हुताशनश्च चन्द्रश्च विश्वकर्माश्विनौ च तौ ॥ कुबेरश्च यमश्चैव निर्ऋतिर्नलकूबरः ॥ ३४ ॥

hutAzanazca candrazca vizvakarmAzvinau ca tau ॥ kuberazca yamazcaiva nirRtirnalakUbaraH ॥ 34 ॥

वायुश्च वरुणश्चैव बुधश्च मंगलश्च वै ॥ ग्रहाश्चान्ये महेशेन कामदेवश्च वीर्यवान् ॥ ३५ ॥

vAyuzca varuNazcaiva budhazca maMgalazca vai ॥ grahAzcAnye mahezena kAmadevazca vIryavAn ॥ 35 ॥

उग्रदंष्ट्रश्चोग्रदण्डः कोरटः कोटभस्तथा ॥ स्वयं शतभुजा देवी भद्रकाली महेश्वरी ॥ ३६ ॥

ugradaMSTrazcogradaNDaH koraTaH koTabhastathA ॥ svayaM zatabhujA devI bhadrakAlI mahezvarI ॥ 36 ॥

रत्नेन्द्रसारनिर्माणविमानोपरि संस्थिता॥ । रक्तवस्त्रपरीधाना रक्तमाल्यानुलेपना ॥३७॥

ratnendrasAranirmANavimAnopari saMsthitA॥ । raktavastraparIdhAnA raktamAlyAnulepanA ॥37॥

नृत्यंती च हसंती च गायंती सुस्वरं मुदा ॥ अभयं ददती स्वेभ्यो भयं चारिभ्य एव सा॥३८॥

nRtyaMtI ca hasaMtI ca gAyaMtI susvaraM mudA ॥ abhayaM dadatI svebhyo bhayaM cAribhya eva sA॥38॥

बिभ्रती विकटां जिह्वां सुलोलां योजनायताम् ॥ शंखचक्रगदापद्मखङ्गचर्मधनुश्शरान्॥ ३९ ॥

bibhratI vikaTAM jihvAM sulolAM yojanAyatAm ॥ zaMkhacakragadApadmakhaGgacarmadhanuzzarAn॥ 39 ॥

खर्परं वर्तुलाकारं गंभीरं योजनायतम्॥ त्रिशूलं गगनस्पर्शिं शक्तिं च योजनायताम् ॥ 2-5-33-४० ॥

kharparaM vartulAkAraM gaMbhIraM yojanAyatam॥ trizUlaM gaganasparziM zaktiM ca yojanAyatAm ॥ 2-5-33-40 ॥

मुद्गरं मुसलं वक्त्रं खङ्गं फलकमुल्बणम् ॥ वैष्णवास्त्रं वारुणास्त्रं वायव्यं नागपाशकम् ॥४१॥

mudgaraM musalaM vaktraM khaGgaM phalakamulbaNam ॥ vaiSNavAstraM vAruNAstraM vAyavyaM nAgapAzakam ॥41॥

नारायणास्त्रं गांधर्वं ब्रह्मास्त्रं गारुडं तथा ॥ पार्जन्यं च पाशुपतं जृंभणास्त्रं च पार्वतम्॥४२॥

nArAyaNAstraM gAMdharvaM brahmAstraM gAruDaM tathA ॥ pArjanyaM ca pAzupataM jRMbhaNAstraM ca pArvatam॥42॥

महावीरं च सौरं च कालकालं महानलम् ॥ महेश्वरास्त्रं याम्यं च दंडं संमोहनं तथा ॥ ४३ ॥

mahAvIraM ca sauraM ca kAlakAlaM mahAnalam ॥ mahezvarAstraM yAmyaM ca daMDaM saMmohanaM tathA ॥ 43 ॥

समर्थमस्त्रकं दिव्यं दिव्यास्त्रं शतकं परम्॥ बिभ्रती च करैस्सर्वैरन्यान्यपि च सा तदा ॥ ४४ ॥

samarthamastrakaM divyaM divyAstraM zatakaM param॥ bibhratI ca karaissarvairanyAnyapi ca sA tadA ॥ 44 ॥

आगत्य तस्थौ सा तत्र योगिनीनां त्रिकोटिभिः ॥ सार्द्धं च डाकिनीनां वै विकटानां त्रिकोटिभिः ॥ ४५ ॥

Agatya tasthau sA tatra yoginInAM trikoTibhiH ॥ sArddhaM ca DAkinInAM vai vikaTAnAM trikoTibhiH ॥ 45 ॥

भूतप्रेतपिशाचाश्च कूष्माण्डा ब्रह्मराक्षसाः ॥ वेताला राक्षसाश्चैव यक्षाश्चैव सकिन्नराः ॥४६॥

bhUtapretapizAcAzca kUSmANDA brahmarAkSasAH ॥ vetAlA rAkSasAzcaiva yakSAzcaiva sakinnarAH ॥46॥

तश्चैवाभिवृतः स्कंदः प्रणम्य चन्द्रशेखरम् ॥ पितुः पार्श्वे सहायो यः समुवास तदाज्ञया ॥ ४७ ॥

tazcaivAbhivRtaH skaMdaH praNamya candrazekharam ॥ pituH pArzve sahAyo yaH samuvAsa tadAjJayA ॥ 47 ॥

अथ शम्भुस्समानीय स्वसैन्यं सकलं तदा॥ युद्धार्थमगमद्रुद्रश्शंङ्खचूडेन निर्भयः ॥ ४८ ॥

atha zambhussamAnIya svasainyaM sakalaM tadA॥ yuddhArthamagamadrudrazzaMGkhacUDena nirbhayaH ॥ 48 ॥

चन्द्रभागानदीतीरे वटमूले मनोहरे ॥ तत्र तस्थौ महादेवो देवनिस्ता रहेतवे ॥ ४९ ॥

candrabhAgAnadItIre vaTamUle manohare ॥ tatra tasthau mahAdevo devanistA rahetave ॥ 49 ॥