॥ सनत्कुमार उवाच ॥ अथ ब्रह्मादयो देवा मुनयश्चाखिलास्तथा ॥ तुष्टुवुर्देवदेवेशं वाग्भिरिष्टाभिरानताः ॥१॥

॥ sanatkumAra uvAca ॥ atha brahmAdayo devA munayazcAkhilAstathA ॥ tuSTuvurdevadevezaM vAgbhiriSTAbhirAnatAH ॥1॥

देवा ऊचुः ॥ देवदेव महादेव शरणागतवत्सल ॥ साधुसौख्यप्रदस्त्वं हि सर्वदा भक्तदुःखहा ॥२॥

devA UcuH ॥ devadeva mahAdeva zaraNAgatavatsala ॥ sAdhusaukhyapradastvaM hi sarvadA bhaktaduHkhahA ॥2॥

त्वं महाद्भुतसल्लीलो भक्तिगम्यो दुरासदः ॥ दुराराध्योऽसतां नाथ प्रसन्नस्सर्वदा भव ॥३।

tvaM mahAdbhutasallIlo bhaktigamyo durAsadaH ॥ durArAdhyo'satAM nAtha prasannassarvadA bhava ॥3।

वेदोऽपि महिमानं ते न जानाति हि तत्त्वतः ॥ यथामति महात्मानस्सर्वे गायंति सद्यशः ॥४॥

vedo'pi mahimAnaM te na jAnAti hi tattvataH ॥ yathAmati mahAtmAnassarve gAyaMti sadyazaH ॥4॥

माहात्म्यमतिगूढं ते सहस्रवदनादयः ॥ सदा गायंति सुप्रीत्या पुनंति स्वगिरं हि ते ॥ ५ ॥

mAhAtmyamatigUDhaM te sahasravadanAdayaH ॥ sadA gAyaMti suprItyA punaMti svagiraM hi te ॥ 5 ॥

कृपया तव देवेश ब्रह्मज्ञानी भवेज्जडः ॥ भक्तिगम्यस्सदा त्वं वा इति वेदा ब्रुवंति हि ॥ ६ ॥

kRpayA tava deveza brahmajJAnI bhavejjaDaH ॥ bhaktigamyassadA tvaM vA iti vedA bruvaMti hi ॥ 6 ॥

त्वं वै दीनदयालुश्च सर्वत्र व्यापकस्सदा ॥ आविर्भवसि सद्भक्त्या निर्विकारस्सतां गतिः ॥ ७ ॥

tvaM vai dInadayAluzca sarvatra vyApakassadA ॥ Avirbhavasi sadbhaktyA nirvikArassatAM gatiH ॥ 7 ॥

भक्त्यैव ते महेशान बहवस्सिद्धिमागताः ॥ इह सर्वसुखं भुक्त्वा दुःखिता निर्विकारतः ॥ ८ ॥

bhaktyaiva te mahezAna bahavassiddhimAgatAH ॥ iha sarvasukhaM bhuktvA duHkhitA nirvikArataH ॥ 8 ॥

पुरा यदुपतिर्भक्तो दाशार्हस्सिद्धिमागतः॥ कलावती च तत्पत्नी भक्त्यैव परमां प्रभो॥९॥

purA yadupatirbhakto dAzArhassiddhimAgataH॥ kalAvatI ca tatpatnI bhaktyaiva paramAM prabho॥9॥

तथा मित्रसहो राजा मदयंती च तत्प्रिया॥ भक्त्यैव तव देवेश कैवल्यं परमं ययौ ॥ 2-5-25-१० ॥

tathA mitrasaho rAjA madayaMtI ca tatpriyA॥ bhaktyaiva tava deveza kaivalyaM paramaM yayau ॥ 2-5-25-10 ॥

सौमिनी नाम तनया कैकेयाग्रभुवस्तथा ॥ तव भक्त्या सुखं प्राप परं सद्योगिदुर्लभम् ॥११॥

sauminI nAma tanayA kaikeyAgrabhuvastathA ॥ tava bhaktyA sukhaM prApa paraM sadyogidurlabham ॥11॥

विमर्षणो नृपवरस्सप्तजन्मावधि प्रभो ॥ भुक्त्वा भोगांश्च विविधांस्त्वद्भक्त्या प्राप सद्गतिम् ॥१२॥

vimarSaNo nRpavarassaptajanmAvadhi prabho ॥ bhuktvA bhogAMzca vividhAMstvadbhaktyA prApa sadgatim ॥12॥

चन्द्रसेनो नृपवरस्त्वद्भक्त्या सर्वभोगभुक् ॥ दुःखमुक्तः सुखं प्राप परमत्र परत्र च ॥१३॥

candraseno nRpavarastvadbhaktyA sarvabhogabhuk ॥ duHkhamuktaH sukhaM prApa paramatra paratra ca ॥13॥

गोपीपुत्रः श्रीकरस्ते भक्त्या भुक्त्वेह सद्गतिम् । परं सुखं महावीरशिष्यः प्राप परत्र वै ॥ १४ ॥

gopIputraH zrIkaraste bhaktyA bhuktveha sadgatim । paraM sukhaM mahAvIraziSyaH prApa paratra vai ॥ 14 ॥

त्वं सत्यरथभूजानेर्दुःखहर्ता गतिप्रदः ॥ धर्मगुप्तं राजपुत्रमतार्षीस्सुखिनं त्विह ॥ ॥ १५ ॥

tvaM satyarathabhUjAnerduHkhahartA gatipradaH ॥ dharmaguptaM rAjaputramatArSIssukhinaM tviha ॥ ॥ 15 ॥

तथा शुचिव्रतं विप्रमदरिद्रं महाप्रभो ॥ त्वद्भक्तिवर्तिनं मात्रा ज्ञानिनं कृपयाऽकरोः ॥१६॥

tathA zucivrataM vipramadaridraM mahAprabho ॥ tvadbhaktivartinaM mAtrA jJAninaM kRpayA'karoH ॥16॥

चित्रवर्मा नृपवरस्त्वद्भक्त्या प्राप सद्गतिम् ॥ इह लोके सदा भुक्त्वा भोगानमरदुर्लभान् ॥ १७ ॥

citravarmA nRpavarastvadbhaktyA prApa sadgatim ॥ iha loke sadA bhuktvA bhogAnamaradurlabhAn ॥ 17 ॥

चन्द्रांगदो राजपुत्रस्सीमंतिन्या स्त्रिया सह ॥ विहाय सकलं दुःखं सुखी प्राप महागतिम् ॥ १८ ॥

candrAMgado rAjaputrassImaMtinyA striyA saha ॥ vihAya sakalaM duHkhaM sukhI prApa mahAgatim ॥ 18 ॥

तथा शुचिव्रतं विप्रमदरिद्रं महाप्रभो ॥ त्वद्भक्तिवर्तिनं मात्रा ज्ञानिनं कृपयाऽकरोः ॥१६॥ द्विजो मंदरनामापि वेश्यागामी खलोऽधमः ॥ त्वद्भक्तः शिव संपूज्य तया सह गतिं गतः ॥१९॥

tathA zucivrataM vipramadaridraM mahAprabho ॥ tvadbhaktivartinaM mAtrA jJAninaM kRpayA'karoH ॥16॥ dvijo maMdaranAmApi vezyAgAmI khalo'dhamaH ॥ tvadbhaktaH ziva saMpUjya tayA saha gatiM gataH ॥19॥

भद्रायुस्ते नृपसुतस्सुखमाप गतव्यथः ॥ त्वद्भक्तकृपया मात्रा गतिं च परमां प्रभो ॥2-5-25-२०॥

bhadrAyuste nRpasutassukhamApa gatavyathaH ॥ tvadbhaktakRpayA mAtrA gatiM ca paramAM prabho ॥2-5-25-20॥

सर्वस्त्रीभोगनिरतो दुर्जनस्तव सेवया ॥ विमुक्तोऽभूदपि सदा भक्ष्यभोजी महेश्वर॥ २१ ॥

sarvastrIbhoganirato durjanastava sevayA ॥ vimukto'bhUdapi sadA bhakSyabhojI mahezvara॥ 21 ॥

शंबरश्शंकरे भक्तश्चिताभस्मधरस्सदा ॥ नियमाद्भस्मनश्शंभो स्वस्त्रिया ते पुरं गतः ॥ २२ ॥

zaMbarazzaMkare bhaktazcitAbhasmadharassadA ॥ niyamAdbhasmanazzaMbho svastriyA te puraM gataH ॥ 22 ॥

भद्रसेनस्य तनयस्तथा मंत्रिसुतः प्रभो ॥ सुधर्मशुभकर्माणौ सदा रुद्राक्षधारिणौ ॥ २३ ॥

bhadrasenasya tanayastathA maMtrisutaH prabho ॥ sudharmazubhakarmANau sadA rudrAkSadhAriNau ॥ 23 ॥

त्वत्कृपातश्च तौ मुक्तावास्तां भुक्तेह सत्सुखम् ॥ पूर्वजन्मनि यौ कीशकुक्कुटौ रुद्रभूषणौ ॥२४॥

tvatkRpAtazca tau muktAvAstAM bhukteha satsukham ॥ pUrvajanmani yau kIzakukkuTau rudrabhUSaNau ॥24॥

पिंगला च महानन्दा वेश्ये द्वे तव भक्तितः ॥ सद्गतिं प्रापतुर्नाथ भक्तोद्धारपरायण ॥२५॥

piMgalA ca mahAnandA vezye dve tava bhaktitaH ॥ sadgatiM prApaturnAtha bhaktoddhAraparAyaNa ॥25॥

शारदा विप्रतनया बालवैधव्यमागता ॥ तव भक्तेः प्रभावात्तु पुत्रसौभा ग्यवत्यभूत् ॥ २६ ॥

zAradA vipratanayA bAlavaidhavyamAgatA ॥ tava bhakteH prabhAvAttu putrasaubhA gyavatyabhUt ॥ 26 ॥

बिन्दुगो द्विजमात्रो हि वेश्याभोगी च तत्प्रिया ॥ वंचुका त्वद्यशः श्रुत्वा परमां गतिमाययौ ॥ २७ ॥

bindugo dvijamAtro hi vezyAbhogI ca tatpriyA ॥ vaMcukA tvadyazaH zrutvA paramAM gatimAyayau ॥ 27 ॥

इत्यादि बहवस्सिद्धिं गता जीवास्तव प्रभो ॥ भक्तिभावान्महेशान दीनबन्धो कृपालय ॥ २८ ॥

ityAdi bahavassiddhiM gatA jIvAstava prabho ॥ bhaktibhAvAnmahezAna dInabandho kRpAlaya ॥ 28 ॥

त्वं परः प्रकृतेर्ब्रह्म पुरुषात्परमेश्वर ॥ निर्गुणस्त्रिगुणाधारो ब्रह्मविष्णुहरात्मकः ॥ २९ ॥

tvaM paraH prakRterbrahma puruSAtparamezvara ॥ nirguNastriguNAdhAro brahmaviSNuharAtmakaH ॥ 29 ॥

नानाकर्मकरो नित्यं निर्विकारोऽखिलेश्वरः ॥ वयं ब्रह्मादयस्सर्वे तव दासा महेश्वर ॥ 2-5-25-३० ॥

nAnAkarmakaro nityaM nirvikAro'khilezvaraH ॥ vayaM brahmAdayassarve tava dAsA mahezvara ॥ 2-5-25-30 ॥

प्रसन्नो भव देवेश रक्षास्मान्सर्वदा शिव ॥ त्वत्प्रजाश्च वयं नाथ सदा त्वच्छरणं गताः ॥ ३१ ॥

prasanno bhava deveza rakSAsmAnsarvadA ziva ॥ tvatprajAzca vayaM nAtha sadA tvaccharaNaM gatAH ॥ 31 ॥

सनत्कुमार उवाच ॥ इति स्तुत्वा च ते देवा ब्रह्माद्यास्समुनीश्वराः ॥ तूष्णीं बभूवुर्हि तदा शिवांघ्रिद्वन्द्वचेतसः ॥ ३२ ॥

sanatkumAra uvAca ॥ iti stutvA ca te devA brahmAdyAssamunIzvarAH ॥ tUSNIM babhUvurhi tadA zivAMghridvandvacetasaH ॥ 32 ॥

अथ शंभुर्महेशानः श्रुत्वा देवस्तुतिं शुभाम्॥ दत्त्वा वरान्वरान्सद्यस्तत्रैवांतर्दधे प्रभुः ॥ ३३ ॥

atha zaMbhurmahezAnaH zrutvA devastutiM zubhAm॥ dattvA varAnvarAnsadyastatraivAMtardadhe prabhuH ॥ 33 ॥

देवास्सर्वेऽपि मुदिता ब्रह्माद्या हतशत्रवः ॥ स्वं स्वं धाम ययुः प्रीता गायंतः शिवसद्यशः ॥ ३४ ॥

devAssarve'pi muditA brahmAdyA hatazatravaH ॥ svaM svaM dhAma yayuH prItA gAyaMtaH zivasadyazaH ॥ 34 ॥

इदं परममाख्यानं जलंधरविमर्दनम् ॥ महेशचरितं पुण्यं महाघौघविनाशनम् ॥ ३५ ॥

idaM paramamAkhyAnaM jalaMdharavimardanam ॥ mahezacaritaM puNyaM mahAghaughavinAzanam ॥ 35 ॥

देवस्तुतिरियं पुण्या सर्वपापप्रणाशिनी ॥ सर्वसौख्यप्रदा नित्यं महेशानंददायिनी ॥ ३६ ॥

devastutiriyaM puNyA sarvapApapraNAzinI ॥ sarvasaukhyapradA nityaM mahezAnaMdadAyinI ॥ 36 ॥

यः पठेत्पाठयेद्वापि समाख्यानमिदं द्वयम् ॥ भुक्त्वेह परं सौख्यं गाणपत्यमवाप्नुयात् ॥ ३७ ॥

yaH paThetpAThayedvApi samAkhyAnamidaM dvayam ॥ bhuktveha paraM saukhyaM gANapatyamavApnuyAt ॥ 37 ॥