नारद उवाच ॥ देवदेव प्रजानाथ ततः किमभवद्विधे ॥ वदेदानीं कृपातस्तु शिवलीलासमन्वितम् ॥१॥

nArada uvAca ॥ devadeva prajAnAtha tataH kimabhavadvidhe ॥ vadedAnIM kRpAtastu zivalIlAsamanvitam ॥1॥

॥ ब्रह्मोवाच ॥ कृत्तिकाभिर्गृहीते वै तस्मिञ्शंभुसुते मुने ॥ कश्चित्कालो व्यतीयाय बुबुधे न हिमाद्रिजा ॥२॥

॥ brahmovAca ॥ kRttikAbhirgRhIte vai tasmiJzaMbhusute mune ॥ kazcitkAlo vyatIyAya bubudhe na himAdrijA ॥2॥

तस्मिन्नवसरे दुर्गा स्मेराननसरोरुहा॥ उवाच स्वामिनं शंभुं देवदेवेश्वरं प्रभुम् ॥ ३ ॥

tasminnavasare durgA smerAnanasaroruhA॥ uvAca svAminaM zaMbhuM devadevezvaraM prabhum ॥ 3 ॥

पार्वत्युवाच ॥ देवदेव महादेव शृणु मे वचनं शुभम् ॥ पूर्वपुण्यातिभारेण त्वं मया प्राप्त ईश्वर ॥४॥

pArvatyuvAca ॥ devadeva mahAdeva zRNu me vacanaM zubham ॥ pUrvapuNyAtibhAreNa tvaM mayA prApta Izvara ॥4॥

कृपया योगिषु श्रेष्ठो विहारैस्तत्परोऽभवः ॥ रतिभंगः कृतो देवैस्तत्र मे भवता भव ॥५॥

kRpayA yogiSu zreSTho vihAraistatparo'bhavaH ॥ ratibhaMgaH kRto devaistatra me bhavatA bhava ॥5॥

भूमौ निपतितं वीर्यं नोदरे मम ते विभो ॥ कुत्र यातं च तद्देव केन दैवेन निह्णुतम् ॥ ६ ॥

bhUmau nipatitaM vIryaM nodare mama te vibho ॥ kutra yAtaM ca taddeva kena daivena nihNutam ॥ 6 ॥

कथं मत्स्वामिनो वीर्यममोघं ते महेश्वर ॥ मोघं यातं च किं किंवा शिशुर्जातश्च कुत्रचित् ॥ ७ ॥

kathaM matsvAmino vIryamamoghaM te mahezvara ॥ moghaM yAtaM ca kiM kiMvA zizurjAtazca kutracit ॥ 7 ॥

ब्रह्मोवाच ॥ पार्वतीवचनं श्रुत्वा प्रहस्य जगदीश्वरः ॥ उवाच देवानाहूय मुनींश्चापि मुनीश्वर ॥ ८ ॥

brahmovAca ॥ pArvatIvacanaM zrutvA prahasya jagadIzvaraH ॥ uvAca devAnAhUya munIMzcApi munIzvara ॥ 8 ॥

॥ महेश्वर उवाच ॥ देवाः शृणुत मद्वाक्यं पार्वतीवचनं श्रुतम् ॥ अमोघं कुत्र मे वीर्यं यातं केन च निह्नुतम् ॥ ९ ॥

॥ mahezvara uvAca ॥ devAH zRNuta madvAkyaM pArvatIvacanaM zrutam ॥ amoghaM kutra me vIryaM yAtaM kena ca nihnutam ॥ 9 ॥

भूमौ निपतितं वीर्यं नोदरे मम ते विभो ॥ कुत्र यातं च तद्देव केन दैवेन निह्णुतम् ॥ ६ ॥

bhUmau nipatitaM vIryaM nodare mama te vibho ॥ kutra yAtaM ca taddeva kena daivena nihNutam ॥ 6 ॥

शंभोस्तद्वचनं श्रुत्वा समालोच्य परस्परम् ॥ ऊचुस्सर्वे क्रमेणैव त्रस्तास्तु पुरतः प्रभोः॥११॥

zaMbhostadvacanaM zrutvA samAlocya parasparam ॥ Ucussarve krameNaiva trastAstu purataH prabhoH॥11॥

विष्णुरुवाच ॥ ते मिथ्यावादिनस्संतु भारते गुरुदारिकाः ॥ गुरुनिन्दारताश्शश्वत्त्वद्वीर्यं यैश्च निह्नुतम् ॥१२॥

viSNuruvAca ॥ te mithyAvAdinassaMtu bhArate gurudArikAH ॥ gurunindAratAzzazvattvadvIryaM yaizca nihnutam ॥12॥

ब्रह्मोवाच ॥ त्वद्वीर्यं निह्नुतं येन पुण्यक्षेत्रे च भारते ॥ स नाऽन्वितो भवेत्तत्र सेवने पूजने तव ॥ १३ ॥

brahmovAca ॥ tvadvIryaM nihnutaM yena puNyakSetre ca bhArate ॥ sa nA'nvito bhavettatra sevane pUjane tava ॥ 13 ॥

लोकपाला ऊचुः ॥ त्वदवीर्यं निह्नुतं येन पापिना पतितभ्रमात् ॥ भाजनं तस्य सोत्यन्तं तत्तपं कर्म संततिम् ॥१४॥

lokapAlA UcuH ॥ tvadavIryaM nihnutaM yena pApinA patitabhramAt ॥ bhAjanaM tasya sotyantaM tattapaM karma saMtatim ॥14॥

देवा ऊचुः ॥ कृत्वा प्रतिज्ञां यो मूढो नाऽऽपादयति पूर्णताम् ॥ भाजनं तस्य पापस्य त्वद्वीर्यं येन निह्नुतम् ॥ १५ ॥

devA UcuH ॥ kRtvA pratijJAM yo mUDho nA''pAdayati pUrNatAm ॥ bhAjanaM tasya pApasya tvadvIryaM yena nihnutam ॥ 15 ॥

देवपत्न्य ऊचुः ॥ या निदति स्वभर्तारं परं गच्छति पूरुषम् ॥ मातृबन्धुविहीना च त्वद्वीर्यं निह्नुतं यया ॥ १६ ॥

devapatnya UcuH ॥ yA nidati svabhartAraM paraM gacchati pUruSam ॥ mAtRbandhuvihInA ca tvadvIryaM nihnutaM yayA ॥ 16 ॥

॥ ब्रह्मोवाच ॥ देवानां वचनं श्रुत्वा देवदेवेश्वरो हरः ॥ कर्म्मणां साक्षिणश्चाह धर्मादीन्सभयं वचः ॥१७॥

॥ brahmovAca ॥ devAnAM vacanaM zrutvA devadevezvaro haraH ॥ karmmaNAM sAkSiNazcAha dharmAdInsabhayaM vacaH ॥17॥

श्रीशिव उवाच ॥ देवैर्न निह्नुतं केन तद्वीर्यं निह्नुतं ध्रुवम् ॥ तदमोघं भगवतो महेशस्य मम प्रभोः ॥ १८ ॥

zrIziva uvAca ॥ devairna nihnutaM kena tadvIryaM nihnutaM dhruvam ॥ tadamoghaM bhagavato mahezasya mama prabhoH ॥ 18 ॥

यूयं च साक्षिणो विश्वे सततं सर्वकर्मणाम् ॥ युष्माकं निह्नुतं किम्वा किं ज्ञातुं वक्तुमर्हथ ॥ १९ ॥

yUyaM ca sAkSiNo vizve satataM sarvakarmaNAm ॥ yuSmAkaM nihnutaM kimvA kiM jJAtuM vaktumarhatha ॥ 19 ॥

॥ ब्रह्मोवाच ॥ ईश्वरस्य वचः श्रुत्वा सभायां कंपिताश्च ते ॥ परस्परं समालोक्य क्रमेणोचुः पुराः प्रभोः ॥2-4-4-२०॥

॥ brahmovAca ॥ Izvarasya vacaH zrutvA sabhAyAM kaMpitAzca te ॥ parasparaM samAlokya krameNocuH purAH prabhoH ॥2-4-4-20॥

ब्रह्मोवाच ॥ रते तु तिष्ठतो वीर्यं पपात वसुधातले ॥ मया ज्ञातममोघं तच्छंकरस्य प्रकोपतः ॥ २१ ॥

brahmovAca ॥ rate tu tiSThato vIryaM papAta vasudhAtale ॥ mayA jJAtamamoghaM tacchaMkarasya prakopataH ॥ 21 ॥

॥ क्षितिरुवाच ॥ वीर्यं सोढुमशक्ताहं तद्वह्नो न्यक्षिपं पुरा ॥ अतोऽत्र दुर्वहं ब्रह्मन्नबलां क्षंतुमर्हसि ॥ २२ ॥

॥ kSitiruvAca ॥ vIryaM soDhumazaktAhaM tadvahno nyakSipaM purA ॥ ato'tra durvahaM brahmannabalAM kSaMtumarhasi ॥ 22 ॥

वह्निरुवाच ॥ वीर्यं सोढुमशक्तोहं तव शंकर पर्वते ॥ कैलासे न्यक्षिपं सद्यः कपोतात्मा सुदुस्सहम् ॥ २३ ॥

vahniruvAca ॥ vIryaM soDhumazaktohaM tava zaMkara parvate ॥ kailAse nyakSipaM sadyaH kapotAtmA sudussaham ॥ 23 ॥

॥ गिरिरुवाच ॥ वीर्यं सोढुमशक्तोऽहं तव शंकर लोकप ॥ गंगायां प्राक्षिपं सद्यो दुस्सहं परमेश्वर ॥ २४ ॥

॥ giriruvAca ॥ vIryaM soDhumazakto'haM tava zaMkara lokapa ॥ gaMgAyAM prAkSipaM sadyo dussahaM paramezvara ॥ 24 ॥

॥ गंगोवाच ॥ वीर्यं सोढुमशक्ताहं तव शंकर लोकप ॥ व्याकुलाऽति प्रभो नाथ न्यक्षिपं शरकानने ॥ २५ ॥

॥ gaMgovAca ॥ vIryaM soDhumazaktAhaM tava zaMkara lokapa ॥ vyAkulA'ti prabho nAtha nyakSipaM zarakAnane ॥ 25 ॥

॥ वायुरुवाच ॥ शरेषु पतितं वीर्यं सद्यो बालो बभूव ह ॥ अतीव सुन्दरश्शम्भो स्वर्नद्याः पावने तटे ॥ २६ ॥

॥ vAyuruvAca ॥ zareSu patitaM vIryaM sadyo bAlo babhUva ha ॥ atIva sundarazzambho svarnadyAH pAvane taTe ॥ 26 ॥

सूर्य उवाच ॥ रुदंतं बालकं दृष्ट्वा गममस्ताचलं प्रभो ॥ प्रेरितः कालचक्रेण निशायां स्थातुमक्षमः ॥ २७ ॥

sUrya uvAca ॥ rudaMtaM bAlakaM dRSTvA gamamastAcalaM prabho ॥ preritaH kAlacakreNa nizAyAM sthAtumakSamaH ॥ 27 ॥

चन्द्र उवाच ॥ रुदंतं बालकं प्राप्य गृहीत्वा कृत्तिकागणः ॥ जगाम स्वालयं शंभो गच्छन्बदरिकाश्रमम्॥२८॥

candra uvAca ॥ rudaMtaM bAlakaM prApya gRhItvA kRttikAgaNaH ॥ jagAma svAlayaM zaMbho gacchanbadarikAzramam॥28॥

जलमुवाच ॥ अमुं रुदंतमानीय स्तन्यपानेन ताः प्रभो ॥ वर्द्धयामासुरीशस्य सुतं तव रविप्रभम् ॥ २९ ॥

jalamuvAca ॥ amuM rudaMtamAnIya stanyapAnena tAH prabho ॥ varddhayAmAsurIzasya sutaM tava raviprabham ॥ 29 ॥

॥ संध्योवाच ॥ अधुना कृत्तिकानां च वनं तम्पोष्य पुत्रकम् ॥ तन्नाम चक्रुस्ताः प्रेम्णा कार्त्तिकश्चेति कौतुकात् ॥2-4-4-३०॥

॥ saMdhyovAca ॥ adhunA kRttikAnAM ca vanaM tampoSya putrakam ॥ tannAma cakrustAH premNA kArttikazceti kautukAt ॥2-4-4-30॥

रात्रिरुवाच ॥ न चक्रुर्बालकं ताश्च लोचनानामगोचरम् ॥ प्राणेभ्योपि प्रीतिपात्रं यः पोष्टा तस्य पुत्रकः ॥ ३१ ॥

rAtriruvAca ॥ na cakrurbAlakaM tAzca locanAnAmagocaram ॥ prANebhyopi prItipAtraM yaH poSTA tasya putrakaH ॥ 31 ॥

दिनमुवाच ॥ यानि यानि च वस्त्राणि भूषणानि वराणि च ॥ प्रशंसितानि स्वादूनि भोजयामासुरेव तम् ॥ ३२ ॥

dinamuvAca ॥ yAni yAni ca vastrANi bhUSaNAni varANi ca ॥ prazaMsitAni svAdUni bhojayAmAsureva tam ॥ 32 ॥

ब्रह्मोवाच ॥ तेषां तद्वचनं श्रुत्वा संतुष्टः पुरसूदनः ॥ मुदं प्राप्य ददौ प्रीत्या विप्रेभ्यो बहुदक्षिणाम् ॥ ३३ ॥

brahmovAca ॥ teSAM tadvacanaM zrutvA saMtuSTaH purasUdanaH ॥ mudaM prApya dadau prItyA viprebhyo bahudakSiNAm ॥ 33 ॥

पुत्रस्य वार्त्तां संप्राप्य पार्वती हृष्टमानसा ॥ कोटिरत्नानि विप्रेभ्यो ददौ बहुधनानि च ॥ ३४ ॥

putrasya vArttAM saMprApya pArvatI hRSTamAnasA ॥ koTiratnAni viprebhyo dadau bahudhanAni ca ॥ 34 ॥

लक्ष्मी सरस्वती मेना सावित्री सर्वयोषितः ॥ विष्णुस्सर्वे च देवाश्च ब्राह्मणेभ्यो ददुर्धनम् ॥ ३५ ॥

lakSmI sarasvatI menA sAvitrI sarvayoSitaH ॥ viSNussarve ca devAzca brAhmaNebhyo dadurdhanam ॥ 35 ॥

प्रेरितस्स प्रभुर्देवैर्मुनिभिः पर्वतैरथ ॥ दूतान् प्रस्थापयामास स्वपुत्रो यत्र तान् गणान् ॥ ३६ ॥

preritassa prabhurdevairmunibhiH parvatairatha ॥ dUtAn prasthApayAmAsa svaputro yatra tAn gaNAn ॥ 36 ॥

वीरभद्रं विशालाक्षं शंकुकर्णं कराक्रमम् ॥ नन्दीश्वरं महाकालं वज्रदंष्ट्रं महोन्मदम् ॥ ३७ ॥

vIrabhadraM vizAlAkSaM zaMkukarNaM karAkramam ॥ nandIzvaraM mahAkAlaM vajradaMSTraM mahonmadam ॥ 37 ॥

गोकर्णास्यं दधिमुखं ज्वलदग्निशिखोपमम् ॥ लक्षं च क्षेत्रपालानां भूतानां च त्रिलक्षकम् ॥ ३८ ॥

gokarNAsyaM dadhimukhaM jvaladagnizikhopamam ॥ lakSaM ca kSetrapAlAnAM bhUtAnAM ca trilakSakam ॥ 38 ॥

रुद्रांश्च भैरवांश्चैव शिवतुल्यपराक्रमान् ॥ अन्यांश्च विकृताकारानसंख्यानपि नारद ॥ ३९ ॥

rudrAMzca bhairavAMzcaiva zivatulyaparAkramAn ॥ anyAMzca vikRtAkArAnasaMkhyAnapi nArada ॥ 39 ॥

ते सर्वे शिवदूताश्च नानाशस्त्रास्त्रपाणयः ॥ कृत्तिकानां च भवनं वेष्टयामासुरुद्धताः ॥ 2-4-4-४० ॥

te sarve zivadUtAzca nAnAzastrAstrapANayaH ॥ kRttikAnAM ca bhavanaM veSTayAmAsuruddhatAH ॥ 2-4-4-40 ॥

दृष्ट्वा तान् कृत्तिकास्सर्वा भयविह्नलमानसाः ॥ कार्त्तिकं कथयामासुर्ज्वलंतं ब्रह्मतेजसा ॥ ४१ ॥

dRSTvA tAn kRttikAssarvA bhayavihnalamAnasAH ॥ kArttikaM kathayAmAsurjvalaMtaM brahmatejasA ॥ 41 ॥

॥ कृत्तिका ऊचुः ॥ वत्स सैन्यान्यसंख्यानि वेष्टयामासुरालयम् ॥ किं कर्तव्यं क्व गंतव्यं महाभयमुपस्थितम् ॥ ४२ ॥

॥ kRttikA UcuH ॥ vatsa sainyAnyasaMkhyAni veSTayAmAsurAlayam ॥ kiM kartavyaM kva gaMtavyaM mahAbhayamupasthitam ॥ 42 ॥

कार्तिकेय उवाच ॥ भयं त्यजत कल्याण्यो भयं किं वा मयि स्थिते ॥ दुर्निवार्योऽस्मि बालश्च मातरः केन वार्यते ॥ ४३ ॥

kArtikeya uvAca ॥ bhayaM tyajata kalyANyo bhayaM kiM vA mayi sthite ॥ durnivAryo'smi bAlazca mAtaraH kena vAryate ॥ 43 ॥

॥ ब्रह्मोवाच ॥ एतस्मिन्नंतरे तत्र सैन्येन्द्रो नन्दिकेश्वरः ॥ पुरतः कार्तिकेयस्योपविष्टस्समुवाच ह ॥ ४४ ॥

॥ brahmovAca ॥ etasminnaMtare tatra sainyendro nandikezvaraH ॥ purataH kArtikeyasyopaviSTassamuvAca ha ॥ 44 ॥

नन्दीश्वर उवाच ॥ भ्रातः प्रवृत्तिं शृणु मे मातरश्च शुभावहाम् ॥ प्रेरितोऽहं महेशेन संहर्त्रा शंकरेण च ॥ ४५ ॥

nandIzvara uvAca ॥ bhrAtaH pravRttiM zRNu me mAtarazca zubhAvahAm ॥ prerito'haM mahezena saMhartrA zaMkareNa ca ॥ 45 ॥

कैलासे सर्वदेवाश्च ब्रह्मविष्णुशिवादयः ॥ सभायां संस्थितास्तात महत्युत्सवमंगले ॥ ४६ ॥

kailAse sarvadevAzca brahmaviSNuzivAdayaH ॥ sabhAyAM saMsthitAstAta mahatyutsavamaMgale ॥ 46 ॥

तदा शिवा सभायां वै शंकरं सर्व शंकरम् ॥ सम्बोध्य कथयामास तवान्वेषणहेतुकम् ॥ ४७ ॥

tadA zivA sabhAyAM vai zaMkaraM sarva zaMkaram ॥ sambodhya kathayAmAsa tavAnveSaNahetukam ॥ 47 ॥

पप्रच्छ ताञ्शिवो देवान् क्रमात्त्वत्प्राप्तिहेतवे ॥ प्रत्युत्तरं ददुस्ते तु प्रत्येकं च यथोचितम् ॥ ४८ ॥

papraccha tAJzivo devAn kramAttvatprAptihetave ॥ pratyuttaraM daduste tu pratyekaM ca yathocitam ॥ 48 ॥

त्वामत्र कृत्तिकास्थाने कथयामासुरीश्वरम् ॥ सर्वे धर्मादयो धर्माधर्मस्य कर्मसाक्षिणः ॥ ४९ ॥

tvAmatra kRttikAsthAne kathayAmAsurIzvaram ॥ sarve dharmAdayo dharmAdharmasya karmasAkSiNaH ॥ 49 ॥

प्रबभूव रहः क्रीडा पार्वतीशिवयोः पुरा ॥ दृष्टस्य च सुरैश्शंभोर्वीर्यं भूमौ पपात ह ॥ 2-4-4-५० ॥

prababhUva rahaH krIDA pArvatIzivayoH purA ॥ dRSTasya ca suraizzaMbhorvIryaM bhUmau papAta ha ॥ 2-4-4-50 ॥

भूमिस्तदक्षिपद्वह्नौ वह्निश्चाद्रौ स भूधरः ॥ गंगायां सोऽक्षिपद्वेगात् तरंगैश्शरकानने ॥ ५१ ॥

bhUmistadakSipadvahnau vahnizcAdrau sa bhUdharaH ॥ gaMgAyAM so'kSipadvegAt taraMgaizzarakAnane ॥ 51 ॥

तत्र बालोऽभवस्त्वं हि देवकार्यकृति प्रभुः ॥ तत्र लब्धः कृत्तिकाभिस्त्वं भूमिं गच्छ सांप्रतम् ॥ ५२ ॥

tatra bAlo'bhavastvaM hi devakAryakRti prabhuH ॥ tatra labdhaH kRttikAbhistvaM bhUmiM gaccha sAMpratam ॥ 52 ॥

तवाभिषेकं शंभुस्तु करिष्यति सुरैस्सह ॥ लप्स्यसे सर्वशस्त्राणि तारकाख्यं हनिष्यसि ॥ ५३ ॥

tavAbhiSekaM zaMbhustu kariSyati suraissaha ॥ lapsyase sarvazastrANi tArakAkhyaM haniSyasi ॥ 53 ॥

पुत्रस्त्वं विश्वसंहर्त्तुस्त्वां प्राप्तुञ्चाऽक्षमा इमाः ॥ नाग्निं गोप्तुं यथा शक्तश्शुष्कवृक्षस्स्व कोटरे ॥ ५४ ॥

putrastvaM vizvasaMharttustvAM prAptuJcA'kSamA imAH ॥ nAgniM goptuM yathA zaktazzuSkavRkSassva koTare ॥ 54 ॥

दीप्तवांस्त्वं च विश्वेषु नासां गेहेषु शोभसे ॥ यथा पतन्महाकूपे द्विजराजो न राजत ॥ ५५ ॥

dIptavAMstvaM ca vizveSu nAsAM geheSu zobhase ॥ yathA patanmahAkUpe dvijarAjo na rAjata ॥ 55 ॥

करोषि च यथाऽलोकं नाऽऽच्छन्नोऽस्मासु तेजसा ॥ यथा सूर्यः कलाछन्नो न भवेन्मानवस्य च ॥५६॥

karoSi ca yathA'lokaM nA''cchanno'smAsu tejasA ॥ yathA sUryaH kalAchanno na bhavenmAnavasya ca ॥56॥

विष्णुस्त्वं जगतां व्यापी नान्यो जातोसि शांभव ॥ यथा न केषां व्याप्यं च तत्सर्वं व्यापकं नभः ॥५७॥

viSNustvaM jagatAM vyApI nAnyo jAtosi zAMbhava ॥ yathA na keSAM vyApyaM ca tatsarvaM vyApakaM nabhaH ॥57॥

योगीन्द्रो नाऽनुलिप्तश्च भागी चेत्परिपोषणे ॥ नैव लिप्तो यथात्मा च कर्मयोगेषु जीविनाम् ॥ ५८ ॥

yogIndro nA'nuliptazca bhAgI cetparipoSaNe ॥ naiva lipto yathAtmA ca karmayogeSu jIvinAm ॥ 58 ॥

विश्वारंभस्त्वमीशश्च नासु ते संभवेत् स्थितिः ॥ गुणानां तेजसां राशिर्यथात्मानं च योगिनः ॥ ५९ ॥

vizvAraMbhastvamIzazca nAsu te saMbhavet sthitiH ॥ guNAnAM tejasAM rAziryathAtmAnaM ca yoginaH ॥ 59 ॥

भ्रातर्ये त्वां न जानंति ते नरा हतबुद्धयः ॥ नाद्रियन्ते यथा भेकास्त्वेकवासाश्च पंकजान् ॥ 2-4-4-६० ॥

bhrAtarye tvAM na jAnaMti te narA hatabuddhayaH ॥ nAdriyante yathA bhekAstvekavAsAzca paMkajAn ॥ 2-4-4-60 ॥

कार्त्तिकेय उवाच ॥ ॥ भ्रातस्सर्वं विजानासि ज्ञानं त्रैकालिकं च यत् ॥ ज्ञानी त्वं का प्रशंसा ते यतो मृत्युञ्जयाश्रितः ॥ ६१ ॥

kArttikeya uvAca ॥ ॥ bhrAtassarvaM vijAnAsi jJAnaM traikAlikaM ca yat ॥ jJAnI tvaM kA prazaMsA te yato mRtyuJjayAzritaH ॥ 61 ॥

कर्मणां जन्म येषां वा यासु यासु योनिषु ॥ तासु ते निर्वृतिं भ्रातः प्राप्नुवंतीह सांप्रतम् ॥ ६२ ॥

karmaNAM janma yeSAM vA yAsu yAsu yoniSu ॥ tAsu te nirvRtiM bhrAtaH prApnuvaMtIha sAMpratam ॥ 62 ॥

कृत्तिका ज्ञानवत्यश्च योगिन्यः प्रकृतेः कलाः ॥ स्तन्येनासां वर्द्धितोऽहमुपकारेण संततम् ॥ ६३ ॥

kRttikA jJAnavatyazca yoginyaH prakRteH kalAH ॥ stanyenAsAM varddhito'hamupakAreNa saMtatam ॥ 63 ॥

आसामहं पोष्यपुत्रो मदंशा योषितस्त्विमाः ॥ तस्याश्च प्रकृतेरंशास्ततस्तत्स्वामिवीर्यजः ॥ ६४ ॥

AsAmahaM poSyaputro madaMzA yoSitastvimAH ॥ tasyAzca prakRteraMzAstatastatsvAmivIryajaH ॥ 64 ॥

न मद्भंगो हे शैलेन्द्रकन्यया नन्दिकेश्वर ॥ सा च मे धर्मतो माता यथेमास्सर्वसंमताः ॥ ६५ ॥

na madbhaMgo he zailendrakanyayA nandikezvara ॥ sA ca me dharmato mAtA yathemAssarvasaMmatAH ॥ 65 ॥

शम्भुना प्रेषितस्त्वं च शंभोः पुत्रसमो महान् ॥ आगच्छामि त्वया सार्द्धं द्रक्ष्यामि देवताकुलम् ॥६६॥

zambhunA preSitastvaM ca zaMbhoH putrasamo mahAn ॥ AgacchAmi tvayA sArddhaM drakSyAmi devatAkulam ॥66॥

इत्येवमुक्त्वा तं शीघ्रं संबोध्य कृत्तिकागणम् ॥ कार्त्तिकेयः प्रतस्थे हि सार्द्धं शंकरपार्षदैः ॥ ६७ ॥

ityevamuktvA taM zIghraM saMbodhya kRttikAgaNam ॥ kArttikeyaH pratasthe hi sArddhaM zaMkarapArSadaiH ॥ 67 ॥