॥ ब्रह्मोवाच ॥ तस्मिन्नवसरे ज्ञात्वानुकूलं समयं रतिः ॥ सुप्रसन्ना च तम्प्राह शङ्करं दीनवत्सलम् ॥ १ ॥

॥ brahmovAca ॥ tasminnavasare jJAtvAnukUlaM samayaM ratiH ॥ suprasannA ca tamprAha zaGkaraM dInavatsalam ॥ 1 ॥

रतिरुवाच ॥ गृहीत्वा पार्वतीं प्राप्तं सौभाग्यमतिदुर्लभम् ॥ किमर्थं प्राणनाथो मे निस्स्वार्थं भस्मसात्कृतः ॥ २ ॥

ratiruvAca ॥ gRhItvA pArvatIM prAptaM saubhAgyamatidurlabham ॥ kimarthaM prANanAtho me nissvArthaM bhasmasAtkRtaH ॥ 2 ॥

जीवयात्रा पतिं मे हि कामव्या पारमात्मनि ॥ कुरु दूरं च सन्तापं समविश्लेषहेतुकम् ॥३॥

jIvayAtrA patiM me hi kAmavyA pAramAtmani ॥ kuru dUraM ca santApaM samavizleSahetukam ॥3॥

विवाहोत्सव एतस्मिन् सुखिनो निखिला जनाः ॥ अहमेका महेशान दुःखिनी स्वपतिम्विना ॥४॥

vivAhotsava etasmin sukhino nikhilA janAH ॥ ahamekA mahezAna duHkhinI svapatimvinA ॥4॥

सनाथां कुरु मान्देव प्रसन्नो भव शङ्कर ॥ स्वोक्तं सत्यम्विधेहि त्वं दीनबन्धो पर प्रभो ॥ ५ ॥

sanAthAM kuru mAndeva prasanno bhava zaGkara ॥ svoktaM satyamvidhehi tvaM dInabandho para prabho ॥ 5 ॥

त्वाम्विना कस्समर्थोत्र त्रैलोक्ये सचराचरे ॥ नाशने मम दुःखस्य ज्ञात्वेति करुणां कुरु ॥६॥

tvAmvinA kassamarthotra trailokye sacarAcare ॥ nAzane mama duHkhasya jJAtveti karuNAM kuru ॥6॥

सोत्सवे स्वविवाहेऽस्मिन्सर्वानन्द प्रदायिनी ॥ सोत्सवामपि मां नाथ कुरु दीनकृपाकर ॥ ७ ॥

sotsave svavivAhe'sminsarvAnanda pradAyinI ॥ sotsavAmapi mAM nAtha kuru dInakRpAkara ॥ 7 ॥

जीविते मम नाथे हि पार्वत्या प्रियया सह ॥ सुविहारः प्रपूर्णश्च भविष्यति न संशयः ॥ ८ ॥

jIvite mama nAthe hi pArvatyA priyayA saha ॥ suvihAraH prapUrNazca bhaviSyati na saMzayaH ॥ 8 ॥

सर्वं कर्तुं समर्थोसि यतस्त्वं परमेश्वरः ॥ किम्बहूक्त्यात्र सर्वेश जीवयाशु पतिं मम ॥ ९ ॥

sarvaM kartuM samarthosi yatastvaM paramezvaraH ॥ kimbahUktyAtra sarveza jIvayAzu patiM mama ॥ 9 ॥

॥ ब्रह्मोवाच ॥ तदित्युक्त्वा कामभस्म ददौ सग्रन्धिबन्धनम् ॥ रुरोद पुरतश्शम्भोर्नाथ नाथेत्युदीर्य्य च ॥ 2-3-51-१० ॥

॥ brahmovAca ॥ tadityuktvA kAmabhasma dadau sagrandhibandhanam ॥ ruroda puratazzambhornAtha nAthetyudIryya ca ॥ 2-3-51-10 ॥

रतिरोदनमाकर्ण्य सरस्वत्यादयः स्त्रियः ॥ रुरुदुस्सकला देव्यः प्रोचुर्दीनतरं वचः ॥११॥

ratirodanamAkarNya sarasvatyAdayaH striyaH ॥ rurudussakalA devyaH procurdInataraM vacaH ॥11॥

॥ देव्य ऊचुः ॥ भक्तवत्सलनामा त्वं दीनबन्धुर्दयानिधिः ॥ काम जीवय सोत्साहां रति कुरु नमोऽस्तु ते ॥१२॥

॥ devya UcuH ॥ bhaktavatsalanAmA tvaM dInabandhurdayAnidhiH ॥ kAma jIvaya sotsAhAM rati kuru namo'stu te ॥12॥

ब्रह्मोवाच ॥ इति तद्वचनं श्रुत्वा प्रसन्नोऽभून्महेश्वरः॥ कृपादृष्टिं चकाराशु करुणासागरः प्रभुः ॥ १३ ॥

brahmovAca ॥ iti tadvacanaM zrutvA prasanno'bhUnmahezvaraH॥ kRpAdRSTiM cakArAzu karuNAsAgaraH prabhuH ॥ 13 ॥

सुधादृष्ट्या शूलभृतो भस्मतो निर्गतः स्मरः ॥ तद्रूपवेषचिह्नात्मा सुन्दरोद्भुतमूर्तिमान् ॥१४॥

sudhAdRSTyA zUlabhRto bhasmato nirgataH smaraH ॥ tadrUpaveSacihnAtmA sundarodbhutamUrtimAn ॥14॥

तद्रूपश्च तदाकारसंस्मितं सधनुश्शरम् ॥ दृष्ट्वा पतिं रतिस्तं च प्रणनाम महेश्वरम् ॥१५॥

tadrUpazca tadAkArasaMsmitaM sadhanuzzaram ॥ dRSTvA patiM ratistaM ca praNanAma mahezvaram ॥15॥

कृतार्थाभूच्छिवं देवं तुष्टाव च कृताञ्जलिः ॥ प्राणनाथप्रदं पत्या जीवितेन पुनःपुनः ॥१६॥

kRtArthAbhUcchivaM devaM tuSTAva ca kRtAJjaliH ॥ prANanAthapradaM patyA jIvitena punaHpunaH ॥16॥

कामस्य स्तुतिमाकर्ण्य सनारीकस्य शङ्करः ॥ प्रसन्नोऽभवदत्यंतमुवाच करुणार्द्रधीः ॥ १७ ॥

kAmasya stutimAkarNya sanArIkasya zaGkaraH ॥ prasanno'bhavadatyaMtamuvAca karuNArdradhIH ॥ 17 ॥

शङ्कर उवाच ॥ प्रसन्नोहं तव स्तुत्या सनारीकस्य चित्तज ॥ स्वयंभव वरम्बूहि वाञ्छितं तद्ददामि ते ॥ १८ ॥

zaGkara uvAca ॥ prasannohaM tava stutyA sanArIkasya cittaja ॥ svayaMbhava varambUhi vAJchitaM taddadAmi te ॥ 18 ॥

ब्रह्मोवाच ॥ इति शम्भुवचः श्रुत्वा महानदन्स्स्मरस्ततः ॥ उवाच साञ्जलिर्नम्रो गद्गदाक्षरया गिरा ॥ १९ ॥

brahmovAca ॥ iti zambhuvacaH zrutvA mahAnadanssmarastataH ॥ uvAca sAJjalirnamro gadgadAkSarayA girA ॥ 19 ॥

॥ काम उवाच ॥ देवदेव महादेव करुणासागर प्रभो ॥ यदि प्रसन्नस्सर्वेशः ममानन्दकरो भव ॥ 2-3-51-२० ॥

॥ kAma uvAca ॥ devadeva mahAdeva karuNAsAgara prabho ॥ yadi prasannassarvezaH mamAnandakaro bhava ॥ 2-3-51-20 ॥

क्षमस्व मेऽपराधं हि यत्कृतश्च पुरा प्रभो ॥ स्वजनेषु पराम्प्रीतिं भक्तिन्देहि स्वपादयोः ॥ २१ ॥

kSamasva me'parAdhaM hi yatkRtazca purA prabho ॥ svajaneSu parAmprItiM bhaktindehi svapAdayoH ॥ 21 ॥

ब्रह्मोवाच ॥ इत्याकर्ण्य स्मरवचः प्रसन्नः परमेश्वरः ॐ मित्युक्त्वाऽब्रवीत्तं वै विहसन्करुणानिधिः ॥ २२ ॥

brahmovAca ॥ ityAkarNya smaravacaH prasannaH paramezvaraH OM mityuktvA'bravIttaM vai vihasankaruNAnidhiH ॥ 22 ॥

॥ ईश्वर उवाच ॥ हे कामाहं प्रसन्नोऽस्मि भयन्त्यज महामते ॥ गच्छ विष्णुसमीपञ्च बहिस्थाने स्थितो भव ॥ २३ ॥

॥ Izvara uvAca ॥ he kAmAhaM prasanno'smi bhayantyaja mahAmate ॥ gaccha viSNusamIpaJca bahisthAne sthito bhava ॥ 23 ॥

॥ ब्रह्मोवाच ॥ ॥ तच्छ्रुत्वा शिरसा नत्वा परिक्रम्य स्तुवन्विभुम् ॥ बहिर्गत्वा हरिन्देवान्प्रणम्य समुपास्त सः ॥ २४ ॥

॥ brahmovAca ॥ ॥ tacchrutvA zirasA natvA parikramya stuvanvibhum ॥ bahirgatvA harindevAnpraNamya samupAsta saH ॥ 24 ॥

कामं सम्भाष्य देवाश्च ददुस्तस्मै शुभाशिषम् ॥ विष्ण्वादयः प्रसन्नास्ते प्रोचुः स्मृत्वा शिवं हृदि ॥ २५ ॥

kAmaM sambhASya devAzca dadustasmai zubhAziSam ॥ viSNvAdayaH prasannAste procuH smRtvA zivaM hRdi ॥ 25 ॥

॥ देवा ऊचुः ॥ धन्यस्त्वं स्मर सन्दग्धः शिवेनानुग्रहीकृतः ॥ जीवयामास सत्त्वांशकृपादृष्ट्या खिलेश्वरः ॥ २६ ॥

॥ devA UcuH ॥ dhanyastvaM smara sandagdhaH zivenAnugrahIkRtaH ॥ jIvayAmAsa sattvAMzakRpAdRSTyA khilezvaraH ॥ 26 ॥

सुखदुःखदो न चान्योऽस्ति यतस्स्वकृतभृक् पुमान् ॥ काले रक्षा विवाहश्च निषेकः केन वार्यते ॥ २७ ॥

sukhaduHkhado na cAnyo'sti yatassvakRtabhRk pumAn ॥ kAle rakSA vivAhazca niSekaH kena vAryate ॥ 27 ॥

॥ ब्रह्मोवाच ॥ इत्युक्त्वा ते च सम्मान्य तं सुखेनामरास्तदा ॥ सन्तस्थुस्तत्र विष्ण्वाद्यास्सर्वे लब्धमनोरथाः ॥ २८ ॥

॥ brahmovAca ॥ ityuktvA te ca sammAnya taM sukhenAmarAstadA ॥ santasthustatra viSNvAdyAssarve labdhamanorathAH ॥ 28 ॥

सोपि प्रमुदितस्तत्र समुवास शिवाज्ञया ॥ जयशब्दो नमश्शब्दस्साधुशब्दो बभूव ह ॥२९॥

sopi pramuditastatra samuvAsa zivAjJayA ॥ jayazabdo namazzabdassAdhuzabdo babhUva ha ॥29॥

ततश्शम्भुर्वासगेहे वामे संस्थाप्य पार्वतीम् ॥ मिष्टान्नं भोजयामास तं च सा च मुदान्विता ॥ 2-3-51-३० ॥

tatazzambhurvAsagehe vAme saMsthApya pArvatIm ॥ miSTAnnaM bhojayAmAsa taM ca sA ca mudAnvitA ॥ 2-3-51-30 ॥

अथ शम्भुर्भवाचारी तत्र कृत्यम्विधाय तत् ॥ मेनामामंत्र्य शैलं च जनवासं जगाम सः ॥३१॥

atha zambhurbhavAcArI tatra kRtyamvidhAya tat ॥ menAmAmaMtrya zailaM ca janavAsaM jagAma saH ॥31॥

महोत्सवस्तदा चासीद्वेदध्वनिरभून्मुने ॥ वाद्यानि वादयामासुर्जनाश्चतुर्विधानि च ॥ ३२ ॥

mahotsavastadA cAsIdvedadhvanirabhUnmune ॥ vAdyAni vAdayAmAsurjanAzcaturvidhAni ca ॥ 32 ॥

शम्भुरागत्य स्वस्थानं ववन्दे च मुनींस्तदा ॥ हरिं च मां भवाचाराद्वन्दितोऽभूत्सुरादिभिः ॥ ३३ ॥

zambhurAgatya svasthAnaM vavande ca munIMstadA ॥ hariM ca mAM bhavAcArAdvandito'bhUtsurAdibhiH ॥ 33 ॥

जयशब्दो बभूवाथ नम श्शब्दस्तथैव च ॥ वेदध्वनिश्च शुभदः सर्वविघ्नविदारणः ॥ ३४ ॥

jayazabdo babhUvAtha nama zzabdastathaiva ca ॥ vedadhvanizca zubhadaH sarvavighnavidAraNaH ॥ 34 ॥

अथ विष्णुरहं शक्रस्सर्वे देवाश्च सर्षयः ॥ सिद्धा उपसुरा नागास्तुष्टुवुस्ते पृथक्पृथक् ॥ ३५ ॥

atha viSNurahaM zakrassarve devAzca sarSayaH ॥ siddhA upasurA nAgAstuSTuvuste pRthakpRthak ॥ 35 ॥

देवा ऊचुः ॥ जय शम्भोऽखिलाधार जय नाम महेश्वर ॥ जय रुद्र महादेव जय विश्व म्भर प्रभो ॥ ३६ ॥

devA UcuH ॥ jaya zambho'khilAdhAra jaya nAma mahezvara ॥ jaya rudra mahAdeva jaya vizva mbhara prabho ॥ 36 ॥

जय कालीपते स्वामिञ्जयानन्दप्रवर्धक ॥ जय त्र्यम्बक सर्वेश जय मायापते विभो ॥ ३७ ॥

jaya kAlIpate svAmiJjayAnandapravardhaka ॥ jaya tryambaka sarveza jaya mAyApate vibho ॥ 37 ॥

जय निर्गुण निष्काम कारणातीत सर्वग ॥ जय लीलाखिलाधार धृतरूप नमोऽस्तु ते॥३८॥

jaya nirguNa niSkAma kAraNAtIta sarvaga ॥ jaya lIlAkhilAdhAra dhRtarUpa namo'stu te॥38॥

जय स्वभक्तसत्कामप्रदेश करुणाकर॥ जय सानन्दसद्रूप जय मायागुणाकृते ॥३९॥

jaya svabhaktasatkAmapradeza karuNAkara॥ jaya sAnandasadrUpa jaya mAyAguNAkRte ॥39॥

जयोग्र मृड सर्वात्मन् दीनबन्धो दयानिधे ॥ जयाविकार मायेश वाङ्मनोतीतविग्रह ॥2-3-51-४०॥

jayogra mRDa sarvAtman dInabandho dayAnidhe ॥ jayAvikAra mAyeza vAGmanotItavigraha ॥2-3-51-40॥

ब्रह्मोवाच ॥ इति स्तुत्वा महेशानं गिरिजानायकम्प्रभुम् ॥ सिषेविरे परप्रीत्या विष्ण्वाद्यास्ते यथोचितम् ॥ ४१ ॥

brahmovAca ॥ iti stutvA mahezAnaM girijAnAyakamprabhum ॥ siSevire paraprItyA viSNvAdyAste yathocitam ॥ 41 ॥

अथ शम्भुर्महेशानो लीलात्ततनुरीश्वरः ॥ ददौ मानवरन्तेषां सर्वेषान्तत्र नारद॥४२॥

atha zambhurmahezAno lIlAttatanurIzvaraH ॥ dadau mAnavaranteSAM sarveSAntatra nArada॥42॥

विष्ण्वाद्यास्तेऽखिलास्तात प्राप्याज्ञाम्परमेशितुः॥ अतिहृष्टाः प्रसन्नास्याः स्वस्थानञ्जग्मुरादृताः ॥ ४३ ॥

viSNvAdyAste'khilAstAta prApyAjJAmparamezituH॥ atihRSTAH prasannAsyAH svasthAnaJjagmurAdRtAH ॥ 43 ॥